Täze etrap kongresiniň programmasy

Bu dünýä häzirki zamana baky galar diýip bizi ynandyrjak bolýar. Emma Hudaýyň Sözüniň bize diýýäni düýpden başgaça (1 Ýahýa 2:15—17). Ol «ýer ýüzünde özüňe hazyna ýygnamagyň» biderek işdigine düşünmäge kömek edýär. 2007-nji ýylyň gulluk ýylynyň etrap kongresinde, Hudaýyň halkyny berkitmek üçin, «Gökde hazyna ýygnaň» diýen tema serediler (Mat. 6:19, 20).

Efesliler 2:2-de: «Söz diňlemeýän adamlarda şindi işleýän ruhuň, ýagny howadaky erbet güýçleriň hökümdary» barada aýdylýar. Bu ruhuň öz içine alýan zatlarynyň birisi-de harsydünýälikdir. Dem alýan howamyzyň hemme ýerde bolşy ýaly, häzirki zamana hem «dünýäniň ruhundan» doly (1 Kor. 2:12). Bu dünýäniň ruhunyň täsiri juda güýçli bolany üçin, ol «hökümdarlyk» edýär diýilýär. Etrap kongresinde geçiriljek täze programma bize dünýäde agdyklyk edýän harsydünýälikden gaça durup, has wajyp zatlar barada oýlanmaga kömek eder (Mat. 6:33). Mundan başga-da kongres bize Ýehowa bil baglamaga we garşylyklardyr synaglara garamazdan, oňa gulluk etmäge kömek eder.

Kongresiň iki gününe hem gatnaşmaga we onda «has köp ünsli» bolmaga çalyş (Ýew. 2:1). Öz durmuşyňa we gullugyňa degişli esasy pikirleri ýazyp al. Bu ruhy taýdan baýlaşdyrýan programmany başdan-aýak diňläp, sen täzeden güýç alarsyň we «gökde hazyna ýygnamagy» ýüregiňe berk düwersiň.