Kung Ano ang Sasabihin Tungkol sa mga Magasin

Ang Bantayan Dis. 15

“Sa panahong ito ng santaon, ginugunita ng maraming tao ang inihayag ng mga anghel nang ipanganak si Jesus. [Basahin ang Lucas 2:14.] Sa palagay mo, magkakaroon nga kaya ng kapayapaan sa lupa? [Hayaang sumagot.] Tinatalakay ng magasing ito kung paano magdudulot si Jesus ng tunay na kapayapaan sa lupang ito sa lalong madaling panahon.”

Gumising! Dis.

“Nagkakasalungatan ang opinyon ng mga relihiyon hinggil sa pag-inom ng alak. Ano sa palagay mo ang pangmalas ng Diyos sa pag-inom ng alak? [Hayaang sumagot.] Bagaman ang unang himala ni Jesus ay ang paggawa ng alak mula sa tubig, nagbibigay rin ng ganitong babala ang Bibliya. [Basahin ang Kawikaan 20:1.] Ipinaliliwanag ng artikulong ito ang timbang na pangmalas ng Bibliya hinggil sa bagay na ito.” Itampok ang artikulo na nagsisimula sa pahina 18.

Ang Bantayan Ene. 1

“Sa palagay mo, masusukat ba ang tagumpay ng isang tao sa dami ng kaniyang kayamanan? [Hayaang sumagot. Pagkatapos ay basahin ang 1 Timoteo 6:9, 10.] Bagaman hindi sinasabi ng Bibliya na masama ang pera, ipinakikita nito na hindi nakadepende sa kayamanan ang tunay na tagumpay. Ipinaliliwanag ito ng magasing ito.”

Gumising! Ene.

“Sa palagay mo, makikita pa kaya natin ang katuparan ng binabanggit dito? [Basahin ang Isaias 33:24. Pagkatapos ay hayaang sumagot.] Ipinaliliwanag ng magasing ito kung ano na ang nagawa sa larangan ng medisina at kung paano matutupad ang pangako ng Bibliya.”