4. Geçirimlilik

NÄME?

Göwnüňe degen adamy bagyşlamagy, ondan öýke-kine saklamazlygy aňladýar. Ýöne bagyşlamak adamyň eden hereketiniň dogrudygyny ýa-da ony goldaýandygyňy görkezmeýär.

MUKADDES KITAPDAKY MASLAHAT: «Biriniň başga birinden öýkelemäge sebäbi bolsa-da, sabyrly bolup, bir-biriňizi ýürekden bagyşlaň» (Koloslylar 3:13).

«Birini söýseň, onuň ýalňyşyna däl-de, gowy häsiýetlerine, ýagşy işlerine üns berýärsiň» (Ahmet).

NÄME ÜÇIN WAJYP?

Öýkeläp ýörseňiz saglygyňyza zyýan ýetirersiňiz, bir-biriňizden sowaşarsyňyz.

«Bir gezek ärim göwnüme degdi. Ol ötünç sorasa-da, bagyşlamak kyn boldy. Öňräk bagyşlan bolsam, ikimizem kösenmezdik» (Jemal).

NÄME EDIP BILERSIŇIZ?

ÖZÜŇIZI BARLAŇ

• Men öýkelekmi?

• Ýanýoldaşymyň her bir sözüni göwnüme alyp, ötünç soratdyrýanmy ýa-da ony geçirip bilýärinmi?

GEPLEŞIŇ

• Ýaraşmak üçin näçe wagt gerek bolýar?

• Öýke-kinäni tizräk unudar ýaly näme edip bileris?

MASLAHAT

• Ýanýoldaşyňyz göwnüňize degende, bilgeşleýin edýär diýip pikir etmäň.

• Ähli adamlaram ýalňyşýar, şonuň üçin hemişe bagyşlaň (Ýakup 3:2).

«Iki tarapam günäkär bolsa, bagyşlamak aňsat. Ýöne günä ýanýoldaşyňda bolsa, bagyşlamak kyn bolýar. Diňe pesgöwünli adam ýürekden bagyşlap bilýär» (Keýik).

MUKADDES KITAPDAKY MASLAHAT: «Meseläni... derrew çöz» (Matta 5:25).