Hetan benefísiu husi referénsia marjinál

Referénsia marjinál husi Bíblia Tradusaun Mundu Foun hatudu sai ligasaun entre eskritura ida ho eskritura seluk atu ajuda ita hetan informasaun liután. Ita bele hetan referénsia marjinál husi letra kiʼik neʼebé besik liafuan. Se ita uza Bíblia neʼebé print, haree ba letra neʼebé hanesan iha koluna klaran atu hetan eskritura neʼebé liga malu. Iha jw.org ka aplikasaun JW Library^®, hanehan iha letra kiʼik atu haree referénsia ba eskritura sira.

Referénsia marjinál bele lori ita ba eskritura sira hanesan tuirmai:

Akontesimentu neʼebé hanesan: Referénsia hatudu eskritura seluk neʼebé temi kona-ba akontesimentu neʼebé hanesan. Porezemplu, haree 2 Samuel 24:1 no 1 Krónikas 21:1.

Temi fali eskritura seluk: Referénsia neʼe ajuda ita atu hatene liafuan sira foti husi eskritura ida-neʼebé. Porezemplu, haree Mateus 4:4 no Deuteronómio 8:3.

Profesia neʼebé sai loos: Referénsia fó sai ligasaun entre profesia no oinsá profesia sai loos. Porezemplu, haree Mateus 21:5 no Zacarias 9:9.