Lesogne Boake amy ty Raha Niaigna i Samoela

Naseho i Samoela fa tsy nivalike tamy i Jehovah reke. Mbe nikede reke le fa tsy nanao raha raty manahake ty ana-dahy i Ely atao tihoe Hofinia naho i Finehasa. (1Sa 2:22-26) Naho fa nihabey ty Samoela le tama’e eo avao ty Jehovah. (1Sa 3:19) Naho fa antetse reke, le mbe tsy nivalike tamy i Jehovah ndra tie tsy hoe izay aza i ana-dahi’e rey.​—1Sa 8:1-5.

Ino ty azontikagne ianaragne boake amy i Samoela? Naho tanora rehe, le matokia fa fanta i Jehovah soa ty raha tsapa’o naho ty olagne atrehe’o. Hagnampe azo reke sady hampahery azo. (Is 41:10, 13) Ry rae aman-drene, ndra tie tsy manompo i Jehovah aza ty ana’areo tie amy izao, le saintsaigno fa hampahery anareo ty mahafantatse tie tsy namorese i ana-dahi’e rey hankatò i Jehovah ty Samoela. I Jehovah ty nengà i Samoela handamigne i olagney. Nikezake avao ka reke mba tsy hivalike amy i Rae’e an-dagnitse agney sady nanao raha mampifale aze. Tsiarovo fa hagnampe i ana’areoy hiheregne amy i Jehovah ty ohatse soa enga’areo.

ALEFASO TY VIDEO TIHOE TAHAFO TY FINOA IAREO: SAMOELA, LE VALEO RETOA:

• 

  Akore ty nampisehoa i Samoela fa nanagne herim-po reke ndra tie mbe niajaja?

• 

  Akore ty nampisehoa i Danny herim-po?

• 

  Ino ty mampiseho fa ohatse soa ty Samoela ndra tie fa bey?

• 

  Akore ty ahafantaragne tie ohatse soa ty rae aman-drene i Danny?