Wagyz üçin teklipler

«Men şu sözler barada siziň pikiriňizi bilmek isleýärin (Zebur 92:14-i oka). Siz şeýle soragyň üstünde pikir edip gördüňizmi, eger Hudaý ähli zada güýji ýetýän, adalatly bolsa näme üçin dünýäde horluklar we zalymlyklar kän?» Jogap bersin we Hudaýyň näme üçin şu günlere çenli zalymlyklara ýol berendigini ara alyp maslahatlaş.

«Biziň köpümiz saglygymyzyň gowy bolup, uzak ýaşamagy arzuw edýäris. Siziň pikiriňizçe, dogry garaýyşda bolsak, saglygymyza gowy täsir edermi?» Jogap bersin we Süleýmanyň tymsallary 17:22-ni oka. Soňra gowy garaýşy ösdürmegiň wajyplygyny we bu babatda Mukaddes Ýazgylaryň nähili kömek edýändigini düşündir.

«Siz howlukmaçlyk bilen bir zat edeniňizden soň, özüňize şeýle sorag berip gördüňizmi: «Näme üçin men başgaça etmedim?» (Jogap bersin). Biziň hemmämiziň käte bir zat edip, soňra ökünýändigimiziň sebäbini görkezýän aýada üns beriň». Süleýmanyň tymsallary 20:24-i oka we Mukaddes Ýazgylardaky tejribeli maslahatlaryň dogry karara gelmäge kömek edýändigini düşündir.

«Häzir çagalara öňkä garanda has köp howpuň abanýandygy bilen razylaşýarmysyňyz? (Jogap bersin). Köpleri şu aýatlarda görkezilişi ýaly döwürde ýaşaýandygymyz bilen ylalaşýarlar». 2 Timoteos 3:1—5-nji aýatlary oka we ata-eneler çagalaryny nädip gorap biljekdigi barada ara alyp maslahatlaş.