Wagyz üçin teklip

◼ «Käbir adamlar Hudaýa doga-dileg etmegi wagtyňy biderek sarp etmek hasaplaýarlar. Sebäbi Hudaý dogamyzy eşitmeýär diýýärler. Käbirleri bolsa, Hudaýyň eşidýändigine ynanýarlar. Siz nähili pikir edýärsiňiz? (Jogap bersin). Mukaddes Ýazgylarda doga-dileg babatda näme diýilýändigine üns beriň (Işaýa 30:19-y okaň). («Eý, Siýonyň-Iýerusalimiň halky, aglamarsyňyz indi siz! Perýat edeniňizde, size merhemet eder Ol, ony eşideninde, size jogap berer»). Eger sizde Işaýa kitaby bolmasa, onda aýady ýatdan aýdyp bilersiňiz. Bu kitap Hudaýyň dogry ýolundan ýöräp, dogry işleri edýän adamlaryň dogalaryny eşidip, jogap berýändigini görkezýär». «Mukaddes Ýazgylar öwredýär» kitabynyň 17-nji babyna esaslanyp, gürrüňdeşligi dowam et.

◼«Şu günler köp adamlar Hudaý horluklara näme üçin ýol berýär diýip oýlanýarlar. Hudaýa şeýle sorag bermek hormatsyzlyk diýip pikir edýärsiňizmi? (Jogap bersin). Eýýup pygamber Hudaýa sorag bermek isleýärdi (Eýýup 23:3—5-nji aýatlary okaň). («Hudaýy nireden tapmalydygyny bir bilsedim! Onuň mesgenine barardym. Arzymy Onuň huzurynda beýan ederdim, dawalarymy jikme-jik aýan ederdim. Onuň maňa berjek jogabyny bilerdim, aýtjak zadyna düşünerdim»). Eger sizde Eýýup kitaby bolmasa, onda aýady ýatdan aýdyp bilersiňiz. Şu kitapda Hudaýyň näme üçin horluklara ýol berýändigi Mukaddes Ýazgylara esaslanyp, üç sebäbi düşündirilýär». Soňra «Mukaddes Ýazgylar öwredýär» kitabynyň 11-nji babynyň 5—9-njy abzaslaryna esaslanyp, gürrüňdeşligi dowam et.