7B “Pneuma”—iis, anin; kbiit atu moris; ema nia hanoin no sentimentu; kriatura espíritu nian; espíritu santu

Gregu, πνεῦμα (pneuma); ebraiku, רוּחַ (ruah) Sala atu tradús “pneuma” nuʼudar “klamar”

Iha lia-gregu, liafuan pneuma mosu maizumenus dala 300 liu, no dala primeiru mosu iha Mateus 1:18, neʼebé koʼalia kona-ba “espíritu santu”. Liafuan pneuma iha arti katak “iis”, maibé tuir loloos iha arti seluk tan. Maski nuneʼe, liafuan pneuma sempre iha arti kona-ba forsa neʼebé ema nia matan la haree, maibé forsa neʼe lori rezultadu neʼebé ema nia matan bele haree.

Iha Eskritura Lia-Ebraiku, liafuan ruah mosu maizumenus dala 300 liu, no dala primeiru mosu iha Gênesis 6:3. Liafuan neʼe iha arti hanesan ho lia-gregu pneuma.

Ami tau tiha lista iha kraik ho subtítulu oioin, hodi hatene iha neʼebé mak liafuan pneuma mosu iha Bíblia orijinál.

Iha Bíblia Tradusaun Mundu Foun iha lia-tetun, ami tradús liafuan gregu pneuma nuʼudar “espíritu”. Maibé, iha situasaun balu ami uza liafuan seluk tanba hakarak tuir arti neʼebé loos.

Espíritu santu, ka Maromak nia forsa