MORIS NUʼUDAR EMA KRISTAUN
Haree Ita-nia an hanesan Jeová haree Ita
“Jeová kontente ho ninia povu.” (Sal 149:4) Maski ita la perfeitu, Jeová haree ita-nia hahalok diʼak no buat neʼebé ita bele halo iha futuru. Maibé dala ruma susar ba ita atu iha hanoin pozitivu kona-ba ita-nia an. Karik ita sente la iha folin tanba dalan neʼebé ema seluk trata ita. Ka, se ita fokus ba sala neʼebé uluk ita halo, karik neʼe halo ita duvida se Jeová hadomi duni ita ka lae. Saida mak bele ajuda ita kuandu ita iha sentimentu hanesan neʼe?
Hanoin-hetan, Jeová haree buat neʼebé ema labele haree. (1Sa 16:7) Neʼe katak nia bele haree buat neʼebé ita rasik labele haree iha ita-nia an. Ita agradese tanba Bíblia ajuda ita atu komprende oinsá mak Jeová haree ita. Ita bele buka-hatene ida-neʼe hodi lee Bíblia no istória kona-ba oinsá Jeová hatudu domin ba ninia atan sira.
HAREE VÍDEO HAMETIN ITA-NIA LARAN KATAK JEOVÁ SIMU ITA, DEPOIS HATÁN BA PERGUNTA TUIRMAI:
Ai-knanoik kona-ba joven neʼebé halai-taru no ninia aman hanorin saida kona-ba Jeová nia haree ba ita?
Se ema ida neʼebé halo sala sériu ikusmai halo buat neʼebé presiza atu hadiʼa ninia relasaun ho Jeová, oinsá mak nia bele fiar katak Jeová simu nia?—1Jo 3:19, 20
Oinsá mak irmaun neʼe hetan benefísiu hodi lee no medita istória kona-ba David no Jeosafát?