Se haʼu estuda Bíblia ho Testemuña ba Jeová, neʼe katak haʼu tenke sai Testemuña ba Jeová ka lae?

Lae, ami nunka obriga ema. Ema rihun ba rihun estuda Bíblia ho ami maski la sai Testemuña ba Jeová.a Ami-nia objetivu mak atu hatudu Bíblia nia hanorin ba Ita. Depois, Ita rasik mak deside atu halo saida. Ami hatene katak ema ida-idak mak tenke deside rasik kona-ba sira-nia fiar.​—Josué 24:15.

Haʼu bele uza haʼu-nia Bíblia rasik bainhira estuda ho Testemuña ba Jeová ka lae?

Sin. Maski ami gosta uza Bíblia Sagrada Tradusaun Mundu Foun neʼebé uza liafuan modernu no prontu atu fó ida-neʼe ba Ita, maibé ami mós kontente se Ita hakarak uza Ita-nia Bíblia rasik. Tuir loloos, Ita bele aprende nafatin Bíblia nia mensajen neʼebé lori esperansa no salvasaun maski uza tradusaun Bíblia naran deʼit.

Tanbasá imi estuda Bíblia ho ema neʼebé lakohi sai Testemuña?

• Razaun boot liu mak tanba ami hadomi Maromak Jeová, no nia hakarak ema Kristaun atu ajuda ema seluk aprende kona-ba nia. (Mateus 22:37, 38; 28:19, 20) Ami hafolin priviléjiu atu sai “Maromak nia maluk serbisu-naʼin” hodi ajuda ema seluk aprende ninia Liafuan.​—1 Korinto 3:6-9.

• Domin ba ema mak book ami atu estuda ho sira. (Mateus 22:39) Ami kontente atu fahe hanorin furak neʼebé ami aprende ona.​—Apóstolu 20:35.