Zarao ze Raha Nianara’o

Mahatsiaro velombelogne tika naho fa mianatse. Faie vao mainke hitombo zay naho fa zaraentika amy ty hafa ty vatosoa ara-pagnahy mampahery nitreantikagne. Hoe ty Ohabolana 11:25: “Ze magnomey rano, le homeagne rano ka.”

Naho fa zaraentika amy ty hafa ty raha nianarantika, le ho mora amantika ty hitadidy aze sady vao mainke hitombo ty fahatakarantikagne aze. Ho fale tika naho fa mizara ze vatosoa ara-pagnahy zay amy iareo satria hahasoa iareo zay.​—Asa. 20:35.

Oharo zao: Amo o heregnandro magnarakeo, le mipaliava fomba hizaragne amy ty hafa ty raha nianara’o. Va’e ho afake hizara izay amy ty raike amy ty keleia’o, amy ty ndaty amo o fiangonagneo, amy ty mpiara-miasa, ty mpiara-mianatse, ty mpiharo tanàgne ndra ty ndaty mifankatrea ama’o amy i faritaney ey rehe. Anò amy ty fomba tsotra sady mazava ty fagnazava’o.

Tadidio zao: Ty hampahery ty hafa ty toko’e hahavy azo hizara ty raha nianara’o, fa tsy ty hisarike ty say iareo ama’o.​—1 Kor. 8:1.