Maromak hanoin tebes ema neʼebé defisiente tilun
Ohin loron iha mundu tomak, maizumenus ema naʼin-70.000.000 mak defisiente tilun no sira uza língua jestuál 200 liu. Triste katak dala barak ema trata ema defisiente tilun iha dalan neʼebé la diʼak, hanesan komentáriu balu tuirmai neʼe:
“Iha mundu tomak, ema ladún hanoin kona-ba ema defisiente tilun nia direitu.”—National Association of the Deaf (U.S.).
“Ema defisiente tilun neʼebé hela iha nasaun kiak mak tama kategoria iha situasaun moris neʼebé susar liu iha mundu tomak, tanba difisil ba sira atu hetan edukasaun, serbisu no informasaun neʼebé sira presiza.”—World Federation of the Deaf.
Maromak sente oinsá kona-ba ema neʼebé defisiente tilun? Saida mak Bíblia dehan kona-ba sira? No oinsá mak Testemuña ba Jeová ajuda sira ohin loron?
Maromak nia haree ba ema neʼebé defisiente tilun
Bíblia fó sai katak Maromak Jeováa hanoin tebes ema neʼebé defisiente tilun. Nia hakarak ema trata sira iha dalan neʼebé diʼak no sira mós bele hetan benefísiu husi edukasaun neʼebé mai husi Maromak.
Eskritura: “Imi labele fó-malisan ba ema tilun-diuk.”—Levítico 19:14.
Neʼe katak sá: Jeová nia Ukun-Fuan ba nasaun Izraél antigu proteje ema defisiente tilun nia direitu.
Eskritura: “Maromak la todan ba sorin.”—Apóstolu 10:34.
Neʼe katak sá: Jeová hanoin ema hotu, la haree ba kultura, situasaun moris, no língua neʼebé sira koʼalia, nia mós hanoin tebes ema neʼebé defisiente tilun.
Eskritura: “Jesus laʼo ba sidade no knua hotu . . . atu haklaken liafuan diʼak kona-ba Maromak nia Ukun.”—Mateus 9:35.
Neʼe katak sá: Jesus mai mundu atu hanorin ema kona-ba Maromak nia Ukun no buat neʼebé Ukun neʼe sei halo ba ema hotu, inklui ba sira neʼebé defisiente tilun.—Mateus 6:10.
Eskritura: Jesus “halo ema tilun-diuk rona no ema monok koʼalia”.—Marcos 7:37.
Neʼe katak sá: Hodi halo ema defisiente tilun bele rona no koʼalia, Jesus hatudu katak iha futuru Maromak nia Ukun sei halakon duni problema defisiente tilun. Iha situasaun neʼe, Jesus hatudu laran-diʼak hodi hatudu sinál balu atu komunika ho ema ida neʼebé defisiente tilun antes kura nia.—Marcos 7:31-35.
Eskritura: “Ema tilun-diuk sei rona fali.”—Isaias 35:5.
Neʼe katak sá: Jeová fó sai nanis katak ema neʼebé defisiente tilun sei rona fali.—Isaias 29:18.
Oinsá Testemuña ba Jeová ajuda ema neʼebé defisiente tilun ohin loron
Testemuña ba Jeová fahe Maromak nia mensajen neʼebé fó esperansa ba ema defisiente tilun iha mundu tomak. Saida deʼit mak ami halo atu kumpre serbisu neʼe? Ami prodús Bíblia no vídeo atu estuda Bíblia iha língua jestuál hamutuk 100 liu. Ami mós oferese kursu Bíblia no reuniaun Kristaun ho língua jestuál. Buat hotu neʼe mak gratuitu ba ema neʼebé hakarak simu Maromak nia ajuda. Tanbasá? Tanba Jesus dehan: “Imi simu hodi la selu, tan neʼe fó mós hodi la hein atu ema selu imi.”—Mateus 10:8.
Ita bele asesu informasaun sira-neʼe online, ka Ita mós bele download iha Ita-nia sasán eletróniku liuhusi dalan sira tuirmai:
JW.ORG. Klik iha ami-nia website neʼe nia pájina leten atu hili língua jestuál neʼebé Ita hakarak.
Aplikasaun JW Library Sign Language. Install aplikasaun gratuitu neʼe iha Ita-nia sasán eletróniku no Ita bele download ka stream vídeo oioin iha língua jestuál.
Saida deʼit mak ami prepara ba ema neʼebé hakarak edukasaun husi Bíblia?
Bíblia iha língua jestuál. Bíblia Sagrada Tradusaun Mundu Foun língua jestuál Amerikana mak Bíblia kompletu primeiru iha mundu tomak iha língua jestuál. Ohin loron ita bele hetan Bíblia Tradusaun Mundu Foun neʼebé kompletu ka parte balu iha língua jestuál barak, no tinan-tinan ami tradús Bíblia ba língua jestuál barak liután. (Atu haree lista kona-ba língua ka Bíblia online iha língua jestuál, haree kaixa “Bíblia Tradusaun Mundu Foun iha língua jestuál”.)
Haree vídeo Fó sai Bíblia Tradusaun Mundu Foun iha língua liman Amérika nian atu haree ami-nia serbisu hodi halo Bíblia iha língua jestuál.
Atu lee Bíblia iha língua jestuál ho diʼak liután, bele install aplikasaun JW Library Sign Language. Ho aplikasaun neʼe, Ita bele loke kedas eskritura neʼebé Ita hakarak.
Dmytro no Vita mak inan-aman neʼebé defisiente tilun, no sira-nia oan sira mak bele rona. Haree oinsá sira-nia família hetan benefísiu tanba lee Bíblia loroloron iha língua jestuál.
Vídeo sira neʼebé hanorin kona-ba Bíblia. Testemuña ba Jeová halo ona vídeo barak ho língua jestuál neʼebé ajuda ema komprende no aplika Bíblia nia matadalan sira kona-ba . . .
Kursu Bíblia interativu. Aprende Bíblia nia mensajen iha língua jestuál ho ami iha tempu neʼebé tuir Ita-nia hakarak. Husu Testemuña ida atu vizita Ita hodi hatudu oinsá mak halaʼo kursu Bíblia gratuitu neʼe.
Jeson Senajonon hela iha rai-Filipinas. Haree toʼok oinsá kursu Bíblia neʼe ajuda nia atu sai belun diʼak ho Maromak.
Mario Antúnez mak uluk pastór ida iha rai-Onduras. Atu buka-hatene oinsá mak nia hetan resposta husi Bíblia kona-ba ninia pergunta sira, bele lee ninia esperiénsia “Haʼu iha pergunta barak tebes neʼebé la hetan resposta.”
Reuniaun no reuniaun boot. Testemuña ba Jeová iha kongregasaun no grupu neʼebé koʼalia língua jestuál iha mundu tomak, no semana-semana ema neʼebé defisiente tilun halibur hamutuk atu aprende Bíblia no halo adorasaun ba Maromak. Iha mós reuniaun boot ho língua jestuál neʼebé halaʼo tinan-tinan atu aprende Bíblia. Iha reuniaun sira no reuniaun boot, ami mós tradús informasaun ba ema neʼebé defisiente tilun no defisiente matan. Testemuña ba Jeová mós halo publikasaun ho letra braile no oferese ba ema ho gratuitu.
Buka reuniaun-fatin neʼebé besik Ita-nia área.
Buka-hatene kona-ba reuniaun boot no asembleia husi Testemuña ba Jeová.
Asiste reuniaun atu komemora Jesus nia mate, neʼe mak reuniaun importante liu neʼebé halaʼo tinan-tinan.
José Luis Ayala hela iha rai-Méxiku. Nia moris mai defisiente tilun ona, no tuirmai ninia matan mós labele haree tan. Buka-hatene oinsá nia hetan ajuda hodi sai mestre Bíblia neʼebé diʼak.
a Jeová mak Maromak nia naran. (Salmo 83:18) Haree informasaun “Sé mak Jeová?”