Mga Paalaala sa Memoryal

Dapat bigyang-pansin ng matatanda ang sumusunod na mga bagay bilang paghahanda sa Memoryal:

◼ Tiyaking nakalubog na ang araw bago ipasa ang mga emblema.

◼ Dapat kumuha at maghanda ng angkop na uri ng tinapay at alak.—Tingnan ang Bantayan ng Pebrero 15, 2003, pahina 14-15.

◼ Ang mga plato, kopa o baso para sa alak, at angkop na mesa at mantel ay dapat na patiunang dalhin at ayusin sa bulwagan.

◼ Ang Kingdom Hall o iba pang dakong pagtitipunan ay dapat na patiunang linising mabuti.

◼ Ang mga attendant at tagapagsilbi ay dapat na patiunang piliin at tagubilinan hinggil sa kanilang mga tungkulin, sa wastong pamamaraan na dapat sundin, at sa pangangailangang manamit at mag-ayos nang disente.

◼ Dapat gumawa ng mga kaayusan na maisilbi ang mga emblema sa sinumang pinahiran na may sakit at hindi kayang dumalo.

◼ Kung mahigit sa isang kongregasyon ang nakaiskedyul na gagamit sa iisang Kingdom Hall, dapat magkaroon ng mahusay na koordinasyon ang mga kongregasyon upang maiwasan ang di-kinakailangang pagsisikip sa pasukan, sa pampublikong mga bangketa, at sa paradahan.

◼ Kung sa ibang lugar idaraos ang pagtitipon, tiyaking may magagamit na maayos na sound system upang marinig ng lahat ng dadalo ang tagapagsalita.