Kung Paano Makapagpapatotoo Gamit ang Displey ng mga Literatura

Ang pagpapatotoo gamit ang cart o displey ng literatura na nasa mesa ay talagang napakaepektibo para mailapit sa katotohanan ang tapat-pusong mga tao. (Juan 6:44) Kaya naman hinihimok ang mga elder na magsaayos ng pampublikong pagpapatotoo sa matataong lugar na teritoryo ng kongregasyon. Dahil naililipat naman ang cart, kadalasan nang hindi na kailangang humingi ng permiso sa mga awtoridad, maliban na lang kung hinihiling ito ng batas sa inyong lugar. Sino ba ang kuwalipikadong makibahagi rito? Ang makikibahagi rito ay ang mga mamamahayag na mahusay magpasiya, magandang makipag-usap, at kagalang-galang ang hitsura. Narito ang mga bagay na dapat at di-dapat gawin na makatutulong sa mga mamamahayag para maging matagumpay.

Dapat:

Maging palakaibigan, palabati, at matulungin sa mga nagdaraan. Ang ilang mamamahayag ay ngumingiti at palakaibigang bumabati sa mga nagdaraan. Kapag may tumingin sa displey, maaari mong sabihin, “Puwede po kayong kumuha ng gusto n’yo.”
Pumuwesto sa tamang distansiya mula sa displey. Sa ilang lugar, nakita ng mga mamamahayag na maganda ang resulta kapag malapit sila mismo sa displey. Pero para sa ibang mamamahayag, napansin nilang sa pamamaraang ito, nag-aalangang lumapit ang mga nagdaraan. Kaya naman lumalayo sila nang kaunti sa displey. Kapag may lumapit, kausapin siya at tanungin gaya ng, “Napag-isipan mo na ba ang tanong na ’yan?”
Laging gumamit ng Bibliya hangga’t maaari.
Ipaliwanag sa sinumang kumukuha ng publikasyon, gaya ng aklat na Itinuturo ng Bibliya, ang tungkol sa pag-aaral sa Bibliya. Alukin siya kung gusto niyang panoorin sa gadyet ang videong Bakit Magandang Mag-aral ng Bibliya?
Humingi, kung posible, ng ilang impormasyon sa interesado kung paano siya makokontak. Kung hindi siya nakatira sa teritoryo ninyo, punan ang Please Follow Up (S-43) form, at ibigay agad sa inyong kalihim.