10 Dapat ka ngang magbigay sa kaniya,+ at ang iyong puso ay hindi dapat maging maramot sa pagbibigay mo sa kaniya, sapagkat sa dahilang ito ay pagpapalain ka ni Jehova na iyong Diyos sa lahat ng iyong gawa at sa lahat ng iyong pinagpapagalan.+

24 May namumudmod at gayunma’y dumarami pa;+ may nagpipigil din sa paggawa ng nararapat, ngunit nauuwi lamang ito sa kakapusan.+

21 Ang humahamak sa kaniyang kapuwa ay nagkakasala,+ ngunit maligaya siya na nagpapakita ng lingap sa mga napipighati.+

17 Siyang nagpapakita ng lingap sa maralita ay nagpapautang kay Jehova,+ at ang kaniyang pakikitungo ay babayaran Niya sa kaniya.+

38 Ugaliin ang pagbibigay, at ang mga tao ay magbibigay sa inyo.+ Ibubuhos nila sa inyong kandungan ang sukat na mainam, pinikpik, niliglig at umaapaw. Sapagkat ang panukat na inyong ipinanunukat ay ipanunukat nila sa inyo bilang ganti.”+

6 Ngunit kung tungkol dito, siya na naghahasik nang kaunti+ ay mag-aani rin nang kaunti; at siya na naghahasik nang sagana+ ay mag-aani rin nang sagana.

17 Ngunit ang sinuman na may panustos-buhay+ ng sanlibutang ito at nakikitang nangangailangan ang kaniyang kapatid+ at gayunma’y pinagsasarhan siya ng pinto ng kaniyang magiliw na pagkamahabagin,+ sa anong paraan nananatili sa kaniya ang pag-ibig sa Diyos?+