ኣብ ጥቓ ሞንሮቭያ፡ ላይበርያ ይምስክሩ

ንመርኣዪ ዚኸውን ዝርርባት

●○○ ናይ ፈለማ ምብጻሕ

ሕቶ፦ መጽሓፍ ቅዱስ ሎሚ እውን ጠቓሚ ድዩ፧

ጥቕሲ፦ 2ጢሞ 3:16

ንዚቕጽል፦ መልእኽቲ መጽሓፍ ቅዱስ እንታይ እዩ፧

○●○ ቀዳማይ ተመላሊስካ ምብጻሕ

ሕቶ፦ መልእኽቲ መጽሓፍ ቅዱስ እንታይ እዩ፧

ጥቕሲ፦ ማቴ 6:10

ንዚቕጽል፦ መንግስቲ ኣምላኽ እንታይ ክትገብር እያ፧

○○● ካልኣይ ተመላሊስካ ምብጻሕ

ሕቶ፦ መንግስቲ ኣምላኽ እንታይ ክትገብር እያ፧

ጥቕሲ፦ ዳን 2:44

ንዚቕጽል፦ እዚ ኣብ ልዕሊ ምድሪ እንታይ ጽልዋ ኺህልዎ እዩ፧

ካብዛ ወርሒ እዚኣ ኣትሒዙ፡ ኣብ መንጎ ሰሙን ኣብ ዚግበር ኣኼባ፡ ንመርኣዪ ዚኸውን ሰለስተ እተፈላለየ ኣቀራርባታት ኣይኪህሉን እዩ። የግዳስ፡ እዚ ደብተር ኣኼባ ህይወትን ኣገልግሎትን እዚ፡ መእተዊ ሕቶን ጥቕስን ንዚቕጽል ተመላሊስካ ምብጻሕ መገዲ ዚጸርግ ሕቶን ዝሓዘ ንመርኣዪ ዚኸውን ዝርርባት ኪህልዎ እዩ። ኣብ ነፍሲ ወከፍ ሰሙን፡ ንመርኣዪ ዚኸውን ዝርርብ እተርኢ ሓንቲ ቪድዮ ጥራይ ክትቀርብ እያ። ነፍሲ ወከፍ ኣስፋሒ ድማ፡ ካብቲ ንመምሃሪ እንጥቀመሉ ናውቲ ነየናይን መዓስን (ኣብ ናይ ፈለማ ምብጻሕ ወይ ኣብ ተመላሊስካ ምብጻሕ) ከም ዚጥቀም ባዕሉ ኺውስን ይኽእል እዩ። ብዘይካዚ፡ እዚ ደብተር ኣኼባ እዚ፡ ንዚቕጽል ተመላሊስካ ምብጻሕ ዚኸውን ክልተ ዝርርብ ሒዙ ኺወጽእ እዩ። እዚ ኣቀራርባ እዚ ኸኣ፡ ኣብቲ ነቶም “ናብ ናይ ዘለኣለም ህይወት ዘንቀዱ” ናይ ምምሃር ሸቶና ኸነተኵር ኪሕግዘና እዩ።—ግብ 13:48።

ክፍልታት ተምሃሮ፦ ካልእ መምርሒ እንተ ዘይተዋሂቡ፡ ተምሃሮ ነቲ ንመርኣዪ ዚኸውን ዝርርባት ተጠቒሞም ክፍሊ ኬቕርቡ ኣለዎም።