Mikaroha Vatosoa Ara-pagnahy Azo’o Ampiharegne

Naho fa mamaky Baiboly tikagne, le afake mahatrea vatosoa ara-pagnahy naho fa mikaroke ze raha vakientika. Faie akore ty hahavy antika handrambe soa maro?

Dineho soa ty pitsopitso i fitantaragne vakie’oy. Fantaro ohatse tie ia ty nanoratse i tantaray, ia ty rehafe’e sady ombia ty nanorata’e aze. Ino ty raha nisy tantaraegne ao sady ino ka ty raha niseho taloha izay vaho ty raha niseho tafara izay?

Dineho ty lesogne azo’o ianaragne boake amy izay, le valeo ty fagnonteneagne retoa: ‘Ino ty raha tsapa ty ndaty voarehake ao? Ino ty toetse nanagna iareo? Nagnino raho ro toko’e hitsikombe o toetse io ndra tsy toko’e hanahake io?’

Ampiharo ze lesogne nianara’o, ohatse zao naho fa manompo rehe ndra naho fa mifandrambe amy ty ndaty hafa. Naho manao izay rehe, le trea fa managne ty hilalan’Agnahare arake ty rehafe ty Baiboly tie: “Handineke izay ty ndaty mahilala.”​—Sal. 107:43.

• Soso-kevetse: Dineho ty fomba hampihara’o ty raha nianaragne tamy ty Harena amy ty Saontsin’Andrianagnahare tamy ty fivoriagne andavanandro. Mateteke misy fagnonteneagne azontikagne dinehegne naho hevetse azontikagne saintsaignegne vaho sare o anjara iohoe.