Sen uýgunlaşmaga taýynmy?
1. Dünýäniň üýtgäp durýandygy sebäpli, biz nähili özgerişler etmeli?
1 1 Korintoslylar 7:31-de dünýäniň häzirki ýagdaýy geçegçidir diýilýär. Dünýä üýtgäp durýandygy sebäpli, biz hem wagtal-wagtal wagyz etmek usulymyzy, gün tertibimizi we hödürlerimizi üýtgedip durmaly. Siz uýgunlaşmaga taýynmy?
2. Biz guramadan yza galmajak bolup, näme üçin uýgunlaşmaly?
2 Wagyz etmegiň usullary. Mesihçiler ýygnagy hemişe ýagdaýa görä, uýgunlaşyp durýar. Isa başda şägirtlerini wagyz etmäge iberende, ne torba, ne-de pul almalydygyny aýtdy (Mat. 10:9, 10). Emma soňra köpräk wagyz eder ýaly başga ýerlere iberende, garşylyga duş geljekdigini bilip, başgaça görkezme berdi (Luka 22:36). Geçen asyrda Ýehowanyň guramasy dürli usullar, ýagny wagyz etmek üçin kartoçkalar, radio we sesi güýçlendirýän enjamly maşyn arkaly wagyz edýärdiler. Şu günler köplenç adamlary öýünde tapmak kyn bolýar. Şol sebäpli biz diňe bir öýden-öýe däl, eýsem adamlaryň köp bolýan ýerlerinde we resmi däl ýagdaýda wagyz etmäge jan edýäris. Adamlar gündizine işde bolýandygy üçin, öýden-öýe irden we agşam wagyz etsek gowy bolar. Ýehowanyň gökdäki arabasy ýoluny üýtgedende, sen hem ondan galmajak bolýarmyň? (Ezek. 1:20, 21).
3. Ýaşaýan ýerimizde uýgunlaşmagyň näme peýdasy bar?
3 Hödürler. Seniň ýaşaýan ýeriňde adamlary nämeler biynjalyk edýär? Ykdysadiýetiň pese düşmegimi, maşgalasymy ýa-da urşuň bolýandygy? Adamlary biynjalyklandyrýan meseleler barada bilmek peýdaly, sebäbi şoňa görä hödür taýýarlap bileris (1 Kor. 9:20—23). Adam bize ýüregini dökende, taýýarlan hödürimizdäki ýaly jogap bermän, adamy biynjalyk edýän zat barada gürrüň etsek, has gowy bolar.
4. Biz näme üçin çalt uýgunlaşmaly?
4 Tizden uly muşakgat başlap, dünýäniň soňy geler. «Wagt gysgadyr» (1 Kor. 7:29). Şol sebäpli bize galan gysga wagtda gaýra goýman, uýgunlaşmak örän wajypdyr!