Gumawa ng Praktikal na Iskedyul ng Pamilya

¹ Sa Sermon sa Bundok, hinimok ni Jesus ang kaniyang mga tagapakinig: “Patuloy, kung gayon, na hanapin muna ang kaharian at ang kaniyang katuwiran.” (Mat. 6:33) Ang pagkakaroon ng nasusulat na iskedyul ay isang praktikal na paraan upang planuhin ang mga gawain ng pamilya at sa gayo’y mabigyang-priyoridad ang espirituwal na mga bagay. Gumugol ng ilang minuto upang gumawa ng iyong sariling lingguhang iskedyul ng pamilya, na ginagamit ang blangkong iskedyul sa pahina 6 ng insert na ito. Bilang proyekto ng pamilya, maaaring naisin ng ilan na gupitin ang sampol na mga gawain sa nasabing pahina at idikit ito sa blangkong iskedyul. Baka mas gusto naman ng iba na isulat mismo ang mga gawain sa iskedyul.

² Makatutulong ang sampol na iskedyul na ipinakikita sa ibaba habang gumagawa ka ng iyong iskedyul. Mapapansin mong kasama rito ang apat lamang na mahahalagang gawain: (1) pagdalo sa mga pulong ng kongregasyon, (2) paglilingkod sa larangan bilang pamilya, (3) pampamilyang pag-aaral, at (4) pagtalakay sa pang-araw-araw na teksto. Matutulungan kang ‘tiyakin ang mga bagay na higit na mahalaga’ kung isasama mo ang mga ito sa iyong iskedyul. (Fil. 1:10) Nasa pahina 4-5 ang higit pang mga mungkahi hinggil sa apat na larangang ito.

³ Hindi naman kailangang maging limitado lamang sa apat na gawaing iyon ang iskedyul ng inyong pamilya. Kung naghahanda kayo para sa ilang pulong bilang pamilya, itala ito sa inyong iskedyul. Kung sama-sama kayong nagbabasa ng isang bahagi ng Bibliya pagkatapos isaalang-alang ang pang-araw-araw na teksto o kung ginagawa ninyo ito sa ibang panahon, isulat ito sa iskedyul. Kung karaniwan nang gumagawa kayo ng ilang uri ng paglilibang bilang pamilya, baka nanaisin mong isama ito sa inyong iskedyul.

⁴ Iangkop ang iskedyul ng inyong pamilya ayon sa mga pangangailangan at kalagayan ng buong sambahayan. Suriin sa pana-panahon kung gaano ito kabisa, at gumawa ng mga pagbabago kung kinakailangan.

[Tsart sa pahina 3]

Sampol na Iskedyul ng Pamilya

Umaga Hapon Gabi

Ling. Pang-araw-araw

na Teksto

Pahayag Pangmadla at

Pag-aaral sa Bantayan

Lu. Pang-araw-araw Pampamilyang Pag-aaral

na Teksto

Mar. Pang-araw-araw Pag-aaral ng Kongre-

na Teksto gasyon sa Aklat

Mi. Pang-araw-araw

na Teksto

Hu. Pang-araw-araw Paaralang Teokratiko

na Teksto Ukol sa Ministeryo at

Pulong sa Paglilingkod

Bi. Pang-araw-araw

na Teksto

Sa. Pang-araw-araw

na Teksto

Paglilingkod

sa Larangan

(Araw ng Pagmamagasin)

[Tsart sa pahina 6]

Iskedyul ng Pamilya

Umaga Hapon Gabi

Ling.

Lu.

Mar.

Mi.

Hu.

Bi.

Sa.

.................................................................