Raha Azo Ianaragne

Mikaroha Vatosoa Ara-pagnahy Miomba i Jehovah

Naho fa mamaky Baiboly tika, le afake mampiasa fitaovagne fikarohagne sambe karaza’e mba hahatakarantika ze raha vakientika. Tsy ty hampitombo ty fahaintika o Baibolio avao ro mahavy antika te hikaroke. Manao izay tika, satria te hahatrea vatosoa ara-pagnahy miomba i Jehovah mba hampitomboagne ty hateantikagne aze. Eretsereto zao naho fa manao izay rehe: ‘Ino ty azoko ianaragne miomba i Jehovah boake amy ty raha vakieko toy?’

Azo’o atao zao ohatse ty mikaroke tie akore ty fomba nanehoa i Jehovah ty hatea’e, ty fahendrea’e, ty fanoa’e ty rare’e naho ty heri’e. Faie tsy ireo avao ty toetse anagna i Jehovah, fa misy toetse’e soa maro ka azo’o ianaragne miomba aze. Aia rehe ty hahatrea fagnazavagne maro miomba ty toetse’e?

Henteo ty lisita ty toetse mihoatse ty 50 trea amy Fanondroana Bokin’ny Vavolombelon’i Jehovah ao. Ambane ty lohan-drehake tihoe “Jehovah”, le misy lohan-drehake kedekede manao tihoe “Lisitry ny Toetrany.” Karoho ao ka ty raike amy i toetse mifagnarake amy i raha vakie’o amy Baiboly aoy. (Naho ohatse Fitaovana Fikarohana ho An’ny Vavolombelon’i Jehovah avao ty azo’o ampiasaegne, le henteo ambane ty lohan-drehake tihoe “Jehovah Andriamanitra” fa misy lohan-drehake kedekede manao tihoe “Toetran’i Jehovah.”)