ንበዓል ዝኽሪ ዝኸውን መዘኻኸሪታት

 ናይዚ ዓመት በዓል ዝኽሪ ሓሙስ 1 ሚያዝያ ኢዩ ዝውዕል። ሽማግለታት ነዚ ዝስዕብ ቈላሕታ ክገብርሉ ይግባእ:-

◼ እቲ ኣኼባ ዝግበረሉ ግዜ ክውሰን ከሎ: እቲ ምሳሌያዊ ቅጫን ወይንን ጸሓይ ድሕሪ ምዕራባ ክዘውር ኣለዎ። እቶም ዝምልከቶም ኣሕዋት ነታ ብዛዕባ ሰዓት ናይቲ ኣኼባ ከምኡውን ብዛዕባ ምሳልያዊ ቅጫን ወይንን እትገልጽ ናይ 27 ሚያዝያ 1998 ደብዳበ ከንብብዋ ኣለዎም።

◼ ንዅሎም: እቲ ተዛራቢ እውን ሓዊስካ: ናይቲ በዓል ልክዕ ግዜን ቦታን ክንገሮም ኣለዎ።

◼ እቲ ግቡእ ዓይነት ቅጫን ወይንን ክድለ ከምኡውን ክቕረብ ኣለዎ።​—⁠ናይ 15 ለካቲት 1985 ግምቢ ዘብዐኛ (እንግሊዝኛ) ገጽ 19 ርአ።

◼ ቢያትታት: ቢኬሪታት: ግቡእ ዝዀነ ጣውላ: ከምኡውን ናይ ጣውላ ጨርቂ ኣቐዲሙ ናብቲ ኣደራሽ ክመጽእን ኣብ ቦትኡ ክኸውንን ኣሎዎ።

◼ እቲ ኣደራሽ መንግስቲ ወይ ካልእ ናይ መአከቢ ቦታ ኣቐዲሙ ኣጸቢቑ ክጸሪ ኣለዎ።

◼ ተቐበልቲ ኣጋይሽን እቶም ዘዝሩን ክምረጹ ከምኡውን ኣቐዲሞም ብዛዕባ እቲ ሓላፍነቶምን ግቡእ ዝዀነ ኣሰራርሓን መምርሒ ክዋሃቦም ኣለዎ።

◼ ነቶም ካብ ቅቡኣት ዝዀኑ ዝደኸሙን ክመጹ ዘይክእሉን እቲ ቕጫን ወይንን ንምቕራብ ምድላዋት ክግበር ኣለዎ።

◼ ኣብ ሓንቲ ኣደራሽ መንግስቲ ካብ ሓደ ንላዕሊ ናይ ዝኽሪ ኣኼባ ክግበር ተመዲቡ እንተድኣ ኣልዩ: ኣብቲ ኣፍ ደገ ወይ ኣብ ወጻኢ ዘየድሊ ምጽቕቓጥ ምእንቲ ከይህሉ ኣብ መንጎ ጉባኤታት ጽቡቕ ምትሕብባር ክግበር ኣለዎ።