Wagyz üçin teklipler

«Hudaý gökde ýaşaýar, şol sebäpli köp adamlar onuň bilen tanşyp bolmaz öýdýärler. Eýsem, siz-de şeýle pikir döredimi? [Jogap bersin. Soňra Ýahýa 17:3-i okap ber]. Mukaddes Ýazgylar Hudaý barada bilim berýär».

«Gynansak-da, biziň köpümiziň söýgüli adamlarymyz aradan çykýar. Olar aradan çyksa-da, biz olara näme kömek edip bileris? [Jogap bersin.] Şu sowala Mukaddes Ýazgylar jogap berýär. Onsoňam, ol şeýle tesellini wada berýär». Ýahýa 5:28, 29-njy aýatlary okap ber.

«Şu günler çaga terbiýe bermek barada dürli gapma-garşy pikirler bar. Siziň pikiriňizçe, ene-atalar ynamdar maslahaty tapyp bilerlermi? [Jogap bersin. Soňra Zebur 32:8-i okap ber]. Mukaddes Ýazgylar çagany terbiýelemek barada peýdaly maslahatlary berýär».

«Hudaý bizi söýýän bolsa, adalatly hem gudratly bolsa, onda näme üçin horluk-sütem şeýle köpelýär? [Jogap bersin]. Üns berseňiz, şu aýat horluklaryň sebäbini düşündirýär [1 Ýahýa 5:19-y oka]. Mukaddes Ýazgylarda horluklary aradan aýyrmak üçin Hudaýyň nämeler edýändigi aýdylýar».