ክርስትያናዊ ህይወት

ዘይሃይማኖተኛታት ሰባት ንፈጣሪኦም ኪፈልጡ ሓግዞም

ዘይሃይማኖተኛታት ሰባት ኣይሰምዑን እዮም ብዚብል፡ ንዕኦም ካብ ምምስካር ድሕር ምሕር ኢልካዶ ትፈልጥ፧ ከምኡ ይስምዓካ እንተ ዀይኑ፡ ሓያሎ ዘይሃይማኖተኛታት ሰባት፡ እንተላይ ብህላወ ኣምላኽ ዘይኣምኑ ዝነበሩ ሰባት፡ ናይ የሆዋ መሰኻኽር ኪዀኑ ኸም ዝኸኣሉ ዘክር። መብዛሕትኡ ግዜ፡ ንህልውና ኣምላኽ ዜረጋግጽ መርትዖ ኺምርምሩ ንእሽቶ ሓገዝ ጥራይ እዩ ዜድልዮም።—ሮሜ 1:20፣ 10:14።

ነታ እምነት ዘይነበሮም ሰባት፡ እምነት ኬጥርዩ ኸም ዚኽእሉ ኣይትረስዕ!—ዘይሃይማኖተኛታት ሰባት ዘርእስታ ቪድዮ ርኣያ እሞ፡ ድሕሪኡ፡ ነዛ እትስዕብ ሕቶ መልሳ፦

ተመክሮ ቶማዞ ንዘይሃይማኖተኛታት ሰባት ምእንቲ ኽትምስክር ኣወንታዊ ኣርኣእያ ኽትሕዝ ዝሓገዘካ ብኸመይ እዩ፧

መልስኻ

እንታይ ክትገብር ኣሎካ፧

ሓደ ሰብ ብኣምላኽ ከም ዘይኣምን እንተ ገሊጹልካ፡ ለዋህን ሜለኛን ኩን፣ ብዛዕባ እቲ ርእሰ ነገር ዘለዎ ሓሳብን ስምዒትን ኣኽብረሉ። (2ጢሞ 2:24) ብዛዕባ ንዕኡ ኺስሕቦ ዚኽእል ርእሰ ነገራት ተመያየጡ። ንብዙሓት ብፈጣሪ ኺኣምኑ ብዛዕባ ዝገበሮም መርትዖ ኺመያየጥ ፍቓደኛ ድዩ፧ ፍቓደኛ እንተ ዀይኑ፡ ነዚ ዕላማ እተዳለወ ሕታማትን ቪድዮታትን ተጠቐም። እተን ዎዝ ላይፍ ክሪኤትድ፧ን ዘ ኦርጅን ኦቭ ላይፍ—ፋይቭ ኰስችንስ ዎርዝ ኣስኪንግን ዘርእስተን ብሮሹራት ብቐሊሉ ምእንቲ ኺርከባ ኣብ ናውቲ ትምህርቲ ተጠቓሊለን ኣለዋ።

ኣብ ፈለማ፡ ምስ ሓደ ብህልውና ኣምላኽ ዘይኣምን ሰብ ብዛዕባ ሓቂ ኽትመያየጥ የፍርሃካ ይኸውን። ከምኡ እንተ ተሰሚዑካ፡ ካብ ሓደ ተመክሮ ዘለዎ ኣስፋሒ ሓገዝ ክትሓትት ትኽእል ኢኻ። ብዘይካዚ፡ የሆዋ ንዘንቀዱ ሰባት ዋላ እውን ኣብ ፈለማ ብህልውናኡ ዘይኣምኑ ንዝነበሩ፡ ልቦም ክንትንኪ ኺሕግዘና ኸም ዚኽእል ኣይትረስዕ።—ግብ 13:48።