Wagyz üçin teklipler

«Her bir adam durmuşyň manysyna düşünip, bagtly ýaşasy gelýär. Siz Isanyň bagtly ýaşamak üçin näme etmelidigi barada aýdan şu sözleri bilen razylaşýarmysyňyz?» [Matta 5:3-i oka. Jogap bersin]. Soňra Hudaýa sežde edip, dogabitdi zerurlygymyzy kanagatlandyrsak, durmuşymyzy manyly edýändigini düşündir.

«Biz adamlaryň hiç zada ynanmaýan we ylmy taýdan ösen döwründe ýaşaýandygymyz sebäpli, köp adamlar Mukaddes Ýazgylary könelişen hasaplaýarlar. Sizem şeýle pikirdemi? (Jogap bersin). Mukaddes Ýazgylardaky ylma degişli her bir tassyklamanyň dogrudygy barada eşitdiňizmi?» Eýýup 26:7-ni oka we Mukaddes Ýazgylaryň dogrudygy barada degerli subutnamalary getir.

«Siz şeýle soraga nähili jogap bererdiňiz: Bütin adamzady jebisleşdirmek — diňe bir arzuwmy? (Jogap bersin). Hudaý ilkibaşdaky niýetini özgertmedi; ol bütin adamzat maşgalasyny agzybir etmek isleýär». Zebur 46:8, 9-njy aýatlary oka we şeýle jebisligiň nädip amala aşjagyny düşündir.

«Käbirleri adam ölenden soň o dünýäde ýaşaýar, başgalar bolsa ölümden soň hiç zat ýok diýýärler. Siziň pikiriňizçe, ölümden gorkmalymy? (Jogap bersin). Pawlus resulyň ölen adamlar barada näme diýenine üns beriň». Resullaryň işleri 24:15-i oka we adam ölenden soň näme bolýandygyny Mukaddes Ýazgylaryň esasynda aýdyň düşündir.