Awit

75 Nagpapasalamat kami sa iyo, O Diyos; nagpapasalamat kami sa iyo,+

At ang iyong pangalan ay malapit.+

Ipahahayag ng mga tao ang iyong mga kamangha-manghang gawa.+

 2 “Sapagkat ako ay nagtalaga ng isang takdang panahon;+

Ako ay nagsimulang humatol sa katuwiran.+

 3 Yamang ang lupa at ang lahat ng tumatahan doon ay napugnaw,+

Ako ang nagsaayos ng mga haligi nito.”+ Selah.

 4 Sinabi ko sa mga mangmang: “Huwag kayong magpakamangmang,”+

At sa mga balakyot: “Huwag ninyong itaas ang sungay.+

 5 Huwag ninyong itaas sa kaitaasan ang inyong sungay.

Huwag kayong magsasalita nang may palalong leeg.+

 6 Sapagkat hindi mula sa silangan ni mula man sa kanluran,

Ni mula man sa timog ang pagkakataas.

 7 Sapagkat ang Diyos ang hukom.+

Ang isang ito ay ibinababa niya, at ang isang iyon ay itinataas niya.+

 8 Sapagkat may kopa sa kamay ni Jehova,+

At ang alak ay bumubula, iyon ay punô ng halo.

At tiyak na ibubuhos niya mula roon ang latak niyaon;

Sasairin iyon, iinumin iyon, ng lahat ng balakyot sa lupa.”+

 9 Ngunit kung tungkol sa akin, isasaysay ko ito hanggang sa panahong walang takda;

Aawit ako sa Diyos ni Jacob.+

10 “At ang lahat ng mga sungay ng mga balakyot ay puputulin ko.”+

Ang mga sungay ng matuwid ay itataas.+