Kung Ano ang Sasabihin Tungkol sa mga Magasin

Ang Bantayan Oktubre 1

“Marami ang wala nang pananampalataya sa Maylalang. Bakit kaya? [Hayaang sumagot.] Isang posibleng dahilan ang nasa tekstong ito. [Basahin ang Habakuk 1:2, 3.] Tumutulong ang artikulong ito para masagot ang ilang tanong na naging dahilan kung bakit nawawalan ng pananampalataya ang mga tao sa Diyos.” Ipakita ang artikulo sa pahina 11.

Gumising! Oktubre

“Maraming problema ang mga pamilya sa ngayon, hindi ba? [Hayaang sumagot.] Hindi alam ng marami na may praktikal na mga payo ang Bibliya. Heto ang isa. [Bumasa ng isang teksto sa magasin.] Ipinakikita ng espesyal na isyung ito ng Gumising! kung paano makakatulong ang mga simulain ng Bibliya para mapagtagumpayan ng mga pamilya ang iba’t ibang problema.”

Ang Bantayan Nobyembre 1

“Lahat kaya ng turo ng mga simbahan ay nasa Bibliya? [Hayaang sumagot.] May babala ang Bibliya tungkol sa mga maling turo. [Basahin ang Colosas 2:8.] Anim sa mga turo ng mga simbahan na wala sa Bibliya ang mababasa sa magasing ito.”

Gumising! Nobyembre

“Karaniwan na lang ngayon ang mga gamit na gaya ng cellphone at computer. Nakakatipid kaya tayo ng oras dahil sa teknolohiya o ito pa ang umuubos ng oras natin? [Hayaang sumagot.] Marami ang sasang-ayon na hindi dapat aksayahin ang oras, gaya ng sinasabi rito. [Basahin ang Efeso 5:15, 16.] Tinatalakay sa magasing ito kung paano tayo magiging timbang at makatuwiran sa paggamit ng teknolohiya.”