LESOGNE 10

Ovaovao ty Feo’o

Ohabolana 8:4, 7

TY DIKA IZAY: Ovaovao ty hamafe ty feo’o naho ty falaky ty reha’o, mba hazava soa ty hevetse rehafe’o sady hanohigne ty fo.

Ovaovao ty hamafe ty feo’o. Ampitombò ty hamafe ty feo’o naho fa hagnasongadigne ze hevetse lahibey, ndra handrisike i ndatỳ hampihatse ty raha rehafe’o, ndra naho fa hamaky lilim-pitsaragne amy Baiboly ao. Aketraho i feo’oy naho fa hirehake raha mahaliagne ndra mampatahotse ndra mampinekoneko.

Ko le mirehake mafe mateteke loatse, fa manjare mieretseretse i ndatỳ tie magnendake aze rehe. Ko atao mafe loatse ka ty feo’o, fa manjare mifantoke ama’o i ndatỳ, fa tsy amy ty raha rehafe’o.
Ovaovao ty falaki’e. Mirehafa malakilaky naho fa hirehake raha mahafalefale. Faie mirehafa miadakadagne naho fa hirehake hevetse tena lahibey.

Ko ovagne tampoke ty feo’o tsy hahataitse i ndatỳ. Ko mirehake malaky loatse fa manjare tsy ho azo i ndatỳ ty raha rehafe’o.