Wagyz üçin teklipler

«Hünärmenler maşgalada atanyň roluny örän wajyp hasaplaýarlar. Siziň pikiriňizçe, gowy ata nähili bolmaly? (Jogap bersin). Isa Atasynyň göreldesiniň onuň üçin örän gymmatlydygyny aýtdy». Ýahýa 5:19-y oka we atalara maşgala borçlaryny ýerine ýetirmäge kömek edýän Mukaddes Ýazgylardaky käbir prinsipleri ara alyp maslahatlaş.

«Iman edýän adamlaryň köpüsi Hudaýy her hili göz öňüne getirýärler. Hudaýyň Oglunyň Atasy barada Ýahýa 4:24-de aýdan sözlerine üns beriň». Oka we «Hudaý hakykatdan-da nähili?» diýen sowala Mukaddes Ýazgylaryň näme jogap berýändigini düşündir (Zebur 83:18; Rimliler 1:19—21; 1 Ýahýa 4:8).

«Köp adamlar söýgüli Hudaýyň dowzahda ebedi jeza berýändigi bilen ylalaşmaýarlar. Bu barada siz nähili pikir edýärsiňiz? (Jogap bersin). Mukaddes Ýazgylarda Hudaýyň zalym we ar alyjy däldigi aýdyň görkezilýär». 2 Petrus 3:9-y oka we Mukaddes Ýazgylarda Hudaý barada ýene näme diýilýändigini düşündir.

«Köp adamlaryň aýtmagyna görä, meşhurlyk, baýlyk we uly wezipe üstünlik getirýär. Siziň pikiriňizçe, üstünlik nämä bagly? (Jogap bersin). Mukaddes Ýazgylara görä, nämäniň üstünlik getirýändigine üns beriň». Zebur 1:1—3-nji aýatlary oka, soňra üstünlik gazanmaga kömek edýän Mukaddes Ýazgylardaky prinsipleri ara alyp maslahatlaş.