Wagyz üçin teklipler

Ýaşaýan ýeriňde bolan bir täzeligi agzap, soňra: «Siziň pikiriňizçe Mukaddes Ýazgylaryň şu aýaty ýaşan döwrümizi dogry suratlandyrýarmyka?» diýip sora. [2 Timoteos 3:1-i okap ber hem-de berjek jogabyny diňle. Soňra biziň soňky günlerde ýaşaýandygymyza degişli subutnamalary getir we näme etmelidigimizi düşündir].

«Köp adamlar bizi Hudaý ýaratdy diýýär. Käbir adamlar bolsa, ewolýusiýa arkaly dörändiris öýdýär. Eýsem, siz şu barada näme pikir edýärsiňiz? [Jogap bersin]. Dogry netijä gelmäge şu maslahat kömek etse gerek. [Eýýup 12:7, 8-i okap ber-de, Hudaýyň tebigat arkaly görünýän akyldarlygyndan we döredijilik ukybyndan näme öwrenip biljekdigimiz barada gürrüň et]».

«Biologiýany öwrenýän alymlar keselçiligi aradan aýryp, adamyň ömrüni uzaltmaga çalyşýarlar. Eýsem, adamlar ebedi ýaşap bilermikä? [Jogap bersin]. Adamlaryň näme üçin uzak ýaşamak isleýändigine üns beriň. [Wagyzçy 3:11-i oka]. Hudaý bizi näme üçin ebedi ýaşamak islegi bilen ýaradandygyny Mukaddes Ýazgylar arkaly düşündirýär».