Nesihat
1 Iýerusalimde patyşalyk edýän nesihatçynyň*+, Dawut oglunyň+ sözleri.
6 Şemal günorta öwüsýär, soňra demirgazyga aýlanýar.
Ol aýlana-aýlana öwüsýär, aýlanmagyny bes etmeýär.
7 Ähli derýalar deňze guýýar, emma deňiz dolup daşmaýar+.
Derýalar akmak üçin ýene-de gözbaşyna dolanýar+.
8 Ähli zat adamy irizýär.
Hemme zady aýdara söz tapylmaz.
Göz görmekden doýmaz,
Gulak eşitmekden.
9 Bolan zatlar ýene-de gaýtalanar,
Edilen işler ýene-de ediler,
Gök astynda hiç hili täze zat ýokdur+.
10 «Ine, täze zat» diýer ýaly näme bar?
Ol gadymy döwürde-de,
Bizden öňem bardy.
11 Gadym döwürde ýaşan adam ýatlanmaz,
Soňky gelen-de ýada düşmez,
Geljekki nesil hem olary ýatlamaz+.
12 Men nesihatçy, Iýerusalimde Ysraýylyň üstünden höküm sürýärin+. 13 Ynsan ogullary boş gezmez ýaly, Hudaý olara agyr zähmet çekmegi tabşyrdy. Men asmanyň astyndaky her bir işi+ akyldarlyk bilen öwrenmegi+ ýüregime düwdüm.
15 Egrini göni edip bolmaz,
Ýok zady sanap bolmaz.
16 Şonda öz-özüme: «Iýerusalimde menden öň ýaşanlaryň ählisinden has paýhasly boldum+. Ýüregim akyl bilen bilimden doly»+ diýdim. 17 Akyldarlygyň, däliligiň we akmaklygyň nämedigini bilmek isledim+. Ol hem şemaly kowalamak ýalydyr.
18 Akyldarlyk köpelse, gaýgy-hasrat köpelýär,
Bilimi artanyň, derdi hem artýar+.