Sowally bukja

◼ Biziň edebiýatlarymyzdaky «Köpräk bilesiňiz gelýärmi?» diýen kupony we Internet sahypasyndaky haýyşnamany kim doldurmaly?

Biziň käbir edebiýatlarymyzda «Köpräk bilesiňiz gelýärmi?» diýen kupon ýerleşdirilýär. Ony edebiýatlarymyzy okamak ýa-da Ýehowanyň Güwäçileriniň ideg etmegini isleýän adam dolduryp biler. Şeýle-de Mukaddes Ýazgylar okuwyny geçmek isleýän adam biziň guramamyzyň www.watchtower.org diýen Internet sahypasyny ulanyp biler. Olar arkaly köp adamlar hakykaty bildiler. Emma wagyzçylar dogan-garyndaşlaryna we dost-ýarlaryna ruhy taýdan kömek etmek üçin kupony hem Internet sahypasyndaky haýyşnamany ulananda kynçylyklar döreýär.

Käbir adamlar sargamadyk edebiýatlaryny alanlarynda filialdan nägile bolýarlar. Olar guramamyzy adamlary biynjalyk edýän we ýörite edebiýat ýollaýan edaradyr öýdýärler. Wagyzçylar şeýle adamy ideg edende, onuň nägilelik bildirýändigini görüp, oňaýsyz ýagdaýa düşýärler. Şol sebäpli kupony ýa-da Internet sahypasyndaky haýyşnamany wagyzçy däl-de, gyzyklanýan adamyň özi doldurmaly. Eger ony wagyzçy doldursa, filial oňa jogap bermeýär.

Onda dogan-garyndaşlarymyza we dost-ýarlarymyza ruhy taýdan nädip kömek etse bolar? Siz olaryň edebiýat almagyny isleýän bolsaňyz, ony sowgat hökmünde özüňiz ýollap bilmermisiňiz? Eger olar Mukaddes Ýazgylar bilen gyzyklanyp, Ýehowanyň Güwäçileriniň ideg etmegini isleseler, emma siz ol ýeriň ýygnak ýaşulysy bilen nädip habarlaşmalydygyny bilmeýän bolsaňyz, onda «Şu adamy idemegi haýyş edýäris» (S-43 U) diýen resmikagyzy dolduryň. Soňra ony ýygnagyňyzyň kätibine gowşuryň. Ol resmikagyz bilen tanşyp, ony filiala ýollar. Emma gyzyklanýan adam türmede, neşekeşleri we arakhorlary bejeriş ýerlerinde ýa-da başga keselhanada bolsa, şonda-da filiala özüňiz hat ýazmaň. Olar ideg edilmegini isleseler, doganlara özleriniň ýüz tutmalydygyny ýa-da filiala hat ýazmalydygyny aýdyp bilersiňiz.