Awgust — ähmiýetli aý bolar!
1. Hudaýyň Patyşalygynyň 100 ýyl bäri höküm sürýändigi üçin bütin dünýäde nähili ýörite kompaniýa geçiriler?
1 Hudaýyň Patyşalygy 100 ýyl bäri höküm sürýär. Şol sebäpli Ýehowany şöhratlandyrýan ýörite kompaniýanyň geçirilmegi örän ýerlikli! Bu kompaniýa bütin dünýäde awgust aýynda geçiriler. Tizden biziň web-saýtymyzda türkmen dilinde 6 sany täze kitapça çykar. Ýaşulular bu kitapçalaryň hersinden birini her bir wagyzça bererler. Biz kitapçalarda getirilen soraglaryň we Mukaddes Ýazgylarda berlen jogaplaryň esasynda adamlar bilen gürrüňdeş bolup bileris. Ýöne şol 6 kitapçany ýanymyz bilen wagza äkitmeli däl ýa-da olary wagyzda ýaýratmaly däl.
2. Biz nädip awgust aýynda «Ýehowany gaty ses bilen şöhratlandyryp» bileris?
2 Ýehowany gaty ses bilen şöhratlandyryň. Awgust aýynda her bir dogan-uýanyň köpräk wagyz edip biler ýaly, kömekçi pioner bolmaga mümkinçiligi bolar. Şol aýda wagyzçylar kömekçi pioner bolup, 30 sagat tabşyryp bilerler. Awgust aýynda bäş hepde bolany üçin işleýän wagyzçylar dynç günleri kömekçi pioner bolup gulluk edip bilerler. Eger seniň okuw geçýän adamyň ýa-da çagaň wagyzçy bolmak isleýän bolsa, haýal etmän ýaşulular maslahatynyň koordinatoryna aýt. Bu ähmiýetli aýda täze wagyzçylaryň biziň bilen kompaniýa gatnaşmagy, diýseň ruhlandyrar! Adatça awgust aýynda köp umumy pionerler ýyllyk sagat sanyny tabşyrandan soň, dynç almak isleýärler. Emma olar şol aýda geçirilýän ýörite kompaniýa doly gatnaşar ýaly gün tertibini üýtgedip bilerler. Maşgalalar awgust aýynda «Ýehowany gaty ses bilen şöhratlandyryp» biler ýaly bu barada pikir alyşmagyň häzir tüýs wagtydyr! (Ezra 3:11; Sül. tym. 15:22).
3. Biz ýörite kompaniýa babatda nämä ynanyp bileris?
3 Biz şeýle kompaniýa öň gatnaşan bolsak-da, bu kompaniýanyň örän ähmiýetli boljakdygyna ynanýarys. Biz awgust aýynda wagyzçylaryň, kömekçi pionerleriň we sagat sanynyň iň ýokary bolmagyny gazanyp bilerismi? 2014-nji gulluk ýylynyň ahyrynda Ýehowa halkynyň awgust aýynda bütin dünýäde güwälik etmek üçin edýän tagallalaryny patalar! (Mat. 24:14).