ISAYA
1 Ɛnɛlɔ kakɛnyi Isaya*+ ɔna Amɔza lo dikambo dia Juda ndo Jɛrusalɛma lo nshi ya Uziya,+ Jɔtama,+ Ahaza+ ndo Hɛzɛkiya,+ nkumi ya dikanga ya Juda+ tɔ kɛnɛ:
2 Olongo le, hokamɛ ndo nkɛtɛ le,+ dja yimba,
Nɛ dia Jehowa kata ate:
3 Ngɔmbɛ mbeyaka nkumɛtɔ dimɛna,
Ndo mponda mbeyaka dihole dialɛ nyama ya nkumɛtɔ;
Anto ami hita hawosale akambo la yimba.”
4 Mananu le wodja w’atshi wa pɛkato,+
Anto wambɔkɔmɔ la wotsho wa munga kawɔ,
Olui w’ana w’akanga wa kɔlɔ, ana wa kɔlɔ!
5 Lende ayonyɔkɔmama nto lam’ele nyekɔ lo ntetemala ntɔmbɔkɔ?+
Ɔtɛ w’otondo wekɔ la hemɔ
Ndo otema w’otondo wekɔ lo ntata.+
6 Oma ko dikaka polo l’ɔtɛ, ndooko kele ki.
Ekɔ paka mpota ndo ahole wakanyalumatama la mpota yahatome,
Yɔ yatasakemɛ, yatɔmbama ndo yatalɛmbɛ la esɔ.+
7 Wodja anyu waya tɔngɔ to.
Esomba anyu wambotshumbama la dja.
Angɛndangɛnda wambolanya wodja anyu la ntondo kanyu.+
Waya oko nkɛtɛ ya shɛnga yambolanyema oma le angɛndangɛnda.+
8 Ɔna womoto la Siɔna ambotshikala oko tshombotombo* lo ekambɔ ka vinyɔ,
Oko hiombo lo ekambɔ ka kɔkɔmbrɛ,
Oko osomba wambodingama.+
9 Otondonga Jehowa kanga lolembelembe hatotshike ehandɔ engana,
Tshike taya paka oko Sɔdɔma,
Ndo tshike tambɔfɔna la Ngɔmɔra.+
10 Nyu ewandji wa hiadi* wa la Sɔdɔma+ le, nyohokame ɔtɛkɛta wa Jehowa.
Nyu ase Ngɔmɔra+ le, nyodje yimba lo ɛlɛmbɛ* wa Nzambi kaso.
11 Jehowa kata ate: “Wahɔ akɔna wele la lokema lanyu l’elambo+ le mi?”
Dimi lambohekɔ elambo anyu wa lotshumba w’ɛkɔkɔ+ ndo wata wa nyama yaleshawɔ dimɛna,+
Ndo dimi haangɛnangɛna dikila+ dia ɛsɔngɔ wa ngɔmbɛ,+ w’ɛkɔkɔ ndo wa mbudi.+
13 Nyotshike mbela elambo wa ntɔngɔ w’anyanya.
Tshɔ yanyu yekɔ wɔnɔnyi le mi.+
Towalelo ta ngɔndɔ,+ sabato,+ leeta l’oya lo nsanganya ya weke,+
Dimi handjokoka mbikikɛ okambelo wa la wolo wa maji+ kaamɛ la losanganya lanyu la laande.
14 Dimi* lambohetsha towalelo tanyu ta ngɔndɔ ndo fɛtɛ yanyu.
Yɔ yaya wotsho le mi;
Dimi lambɔlɛmba ndjiɛmba.
15 Ndo etena kemɛnyu anya anyu,
Dimi mbishɛka washo ami oma le nyu.+
17 Nyeke dia nsala ɔlɔlɔ, nyoyange losembwe,+
Nyongole osoyanyi,
Nyamee ntshungɔ yele la ɔna etshike*,
Ndo nyɔswɛlɛ wadi aki odo.”+
18 “Nyoye kakianɛ kele todje akambo l’ɔnɔngɔ lam’asaso,” mbata Jehowa.+
“Kaanga pɛkato yanyu yaya beela k’efula,
Yɔ yayonga wɛma oko loonge l’ekama+;
Kaanga yɔ yaya beela oko dihɔndɔ dia beela ka telele,
Yɔ yayonga oko wɛɔsa wa nyama.
19 Naka nyu monga la lolango ndo mpokamɛ,
Nyu nyayɔlɛ diangɔ di’ɛlɔlɔ dia lo wodja.+
20 Ko naka nyu ntona ndo ntɔmbɔkɔ,
Nyu nyayolanyema la lokuwa la ta,+
Nɛ dia onyɔ wa Jehowa mbata dui sɔ.”
21 Ande woho waya osomba+ wa kɔlamelo numba lee!+
Vɔ wakalole tɔɔ la sambo k’ɔlɔlɔ,+
Losembwe lakadjasɛka lɔkɔ,+
Koko wonya ɔnɛ andjakanyi+ ato mbaya lɔkɔ.
23 Ewandji ayɛ wekɔ ɛtɛ wolo ndo angɛnyi w’ase wevi.+
Onto tshɛ la l’atei awɔ nangaka etshimba ndo nyangaka weshasha.+
Vɔ hawosambola dikambo dia ɔna etshike* la losembwe,
Ndo kilombo ka wadi aki odo hakomaka pondjo le wɔ.+
24 Ɔnkɔnɛ Nkumadiɔndjɔ ka mɛtɛ, Jehowa kanga lolembelembe,
Kanga Wolo la lo Isariyɛlɛ kata ate:
“Hayii! Dimi layonya andɔshi ami,
Ndo dimi layɔsɔmbɔya atunyi ami.+
25 Dimi layokadimola lonya lami otsha le yɛ,
Dimi layɔlɛlɔla afumbu ayɛ wa mindo oko la sudɛ,
Ndo dimi layonya mindo yayɛ tshɛ.+
26 Dimi layokaloya toshushi tayɛ woho waki l’etatelo
Ndo andaki ayɛ woho waki ntondo.+
L’ɔkɔngɔ wa laasɔ, wayokelɛ ɔnɛ Osomba wa Losembwe, Ngelo ka Kɔlamelo.+
27 Siɔna ayotshungɔma+ la sambo k’ɔlɔlɔ,
Ndo anto ayɔ wayokalola la losembwe.
28 Atɔmbɔki la atshi wa pɛkato wayolanyema kaamɛ,+
Ndo wanɛ watshika Jehowa wayokoma l’ekomelo kawɔ.+
29 Nɛ dia vɔ wayonga la nsɔnyi l’ɔtɛ w’esongo wa wolo wakombolanyu,+
30 Nɛ dia nyu nyayonga oko osongo wa woke wele la akatshi wambɔlɛngɛ,+
Ndo oko ekambɔ kaha l’ashi.
31 Pami ka wolo ayonga oko ɔkɔdi wamboma*,
Ndo olimu ande oko shase ya dja;
Vɔ akɔ 2 wayolongola lo loombe la dja kaamɛ,
Ko ndooko onto layowadima.”
2 Ɛnɛlɔ kakɛnyi Isaya ɔna Amɔza lo dikambo dia Juda la Jɛrusalɛma+ tɔ kɛnɛ:
2 Lo etena k’ekomelo ka nshi*,
Dikona dia luudu la Jehowa
Diayoshikimala nge laadiko dia tɔsɔdi t’akona,+
Ndo diayodiyama laadiko dia tokonakona,
Ko wedja tshɛ wayɔkɛlaka otsha lɛkɔ.+
3 Ndo anto efula wayotshɔ, ko wayota vate:
“Nyoye tode otsha lo dikona dia Jehowa,
Otsha lo luudu la Nzambi ka Jakɔbɔ.+
Nde ayototetsha mboka yande,
Ndo sho tayɔkɛndakɛnda lo ɛsɛsɛ ande.”+
4 Nde ayolombosha l’atei wa wedja
Ndo ayodja akambo l’ɔnɔngɔ* dikambo dia anto efula.
Vɔ wayotshula tokuwa tawɔ ta ta nkongo
Ndo akɔnga awɔ tɔshɔlɔ takɔlɔngawɔ adiyo.+
Wodja ɔmɔtshi hawotɛmbɛ wodja okina lokuwa la ta,
Ndo vɔ hawoteka ta nto.+
5 Luudu la Jakɔbɔ le, yaka,
Tɔkɛndɛkɛndɛ l’osase wa Jehowa.+
6 Dikambo wɛ ambohɛ anto ayɛ, luudu la Jakɔbɔ,+
Nɛ dia vɔ wambolola tɔɔ la diangɔ di’oma lo ɛstɛ;
Vɔ wekɔ lo nsala awui wa maji+ oko ase Filistiya,
Ndo wekɔ la ana w’angɛndangɛnda efula.
7 Wodja awɔ wambolola tɔɔ la mfɛsa ndo la paonyi,
Ndo diangɔ diawɔ dia nɛmɔ bu la ekomelo.
Wodja awɔ wambolola tɔɔ la mfalasa,
Ndo pusupusu yawɔ bu la ekomelo.+
8 Wodja awɔ wambolola tɔɔ la tozambizambi t’anyanya.+
Vɔ wekɔ lo nkusamɛ olimu w’anya awɔ hita,
Kɛnɛ kakasale mpita yawɔ hita.
9 Ɔnkɔnɛ onto kusamaka, nde ndjaholoyaka
Ndo wɛ hakoke mɛtɛ mbadimanyiya.
10 Ɔtɔ lo dive ndo yashɛ lo ditshu
L’ɔtɛ wa woongelo wa Jehowa wokiya wɔma
Ndo lɔnɛnɛ lande la diambo.+
11 Onto lele la washo wa lotamanya ayokitshakitshama
Ndo akanga w’otako wayoholoyama.*
Jehowa oto mbayodiyama lushi lɔsɔ.
12 Nɛ dia lɔ lekɔ lushi laki Jehowa kanga lolembelembe.+
Lɔ lekɔ lo ndjaye le onto tshɛ lele la lotamanya ndo layadiya,
Le onto tshɛ, oyadi ladiyama kana laholoyama,+
13 Le elondo tshɛ wa la Lɛbanɔna w’etale ndo wadiyama
Ndo le esongo tshɛ wa ɔakɛ wa la Bashana,
14 Le akona tshɛ w’etale
Ndo le tokonakona tshɛ ta tanga,
15 Le tshoto tshɛ ya tanga ndo ehele tshɛ ka wolo,
16 Le masuwa tshɛ wa Tarashishi+
Ndo le waato tshɛ w’amɛna.
17 Lotamanya l’onto layokitshakitshama,
Ndo akanga w’otako wayoholoyama.*
Jehowa oto kayodiyama lushi lɔsɔ.
18 Tozambizambi t’anyanya tayoshishɔ tshɛ lo tshɛ.+
19 Ndo anto wayɔtɔ lo weoko w’ave
Ndo lo afuku wa lo nkɛtɛ,+
L’ɔtɛ wa woongelo wa Jehowa wokiya wɔma
Ndo lɔnɛnɛ lande la diambo,+
Lam’ayondemala dia didinya nkɛtɛ la wɔma.
20 Lushi lɔsɔ anto wayɔsa tozambizambi tawɔ t’anyanya ta mfɛsa ndo ta paonyi
Takawayasalɛ dia tikusamɛka
Ko tiokɛ le dji la nema,+
21 Dia mbɔtɔ lo wesho wa lo ave
Ndo lo ɛlɔngɛ w’ave,
L’ɔtɛ wa woongelo wa Jehowa wokiya wɔma.
Ndo lɔnɛnɛ lande la diambo,
Lam’ayondemala dia didinya nkɛtɛ la wɔma.
22 Lo wahɔ anyu hita, nyotshike ndjaɛkɛ le onto,
Lele tsho loowe la lo wesho w’ɛhɛmbɛ ande.*
Lande na kahombande mbidjama yimba?
3 Nɛ dia eenda, Nkumadiɔndjɔ ka mɛtɛ, Jehowa kanga lolembelembe,
Ekɔ lo minya woho tshɛ w’osukɔ oma la Jɛrusalɛma ndo la Juda,
Osukɔ tshɛ wa mbo ya ndɛ ndo ashi,+
2 Pami ka wolo ndo ɔndɔshi wa ta,
Shushi ndo omvutshi,+ osadi wa diendja ndo ekumanyi,
3 Owandji w’anto 50,+ ɔnɛnɛ ndo ondaki,
Ose maji la manamana ndo osaki w’ekanga wele la diewo.+
4 Dimi layetɛ ana w’akɛnda ewandji awɔ,
Ndo onto lele bu shikaa* ayowaolɛ.
5 Anto wayosoyana,
Onto la wonyande.+
Ɔna dikɛnda ayɔlɔsha osombe w’onto,
Ndo onto lahalɛmiyama efula ayohetsha ɔnɛ lalɛmiyama.+
6 Onto tshɛ ayokimɛ ɔnango lo luudu la she ndo ayota ate:
“Wɛ ekɔ la okutu wa laadiko, onga omboledi aso.
Ɔsa ɔkɛndɛ wa tota dia kɛnɛ kakalanyema.”
7 Koko nde ayotona lushi lɔsɔ ate:
“Dimi hantonga osodi* wa mpota yanyu;
Dimi bu la mbo ya ndɛ kana ahɔndɔ lo luudu lami.
Tanyombetɛke omboledi w’anto.”
8 Nɛ dia Jɛrusalɛma ambotakana,
Ndo Juda ambɔkɔ,
Nɛ dia vɔ wekɔ lo ndɔshana la Jehowa lo ɛtɛkɛta ndo lo etsha,
9 Ɛnamelo ka dungi diawɔ mbafundaka,
Ndo diɔ mbewoyaka pɛkato kawɔ oko Sɔdɔma+;
Diɔ hadioyange dia kishɛ.
Mananu le wɔ,* nɛ dia vɔ wekɔ lo ndjaela mpokoso le wɔ vɔamɛ!
11 Mananu le kanga kɔlɔ!
Mpokoso kayowokomɛ,
Nɛ dia kɛnɛ kakasale anya ande kayowoosalɛ!
12 Lo kɛnɛ kendana la anto ami, wanɛ wawasha elimu wekɔ lo mbahɛnyɔla,
Wamato wekɔ lo mbawahemɛ.
Anto ami le, ɛlɔmbɔdi anyu wekɔ lo nsala dia nyu mbekekɔ,
Ndo vɔ fukutanyaka ɛlɔmbwɛlɔ ka mboka yanyu.+
13 Jehowa ambemala dia mfunda anto;
Nde ambonɛɛ dia mpembola dombo di’anto.
14 Jehowa ayɔtɔ lo kilombo nde la dikumanyi la ewandji w’anto ande.
“Nyu nyakatshumbe ekambɔ ka vinyɔ,
Ndo kɛnɛ kakanyave ose wola kekɔ lo mvudu yanyu.+
15 Bonde kasombɔnyu minola anto ami
Ndo mbatshatsha dungi di’ase wola lo ditshu?”+ mbata Nkum’Olongo Nkumadiɔndjɔ Jehowa kanga lolembelembe.
16 Jehowa kata ate: “Lam’ele ana wa wamato wa Siɔna wekɔ la lotamanya,
Wakɛndakɛnda ɛtɛ awɔ l’olongo,
Walɛngiya washo awɔ, wakɛndakɛnda ɔkɔkɛ,
Watondja londjo l’osakanyelo wa tɔkɔlɔngɔnyɔ tawɔ,
17 Jehowa ayotoma nto ahaka lo ɛtɛ w’ana wa wamato wa Siɔna,
Jehowa ayotshika ekoko awɔ etakataka.+
18 Lushi lɔsɔ Jehowa ayonya olangala w’ɛkɔma awɔ,
Bɛtshi di’ahɔndɔ diakelekawɔ l’ɔtɛ ndo dɛngalɛnga+ diele oko ngɔndɔ,
19 Azama, ɛkɔma ndo ahɔndɔ wakomba ɔtɛ,
20 Tambala, tɔshɛnɛtɛ ta l’ekolo, la eya,
Diangɔ diadjawɔ malashi* ndo tɔshɛnɛtɛ,
21 Mpɛtɛ ya lo mpita ndo azama wa lo ɛhɛmbɛ,
22 Ekutu wa nshi ya weke, toshumishi t’etale, akɔti ndo totapatapa tadjawɔ falanga,
23 Talatala ya lo anya+ ndo ahɔndɔ wa linɛnɛ,*
Ahɔndɔ wadingawɔ l’ɔtɛ ndo ahɔndɔ wakombawɔ ɔtɛ.
24 Nsolo k’ɛhɔndɛlɔ kayoyala lo dihole dia esɔ ka balasama+;
Lɔkɔdi lo dihole dia oya;
Diwandji lo dihole dia yoho ya dimɛna ya nɔngɔsɔla divo+;
Dihɔndɔ dia dikoto lo dihole dia dihɔndɔ dia dimɛna+;
Ndo lofuu lo dihole di’olangala.
25 Apami ayɛ wayodiakema la lokuwa la ta,
Ndo apami ayɛ wa wolo lo ta.+
4 Lushi lɔsɔ, wamato 7 wayokimɛ pami+ 1, wata vate:
“Sho tayɔlɛ mbo ya ndɛ yaso hita
Ndo tayɔlɔta ahɔndɔ aso hita;
Dui ɔtɔi diakɔlɔmbaso ele, etawɔ dia sho mbelamɛ lo lokombo layɛ
2 Lushi lɔsɔ, kɛnɛ kayosala Jehowa dia mɔnga kayonga dimɛna ndo la lotombo, ndo elowa wa lo wodja mbayonga ofunu ndo olangala wa ehandɔ wa Isariyɛlɛ.+ 3 Onto tshɛ layotshikala la Siɔna ndo layotshikala la Jɛrusalɛma, wanɛ tshɛ wele la Jɛrusalɛma wofundami dikambo dia lɔsɛnɔ+ wayelamɛ ekila.
4 Lam’ayosola Jehowa mindo* ya ana wa wamato wa Siɔna+ ndo lam’ayondonya ɔkɛdiɛlɔ wa dikila dia Jɛrusalɛma oma l’atei ayɔ la nyuma ka kilombo ndo la nyuma k’otshumbelo,*+ 5 ndo nto, la diko dia dihole di’otondo dia Dikona dia Siɔna ndo la diko dia dihole diawɔ dia nsanganya ya weke, Jehowa ayotonga dinge la edinga la yanyi ndo loombe la dja yahɛta l’otsho;+ nɛ dia hiombo yayonga la diko dia kɛnɛ tshɛ kele la lotombo. 6 Ndo tshombotombo yayonga dia mbishaka dɛdi la yanyi+ ndo dia monga eshamelo ndo ekokelo oma lo mpɛpɛ ya wolo ndo mvula ngembe.+
5 Lam’alanganyu, dimi nte membee olangemi ami
Osambo wendana la ɔnɛ lalangami ndo ekambɔ kande ka vinyɔ.+
Olangemi ami aki la ekambɔ ka vinyɔ lo nkɛtɛ y’ɛtɛtɔ yele l’omamu wa kionakona.
2 Nde akakifuse ndo akanya ave oma lɔkɔ.
Nde akonɛ vinyɔ ya beela yoleki dimɛna lɔkɔ,
Akake tshoto l’atei atɔ,
Ndo akasale diamula di’elowa lɔkɔ.+
Oma laasɔ, nde akalongamɛka dia tɔ kayotondja elowa wa vinyɔ w’amɛna,
Koko tɔ kakatondja paka elowa wa kɔlɔ eto.+
3 “Kakianɛ, nyu ase Jɛrusalɛma ndo apami w’ase Juda,
Lam’alanganyu, nyosambole lam’asami la ekambɔ kami ka vinyɔ.+
4 Kakɔna nto kakamakoke salɛ ekambɔ kami ka vinyɔ
Kemi talashile nsala?+
Etena kakamalongamɛka elowa wa vinyɔ w’amɛna,
Lande na kakatatondja elowa wa kɔlɔ eto?
5 Lam’alanganyu, dimi nte nyote
Kɛnɛ kayomosalɛ ekambɔ kami ka vinyɔ:
Dimi layonya lokombo la lɔkɔ,
Ndo tɔ kayotshumbama.+
Dimi layotola ehele k’ave ka lɔkɔ,
Ndo tɔ kayɔhɔtshahɔtshama.
6 Dimi layokietɛ nkɛtɛ ya shɛnga+;
Tɔ hatokandjɔma ndo hatokambema.
7 Nɛ dia luudu l’Isariyɛlɛ+ kele ekambɔ ka vinyɔ ka Jehowa kanga lolembelembe;
Apami wa la Juda mbele ekambɔ* kakandalange efula.
Nde akalongamɛka sambo k’ɔlɔlɔ,+
Ko eenda, aki paka awui wele bu la losembwe ato;
Ndo losembwe,
Ko eenda, paka ekoko w’asui ato.”+
8 Mananu le wanɛ wamamatanya luudu lɔmɔtshi la luudu lokina+
Ndo wanɛ wasanganya ekambɔ kɛmɔtshi la ekambɔ kekina+
Edja ndo dihole diaya bu
Ndo nyambodjasɛ nyuamɛ lo wodja!
9 Jehowa kanga lolembelembe akatshibe lo atoyi ami
Dia mvudu efula, kaanga mbeyɔ weke ndo amɛna,
Yɔ yayonga ɛngɔ ka diɔnyɔ,
Kaha l’onto ladjasɛ.+
10 Nɛ dia akrɛ* 10 wa ekambɔ ka vinyɔ wayotondja bata 1 oto ka yɛdikɔ*,
Ndo hɔmɛra 1 wa yɛdikɔ* ya woho wayotondja paka efa* 1 oto.+
11 Mananu le wanɛ wetɔ la pindju ka pɛɛ dia nnɔ wanu wadjoya,+
Wanɛ watshikala edja polo la dikɔlɔ di’otsho polo ndo wanu wambowadjoya!
12 Vɔ wekɔ la lɔsɛsɛ ndo la ehomahoma k’eshinga,
Ngɔmɔ, mpolo ndo wanu lo fɛtɛ yawɔ;
Koko vɔ hawɔsɛdingola elimu wa Jehowa,
Ndo vɔ hawɛnyi olimu w’anya ande.
13 Ɔnkɔnɛ anto ami wayotshɔ lo lɔhɔmbɔ
L’ɔtɛ wewɔ bu la ewo;+
Anto awɔ wa lotombo wayodiɛnɛ la ndjala,+
Ndo anto awɔ tshɛ wayoma to la mposa k’ashi.
14 Ko Diombo* diakanune dɔamɛ*
Ndo diakasɛ onyɔ adiɔ hwe aha la ekomelo;+
Ndo lɔnɛnɛ la Jɛrusalɛma,*
londjo la nyemba yayɔ y’anto ndo ambidji wa mindjo
Wayoholɔ mɛtɛ otsha lɔkɔ.
15 Ndo onto ayɔkɔlama,
Onto ayoholoyama,
Ndo washo wa kanga otako wayoholoyama.
16 Jehowa kanga lolembelembe ayodiyama la elombwelo* kande;
Nzambi ka mɛtɛ, Ɔnɛ lele Ekila,+ ayoyakidia oma lo losembwe.+
17 Ana w’ɛkɔkɔ wayɔlɛ adiyo oko l’ɛtshi kawɔ ka nkɛtɛ;
Angɛndangɛnda wayɔlɛ lo ahole wambolanyema wa nyama yaleshawɔ dimɛna.
18 Mananu le wanɛ wakotola onongo awɔ la ɛkɔdi wa lokeso
Ndo pɛkato kawɔ la ɛkɔdi wa pusupusu,
19 Wanɛ wata vate: “Nde asale di’olimu ande kambema la shamanya;
Vɔ waye esadi kele toyowɛnyi.
20 Mananu le wanɛ wata vate ɔlɔlɔ ekɔ kɔlɔ ndo kɔlɔ ekɔ ɔlɔlɔ,+
Wanɛ wakadimola wodjima osase ndo osase wodjima,
Wanɛ wɔsa ololo ɔnɛ mpɛ ndo mpɛ ɔnɛ ololo!
21 Mananu le wanɛ wayaɔsa akanga wa lomba lo washo awɔ hita
Ndo akanga wa kɛsɔ lo washo awɔ hita!+
22 Mananu le wanɛ wele akanga wa nkudu lo nɔshi dia wanu
Ndo le anto wele pidii lo nɔshi dia wanu wa lɔsɔhanya,+
23 Wanɛ wayindja kanga kɔlɔ l’ɔtɛ w’etshimba+
Ndo wadima onto ɔlɔlɔ losembwe!+
24 Ɔnkɔnɛ, oko watotshumbaka shase ya dja nsɔdu
Ndo watolongolaka adiyo wamboma lo loombe la dja,
Edio awɔ hita wayɔhɔnda,
Ndo alɛmbɔlɛmbɔ awɔ wayohandjɔ oko ofushi,
Dikambo vɔ wakasɛkɛ ɛlɛmbɛ* wa Jehowa kanga lolembelembe
Ndo kɔnɛmiya ɔtɛkɛta wa l’Ekila la Isariyɛlɛ.+
25 Diakɔ diele nkɛlɛ ka Jehowa kambodɔdwɛ anto ande,
Ndo nde ayosembola lonya lande otsha le wɔ dia mbakɔmɔla.+
Akona wayodidima,
Ndo edo awɔ wayonga oko diangɔ dia nyɛtɛɛtɛ lo toshinga.+
L’ɔtɛ wa akambo asɔ tshɛ, nkɛlɛ kande katakitakita,
Koko lonya lande laakasembwe tsho dia nkɔmɔla.
26 Nde akemɛ djembetelo* le wodja w’etale;+
Nde akawadɛ hionge dia vɔ ndja oma lo tokoma ta nkɛtɛ;+
Ndo vɔ wekɔ lo ndjaye esadi esadi.+
27 Ndooko onto l’atei awɔ lambɔlɛmba kana latakana.
Ndooko onto lanyingɔnyingɔ kana lalala djɔ.
Oya wele lo lokende lawɔ hawɔtɛwɔ,
Ndo ɛkɔdi wa sabata yawɔ hawohembɔ.
28 Mpito yawɔ tshɛ yekɔ ɛsɔdi,
Ndo eta awɔ tshɛ minɛma.*
Nsabɔ ya mfalasa yawɔ yekɔ oko dive dia silɛksɛ,
Ndo etshimbi wa pusupusu yawɔ wekɔ oko lɔpɛpɛ la wolo.+
Vɔ wayodikita ndo wayonda nyama
Ndo wayotshɔ la tɔ ko ndooko onto layokitshungola.
30 Lushi lɔsɔ vɔ wayodikita
Oko dikita dia ndjale.+
Onto tshɛ layenda wodja akɔ ayɛna wodjima washa wɔma;
Kaanga osase waya wodjima l’ɔtɛ wa wange.+
6 L’ɔnɔnyi wakavu+ nkumekanga Uziya, dimi lakɛnyi Jehowa odjashi lo kiti ka lowandji ka la diko+ ndo kodiyami, ndo nsɔsɔ y’okutu ande yakalole lo tɛmpɛlɔ. 2 Asarafu wakemala la diko diande; osarafu la osarafu aki la ahafu 6. Osarafu* tshɛ akakombe elungi kande la ahafu 2, akakombe ekolo ande la ahafu 2 ndo akafumbɔka la ahafu 2.
3 Ko ɔmɔtshi akawelɛ okina ate:
“Ekila, ekila, ekila mbele Jehowa kanga lolembelembe.+
Nkɛtɛ k’otondo ndola tɔɔ la lotombo lande.”
4 Ndo ekimedi wa nkuke ya lo asoko wakasukasuka la londjo la ombeka* akɔ, ndo luudu lakalole tɔɔ la edinga.+
5 Ko dimi lakate nte: “Ande dimi kandji lee!
Dimi laya oko odo,*
Nɛ dia dimi lekɔ onto lele la ɛlɔmɔ wa mindo,+
Ndo dimi lekɔ lo mbidjasɛ l’atei w’anto wele la ɛlɔmɔ wa mindo;
Nɛ dia washo ami wambɛna Nkumekanga, Jehowa kanga lolembelembe ndamɛ!”
6 Ko osarafu ɔmɔtshi akafumbɔ oya le mi okime dikalanga dia dja+ lo lonya lande diakandɔshi la manu oma lo elambwelo.+ 7 Nde akasakanya onyɔ ami ko akate ate:
“Eenda, ɛngɔ kɛnɛ kambosakanya ɛlɔmɔ ayɛ.
Onongo ayɛ wambonyɛma
Ndo pɛkato kayɛ kambokombama.”
8 Oma laasɔ, dimi lakoke dui dia Jehowa diata ɔnɛ: “Akɔna ayomotoma ndo ayototshwɛ na?”+ Ko dimi lakate nte: “Dimi ɔnɛ, ontome!”+
9 Ko nde akankadimola ate: “Tshɔka tote anto anɛ wate:
‘Nyu nyayoka mbala ko mbala,
Koko hanyotoshihodia;
Nyu nyayɛna mbala ko mbala,
Koko hanyotokondja ndooko ewo.’+
10 Etɛ etema w’anto anɛ lonyu,+
Etɛ atoyi awɔ lohokotui,+
Ndo diha washo awɔ,
Diaha vɔ mɛna la washo awɔ
Ndo mboka la atoyi awɔ,
Diaha etema awɔ nshihodia
Diaha vɔ ndjokadimɔ ko nkɔnɔ.”+
11 Ko dimi lakate nte: “Jehowa le, polo l’etena kakɔna?” Ko nde akate ate:
“Polo ndo esomba wambohandjɔ la elanyelo aha la onto mbidjasɛ lɔkɔ
Ndo mvudu yaya bu la anto
Ndo wodja wambolanyema ndo waya tɔngɔ to;+
12 Edja ndo Jehowa ambanganya apami etale+
Ndo olawelo wa lo wodja wambonga wolo efula.
13 “Koko etenyi ka dikumi ɔtɔi kayonga lɔkɔ ndo tɔ kayotshumbama, oko osongo wa woke ndo oko osongo wa ɔakɛ wele l’ɔkɔngɔ wa vɔ pembɔma wambotshikala ehekele; lɔtɔngɔ* l’ekila kayonga ehekele kawɔ.”
7 Lo nshi ya Ahaza+ ɔna Jɔtama ɔna Uziya nkumekanga ka Juda, Rɛzina nkumekanga ka Suriya nde la Peka+ ɔna Rɛmaliya, nkumekanga ka Isariyɛlɛ wakaye dia ndjɔlɔsha Jɛrusalɛma, koko nde* kokoka ndjiɔsa.+ 2 Wakatotɛ ase luudu la Davidɛ ɔnɛ: “Suriya ambosanganya asɔlayi ande la Efrayimɛ.”
Ko otema wa Ahaza la otema wa anto ande wakatatɛ didima oko esongo wa l’okonda wasukasuka la lɔpɛpɛ.
3 Oma laasɔ, Jehowa akatɛ Isaya ate: “Lam’alangayɛ, tshɔka le Ahaza wɛ la ɔnayɛ Sheara-Jashuba,*+ l’ekomelo k’ɔlɔnda watɔla ashi otsha lo difuku di’ashi+ dia la diko diele lo mboka ka woke k’otsha lo ekambɔ k’osodi w’ahɔndɔ. 4 Wɛ pombaka mbatɛ wate: ‘Sala tshɛ dia wɛ ntshikala ki. Tokake wɔma ndo tɔkɔmɔke otema l’ɔtɛ wa difuki 2 dia dja nɛ diatotɔ edinga, l’ɔtɛ wa nkɛlɛ kadɔdɔ kaki Rɛzina ndo Suriya la ɔna Rɛmaliya.+ 5 Nɛ dia Suriya la Efrayimɛ ndo ɔna Rɛmaliya wambɔtɔ sheke dia kosalɛ kɔlɔ, wata vate: 6 “Nyɛsɔ totshu dia tɔlɔsha Juda, totoyihandjole* ndo totoyiɔshi* dikambo diaso, kele totodje ɔna Tabɛlɛ nkumekanga.”+
7 “‘Nkum’Olongo Nkumadiɔndjɔ Jehowa kata ate:
“Dui sɔ hadiototondoyama,
Ndo hadiotosalema.
8 Nɛ dia Damasɛkɛ kele ɔtɛ wa Suriya,
Ndo Rɛzina kele ɔtɛ wa Damasɛkɛ.
Lo ɛnɔnyi 65 eto
Efrayimɛ ayohandjɔ vwa ndo hatonga wodja nto.+
Naka hanyongi la mbetawɔ ka nge,
Kete hanyotoshikikala nge.”’”
10 Jehowa akatetemala mbutɛ Ahaza ate: 11 “Lɔmba djembetelo oma le Jehowa Nzambi kayɛ;+ yɔ koka monga ɔhɔngɔ oko Diombo* kana tanga oko olongo.” 12 Koko Ahaza akate ate: “Dimi hantɔlɔmba ndo hantodja Jehowa lo ohemba.”
13 Oma laasɔ, Isaya akate ate: “Ase luudu la Davidɛ le, lam’alanganyu, nyohokame. Onde woho wahembanyu solo dia lotutsha di’anto atakoke? Onde nyu pombaka mpemba ndo solo dia lotutsha diaki Nzambi?+ 14 Ɔnkɔnɛ, Jehowa ndamɛ ayonyosha djembetelo nyɛ: Nyende! Osekaseka ayotshɔ diemi ko ayota ɔna pami,+ nde ayowɔlɛ Emanuwɛlɛ.*+ 15 Nde ayɔlɛ matɛka ndo osanga lo etena keyande woho wa nsɛka kɔlɔ ndo nsɔna ɔlɔlɔ. 16 Nɛ dia la ntondo ka ɔna mbeya woho wa nsɛka kɔlɔ ndo nsɔna ɔlɔlɔ, wodja wa nkumi ya dikanga 2 yokayɛ wɔma wayɔsɛkama tshɛ lo tshɛ.+ 17 Jehowa ayokela, ayela anto ayɛ ndo ase luudu la shɔ etena ka wolo woho wahatayalaka ntatɛ lushi lakaye Efrayimɛ oma la Juda,+ nɛ dia Nde ayela nkumekanga ka Asuriya.+
18 “Lushi lɔsɔ, Jehowa ayoda hionge dia mbelɛ ntshingo y’oma l’ɛkɛdi w’etale wa Nilɛ ka lo Edjibito ndo ndjwe ya lo wodja wa Asuriya, 19 ko yɔ tshɛ yayoya ndo yayodjasɛ lo ekidi w’ɛhɔngɔ, lo weoko wa ave, lo akombokombo w’atɛndɛ tshɛ ndo l’ahole tshɛ wele ashi.
20 Lushi lɔsɔ, la ekimanyielo ka ɛrɛswara w’oma lo ɛtshi ka nkɛtɛ ka Ɔkɛdi,* la ekimanyielo ka nkumekanga ka Asuriya,+ Jehowa ayonya divo dia lo ɛtɛ ndo wɛɔsa wa l’ekolo kaamɛ ndo ndɛdu tshɛ.
21 “Lushi lɔsɔ, onto ayotshika ɔsɔngɔ wa ngɔmbɛ ndo ɛkɔkɔ 2 la lɔsɛnɔ. 22 Ndo l’ɔtɛ w’efula ka abɛlɛ, nde ayɔlɛ matɛka, nɛ dia onto tshɛ layotshikala lo wodja ayɔlɛ matɛka ndo osanga.
23 “Lushi lɔsɔ, dihole tshɛ diakongaka tovinyɔ kinunu (1 000) lo ekenga wa mfɛsa kinunu (1 000), ayonga paka akombokombo w’atɛndɛ la adiyo ato. 24 Anto wayotshɔ lɛkɔ la eta ndo la mpito, nɛ dia wodja w’otondo wayolola la akombokombo w’atɛndɛ ndo la adiyo. 25 Ndo akona tshɛ wakawɔmbɛka la longo, wɛ hatosukana lɛkɔ l’ɔtɛ wa wɔma wa akombokombo w’atɛndɛ ndo adiyo; vɔ wayoyala dihole dialɛ ngɔmbɛ adiyo ndo diahɔtshahɔtsha ɛkɔkɔ.”
8 Jehowa akambutɛ ate: “Ɔsa ehase ka woke+ kele funda lɔkɔ la efundelo wa wɔdu* ɔnɛ: ‘Mahɛrɛ-Shalala-Hashi-Baza.’* 2 Ndo etawɔ dia dimi nshikikɛ dui sɔ la efundelo w’oma le ɛmɛnyi wa kɔlamelo, ɔlɔmbɛdi Uriya+ nde la Zɛkariya ɔna Jɛbɛrɛkiya.”
3 Oma laasɔ, dimi lakeyana* la wadɛmi, omvutshi wa womoto ko nde akatshu diemi ndo akayota ɔna pami.+ Ko Jehowa akambutɛ ate: “Ɔlɛnde Mahɛrɛ-Shalala-Hashi-Baza, 4 nɛ dia la ntondo ka ɔnakɔ mbeya woho wa mbelɛ ɔnɛ: ‘Papa!’ ndo ‘Mama!’ diangɔ dia Damasɛkɛ ndo diangɔ dia dimbo dia Samariya diayɔsama la ntondo ka nkumekanga ka Asuriya.”+
5 Jehowa akambutɛ nto ate:
6 “Lam’ele anto anɛ wakatone ashi wakɛla dimɛna wa Shiloa*+
Ndo vɔ ngɛnangɛnaka Rɛzina nde la ɔna Rɛmaliya,+
7 Ɔnkɔnɛ Jehowa ayowaela
Ashi wa wolo ndo w’efula wa lo Ɔkɛdi,*
Nkumekanga ka Asuriya+ la lotombo lande tshɛ.
Nde ayoya la diko dia edihe ande tshɛ wa l’ɛse k’ashi
Nde ayombɔmbɔ la diko dia emamu ande tshɛ
8 Ndo ayɔmba Juda y’otondo.
Nde ayosala elola, ayeta ndo ayokoma polo lo nkingo;+
Ahafu wosandjwe wayolola lo wekeke wa wodja ayɛ,
9 Nyu anto le, nyosale kɔlɔ, koko nyayohandjɔma bɛtshi bɛtshi.
Nyohokame, nyu wanɛ tshɛ w’oma lo bɛkɛ di’etale dia nkɛtɛ!
Nyoyalɔngɔsɔlɛ dia ndɔ ta,* koko nyayohandjɔma bɛtshi bɛtshi!+
Nyoyalɔngɔsɔlɛ dia ndɔ ta, koko nyayohandjɔma bɛtshi bɛtshi!
10 Nyosale ekongelo, koko tɔ kayolana!
11 La lonya lande la wolo lele le mi, Jehowa akambutɛ dia pɛmɔlami diaha ndjela mboka k’anto anɛ ate:
12 “Kɛnɛ kelɛ anto anɛ ɔnɛ sheke, tanyokielɛke ɔnɛ sheke!
Kɛnɛ kokawɔ wɔma, tanyokiokake wɔma;
Tanyodidimake l’ɔtɛ atɔ.
13 Jehowa kanga lolembelembe kele Ɔnɛ lahombanyu mbɔsa oko ekila,+
Nde kele Ɔnɛ lahombanyu mboka wɔma,
Ndo nde kele Ɔnɛ lahomba nyosatsha lokomba.”+
14 Nde ayonga oko tɛmpɛlɔ k’ekila,
Koko oko dive dia nkɔmɔla lɔkɔ
Ndo oko dive dia ntakana lɔkɔ+
Le mvudu yakɔ 2 ya Isariyɛlɛ,
Oko ɔtɛyi ndo oko djonga
Le ase Jɛrusalɛma.
15 Efula kawɔ wayotakana, wayɔkɔ ndo wayohomɔ;
Vɔ wayotala lo djonga ndo wayondama.
16 Ɔmba eshikikelo ka lofunda;
Diha ɛlɛmbɛ* l’atei w’ambeki ami!
17 Dimi layendɛka* le Jehowa,+ ɔnɛ lashɛ elungi kande le luudu la Jakɔbɔ+ ndo dimi layolongamɛka le nde.
18 Eenda, lo Isariyɛlɛ, dimi la ana wakambisha+ Jehowa tekɔ oko tolembetelo+ ndo oko ahindo w’oma le Jehowa kanga lolembelembe ɔnɛ ladjasɛ lo Dikona dia Siɔna.
19 Ndo naka wambonyotɛ ɔnɛ: “Nyombole wanɛ watɛkɛtsha dimu kana wetshi wadjɔ ndo wendja,” shi Nzambi kawɔ kahomba anto mimbola? Onde vɔ pombaka ntɛkɛta la wanɛ wakavu lo wahɔ wa wanɛ wasɛna?+ 20 Lo dihole dia nsala ngasɔ, vɔ pombaka mimbola ɛlɛmbɛ ndo eshikikelo ka lofunda!
Etena kahawatɛkɛta lo yoho yɔtɔnɛ la ɔtɛkɛta akɔ, vɔ bu la osase.*+ 21 Ndo onto l’onto ayeta lo wodja ele la asui ndo la ndjala;+ ndo lam’ele nde ekɔ la ndjala ndo la yɛnyi nde ayodja nkumekanga kande ndo Nzambi kande mananu etena kayondalɛ l’olongo. 22 Oma laasɔ, nde ayenda lo nkɛtɛ ko ayɛna paka asui ato, odima oto, wodjima, tena dia wolo ndo loonge koko ndooko osase.
9 Koko wodjima hawotonga oko etena kaki wodja la asui, oko lo tena diakete, etena kakɔnyɔma ɛtshi ka nkɛtɛ ka Zebuluna la ka Nafɛtali.+ Koko lo etena kayoya, Nde ayosala dia tɔ nɛmiyama, mboka ka lo ndjale, lo ɛtshi ka nkɛtɛ ka Jɔrdana, Ngalileya k’ase wedja.
2 Anto wakakɛndakɛndaka lo wodjima
Wambɛna osase wa woke.
Koko wanɛ wodjashi l’ɛtshi ka nkɛtɛ ka dɛdi dia hitɔɔ,
Osase wambahɛtɛ.+
3 Wɛ ambosala dia wodja monga la anto efula;
Wɛ ambofudia ɔngɛnɔngɛnɔ awɔ.
Vɔ wekɔ lo ngɛnangɛna la ntondo kayɛ
Oko watɔngɛnangɛnaka anto lo nshi ya dinela,
Oko anto wakahana diangɔ dia dimbo l’ɔngɛnɔngɛnɔ.
4 Nɛ dia wɛ ambohandjola osembe w’oshikɔ awɔ,
Osembe wa lo ahɛka awɔ, danga dia ɔnɔmbɔdi,
Oko lo lushi la Midiyana.+
5 Sabata tshɛ yadidinya nkɛtɛ etena katayakɛndakɛnda
Ndo dihɔndɔ tshɛ diakatambiyama lo dikila,
Diayonga oko nkunyi lo dja.
Wayowelɛ ɔnɛ Ondaki wa Mamba,+ Nzambi ka Wolo,+ Shɛso ka Pondjo, Owandji wa Ki.
7 Lowandji* lande layotahamaka tsho
Ndo wɔladi hatonga la ekomelo,+
Lo kiti ka lowandji ka Davidɛ+ ndo lo diolelo diande
Dia dishikikɛ nge+ ndo dia disukɛ
Lo tshimbo ya sambo k’ɔlɔlɔ+ ndo losembwe,+
Oma ko kakianɛ ndo pondjo pondjo.
Ohetoheto wa Jehowa kanga lolembelembe mbayosala dui sɔ.
8 Jehowa akatomɛ Jakɔbɔ dui,
Ndo diɔ diambokoma le Isariyɛlɛ.+
9 Ndo anto tshɛ wayodieya,
Efrayimɛ la ase Samariya,
Watɛkɛta lo lotamanya lawɔ ndo lo otako w’etema awɔ vate:
10 “Atafadi wambokongotɔ,
Koko sho tayohika la ave wa lɔsɛla.+
Esongo wa lokumu wambɔkɔtama,
Koko sho tayowahɛnya la esongo w’elondo.”
11 Jehowa ayonyiya andɔshi wa Rɛzina dia mbɔlɔsha
Ndo ayotshutshuya atunyi ande dia vɔ nsala dui dimɔtshi,
12 Suriya oma lo ɛstɛ ndo Filistiya oma lo owɛstɛ,*+
Vɔ wayasɛ enyɔ dia ndɛ Isariyɛlɛ.+
L’ɔtɛ wa akambo asɔ tshɛ, nkɛlɛ kande katakitakita,
Koko lonya lande laakasembwe tsho dia nkɔmɔla.+
13 Nɛ dia anto watakalola le Ɔnɛ lawakɔmɔla;
Vɔ hawoyange Jehowa kanga lolembelembe.+
15 Ekumanyi ndo ɔnɛ lalɛmiyama efula kele ɔtɛ,
Ndo omvutshi washa wetshelo wa kashi kele wela.+
16 Wanɛ walɔmbɔla anto anɛ wekɔ lo mbanganyiya,
Ndo wanɛ walɔmbɔma wekɔ l’okandokando.
17 Diakɔ diele Jehowa hatɔngɛnangɛna ɛlɔngɔ awɔ wa apami,
Ndo nde hatoka anawɔ wa tshike* la wadi waki edo awɔ kɛtshi
Nɛ dia vɔ tshɛ wekɔ ɛtɔlɔki ndo atshi wa kɔlɔ+
Ndo onyɔ tshɛ wekɔ lo ntɛkɛta awui w’enginya.
L’ɔtɛ wa akambo asɔ tshɛ, nkɛlɛ kande katakitakita,
Koko lonya lande laakasembwe tsho dia nkɔmɔla.+
18 Lam’ele kɔlɔ pɛtaka oko dja,
Tshumbaka akombokombo w’atɛndɛ ndo adiyo.
Tɔ kayodja dja lo akanda wa l’okonda,
Ko vɔ wayodɛ lo wange w’edinga.
19 Lo odudu wa Jehowa kanga lolembelembe
Wodja wambɔtɔ dja,
Ndo anto wayoyala nkunyi lo dja.
Ndooko onto layoshimbɛ kaanga ɔnango.
20 Ɔmɔtshi ayohembola lo lonya l’omi
Koko ayongaka paka la ndjala;
Ndo okina ayɔlɛ la lonya la lɔmɔsɔ
Koko hatolota.
Onto l’onto ayɔlɛ emunyi wa lonya lande hita,
21 Manase ayɔlɛ Efrayimɛ,
Ndo Efrayimɛ ayɔlɛ Manase.
Vɔ wayosangana dia ndɔsha Juda.+
L’ɔtɛ wa akambo asɔ tshɛ, nkɛlɛ kande katakitakita,
Koko lonya lande laakasembwe tsho dia nkɔmɔla.+
10 Mananu le wanɛ wadja ɛlɛmbɛ wa kɔlɔ,+
Watetemala ntondja wadjango wɛnya anto paa,
2 Dia manguna lotshungɔ lele la ose wola,
Dia dima mbolambola yele l’atei w’anto ami losembwe,+
Lo mbɔsa diangɔ dia wadi waki edo
4 Ndooko kɛnɛ kayotshikala onyake nkotama l’atei w’ase lokanu
Kana nkɔ l’atei w’edo.
L’ɔtɛ wa akambo asɔ tshɛ, nkɛlɛ kande katakitakita,
Koko lonya lande laakasembwe tsho dia nkɔmɔla.+
5 “Aah! Ose Asuriya,+
Lofimbɔ dia mɛnya nkɛlɛ kami+
Ndo ɔhɛhɛla lo lonya lawɔ dia dimi mbisha dilanya!
6 Dimi layowotoma dia ndɔsha wodja w’ɛtɔlɔki,+
Dia ndɔsha anto wambisha nkɛlɛ;
Dimi layowodjangɛ dia mbɔsa diangɔ efula dia dimbo
Ndo dia mbahɔtshahɔtsha oko lɔtɛkɛ la lo toshinga.+
7 Koko nde hatonga la ekanelo ka ngasɔ
Ndo otema ande hawotonga la ekongelo ka ngasɔ;
Nɛ dia otema ande wekɔ la kanyi ya nshila oshiki,
Dia ndanya wedja efula, aha wedja yema tshitshɛ.
8 Nɛ dia nde mbutaka ate:
‘Shi ewandji ami tshɛ wekɔ nkumi ya dikanga?+
9 Shi Kalino+ ekɔ oko Karakɛmishɛ?+
Shi Samariya+ ekɔ oko Damasɛkɛ?+
10 Lonya lami lakande waolelo wa tozambizambi t’anyanya,
Tele dikishi diatɔ dia lɔsɛla diakaleke dia la Jɛrusalɛma ndo dia la Samariya!+
11 Onde dimi hatosalɛ ndo Jɛrusalɛma la dikishi diayɔ
Oko wakamasalɛ Samariya la tozambizambi tayɔ t’anyanya?’+
12 “Lam’ayoshidiya Jehowa olimu ande tshɛ lo Dikona dia Siɔna ndo la Jɛrusalɛma, Nde* ayosha nkumekanga ka Asuriya dilanya l’ɔtɛ wa lonyu l’otema ande ndo otako ande, washo ande wa lotamanya.+ 13 Nɛ dia nde mbutaka ate:
‘Dimi layosala dikambo sɔ la wolo wa lonya lami
Ndo la lomba lami, nɛ dia dimi lekɔ la lomba.
Dimi layonya elelo w’anto+
Ndo layomba diangɔ diawɔ dia nɛmɔ,+
Ndo dimi layahemɛ anto wodjashi lɛkɔ oko kanga wolo.+
14 Oko onto lambonda kefu,
Lonya lami layonda ɛngɔnyi w’anto;
Ndo oko onto lasanganya ekele wa lɔsɛka,
Dimi layosanganya nkɛtɛ k’otondo!
Ndooko onto layohahanya ahafu ande kana layofola onyɔ ande kana layawana.’”
15 Onde shɔka yayoyadiya laadiko dia ɔnɛ lakɔta la yɔ?
Onde si kayoyadiya laadiko dia ɔnɛ laata la tɔ?
Onde ɔhɛhɛla+ kokaka nsutshasutsha ɔnɛ lookime?
Kana onde lofimbɔ kokaka mbidiya ɔnɛ lahasalemi la osongo?
16 Ɔnkɔnɛ, Nkumadiɔndjɔ ka mɛtɛ, Jehowa kanga lolembelembe
Ayɔndja akanga wa weke,+
Ndo l’ɛse ka lotombo lande nde ayotowola loombe la dja.+
17 Osase wa Isariyɛlɛ+ wayonga dja,+
Ndo l’Ekila lakinde loombe,
Lɔ layotowɔ ndo layotshumba adiyo ande ndo akombokombo ande w’atɛndɛ lushi ɔtɔi.
18 Nde ayonya lotombo tshɛ lo tshɛ* oma lo okonda ande ndo ekambɔ kande k’elowa;
Ayonga oko etena kashisha onto wolo l’ɔtɛ wa hemɔ.+
19 Esongo watshikala lo okonda ande
Wayonga yema tshitshɛ lo yɛdikɔ yele ɔna dikɛnda koka mfunda lofulo lawɔ.
20 Lushi lɔsɔ atshikadi wa Isariyɛlɛ
Ndo ehandɔ wa luudu la Jakɔbɔ
Hawotoyaɛkɛ nto le ɔnɛ lakaakɔmɔlaka;+
Koko vɔ wayoyaɛkɛ le Jehowa,
L’Ekila la Isariyɛlɛ la kɔlamelo.
21 Paka atshikadi ato mbayokalola,
Ɛɛ, atshikadi wa Jakɔbɔ, le Nzambi ka Wolo.+
22 Nɛ dia Isariyɛlɛ le, kaanga mbele anto ayɛ
Wekɔ oko nsɛkɛ ya lɔkɔngɔ la lo ndjale,
Paka atshikadi wa l’atei awɔ ato mbayokalola.+
23 Eelo, yɛdikɔ yambɔsa Nkum’Olongo Nkumadiɔndjɔ Jehowa kanga lolembelembe ya nshila oshiki,
Yayokotshama lo wodja w’otondo.+
24 Diakɔ diata Nkum’Olongo Nkumadiɔndjɔ Jehowa kanga lolembelembe ate: “Tanyokake wɔma, nyu anto ami wodjashi la Siɔna, l’ɔtɛ w’ose Asuriya lakanyɔkɔmɔlaka la ɔhɛhɛla+ ndo lakonyiyaka lofimbɔ lande dia nyɔkɔmɔla oko wakasalaka Edjibito.+ 25 Nɛ dia etena ka tshitshɛ keto kambotshikala ko dilanya diayokomɛ; nkɛlɛ kami kayosembɔ otsha lo elanyelo kawɔ.+ 26 Jehowa kanga lolembelembe ayemɛ ɔhɛhɛla otsha le nde+ oko etena kakandalɛndja Midiyana lo dive dia Ɔrɛbɛ.+ Ndo danga diande diayonga laadiko dia ndjale, ko nde ayodiemɛ oko wakandasale la Edjibito.+
27 Lushi lakɔ oshikɔ ande wayomɔ oma lo dihɛka diayɛ,+
Ndo osembe ande oma lo nkingo kayɛ,+
Ndo osembe wayohembɔ+ l’ɔtɛ wa esɔ.”
30 Ɔna womoto la Ngalima le, hangɔhangɔ ndo da ekoko!
Layisha le, dja yimba!
Ande mfɔnu le Anatɔta lee!+
31 Madimena ambolawɔ.
Ase Ngɛbimɛ wamboyanga hiombo.
32 Ɛlɔ nde ayemala la Nɔbɔ.+
Nde onyinginya dikɔfi diande otsha le dikona dia ɔna womoto la Siɔna,
Kionakona ya Jɛrusalɛma.
33 Eenda, Nkumadiɔndjɔ ka mɛtɛ, Jehowa kanga lolembelembe,
Ekɔ lo mpembola ntahe lo yoho ya diambo;+
Esongo woleki etale wekɔ lo kɔtama,
Ndo wɛnɛ woleki tanga wambokitshakitshama.
34 Nde ekɔ lo ntɛtshatɛtsha akanda wa l’okonda la ehomɔ ka lowolo,*
Ndo Lɛbanɔna ayɔkɔshama oma le kanga wolo.
2 Ndo nyuma ka Jehowa kayodjasɛ le nde,+
Nyuma ka lomba+ ndo ka yimba,
Nyuma ka dako ndo ka wolo,+
Nyuma k’ewo ndo ka wɔma wa Jehowa.
3 Ko nde ayɔngɛnangɛna lo wɔma wa Jehowa.+
Nde hatolombosha lo ndjela kɛnɛ kɛnande la washo ande,
Ndo hatohangɔ tsho lo ndjela kɛnɛ kokande la atoyi ande.+
4 Nde ayolombosha tombolambola la losembwe,
Ndo nde ayohangɔ lo yoho yosembwe lo wahɔ wa akanga wa memakana wa la nkɛtɛ.
5 Losembwe kayonga oya lo lokende lande,
Ndo kɔlamelo oya wa lo dikundju diande.+
6 Laondo ayodjasɛ etena kɛmɔtshi kaamɛ la ɔna ɔkɔkɔ,+
Ndo nkɔi ayetama kaamɛ la ɔsɔngɔ wa mbudi,
Ndo ɔsɔngɔ wa ngɔmbɛ la ntambwɛ* ndo nyama ka wata wayonga kaamɛ;*+
Ko ɔna dikɛnda ayowalɔmbɔla.
7 Ngɔmbɛ la laondo wayɔlɛ kaamɛ,
Ndo anawɔ wayetama kaamɛ.
Ntambwɛ ayɔlɛ adiyo oko ngɔmbɛ.+
8 Ɔna lalɔma ayɔkɛnya suke la wosho w’oloyi wa kɔbra,
Ndo ɔna lambokila awɛlɛ ayodja lonya lande lo wosho w’oloyi wa lɔlɛngɔ.
9 Vɔ hawotosala ndooko kɔlɔ+
Kana ndanya dikona diami di’ekila di’otondo,+
Nɛ dia nkɛtɛ kayolola mɛtɛ la ewo ka Jehowa
Oko watololaka ashi lo ndjale.+
10 Lushi lɔsɔ odio wa Jɛse+ wayemala oko djembetelo* le anto.+
11 Lushi lɔsɔ Jehowa ayɔlɛkɛ lonya lande nto mbala ka 2 dia nyanga atshikadi w’anto ande waakatshikadi oma la Asuriya,+ oma la Edjibito,+ oma la Patɛrɔsɛ,+ oma la Kusha,*+ oma la Elama,+ oma la Shinara,* oma la Hamatɛ ndo oma l’asɛnga wa lo ndjale.+ 12 Nde ayodiya djembetelo* dikambo dia wedja ndo ayosanganya ase Isariyɛlɛ+ wakahandjɔ, ndo nde ayotshumanya ase Juda wakahandjɔ oma lo atshuku akɔ 4 wa nkɛtɛ.+
13 Kandjema ka Efrayimɛ kayeta,+
Ndo wanɛ wahetsha Juda wayolanyema.
Efrayimɛ hatoka Juda kandjema,
Ndo Juda hatohetsha Efrayimɛ.+
14 Ndo vɔ wayɔsɛlɔ lo eholola* w’ase Filistiya lo owɛstɛ;
Vɔ tshɛ kaamɛ wayomba diangɔ di’ase Ɛstɛ.
Vɔ wayosembola lonya lawɔ dia ndɔsha* Ɛdɔmɛ+ la Mɔaba,+
Ndo ase Amɔna wayokitshakitshama l’ɛse kawɔ.+
La loowe* lande la dja nde ayokikɔmɔla lo ɛkɛdi atɔ* 7,
Ndo nde ayosala dia anto ntehɔ la sabata yawɔ.
16 Ɔsɛsɛ wa woke+ wayonga oma l’Asuriya dikambo dia atshikadi w’anto ande waakatshikadi,+
Oko wakidiɔ le Isariyɛlɛ lushi lakawatombe oma lo wodja w’Edjibito.
12 Lushi lɔsɔ, lo mɛtɛ wɛ ayota wate:
“Dimi lambokosha losaka, wɛ Jehowa,
Nɛ dia kaanga mbele wɛ akamomalɛ,
Nkɛlɛ kayɛ kakakitakita yema yema ndo wɛ akansambe.+
2 Eenda, Nzambi kele panda kami.+
Dimi layoyaɛkɛ le nde ko hantoka ndooko wɔma;+
Nɛ dia Jah* Jehowa kele wolo ami ndo nkudu kami,
Ndo nde kaya panda kami.”+
3 La ɔngɛnɔngɛnɔ tshɛ, nyu nyayotahola ashi
Oma lo tɛkɔ dia panda.+
4 Lushi lɔsɔ, nyu nyayota nyate:
Nyote ɔnɛ lokombo lande lambodiyama.+
5 Nyembee Jehowa esambo wa lotombo,*+ nɛ dia nde ambosala akambo wa diambo.+
Nyewoya dui sɔ lo nkɛtɛ k’otondo.
6 Nyohangɔhangɔ ndo nyode ekoko w’ɔngɛnɔngɛnɔ, nyu ase* Siɔna,
Nɛ dia l’Ekila la Isariyɛlɛ lele l’atei anyu ekɔ woke.”
13 Ɛtɛkɛta wendana la Babilɔna+ wakɛnyi Isaya+ ɔna Amɔza lo ɛnɛlɔ vɔ ɛnɛ:
2 “Nyodiya djembetelo*+ lo dikona diele la ave wa hwe.
Nyowawele la wolo, nyonyinginya lonya lanyu,
Kele vɔ waye lo asoko w’ɛlɔhɛ.
3 Dimi lakadjangɛ wanɛ wakamasɔnɛ.*+
Dimi lakelɛ andɔshi ami wa ta dia mɛnya nkɛlɛ kami,
Anto ami wangɛnangɛna la ofunu tshɛ.
4 Nyohokame! Leemba l’anto lekɔ lo akona;
Mbokɛmaka dia ekɔ oko anto efula!
Nyohokame! Ɔsɔ lofunguso la waolelo,
La wedja wambosangana kaamɛ!+
Jehowa kanga lolembelembe ekɔ lo mɔtsha asɔlayi dia ndɔ ta.+
5 Vɔ wekɔ lo ndjaye oma lo wodja w’etale,+
Oma lo koma y’olongo,
Jehowa la dihomɔ dia ta dia odudu ande,
Dia ndanya nkɛtɛ k’otondo.+
6 Nyode ekoko, nɛ dia lushi la Jehowa laya suke!
Lɔ layanga ndja oko elanyelo k’oma le Kanga-Wolo-Tshɛ.+
7 Diakɔ diele anya tshɛ wayɔkɔmɔ,
Ndo otema w’onto tshɛ wayɔlɛlɔ la wɔma.+
8 Anto wambondama la sase.+
Vɔ wofumboya fudu ndo wekɔ la paa,
Oko womoto lele la lɔɔnɔ.
Vɔ wendanaka tsho wele la diambo,
La dungi diadunganɛ la lɔkɔnyɔ.
9 Nyende! Lushi la Jehowa lekɔ lo ndjaye,
La ngala ndo la odudu ndo la nkɛlɛ kadɔdɔ,
Dia mbetɛ wodja ɛngɔ ka wɔnɔnyi,+
Dia nshila atshi wa pɛkato wa lo wodja oshiki.
10 Nɛ dia tɔɔtɔ ta l’olongo la elui atɔ wa tɔɔtɔ*+
Hawotosha osase awɔ;
Wonya wayonga wodjima lam’atombawɔ,
Ndo ngɔndɔ hatɔhɛtsha osase atɔ.
11 Dimi layokoya la nkɛtɛ k’otondo l’ɔtɛ wa kɔlɔ katɔ,+
Ndo akanga wa kɔlɔ l’ɔtɛ wa munga kawɔ.
Dimi layokomiya otako wa akanga w’etako,
Ndo layokitshakitsha didiya dia akanga wa hiadi.+
12 Dimi layosala dia onto okovɔ monga wolo tanema oleki paonyi ka pudipudi,+
Ndo anto wayonga wolo tanema oleki paonyi ka Ɔfira.+
13 Diakɔ diayomodidinya olongo,
Ndo nkɛtɛ kayosukasuka oma lo dihole diayɔ+
L’ɔtɛ w’odudu wa Jehowa kanga lolembelembe lo lushi la nkɛlɛ kande kadɔdɔ.
14 Oko mboloko kambowotshanya ndo oko leemba l’ɛkɔkɔ laha l’onto laasanganya,
Onto l’onto ayokalola le anto ande hita;
Onto l’onto ayolawɔ otsha lo wodja ande hita.+
15 Onto tshɛ layotanema ayotshietama,
Ndo onto tshɛ layondama ayodiakema la lokuwa la ta.+
16 Anawɔ wayatshatshema lo washo awɔ,+
Wayomba diangɔ dia lo mvudu yawɔ,
Ndo wayeyana la wadiɛwɔ la wolo.
17 Dimi layanga monyiya ase Mediya+ dia mbalɔsha,
Wanɛ wɔsa mfɛsa oko ɛngɔ k’anyanya
Ndo wahangɛnangɛna paonyi.
18 Eta awɔ wayohandjola ɛlɔngɔ w’apami;+
Vɔ hawotoka elowa w’oma l’otema kandji
Ndo hawotoka ana kɛtshi.
19 Ndo Babilɔna, diolelo dioleki lotombo,*+
Dimɛna ndo ofunu w’ase Kaladiya,+
Ayonga oko Sɔdɔma la Ngɔmɔra etena kakaalanya Nzambi.+
20 Anto hawodjasɛki lɛkɔ pondjo,
Ndo tɔ hatonga dihole di’edjaselo lo nɔnga tshɛ.+
Ndooko ose Arabiya layoka luudu lande la dipɛma lɛkɔ,
Ndo ndooko olami w’ɛkɔkɔ wayotshika ɛkɔkɔ ande lɛkɔ.
21 Ditongami dia l’oswe wa shɛnga mbayetamaka lɛkɔ;
Mvudu yawɔ yayolola tɔɔ la sukula.
22 Ditongami diawana diayawanaka lo totshoto ta lɛkɔ,
Ndo mbolo yayonga lo ahole wa nɛmɔ wa lɛkɔ.
Etena katɔ kaya suke ndo nshi yatɔ hayototaloyama.”+
14 Nɛ dia Jehowa ayoka Jakɔbɔ+ kɛtshi ndo nde ayɔsɔna Isariyɛlɛ+ nto. Nde ayowadjashiya* lo wodja awɔ+ ndo angɛndangɛnda wayɔtɔ l’ɔnɔngɔ awɔ ndo wayomamema luudu la Jakɔbɔ.+ 2 Ndo anto wayowaɔsa, wayowatɔla lo dihole diawɔ hita ndo luudu la Isariyɛlɛ layowaɔsa oko ekambi w’apami la wa wamato+ lo wodja wa Jehowa; vɔ wayonga amundji wa wanɛ wakawande mfumbe, ndo vɔ wayahemɛ wanɛ wakaakandjaka olimu la wolo.*
3 Lushi layokosha Jehowa diomuyelo oma lo kandji kayɛ, oma lo osukusuku ayɛ ndo oma lo lɔhɔmbɔ la wolo lakawakodjangɛ,+ 4 wɛ ayotɛ nkumekanga ka Babilɔna yokedi* nyɛ:
“Ande woho wambokomɛ ɔnɛ lakakandjaka anto akina olimu* la wolo lee!
Ande woho wambokomɛ dihɛnyɔki lee!+
5 Jehowa ambɔɔkɔla okalemba wa akanga wa kɔlɔ,
Danga dia emboledi,+
6 Ɔnɛ lakakɔmɔlaka anto la odudu tshɛ aha la mpekɔ,+
Ɔnɛ lakalɛndjaka wedja la nkɛlɛ tshɛ la ɔhɛnyɔhɛnyɔ+ wahɛnɛ pe.
7 Wonya ɔnɛ nkɛtɛ k’otondo kambomuya, aha la ofukutanu.
Anto woda ekoko w’ɔngɛnɔngɛnɔ.+
8 Kaanga esongo wa dihake wɔngɛnangɛna l’ɔtɛ ayɛ,
Kaamɛ ndo elondo wa la Lɛbanɔna.
Vɔ wotaka vate: ‘Oma ko etena kakayakɔshama,
Ndooko ɔkɔtshi w’esongo wamboya dia ndjotɔkɔta.’
9 Kaanga Diombo* di’ɔhɔngɔ diambohasahasa
Dia mpomana la yɛ etena kayayaye.
L’ɔtɛ ayɛ diɔ diambemula wanɛ wele bu la wolo lo nyɔi,
Ɛnɔmbɔdi tshɛ wa hiadi* wa la nkɛtɛ.
Diɔ diambonyiya nkumi ya dikanga tshɛ ya wedja oma lo kiti yawɔ ya lowandji.
10 Vɔ tshɛ tɛkɛtaka ndo kotɛka ɔnɛ:
‘Onde ndo wɛ mbaya wɔdu oko sho?
Onde wɛ aya oko sho?
Dikuso diambohandjɔnɛ l’ɛse kayɛ oko mbeto,
Ndo ɛsɔhɔ mbaya olangitshi ayɛ.’
12 Ande woho wamboyɔkɔ oma l’olongo,
Wɛ lahɛtahɛta, ɔna la yosose lee!
Ande woho wamboyonyukɔma la nkɛtɛ,
Wɛ lakalɛndjaka wedja lee!+
13 Wɛ akate l’otema ayɛ wate: ‘Dimi layodɛ l’olongo.+
La diko dia tɔɔtɔ ta Nzambi kayomodiya kiti kami ka lowandji,+
Ndo dimi layodjasɛ lo dikona dia losanganya,
Lo ahole woleki etale wa lo nɔrdɛ.+
14 Dimi layodɛ la diko dia tɔsɔdi ta wange;
Dimi layoyaetɛ oko Ɔnɛ-Laheme-Tshɛ.’
15 Koko wɛ ayoholoyama lo Diombo,*
Lo ahole woleki ɔhɔngɔ lo difuku.
16 Wanɛ wayokɛna wayamba l’ɔtɛ ayɛ;
Vɔ wayokɔsɛdingola dimɛna dimɛna, wata vate:
‘Onde ɔnɛ kele pami kakasutshasutshaka nkɛtɛ,
Ɔnɛ lakadidinyaka waolelo,+
17 Ɔnɛ laketɛ nkɛtɛ k’otondo oko oswe wa shɛnga
Ndo lakanyukola esomba ayɔ,+
Lakatonaka dia ase lokanu ande ntshungɔ dia nkalola la ngelo?’+
18 Nkumi ya dikanga nkina tshɛ ya wedja,
Ɛɛ, vɔ tshɛ wambetama lo lotombo,
Onto l’onto lo diombo* diande hita.
19 Koko wɛ ambokashema aha la diombo,
Oko lɔsɔngɔ* lahetshama,
Lɔlɔtshami la edo wakadiakema la lokuwa la ta,
Waholɔ lo ave wa difuku,
Oko dikandja diahɔtshahɔtshama l’ekolo.
20 Wɛ hatowayela lo diombo,
Nɛ dia wɛ akalanya wodja ayɛ hita,
Wɛ akadiake anto ayɛ hita.
Ana wa atshi wa kɔlɔ hawɔlamɛki nkombo nto pondjo.
21 Nyɔlɔngɔsɔlɛ dihole dia ndjaka anande
L’ɔtɛ w’onongo wa watshɛwɔ,
Diaha vɔ ndjonɛɛ ko mbɔsa nkɛtɛ
Ndo ndodia wodja la esomba awɔ.”
22 “Dimi layonɛɛ dia mbalɔsha,”+ mbata Jehowa kanga lolembelembe.
“Ndo dimi layonya lokombo, atshikadi, tokanula ndo ɔngɔnyi oma la Babilɔna,”+ mbata Jehowa.
23 “Dimi layokietɛ ɛngɔ ka biko ndo ɛtshi ka nkɛtɛ kele la ashi ndo dimi layokiɔmba la lɔɔmbɔ l’elanyelo,”+ mbata Jehowa kanga lolembelembe.
24 Jehowa kanga lolembelembe akatshibe ate:
“Paka oko wakamakongɛ mbayosalema,
Ndo paka oko wakamɔshi yɛdikɔ mbayokotshama.
25 Dimi layominola ose Asuriya lo wodja ami,
Ndo dimi layowɔhɔtshahɔtsha lo akona ami.+
Osembe ande wayonyɛma oma le wɔ,
Ndo oshikɔ ande wayonyɛma oma lo ahɛka awɔ.”+
26 Yɛdikɔ shɔ kambɔsama* lo dikambo dia nkɛtɛ k’otondo,
Ndo kɛsɔ mbele lonya lambosembɔma tɔɔ* lo dikambo dia wedja tshɛ.
27 Nɛ dia Jehowa kanga lolembelembe kambɔsa yɛdikɔ,
Akɔna akoka ndjitola?+
Lonya lande lambosembɔ tɔɔ,
Akɔna akoka linɛ?+
28 Lo ɔnɔnyi wakavu nkumekanga Ahaza,+ akatama ɔnɛ:
29 “Ase Filistiya le, onto tshɛ la l’atei anyu atɔngɛnangɛnake
Tsho l’ɔtɛ wambohembɔ lofimbɔ la ɔnɛ lanyɔkɔmɔla.
Nɛ dia oma lo odio wa oloyi+ kayotomba oloyi wa lɔlɛngɔ,+
Ndo ɔnawɔ ayonga oloyi wafumbɔ wele la dja.*
30 Etena kayɔlɛka ana wa nondo wa tombolambola
Ndo kayetamaka ase wola lo lotui tshitshi,
Dimi layodiaka odio ayɛ la ndjala,
Ndo kɛnɛ kayotshikala le yɛ kayodiakema.+
31 Soko le, lela! Osomba le, da ekoko!
Nyu tshɛ nyayatɛ asolo, nyu ase Filistiya!
Nɛ dia edinga wekɔ lo ndja oma lo nɔrdɛ,
Ndo anto ande tshɛ nɔngama lo ɛnɔngɔ.”
32 Ngande wahombawɔ nkadimola akɛndji wa wodja?
Ɔnɛ Jehowa ambosala etshina ka Siɔna,+
Ndo dia tombolambola ta l’atei w’anto ande wayoyashɛ lɛkɔ.
15 Ɛtɛkɛta wendana la Mɔaba+ ɛnɛ:
Lam’ele tɔ kambohandjɔ l’otsho ɔtɔi,
Arɛ+ ka la Mɔaba kambodihama onyɔ.
Lam’ele tɔ kambohandjɔ l’otsho ɔtɔi,
Kirɛ+ ka la Mɔaba kambodihama onyɔ.
Mɔaba ambolela Nɛbɔ+ ndo Mɛdɛba.+
Ɔtɛ tshɛ wambonyɛma hiɔlɔ+ ndo ndɛdu tshɛ yambonyɛma.+
3 Vɔ wambɔlɔta akoto lo toshinga tayɔ.
Vɔ tshɛ wekɔ lo ndela lo ɛtɛ wa mvudu yawɔ ndo lo asanga awɔ;
Vɔ wamboholɔ watalele.+
Diakɔ diele apami w’ase Mɔaba wele la dihomɔ dia ta wekɔ lo mbida ekoko.
Nde* ekɔ lo didima.
5 Otema ami wambolela Mɔaba.
Ase dawo wa lɔkɔ wambolawɔ polo la Zɔara+ ndo la Engalata-Shelishiya.+
Vɔ wekɔ lo talele lam’atawadɛ lo wodelo wa Luhita;
Lo mboka k’otsha la Hɔrɔnayima, vɔ wekɔ lo talele l’ɔtɛ wa mpokoso.+
6 Nɛ dia ashi wa Nimirimɛ wambolanyema;
Adiyo w’ashi wa djɛsɛ wamboma,
Adiyo waya bu ndo ndooko ɛngɔ k’ashi wa djɛsɛ kekekɔ.
7 Diakɔ diatawɛmbɛ kɛnɛ kambotshikala oma lo apɛngɛ awɔ ndo ɛngɔnyi awɔ;
Vɔ wekɔ lo tatenyanya okidi w’eduwola.
8 Nɛ dia ekoko wambokɛ lo ɛtshi ka nkɛtɛ ka Mɔaba k’otondo.+
Delo diambokoma polo la Engalayima;
Delo diambokoma polo la Bɛrɛ-Elima.
9 Nɛ dia ashi wa Dimɔna wambolola tɔɔ la dikila,
Ndo dimi leke la diangɔ efula diombemi Dimɔna:
Ntambwɛ dikambo dia ase Mɔaba wahandɔ
Ndo dikambo dia wanɛ watshikala lo wodja.+
16 Nyotomee omboledi wa wodja ɔkɔkɔ w’omi,
Oma la Sela l’oswe wa shɛnga
Otsha lo dikona di’ɔna womoto la Siɔna.
2 Oko fudu kambowotshanya oma lo kefu katɔ,+
Ngasɔ mbayonga ana wa wamato wa Mɔaba lo ateho wa Aranɔna.+
3 “Nyosha dako, nyokotsha yɛdikɔ.
Sala dɛdi diayɛ la midi oko otsho.
Shɛ wanɛ wambohandjɔnɛ ndo tofungake wanɛ watalawɔ.
4 Mɔaba le, anto ami wambohandjɔnɛ wadjasɛ le yɛ.
Oyale dihole di’eshamelo le wɔ l’ɔtɛ w’ondanyishi.+
Osoyanyi ayokoma l’ekomelo kande,
Elanyelo kayokoma l’ekomelo,
Ndo wanɛ wahɔtshahɔtsha anto akina wayolanyema oma la nkɛtɛ.
5 Oma laasɔ, kiti ka lowandji kayoshikikɛma nge lo ngandji ka kɔlamelo.
Ɔnɛ ladjasɛ lɔkɔ lo luudu la dipɛma la Davidɛ ayonga la kɔlamelo;+
Nde ayolombosha la losembwe ndo ayela sambo k’ɔlɔlɔ+ esadi.”
6 Takoke dikambo dia otako wa Mɔaba, nde ekɔ la lotamanya efula,+
Lotamanya lande, otako ande ndo odudu ande;+
Koko ɛtɛkɛta ande w’anyanya hawotokotshama.
7 Ɔnkɔnɛ, Mɔaba ayolela Mɔaba,
Vɔ tshɛ wayolela.+
Wanɛ wakɔmama wayolela ekate w’elowa wa vinyɔ wa Kirɛ-Harɛsɛta.+
8 Nɛ dia ebondo washimba menga wa la Hɛshibɔna+ wambɔnda,
Ɛkɔdi wa vinyɔ wa Sibima,+
Emboledi wa wodja wambɔhɔtshahɔtsha ntahe yawɔ ya beela;
Yɔ yambokoma polo la Jazɛrɛ;+
Yɔ yambotshɔ polo l’oswe wa shɛnga.
Sɔngusɔngu yawɔ yambotomba ndo yambotshɔ polo lo ndjale.
9 Diakɔ diayomolela ɔkɔdi wa vinyɔ wa Sibima oko walelami Jazɛrɛ.
Hɛshibɔna la Elealɛ+ le, dimi layonyɔlɔya la asɔyi ami,
Nɛ dia ekoko wendana la elowa wa lo nshi y’ɔwɔ ndo dinela diayɛ diambokomɛ.*
10 Ɔngɛnɔngɛnɔ ndo ɔlɔ wambonyɛma oma lo ekambɔ k’elowa,
Ndo esambo w’ɔngɛnɔngɛnɔ kana ekoko waya bu lo dikambɔ dia vinyɔ.+
Ɔnɛ lahɔtshahɔtsha hayɔhɔtshahɔtsha vinyɔ lo diamula,
Nɛ dia dimi lakasale dia wodelo w’ekoko nkomɛ.+
11 Diakɔ diele l’etei kami, dimi lambodidima l’ɔtɛ wa Mɔaba,+
Oko eshinga wa lɔsɛsɛ,
Ndo tshondo yami ya l’etei lo dikambo dia Kirɛ-Harɛsɛta.+
12 Kaanga naka Mɔaba nɛmba lo dihole dia la diko ko ntshɔ dia tɔlɔmba lo tɛmpɛlɔ kande k’ekila, nde hatosala ndooko dui.+
13 Ɔsɔ kele ɔtɛkɛta wakate Jehowa ntondo lo dikambo dia Mɔaba. 14 Koko wonya ɔnɛ Jehowa ambota ate: “Lo ɛnɔnyi 3, oko ɛnɔnyi w’ose olimu,*
lotombo la Mɔaba layɔnyɔma la weho tshɛ wa lofunguso l’efula, ndo wanɛ watshikala wayonga yema tshitshɛ ndo tonto t’anyanya.”+
17 Ɛtɛkɛta wendana la Damasɛkɛ ɛnɛ:+
“Eenda, Damasɛkɛ hatonga osomba nto,
Diɔ diayonga tota di’elanyelo.+
3 Esomba wodingami la mpele wayoshishɔ oma la Efrayimɛ,+
Ndo diolelo oma la Damasɛkɛ;+
Ndo wanɛ watshikala la Suriya
Wayonga oko lotombo la ase Isariyɛlɛ,”* mbata Jehowa kanga lolembelembe.
4 “Lushi lɔsɔ lotombo la Jakɔbɔ layokitakita,
Ndo demba diande dia woke* diayɔnda.
5 Ayonga oko etena ka na amunyi washa wele lo nɛngɛsɛ
Ndo ka na lonya lande washa wa ntɔngɔ,
6 Paka ɛkɔnɔdi eto mbayotshikala,
Oko etena kasutshasutshawɔ osongo w’ɔlivɛ:
Paka elowa 2 kana 3 eto w’ɔlivɛ mbatshikala lo lotahe loleki etale,
Paka ntahe 4 kana 5 tsho yatɔ elowa,”+ mbata Jehowa Nzambi ka Isariyɛlɛ.
7 Lushi lɔsɔ onto ayendɛ le Otungi ande, ko washo ande wayɛna l’Ekila la Isariyɛlɛ. 8 Nde hatenda dilambwelo,+ olimu w’anya ande;+ ndo nde hatenda kɛnɛ kakasale mpita yande, oyadi dimɛta dia l’esongo* kana dilambwelo dia tshɔ.
9 Lushi lɔsɔ esomba ande w’eshamelo wayonga oko dihole diambotshikala dɔamɛ l’atei w’okonda,+
Oko lotahe lakasɛkama la ntondo k’ase Isariyɛlɛ;
Diɔ diayonga tɔngɔ to.
11 La yanyi wɛ mbidjaka lokombo lo ekambɔ kayɛ,
La pindju wɛ salaka dia ntɔngɔ yayɛ ntomba,
Koko dinela diayeta lo lushi la hemɔ ndo la kandji kahakɔnɔ.+
12 Nyolonge, ɔsɔ londjo l’anto efula,
Wadja lofunguso oko ndjale!
Ɔsɔ londjo la wedja,
Wele dikita diawɔ diekɔ oko dikita di’ashi wa wolo!
13 Wedja wayodja londjo oko dikita di’ashi efula.
Nde ayowahangwɛ, ko vɔ wayolawɔ etale,
Oko fufudi ya l’akona la ntondo ka lɔpɛpɛ,
Oko diyo di’atɛndɛ diamboma diɛmbama la lɔpɛpɛ* la ntondo ka ponganɛndji.
14 La dikɔlɔ wɔma wekɔ.
La ntondo ka pindju kete waya bu.
Ɔsɔ kele etenyi ka wanɛ wamba diangɔ diaso
Ndo difuto dia wanɛ wɔsa diangɔ diaso.
18 Mananu le wodja wele la tofumbɔfumbɔ tele la ahafu wele la lohelo
L’ɛtshi ka nkɛtɛ ka ɛkɛdi wa Etiyɔpiya!+
2 Vɔ tomaka atomami lo ndjale,
Tehɔka ashi lo waato wakasalema la papirusɛ, wata vate:
“Nyotshu nyu akɛndji watshɔ esadi,
Otsha le wodja wele l’anto w’etale ndo wele la nkoho y’ɔsɛlɔ ɔsɛlɔ,
Le anto wokama wɔma ahole tshɛ,+
Le wodja wa wolo, walɛndja,
Wele nkɛtɛ yawɔ yekɔ lo ndɔyama la ɛkɛdi.”
3 Nyu wanɛ tshɛ wodjashi lo wodja ndo nyu wanɛ wodjashi la nkɛtɛ,
Kɛnɛ kɛnanyu kayonga oko djembetelo* yambodiyama lo akona,
Ndo nyayoka wondjo wele oko wodelo wa dimama.
4 Nɛ dia Jehowa akambutɛ ate:
“Dimi layotshikala aha la futanyema ndo layenda lo* dihole diami diamboshikikɛma,
Oko laladi la dja kaamɛ la osase wa yanyi,
Oko dinge dia lɔpɔpɔ lo yanyi ya dinela.
5 Nɛ dia la ntondo ka dinela,
Etena kɔlɔ alɛmbɔlɛmbɔ ndo kakadimɔ alɛmbɔlɛmbɔ elowa wambotshunda,
Sɔngusɔngu yayohembɔma la tɔshɔlɔ takɔlɔngawɔ adiyo
Ndo alambo wayohembɔma ndo wayonyɛma.
6 Vɔ tshɛ wayokimɔma le tofudu talɛ emunyi ta lo akona
Ndo le nyama ya la nkɛtɛ.
Tofudu talɛ emunyi tayetsha nshi y’ɔwɔ lalewɔ,
Ndo nyama tshɛ ya la nkɛtɛ yayetsha nshi ya dinela lalewɔ.
7 L’etena kɛsɔ wayela Jehowa kanga lolembelembe woshasha,
Oma le wodja wele l’anto w’etale ndo wele la nkoho y’ɔsɛlɔ ɔsɛlɔ,
Oma le anto wokama wɔma ahole tshɛ,
Oma le wodja wa wolo, walɛndja,
Wele nkɛtɛ yawɔ yekɔ lo ndɔyama la ɛkɛdi
Lo dihole diele la lokombo la Jehowa kanga lolembelembe, Dikona dia Siɔna.”+
19 Ɛtɛkɛta wendana la Edjibito+ ɛnɛ:
Nyende, Jehowa mbahema lo dinge dieta esadi ndo ekɔ lo ndjaye oya l’Edjibito.
Tozambizambi t’anyanya ta l’Edjibito tayosaka lokomba la ntondo kande,+
Ndo otema w’Edjibito wayɔlɛlɔ l’etei kawɔ.
2 “Dimi layotshutshuya ase Edjibito dia ndɔsha ase Edjibito,
Ko vɔ wayɔlɔshana,
Onto l’onto ayɔlɔsha ɔnango ndo osukanyi ande,
Osomba wayɔlɔsha osomba ndo diolelo diayɔlɔsha diolelo.
3 Yimba y’Edjibito yayotshimba l’etei kawɔ,
Ndo dimi layofukutanya dikongelo diawɔ.+
Vɔ wayɔtɛkɛta la tozambizambi t’anyanya,
Asaki w’ekanga, wanɛ watɛkɛtsha dimu ndo wetshi.+
4 Dimi layokimɔ Edjibito le owandji w’awui wolo,
Ndo nkumekanga ka hiadi ayowaolɛ,”+ mbata Nkumadiɔndjɔ ka mɛtɛ, Jehowa kanga lolembelembe.
5 Ashi wa lo ndjale wayoma,
Ndo ashi wa l’ɔkɛdi wayokitakita ndo wayoma to.+
6 Ɛkɛdi wayopɔ nsolo;
Ashi wɛtɔyawɔ oma lo Nilɛ k’Edjibito wayokitakita ndo wayoma.
Asɔpɔ la tokolɔ tayɔhɔnda.+
7 Esongo wa l’omamu w’Ɔkɛdi wa Nilɛ, l’onyɔ wa Nilɛ,
Tɔ kayɛmbama la lɔpɛpɛ ndo tɔ hatonga nto.
8 Amundji wa nse wayolela,
Wanɛ watokaka tɔdi lo Nilɛ wayokiyana,
Ndo wanɛ watokaka ɛtɛyi lo ashi wayokitakita.
9 Wanɛ watokambaka olimu la eshinga wa linɛnɛ+
Ndo wanɛ watosalaka ahɔndɔ wa wɛma la adiba wayoshama nsɔnyi.
10 Ambɛdi awɔ wayɔtɛtshatɛtshama;
Ndo ase olimu tshɛ wayonga la ɔkɛyi.*
11 Ewandji wa Zɔana+ wekɔ dinginya.
Andaki woleki lomba waki Farawɔ wambosha dako diaha la yimba.+
Ngande wakokanyu mbutɛ Farawɔ nyate:
“Dimi lekɔ kanula ya akanga wa lomba,
Kanula ya nkumi ya dikanga y’edjedja”?
12 Ko lende ele anto ayɛ wa lomba?+
Vɔ wakote naka vɔ mbeyaka yɛdikɔ yambɔsa Jehowa kanga lolembelembe lo dikambo dia Edjibito.
13 Ewandji wa Zɔana wambosala akambo lo yoho y’enginya;
Ewandji wa Nofu*+ wambokesama;
Ewandji wa waoho awɔ wambonganyiya Edjibito.
14 Jehowa ambowotsholɛ nyuma k’ofukutanu;+
Ndo vɔ wambonganyiya Edjibito lo kɛnɛ tshɛ kasalawɔ,
Oko ombidjɔki wa wanu katshingatshinga lo towɔki yande.
15 Edjibito hatonga ndooko l’olimu wa nkamba,
Oyadi le ɔtɛ kana wela, nsɔngusɔngu kana lokonɔ.*
16 Lushi lɔsɔ Edjibito ayonga oko wamato wadidima ndo woka wɔma l’ɔtɛ wa lonya lokiya wɔma lambemɛ Jehowa kanga lolembelembe dia mbɔkɔmɔla.+ 17 Ndo wodja wa Juda wayonga kiɔkɔ ya wɔma le Edjibito. Vɔ wayondama la sase lam’ayowoodimolaka l’ɔtɛ wa yɛdikɔ yambowaɔsɛ Jehowa kanga lolembelembe.+
18 Lushi lɔsɔ esomba 5 wa lo wodja w’Edjibito wayɔtɛkɛta ɔtɛkɛta w’ase Kanana+ ndo wayotshiba dia ntshikala la kɔlamelo le Jehowa kanga lolembelembe. Osomba ɔmɔtshi wayelamɛ ɔnɛ Osomba w’Onyukwelo.
19 Lushi lɔsɔ elambwelo kayonga dikambo dia Jehowa l’atei wa wodja w’Edjibito ndo ekundji dikambo dia Jehowa lo olelo awɔ. 20 Dui sɔ diayonga dikambo dia djembetelo ndo ɔmɛnyi le Jehowa kanga lolembelembe lo wodja w’Edjibito; nɛ dia vɔ wayolelɛ Jehowa l’ɔtɛ wa asoyanyi, ko nde ayowatomɛ oshimbedi, ɛɛ, oshimbedi wa woke wayowashimbɛ. 21 Ko Jehowa ayeyama le ase Edjibito ndo ase Edjibito wayeya Jehowa lushi lɔsɔ ndo wayolambola elambo la weshasha ndo wayotshika dɔkɔlɔkɔ le Jehowa ko wayodikotsha. 22 Jehowa ayɔkɔmɔla Edjibito,+ nkɔmɔla ko nkɔnɔya; ko vɔ wayokalola le Jehowa ndo nde ayoka ɛsɛngɔsɛngɔ awɔ ko ayowakɔnɔya.
23 Lushi lɔsɔ ɔsɛsɛ wa woke+ wayonga oma l’Edjibito otsha l’Asuriya. Oma laasɔ, Asuriya ayoya lo Edjibito ko Edjibito lo Asuriya, ko Edjibito ayokambɛ Nzambi kaamɛ la Asuriya. 24 Lushi lɔsɔ Isariyɛlɛ ayonga wodja wa 3 kaamɛ la Edjibito ndo Asuriya,+ ɔtshɔkɔ l’atei wa nkɛtɛ, 25 nɛ dia Jehowa kanga lolembelembe ayowɔtshɔkɔla, ata ate: “Anto ami, Edjibito ndo olimu wa anya ami, Asuriya ndo etenyi kami k’okitɔ, Isariyɛlɛ+ watshɔkwame.”
20 Lo ɔnɔnyi wakatome Sarangɔna nkumekanga ka Asuriya Taratana* otsha lo Ashidɔdɛ,+ nde akalɔsha Ashidɔdɛ ko akawɔshi.+ 2 L’etena kɛsɔ Jehowa akatɛkɛta lo tshimbo ya Isaya+ ɔna Amɔza ate: “Tshɔka, tokolole dikoto oma lo lokende layɛ ndo tokolole sabata oma lo ekolo ayɛ.” Ko nde akasale ngasɔ, aketeta otakataka* ndo ekolo hwe.
3 Ko Jehowa akate ate: “Oko wambeteta okambi ami Isaya otakataka ndo ekolo hwe l’edja ka ɛnɔnyi 3 oko djembetelo+ ndo oko ɔhɛmwɛlɔ wa kɛnɛ kayokomɛ Edjibito+ la Etiyɔpiya,+ 4 ngasɔ mbayɔlɔmbɔla nkumekanga ka Asuriya mfumbe y’oma l’Edjibito+ ndo ase dawo oma l’Etiyɔpiya, akɛnda ndo esombe, etakataka, ekolo hwe ndo asɔkɔ l’andja, otakataka* w’Edjibito. 5 Ndo vɔ wayoka wɔma ndo wayonga la nsɔnyi l’ɔtɛ w’Etiyɔpiya elongamelo kawɔ ndo Edjibito ofunu awɔ.* 6 Wanɛ wadjasɛ l’omamu w’ashi wayota lushi lɔsɔ vate: ‘Ohonyenda kɛnɛ kambokomɛ elongamelo kaso, ɔnɛ lakatalawɔ le nde dia ndjoyanga ekimanyielo ndo etshungwelo oma le nkumekanga k’Asuriya! Ngande wayotohanda wonya ɔnɛ?’”
21 Ɛtɛkɛta wendana la oswe wa ndjale:*+
Mpokoso kekɔ lo ndjaye oko lɔpɛpɛ la wolo latɛmbaka diangɔ lo sidɛ,
Oma lo oswe wa shɛnga, oma lo wodja wokiya wɔma.+
2 Wambombutɛ ɛnɛlɔ ka ngala kɛnɛ:
Kanga lokeso ekɔ lo nkesa,
Ndo ondanyishi ekɔ lo ndanya.
Elama le, dɛ! Mediya+ le, dinga!
Dimi layokumiya akumu tshɛ wakandakonya anto dia nkuma.+
3 Diakɔ diemi la lɔkɔnyɔ l’efula.*+
Dimi lofumboya fudu,
Oko womoto lele la lɔɔnɔ.
Dimi lambɔkɔmɔ efula hakoke mboka;
Dimi lambotshimba yimba efula hakoke mɛna.
4 Asolo ami wambatɛ; dimi lambodidima la wɔma.
Tosho ta shimba takamalongamɛka tambonsatsha lokomba.
5 Nyale mɛsa ndo nyɔlɔngɔsɔlɛ nkɔsa!
Nyole ndo nyɔnɔ!+
Nyu ewandji, nyemale nyokite engawo esɔ!
6 Nɛ dia Jehowa akambutɛ ate:
“Tshɔka tokitsha djamu kele nde atake kɛnɛ kɛnande.”
7 Ko nde akɛnyi pusupusu ka ta kaamɛ la mfalasa 2,
Pusupusu ka ta kakotɔma oma le mponda,
Pusupusu ka ta kakotɔma oma le kamɛlɔ.
Nde akasɛdingola dimɛna dimɛna, la yambalo y’efula.
8 Ko nde akawelɛ oko ntambwɛ ate:
“Jehowa le, dimi memalaka wonya tshɛ la yanyi lo tshoto y’etangelo,
Ndo dimi memalaka lo dihole diami di’olimu l’otsho tshɛ.+
9 Ohenda kɛnɛ kayaye:
Apami wahemi lo pusupusu ka ta kaamɛ la olui wa mfalasa!”+
Oma laasɔ, nde akate ate:
“Tɔ kambɔkɔ! Babilɔna kambɔkɔ!+
Nde ambohandjola dikishi tshɛ dia tozambizambi tatɔ la nkɛtɛ!”+
10 Anto ami wambosusɔma le,
Diangɔ* di’oma lo dihole diami di’esuswelo le,+
Dimi lambonyotɛ kɛnɛ kakamoke oma le Jehowa kanga lolembelembe, Nzambi ka Isariyɛlɛ.
11 Ɛtɛkɛta wendana la Duuma:*
Onto ɔmɔtshi ekɔ lo mbelɛmi oma la Seirɛ+ ate:
“Djamu le, otsho ngande?
Djamu le, otsho ngande?”
12 Djamu akate ate:
“Pindju kekɔ lo ndjaye kaamɛ ndo otsho.
Naka nyalanga mimbola, nyombole.
Nyoye nto!”
13 Ɛtɛkɛta wendana la laandja l’oswe:
Lo okonda, lo laandja l’oswe mbayonyetsha otsho,
Nyu ambetshetshi wa la Dedana.+
14 Nyela ashi dia ndjohomana la ɔnɛ lele la mposa k’ashi,
Nyu ase wodja wa Tema,+
Ndo nyela mapa dikambo dia ɔnɛ layalawɔ.
15 Nɛ dia vɔ wambolawɔ tokuwa ta ta, lokuwa la ta la lɔsɔmɔla,
Ndo ota wonɛmi ndo ngala ka ta.
16 Nɛ dia Jehowa akambutɛ ate: “Lo ɔnɔnyi ɔtɔi, oko ɛnɔnyi w’ose olimu,* lotombo tshɛ la Kɛdara+ layokomɛ. 17 Ambuki w’eta watshikala l’atei wa andɔshi wa ta wa Kɛdara wayonga yema tshitshɛ, nɛ dia Jehowa Nzambi ka Isariyɛlɛ kambota.”
22 Ɛtɛkɛta wendana la Okidi wa Ɛnɛlɔ:*+
Ambotomba le yɛ kamboyodɛ tshɛ polo lo ɛtɛ wa mvudu?
2 Wɛ akalole tɔɔ la lofunguso,
Wɛ osomba wa londjo, shombasomba y’ɔngɛnɔngɛnɔ.
Edo ayɛ kondjakema la lokuwa la ta,
Ndo vɔ komvɔ lo ta.+
3 Ewandji ayɛ tshɛ wa hiadi wakalawɔ kaamɛ.+
Vɔ wakandama lo lokanu aha la ota.
Wanɛ tshɛ wakatanema wakandama lo lokanu,+
Kaanga mbakawalawɔ etale.
4 Diakɔ diakamate nte: “Nyonya washo anyu oma le mi,
Kele ndele wolo.+
5 Nɛ dia ekɔ lushi la lofunge ndo la ɔlɛndjamelo ndo la wɔma,+
Oma le Nkum’Olongo Nkumadiɔndjɔ Jehowa kanga lolembelembe,
Lo Okidi wa Ɛnɛlɔ.
Wekɔ lo nyukola ehele+
Ndo wekɔ lo mbida ekoko lo dikona.
7 Ekidi* ayɛ woleki amɛna
Wayolola tɔɔ la pusupusu ya ta,
Ndo mfalasa* yayemala la soko,
8 Okombɔ* wa Juda wayonyɛma.
“Lushi lɔsɔ nyayenda dihomɔ dia ta dia lo Luudu la Okonda,+ 9 ko nyayɛna wesho efula lo Osomba wa Davidɛ.+ Ndo nyayɔmɔtshanya ashi wa lo oduwa wa l’ɛse.+ 10 Nyayadia mvudu ya Jɛrusalɛma ndo nyayotola mvudu dia nkeketsha ehele. 11 Nyayosala difuku di’ashi lam’asa mpele 2 dikambo di’ashi wa lo oduwa w’edjedja, koko hanyotendɛ le Okengi awɔ wa Woke ndo hanyotɛna Ɔnɛ lakoosale oma ko edjedja.
12 Lushi lɔsɔ Nkum’Olongo Nkumadiɔndjɔ Jehowa kanga lolembelembe,
Ayɔlɔmba dia anto ndela ndo monga lo otanda,+
Dia minya divo l’ɛtɛ ndo dia ndɔta akoto.
13 Koko, ekɔ paka fɛtɛ la ɔngɛnɔngɛnɔ,
Odiakelo wa ngɔmbɛ la odiakelo w’ɛkɔkɔ,
Olelo w’onatshi la ɔnwɛlɔ wa wanu.+
‘Nyɛsɔ tole ndo tɔnɔ, nɛ dia tayovɔ loyi.’”+
14 Ko Jehowa kanga lolembelembe akayashola lo atoyi ami ate: “‘Munga kɛnɛ hatokombama lo wahɔ anyu edja ndo nyambovɔ,’+ mbata Nkum’Olongo Nkumadiɔndjɔ Jehowa kanga lolembelembe.”
15 Nkum’Olongo Nkumadiɔndjɔ Jehowa kanga lolembelembe kata ate: “Tshɔka le olami ɔnɛ, le Shebina+ lele la ɔkɛndɛ wa luudu* kele towote wate: 16 ‘Wahɔ akɔna wele la yɛ lanɛ ndo akɔna akotola yambalo yayɛ lanɛ, kayatshimɛyɛ diombo lanɛ?’ Nde ekɔ lo ndjatshimɛ diombo lo dihole dia laadiko; nde ekɔ lo ndjaatɛ dihole dia diomuyelo* lo dive. 17 ‘Eenda, onto le, Jehowa ayokokasha la ngala tshɛ ndo ayokokimɛ la wolo w’efula. 18 Lo mɛtɛ nde ayokɔmba ndo ayokooka oko ponde l’ɛtshi ka nkɛtɛ ka hwe. Lɛkɔ kayoyovɔ ndo lɛkɔ kayonga pusupusu yayɛ ya lotombo, nsɔnyi le luudu la nkumɛyɛ. 19 Dimi layokonya oma lo dihole diayɛ ndo layokonya oma lo olimu ayɛ.
20 “‘Lushi lɔsɔ dimi layelɛ okambi ami Eliyakima+ ɔna Hilikiya, 21 layowɔlɔtsha okutu ayɛ, layowokeleka+ okaba ayɛ wolo ndo layokimɔ lowandji* layɛ lo anya ande. Ko nde ayonga she ase Jɛrusalɛma ndo luudu la Juda. 22 Dimi layokitsha nsapi ka luudu la Davidɛ+ lo ahɛka ande. Nde ayodihola ko ndooko onto layodiha; ndo nde ayodiha ko ndooko onto layodihola. 23 Dimi layowɔkɔkɔmɛ oko wokɔ lo dihole dia pondjo ndo nde ayonga oko kiti ka lowandji ka lotombo le luudu la she. 24 Ndo le nde kayowohanɛ lotombo* tshɛ la luudu la she, tokanula ndo ana, diangɔ tshɛ dia totshitshɛ, diangɔ diele oko alɔnga ndo mbaka tshɛ ya weke.
25 “Jehowa kanga lolembelembe kata ate: ‘Lushi lɔsɔ wokɔ wakamakɔkɔmɛ lo dihole dia pondjo wayonyɛma+ ndo vɔ wayonyukɔma ko wayɔkɔ ndo oshikɔ wakawasukɛka wayolanyema, nɛ dia Jehowa ndamɛ kambodita.’”
23 Ɛtɛkɛta wendana la Tura:+
Masuwa wa Tarashishi+ le, nyolele!
Nɛ dia dibongo diambolanyema; hayokoka mbɔtɔ lɔkɔ.
Oma lo wodja wa Kitimɛ+ kakawawasholɛ dui sɔ.
2 Nyɔlame, nyu wanɛ wadjasɛ l’omamu w’ashi.
Amundji w’okanda w’oma la Sidɔna+ watehɔ ndjale wambokolodia la diangɔ.
3 Laadiko di’ashi efula mbakatshu ntɔngɔ ya Shihɔrɛ,+
Dinela dia Nilɛ, ɛɛ, wahɔ atɔ,
Lo mbela wahɔ wa wedja.+
4 Sidɔna le, oka nsɔnyi, wɛ longele la ndjale,
Nɛ dia ndjale kakate ɔnɛ:
“Dimi kotata lɔɔnɔ ndo dimi kombota,
Dimi kombodia ɛlɔngɔ w’apami ndo dimi kombodia esekaseka wa wamato.”*+
5 Oko etena kakawoke nsango yendana la Edjibito,+
Anto wayonga la lonyangu l’efula l’ɔtɛ wa nsango yendana la Tura.+
6 Nyotehɔ otsha la Tarashishi!
Nyolele, nyu wanɛ wadjasɛ l’omamu w’ashi!
7 Onde ɔnɛ kele osomba anyu waki l’ɔngɛnɔngɛnɔ oma ko nshi y’edjedja, oma ko tena dia ntondo?
Ekolo ande wakawɛmbaka otsha lo wedja w’etale dia todjasɛ.
8 Akɔna akɔshi yɛdikɔ nyɛ lo dikambo dia Tura,
Okahi w’alɛmbɔ wa nkoso,
Ɔnɛ lele amundji ande w’okanda waki ewandji,
Ɔnɛ lele asondjishi ande wakalɛmiyamaka lo nkɛtɛ k’otondo?+
9 Jehowa kanga lolembelembe ndamɛ kakɔshi yɛdikɔ shɔ,
Dia mɔnyɔla ofunu ande l’ɔtɛ wa dimɛna diande tshɛ,
Dia mbisha wanɛ tshɛ wakalɛmiyamaka lo nkɛtɛ k’otondo+ nsɔnyi.
10 Tenyanya wodja ayɛ oko Ɔkɛdi wa Nilɛ, wɛ ɔna womoto la Tarashishi.
Ndooko dibongo diekekɔ.+
11 Nde akasembola lonya lande laadiko dia ndjale;
Nde akasutshasutsha waolelo.
Jehowa akadjanga elanyelo ka ngele ya Fenikiya.+
12 Ndo nde mbutaka ate: “Wɛ hatɔngɛnangɛna nto,+
Wɛ lahɛnyahɛnyama, osekaseka w’emuma wa Sidɔna.
Emala tehɔ otsha la Kitimɛ.+
Kaanga lɛkɔ wɛ hatonga la diomuyelo.”
13 Nyende wodja w’ase Kaladiya.+
Ɔnɛ kele wodja, Asuriya+ komonga wodja,
Vɔ wakawetɛ dihole dia wanɛ watsha wenga l’oswe.
Vɔ wakemɛ totshoto tawɔ t’edingelo;
Vɔ wakatshike totshoto tawɔ todingami la mpele hwe,+
Ndo wakawetɛ elanyelo keto.
14 Nyode ekoko, nyu masuwa wa Tarashishi,
Nɛ dia longele lanyu lambolanyema.+
15 Lushi lɔsɔ Tura ayohamɛ l’edja k’ɛnɔnyi+ 70, oko otale wa lɔsɛnɔ* la nkumekanga 1. L’ekomelo k’ɛnɔnyi 70, awui wayokomɛ Tura oko lo osambo wa womoto la numba ɔnɛ:
16 “Ɔsa lɔsɛsɛ, eteta l’osomba, wɛ numba kambohamɛ.
Homa lɔsɛsɛ layɛ la diewo tshɛ;
Emba esambo efula,
Kele kawokohɔ.”
17 L’ekomelo k’ɛnɔnyi 70, Jehowa ayodja Tura yimba, ko yɔ yayokalola lo difuto diayɔ ndo lo nsala numba kaamɛ la waolelo tshɛ wa l’andja wele laadiko dia nkɛtɛ. 18 Koko wahɔ ayɔ ndo difuto diayɔ diayonga ɛngɔ k’ekila le Jehowa. Yɔ hayotombama ndo hayotokitshama laande, nɛ dia difuto diayɔ diayonga dikambo dia wanɛ wadjasɛ la ntondo ka Jehowa, dia vɔ ndɛ ko ndota ndo ndɔta ahɔndɔ w’amɛna.+
24 Eenda, Jehowa ambonya anto tshɛ oma lo wodja* ndo ambowetɛ tɔngɔ to.+
Nde ambowokadimola etshuletshule*+ ndo ambohandjola anto wa lɔkɔ.+
2 Ayonga woho ɔtɔi le anto tshɛ:
Le anto ndo le ɔlɔmbɛdi,
Le okambi ndo le nkumɛnde,
Le ose olimu ndo le nkumɛnde ka womoto,
Le osombi ndo le osondjishi,
Le ɔsɔndjanyi ndo le ɔsɔmbi,
Le ɔnɛ lashana dibasa ndo le ɔnɛ lɔsa dibasa.+
4 Wodja wambolela;*+ vɔ wambɔkɔmɔ.
Nkɛtɛ y’ɛtɛtɔ yambɔlɛmba; yɔ yambelɔ.
Anto wa lokumu wa lo wodja waya bu la wolo.
5 Anto wodjashi lo wodja wambodja wodja mindo,+
Nɛ dia vɔ wakɔnyɔla ɛlɛmbɛ,+
Wakatshikitanya didjango,+
6 Diakɔ diele mananu kambolanya wodja,+
Ndo wanɛ wodjashi lɔkɔ waya la onongo.
Diakɔ diele wanɛ wodjashi lo wodja wambokitakita,
Anto yema tshitshɛ tsho mbambotshikala.+
7 Wanu w’eyoyo wambolela* ndo ɔkɔdi wa vinyɔ wambɔlɛngɛ,+
Wanɛ tshɛ wele la etema w’ɔngɛnɔngɛnɔ wokuma akumu.+
8 Ɔlɔ wa ngɔmɔ wamboshila;
Londjo l’asadi wa fɛtɛ lambokomɛ;
Londjo l’ɔngɛnɔngɛnɔ wa lɔsɛsɛ lamboshila.+
9 Vɔ wɔnɔ wanu aha la osambo,
Ndo wanu wadjoya waya ololo le wanɛ wanɔ.
10 Osomba wakatshikala hwe wambonyukɔ;+
Luudu tshɛ ndihama diaha onto mbɔtɔ.
11 Vɔ wolela lo toshinga nɛ dia wanu bu.
Ɔngɛnɔngɛnɔ tshɛ wamboshishɔ;
Ɔlɔ wa lo wodja waya bu.+
12 Osomba wambotshikala elanyelo keto;
Lokuke lambɔtɛtshatɛtshama laya tota dia mindo.+
13 Nɛ dia nganɛ mbayoyala lo wodja, l’atei w’anto:
14 Vɔ wayodiya dui diawɔ,
Vɔ wayoda ekoko w’ɔngɛnɔngɛnɔ.
Oma lo ndjale,* vɔ wayewoya lɔnɛnɛ la Jehowa.+
15 Diakɔ diayowotombola Jehowa lo ɛtshi ka nkɛtɛ k’osase;*+
Lo asɛnga wa ndjale, vɔ wayotombola lokombo la Jehowa Nzambi ka Isariyɛlɛ.+
16 Oma lo tokoma ta nkɛtɛ, sho mbokaka osambo w’ɔnɛ:
“Lotombo* le Kanga Losembwe!”+
Ko dimi nte: “Dimi lambɔnda, dimi lambɔnda!
Mananu le mi! Nɛ dia akesanyi wambosala akambo wa lokeso;
La lokeso tshɛ akesanyi wambosala akambo wa lokeso.”+
17 Wɔma ndo difuku la djonga wekɔ lo kokonga, wɛ lodjashi lo wodja.+
18 Onto tshɛ lalawɔ londjo la wɔma ayotambɛ lo difuku,
Onto tshɛ latomba oma lo difuku ayondama lo djonga.+
Nɛ dia adidishi wa l’olongo wayodihɔ,
Ndo atshina wa wodja wayosukasuka.
20 Wodja wambotshingatshinga oko ombidjɔki wa wanu,
Ndo wekɔ lo mɛngɛnga lɛnɛ la lɛnɛ oko tshombotombo yɛngɛnga la lɔpɛpɛ.
Kɔlɔ kawɔ kekɔ wotsho efula le wɔ,+
Ndo vɔ wayɔkɔ woho wahawakoke mbetɔ nto.
21 Lushi lɔsɔ Jehowa ayodja yimba yande le alembe wa l’olongo
Ndo le nkumi ya dikanga ya la nkɛtɛ yele laadiko dia nkɛtɛ.
22 Vɔ wayotshumanyema kaamɛ
Oko ase lokanu wotshumanyi lo difuku,
Vɔ wayodihama lo lokanu;
L’ɔkɔngɔ wa nshi efula, vɔ wayodjama yimba.
23 Ngɔndɔ kaya emuma kayoshama nsɔnyi,
Ndo yanyi yawalɛ yayonga la nsɔnyi,+
Nɛ dia Jehowa kanga lolembelembe aya Nkumekanga+ lo Dikona dia Siɔna+ ndo la Jɛrusalɛma,
25 Jehowa le, wɛ kele Nzambi kami.
Dimi lambokandola ndo lambotombola lokombo layɛ,
Nɛ dia wɛ ambosala akambo wa diambo,+
Akambo wakakongɛma* oma ko nshi y’edjedja,+
Lo kɔlamelo,+ lo yoho yasungana mbɛkɛ otema.
2 Nɛ dia wɛ ambetɛ osomba tota dia ave,
Shombasomba yodingami la mpele elanyelo keto.
Tshoto y’angɛndangɛnda yaya bu osomba nto;
Yɔ hayokamaki nto pondjo.
3 Diakɔ diele wodja wa wolo wayokotombola;
Osomba wa wedja w’akanga wa hiadi wayokooka wɔma.+
4 Nɛ dia wɛ aya longele le mbolambola,
Longele le ose wola lo asui ande,+
Eshamelo oma lo mvula ngembe,
Ndo dɛdi oma lo yanyi ya wolo.+
Etena kele loowe la akanga wa hiadi lekɔ oko mvula ngembe kalɔ lo ehele,
5 Oko laladi lo nkɛtɛ ya womu,
Wɛ kitshakitshaka londjo l’angɛndangɛnda.
Oko wakitakita dungu la dɛdi dia dinge,
Ngasɔ kambɔlama osambo wa akanga wa hiadi.
6 Lo dikona+ nɛ Jehowa kanga lolembelembe ayɔlɔngɔsɔlɛ anto tshɛ
Dambo diele la diangɔ dia ndɛ di’amɛna,+
Dambo diele la wanu w’amɛna,*
Diele la diangɔ dia ndɛ di’amɛna dioludi la ehihɔ,
Diele la wanu w’amɛna wa lɔlɛkɔla.
7 Lo dikona nɛ nde ayonya* ɛngɔ kakomba anto tshɛ
Ndo okombɔ wafɛ wedja tshɛ.
Nde ayonya nsɔnyi ka anto ande oma lo nkɛtɛ k’otondo,
Nɛ dia Jehowa ndamɛ kambodita.
9 Lushi lɔsɔ vɔ wayota vate:
“Nyende ɔnɛ kele Nzambi kaso!+
Ɔnɛ kele Jehowa!
Sho takalongamɛ le nde.
Nyɛsɔ tɔngɛnɛngɛnɛ ndo tonge l’ɔlɔ l’ɔtɛ wa panda k’oma le nde.”+
10 Nɛ dia lonya la Jehowa layotshikala lo dikona+ nɛ,
Ndo Mɔaba ayɔhɔtshahɔtshama lo dihole diatɔ+
Oko watɔhɔtshahɔtshamaka adiyo lo tota dia tumi.
11 Nde ayosembola anya ande otsha le tɔ
Oko watosembolaka osadi w’osale anya ande dia nsala osale,
Ndo nde ayoholoya lotamanya latɔ+
La tosambo ta la diewo tshɛ ta anya ande.
12 Osomba wodingami la mpele, la mpele dia tanga ndo dia wolo,
Nde ayonyukola;
Nde ayodikɔsha la nkɛtɛ, lo ditshu.
26 Lushi lɔsɔ osambo ɔnɛ wayembama+ lo wodja wa Juda:+
“Sho tekɔ la osomba wa wolo.+
Nde ambetɛ panda mpele diawɔ ndo longele lawɔ.+
2 Nyodihole nkuke+ kele wodja w’ɔlɔlɔ wɔtɔ,
Wodja walama lɔkɛwɔ la kɔlamelo.
5 Nɛ dia nde akakitshakitsha wanɛ wadjasɛ la diko, l’osomba wa la diko.
Nde ambooholoya,
Nde ambooholoya polo la nkɛtɛ;
Nde ambowokasha lo ditshu.
6 Ekolo wayowɔhɔtshahɔtsha,
Ekolo w’ɔmɛnyi mfɔnu, akaka wa tombolambola.”
7 Mboka k’onto ɔlɔlɔ kekɔ osembɔki.
Nɛ dia wɛ ekɔ osembɔki,
Wɛ ayɔlɔngɔsɔla mboka ka kanga losembwe.
8 Oko wayelaso mboka ka dombwelo diayɛ, wɛ Jehowa,
Le yɛ kalongamɛso.
Sho* kombolaka lokombo layɛ ndo eohwelo kayɛ.*
9 L’otsho dimi kokombolaka la tshondo yami tshɛ,*
Eelo, yimba yami tetemalaka koyanga;+
Nɛ dia etena kasalema dombwelo di’oma le yɛ dikambo dia nkɛtɛ,
Wanɛ wodjashi lo wodja mbekaka losembwe.+
10 Oyadi kaanga kanga kɔlɔ kookamaka kɛtshi,
Nde hateka losembwe.+
11 Jehowa le, lonya layɛ lambodiyama, koko vɔ hawoliɛnyi.+
Vɔ wayɛna ohetoheto wele la yɛ dikambo di’anto ayɛ ko wayoshama nsɔnyi.
Eelo, dja yele dikambo dia andɔshi ayɛ yayowatshumba.
13 Jehowa Nzambi kaso le, laadiko diayɛ nkumi nkina yakatolɛ,+
Koko lokombo layɛ loto kakatadimolaka.+
14 Vɔ wambovɔ; vɔ hawotɔsɛna.
Vɔ bu la wolo lo nyɔi, vɔ hawotetɔ.+
Nɛ dia wɛ ambowadja yimba
Dia mbashila oshiki ndo ndanya eohwelo kawɔ tshɛ.
Wɛ ambotaloya elelo tshɛ wa wodja efula.+
16 Jehowa le, vɔ wakakadimɔ le yɛ lo nshi ya paa;
Vɔ wakadihola etema awɔ lo dɔmbɛlɔ dia lo hiɔtɛhɔtɛ etena kakayaahokola.+
17 Oko wele womoto lele la diemi laya suke la mbota
Mongaka la kandji ndo ndelaka l’ɔtɛ wa kandji,
Ngasɔ mbayaso l’ɔtɛ ayɛ, wɛ Jehowa.
18 Takatshu diemi, takatate lɔɔnɔ,
Koko ekɔ oko takote lɔpɛpɛ.
Sho kombela panda lo wodja,
Ndo ndooko onto lambotɔ dia mbidjasɛ lo wodja.
19 “Anto ayɛ wavɔ wayɔsɛna.
Nyemɔ ndo nyode ekoko w’ɔngɛnɔngɛnɔ,
Nyu wanɛ wodjashi lo ditshu!+
Nɛ dia lɔpɔpɔ lanyu lekɔ lɔpɔpɔ la pindju,*
Ndo nkɛtɛ yayosala dia wanɛ wele bu la wolo lo nyɔi monga la lɔsɛnɔ.*
20 Anto ami le, nyotshu nyɔtɔ lo mvudu ya l’etei,
Ndo nyodihe nkuke yanyu.+
21 Nɛ dia nyende, Jehowa ekɔ lo ndjaye oma lo dihole diande
Dia ndjokoya la wanɛ wodjashi lo wodja l’ɔtɛ wa munga kawɔ,
Ndo ɔkɛdiɛlɔ wa dikila wa wodja wayotomba sɛkɛ
Ndo wodja hawotoshɛ edo awɔ nto.”
27 Lushi lɔsɔ, Jehowa la lokuwa lande la ta la ngala, la woke ndo la wolo,+
Ayodja yimba yande le Leviatana, oloyi w’ɔsɛlɔ,
Le Leviatana,* oloyi w’akɔtɛ akɔtɛ,
Ndo nde ayodiaka shimamba ka lo ndjale.
2 Lushi lakɔ, kanyowembee* nyate:
“Ekambɔ ka vinyɔ katondja vinyɔ yele la lofulo!+
3 Dimi Jehowa kele olami atɔ.+
Wonya tshɛ dimi kitɛka ashi.+
Dimi kilamaka otsho la yanyi,
Diaha onto kilanya.+
4 Dimi bu la nkɛlɛ.+
Akɔna ayɔndɔsha la akombokombo w’atɛndɛ ndo la nkangaka?
Dimi layoyihɔtshahɔtsha ndo layoyitshumba tshɛ kaamɛ.
5 Naka aha ngasɔ, nde akukute longele lami.
Nde adje ki la mi;
Lam’alanganyu, nde adje ki la mi.”
6 Lo nshi yayaye, Jakɔbɔ ayotondja edio,
Isariyɛlɛ ayɔmɔnga ndo ayotondja nsɔngusɔngu,+
Ndo vɔ wayoloda nkɛtɛ la diangɔ.+
7 Onde nde pombaka kɔmama la lofimbɔ la ɔnɛ lɔɔkɔmɔla?
Kana onde nde pombaka ndjakema oko odiakemelo wa edo ande?
8 La kioko ya wolo kayoyɔlɔshana la nde etena kayoyookimɔ.
Nde ayowotshanya la loowe lande la wolo lushi la lɔpɛpɛ l’oma lo ɛstɛ.+
9 Ɔnkɔnɛ, ngasɔ kayokombama munga ka Jakɔbɔ,+
Ndo nganɛ kayonga elowa tshɛ etena kayonyɛma pɛkato kande:
Nde ayosala ave tshɛ wa elambwelo
Oko ofushi wa mpɛmbɛ wambotshulɔma,
Ndo ndooko kimɛta ka l’osongo* kana dilambwelo dia tshɔ diayotshikala.+
10 Nɛ dia osomba wodingami la mpele wayotshikala hwe;
Ahole wa ndeshaka dongalonga wayohamɛ ndo wayotshikala vɔamɛ oko oswe wa shɛnga.+
Lɛkɔ mbayɔlɛka ndo mbayetamaka yana ya ngɔmbɛ
Ndo lɛkɔ mbayoyɔlɛ ntahe yawɔ.+
11 Etena kayoma ntahe yawɔ,
Wamato wayoya ko wayoyihembola,
Wayɔhɛtsha dja la yɔ.
Nɛ dia anto anɛ bu la yimba.+
Diakɔ diele Otungi awɔ hatowaoka kɛtshi,
Ndo Ɔnɛ lakaasale hatowahomuya lokolo l’ɔlɔ.+
12 Lushi lɔsɔ Jehowa ayonyinginya elowa oma l’omamu wa Ɔkɛdi* wakɛla polo l’Okidi w’ashi* wa l’Edjibito,+ ko nyu ase Isariyɛlɛ nyayotshumanyema ɔtɔi ɔtɔi.+ 13 Lushi lɔsɔ dimama dia woke diayodama,+ ko wanɛ wele suke la ndjakema lo wodja w’Asuriya+ ndo wanɛ wakadiangana lo wodja w’Edjibito+ wayoya ndo wayokusamɛ Jehowa lo dikona di’ekila dia la Jɛrusalɛma.+
28 Mananu le dɛmbɔ dia nkoso* dia wɛnyanyu* diaki ambidjɔki wa Efrayimɛ+
Ndo dɛmbɔlɛmbɔ diambɔlɛngɛ di’olangala adiɔ wa diambo,
Diele l’ɔtɛ w’okidi w’ɛtɛtɔ wa wanɛ wambɔlɛndjama la wanu!
2 Eenda, Jehowa ekɔ la onto ɔmɔtshi la wolo ndo la nkudu.
Lele oko lɔpɛpɛ la wolo la mvula ka mbɔkɔ, lɔpɛpɛ la wolo lalanya,
Oko mvula ngembe ka wolo kela elola,
Nde ayodihomanya la wolo la nkɛtɛ.
4 Ndo dɛmbɔlɛmbɔ diambɔlɛngɛ dia olangala adiɔ wa diambo,
Diele l’ɔtɛ w’okidi w’ɛtɛtɔ,
Diayonga oko elowa wa fingo w’etatelo la ntondo k’eleko k’ɔwɔ.
Etena kawaɛna onto, nde mbamɛnaka kam’ongawɔ lo lonya lande.
5 Lushi lɔsɔ Jehowa kanga lolembelembe ayonga dɛmbɔ dia nkoso dia diambo ndo ekata k’alɛmbɔlɛmbɔ k’olangala le atshikadi w’anto ande.+ 6 Ndo nde ayonga nyuma ka losembwe le ɔnɛ ladjasɛ lo kilombo ndo kiɔkɔ ya wolo le wanɛ watshanya ta la soko di’osomba.+
7 Vɔ lawɔ minganɛka l’ɔtɛ wa wanu;
Ɔnwɛlɔ awɔ wa wanu salaka dia vɔ ntshingatshinga.
Ɔlɔmbɛdi la omvutshi minganɛka l’ɔtɛ wa wanu;
Wanu mbadjaka l’okandokando,
Ndo vɔ tshingatshingaka l’ɔtɛ wa wanu awɔ,
Waɛnɛlɔ awɔ mbanganyiyaka,
Ndo vɔ takanaka lo kilombo.+
8 Nɛ dia mɛsa awɔ ndola tɔ la towɔki ya mindo
Ndooko dihole dieyɔ bu.
9 Akɔna ayowosha ewo,
Ndo akɔna ayowolembetshiya losango?
Onde wanɛ wekewɔ kakidia awɛlɛ,
Wanɛ wekewɔ kamanganya la awɛlɛ?
10 Nɛ dia ekɔ “didjango laadiko dia didjango, didjango laadiko dia didjango,
Ɔkɔdi la ɔkɔdi, ɔkɔdi la ɔkɔdi,*+
Yema lanɛ, yema lɛnɛ.”
11 Ɔnkɔnɛ, lo tshimbo ya akanga wa dikokoma ndo wanɛ watɛkɛta ɔtɛkɛta wa angɛndangɛnda kayondosawola la anto anɛ.+ 12 Nde akawatɛ ntondo ate: “Ɔnɛ kele dihole dia diomuyelo. Wanɛ wambɔlɛmba womuya; ɔnɛ ele dihole di’ekeketshelo,” koko vɔ wakatone mpokamɛ.+ 13 Ɔnkɔnɛ, ɔtɛkɛta wa Jehowa wayonga le wɔ nganɛ:
“Didjango laadiko dia didjango, didjango laadiko dia didjango,
Ɔkɔdi la ɔkɔdi, ɔkɔdi la ɔkɔdi,*+
Yema lanɛ, yema lɛnɛ,”
Kele etena kakɛndakɛndawɔ,
Vɔ kawotakane ndo kawɔkɔ ekalekale
Kawosekɔ, kawotale lo djonga ndo kawondame.+
14 Ɔnkɔnɛ, nyohokame ɔtɛkɛta wa Jehowa, nyu akanga w’ɔsɛmɔ,
Nyu emboledi w’anto anɛ wele la Jɛrusalɛma,
15 Nɛ dia nyu mbutaka nyate:
16 Ɔnkɔnɛ, Nkum’Olongo Nkumadiɔndjɔ Jehowa kata ate:
“Dimi layanga nkitsha dive di’ohemba la Siɔna oko etshina,+
Ndooko onto longa la mbetawɔ layondama la sase.+
Mbɔkɔ ya mvula yayolanya eshamelo ka kashi,
Ndo elola k’ashi kayonga lo dihole dia woshamu.
Etena kayoya elola,
Nyayolanyema la tɔ.
19 Mbala tshɛ kayotetaka,
Nyu nyayɛmbamaka la tɔ;+
Nɛ dia tɔ kayetaka pindju tshɛ,
La yanyi ndo l’otsho.
Paka sase dia wɔma mbayowaokiya kɛnɛ kakokɛma.”*
20 Nɛ dia mbeto kekɔ mondo efula woho wahakoke onto nsembɔ lɔkɔ,
Ndo dihɔndɔ dia nkomba tshitshi diekɔ tshitshɛ efula woho wahakoke onto ndjaɔmba.
21 Nɛ dia Jehowa ayonɛɛ oko lo Dikona dia Pɛrazima;
Nde ayemala ndamɛ oko l’okidi* wele suke la Ngibiyɔna,+
Dia nde nsala etsha ande, ɛɛ, etsha ande wa diambo,
Ndo dia nde nkotsha olimu ande, ɛɛ, olimu ande wa mamba.+
22 Kakianɛ tanyongake la diɔnyɔ,+
Diaha ɛkɔdi anyu ndeka shingana wolo,
Nɛ dia dimi lakoke oma le Nkum’Olongo Nkumadiɔndjɔ Jehowa kanga lolembelembe,
23 Nyohokɛ lotui ndo nyohokame dui diami;
Nyodje yimba ndo nyohokame kɛnɛ katami.
24 Onde ɔnɛ lafusa tetemalaka mfusa lushi l’otondo la ntondo ka nde monɛ ntɔngɔ?
Onde nde tetemalaka bondola ndo nsala emunda?+
25 Etena ketɛnde ɛtshi kande ka nkɛtɛ ebamubamu,
Shi oma laasɔ, nde pandjolaka kumino y’edima ndo monɛka kumino,
Ndo shi nde monɛka eponga, asami wa djisɔ la weho ekina w’asami lo ahole awɔ
Ndo waanya+ suke l’elelo?
27 Nɛ dia kumino y’edima yatatɔma la ehomɔ k’esuswelo,+
Etshimbi wa pusupusu watete laadiko dia kumino.
Koko, kumino y’edima yambɔtɔma la okanda,
Ndo kumino la danga.
28 Onde onto tɛtshatɛtshaka ntɔngɔ dia nsala mapa?
Ndooko, nde hatetemala ndjisusola;+
Ndo etena kakɛndjakɛndjande etshimbi wa pusupusu kande laadiko diayɔ la mfalasa yande,
Nde hayitɛtshatɛtsha.+
29 Dui sɔ nto ndja oma le Jehowa kanga lolembelembe,
Ɔnɛ lele dako* diande diekɔ diambo
29 “Mananu le Ariyɛlɛ,* Ariyɛlɛ osomba wakahange Davidɛ!+
Atetemale ɔnɔnyi la ɔnɔnyi;
Osalelo wa fɛtɛ+ watetemale.
2 Koko dimi layela asui le Ariyɛlɛ,+
Otanda ndo delo diayonga lɛkɔ,+
Ndo nde ayonga le mi oko nkuka ka dja ka lo elambwelo kaki Nzambi.+
3 Dimi layoka mpango lo bɛkɛ tshɛ dia kɔlɔsha,
Ndo dimi layokodinga la lokombo
Ndo layoka ngele dia kɔlɔsha.+
4 Wɛ ayoholoyama;
Wɛ ayɔtɛkɛta oma la nkɛtɛ,
Ndo kɛnɛ katayɛ hatokɛma dimɛna l’ɔtɛ wa ditshu.
Ndo dui sɔ diayosalema mbala kakɔ ɔtɔi, la shashimoya.+
6 Jehowa kanga lolembelembe ayonyodja yimba
La dikungola ndo didimu dia nkɛtɛ ndo la londjo la wolo,
La lɔpɛpɛ la wolo ndo lɔhɛlɛdi la wolo ndo la nyombe ya dja yatshumba.”+
7 Oma laasɔ, leemba la wedja tshɛ wayɔlɔsha Ariyɛlɛ,+
Wanɛ tshɛ wɔɔlɔsha,
Totshoto toodingawɔ dia mbɔlɔsha,
Ndo wanɛ wawela asui,
Wayonga oko dɔ, ɛnɛlɔ ka l’otsho.
8 Eelo, dui sɔ diayonga oko watɛnaka onto lele la ndjala alɛ diangɔ lo dɔ,
Koko wonya wemɔnde, nde ekɔ paka la ndjala,*
Ndo oko etena kele onto la mposa k’ashi ko mɛnaka lo dɔ anɔ ashi,
Koko wonya wemɔnde nde ekɔ paka la ɔlɛmbɛlɔ ndo la mposa* k’ashi.
Kɛsɔ mbayokomɛ olui wa wedja tshɛ
Walɔsha Dikona dia Siɔna.+
Vɔ wambodjɔ, koko aha la wanu;
Vɔ wekɔ lo ntshingatshinga, koko aha l’ɔtɛ wa wanu.
10 Nɛ dia Jehowa ambonyotsholɛ nyuma ka djɔ ya baku;+
Nde ambodiha washo anyu, nyu amvutshi,+
Ndo nde ambokomba ɛtɛ anyu, nyu amɛnyi wa waɛnɛlɔ.+
11 Ɛnɛlɔ tshɛ kambonga le nyu oko ɛtɛkɛta wa lo dibuku diodihami.+ Etena kadishawɔ onto leya mbadia, wawotɛ ɔnɛ: “Lam’alangayɛ, adia dibuku nɛ la dui dia wolo,” nde ayota ate: “Dimi haakoke mbadia, nɛ dia diɔ dihama.” 12 Ndo etena kashawɔ onto laheye mbadia dibuku diakɔ, wawotɛ ɔnɛ: “Lam’alangayɛ, adia dibuku nɛ,” nde ayota ate: “Dimi haakoke diadia.”
13 Jehowa kata ate: “Anto anɛ sukanaka la mi la enyɔ awɔ
Ndo vɔ watɔnɛmiyaka lo ɛlɔmɔ,+
Koko etema awɔ mangana etale oma le mi;
Ndo vɔ mbokakami wɔma l’ɔtɛ w’ɛlɛmbɛ w’anto wakawetshama.+
14 Ɔnkɔnɛ, dimi kele Ɔnɛ layosalɛ anto anɛ akambo wa diambo nto,+
La akambo wa diambo laadiko dia akambo wa diambo;
Ndo lomba la anto awɔ wa tomba layolana,
Ndo yimba y’anto awɔ wele la kɛsɔ yayoshɛma.”+
15 Mananu le wanɛ watshɔ lo dihole di’etale efula dia toshɛ Jehowa sangwelo* diawɔ.+
Etsha awɔ wekɔ lo salema lo dihole dia wodjima,
Etena katawɔ vate: “Akɔna atɛna?
Akɔna ateya?”+
16 Ande woho wengesolanyu akambo lee!
Onde okengi wa mpoke ayɔsama woho ɔtɔi la diwomba?+
Onde kɛnɛ kosalemi kayotɛ osadi atɔ ɔnɛ:
“Nde kosalami”?+
Ndo onde kɛnɛ kokengami mbutɛka okengi atɔ ɔnɛ:
“Nde bu la yimba”?+
17 Lo etena ka tshitshɛ keto Lɛbanɔna ayokadimɔ ekambɔ k’elowa,+
Ndo ekambɔ k’elowa kayɔsama oko okonda.+
18 Lushi lɔsɔ akanga wa mpoke wayoka ɛtɛkɛta wa lo dibuku,
Ndo oma lo odima wa tshududu ndo oma lo wodjima, washo w’akanga wa totshungu wayɛna.+
19 Akanga wa memakana wayɔngɛnangɛna efula le Jehowa,
Ndo ase wola wele l’atei w’anto wayonga l’ɔlɔ le l’Ekila la Isariyɛlɛ.+
20 Nɛ dia kanga hiadi hatonga nto,
Kanga ɔsɛmɔ ayokoma l’ekomelo kande,
Ndo wanɛ tshɛ wambalɛ dia nsala kɔlɔ wayolanyema,+
21 Wanɛ wɛndja anto akina onongo la ɛtɛkɛta wa kashi,
Wamba djonga dikambo dia okokedi la soko di’osomba,+
Ndo wadima onto ɔlɔlɔ losembwe la tokanyi tawɔ t’anyanya.+
22 Ɔnkɔnɛ, Jehowa lakatshungola Abrahama+ katɛ luudu la Jakɔbɔ ate:
23 Nɛ dia lam’ayondɛna anande,
Wanɛ wele olimu w’anya ande l’atei ande,+
Vɔ wayokidia lokombo lami;
Ɛɛ, vɔ wayokidia l’Ekila la Jakɔbɔ,
Ndo vɔ wayoka Nzambi ka Isariyɛlɛ wɔma wɔsɔhanyemi la dilɛmiɛlɔ.+
24 Wanɛ wambonganɛ lo yimba wayokondja yimba,
Ndo wanɛ wayakiyanya wayetawɔ wetshelo.”
30 “Mananu le ana w’ɛtɛ wolo,”+ mbata Jehowa,
“Wakotsha dikongelo diaha diami,+
Wadja toseke,* koko aha la nyuma kami,
Dia nkotsha pɛkato laadiko dia pɛkato.
2 Vɔ polɔka otsha l’Edjibito+ aha la mimbolami kanyi,*+
Dia toyanga ekokelo le Farawɔ*
Ndo dia toyanga eshamelo lo dɛdi dia Edjibito!
3 Koko ekokelo kaki Farawɔ kayonga kiɔkɔ ya nsɔnyi le nyu,
Ndo eshamelo ka lo dɛdi dia Edjibito, kiɔkɔ ya diɔnyɔ.+
4 Nɛ dia ewandji ande wekɔ la Zɔana,+
Ndo atomami ande wakakome la Hanɛsɛ.
5 Vɔ tshɛ wayoshama nsɔnyi
Oma le anto wahakoke mbaela ndooko wahɔ
Wahasha ndooko ekimanyielo ndo ndooko wahɔ,
Paka nsɔnyi keto la diɔnyɔ.”+
6 Ɛtɛkɛta wendana la nyama ya lo sidɛ:
Lo tshimbo ya wodja w’asui ndo wa paa,
Wa ntambwɛ, ntambwɛ kadikita,
Wa tshuha ndo wa oloyi wafumbɔ wele la dja,*
Vɔ mɛmbaka ɛngɔnyi awɔ lo ɛkɔngɔ wa mponda
Ndo diangɔ diawɔ laadiko dia kamɛlɔ.
Koko diangɔ sɔ hadiotonga la wahɔ le anto.
7 Nɛ dia ekimanyielo k’Edjibito kekɔ tshɛ anyanya.+
Diakɔ diakamawelɛ ɔnɛ: “Rahaba+ lodjashi tsho ki.”
8 “Kakianɛ tshɔka tofunde dui sɔ lo ehase lalewɔ,
Ndo fundadiɔ lo dibuku,+
Dia diɔ ndjonga lushi lɔmɔtshi layaye
Oko ɔmɛnyi wa pondjo.+
10 Vɔ mbutɛka amɛnyi wa akambo wahataye ɔnɛ: ‘Tanyɛnake,’
Ndo wanɛ wɛna waɛnɛlɔ ɔnɛ: ‘Tanyototɛke waɛnɛlɔ wa mɛtɛ.+
Nyotote awui wangɛnyangɛnya atoyi;* nyɛnyi waɛnɛlɔ w’awui wa kashi.+
11 Nyomɔ oma lo mboka; nyɛtɔlɛ oma lo ɔsɛsɛ.
Nyotshike totɛ awui wendana la l’Ekila la Isariyɛlɛ.’”+
12 Ɔnkɔnɛ, l’Ekila la Isariyɛlɛ kata ate:
“Lam’ele nyambotona ɔtɛkɛta ɔnɛ+
Ndo nyamboyaɛkɛ lo okadi ndo lo lokeso
Ndo nyambɛkama awui asɔ,+
13 Ɔnkɔnɛ, munga kɛsɔ kayonga le nyu oko ehele kambotɔ,
Oko ehele k’otale kambɛngama kele suke dia nkɔ.
Tɔ kayɔkɔ la shashimoya, lo tshanda mɔtshi.
14 Tɔ kayohandjɔ oko mbaka ka woke,
Kayohandjɔ vwa lo yoho yele ndooko ɛtshi katɔ kayotshikala
Dia mbɔsa dja oma lo dihole diele dja
Kana dia ntɛkɔla ashi oma lo dende.”*
15 Nɛ dia Nkum’Olongo Nkumadiɔndjɔ Jehowa, l’Ekila la Isariyɛlɛ kata ate:
“Lo nkalola le mi ndo lo momuya, nyu nyayokokamɛ;
Wolo anyu wayonga lo ntshikala ki ndo lo mɛnya wɛkamu anyu.”+
Koko nyu konanga.+
16 Nyu nyakate nyate: “Keema, sho tayolawɔ lo mfalasa!”
Ɔnkɔnɛ, nyayolawɔ.
“Ndo lo mfalasa yalawɔ efula mbayotahema!”+
Ɔnkɔnɛ, wanɛ watanyotshanya wayolawɔ efula.+
17 Anto kinunu (1 000) wayosaka lokomba lo mboka onto 1 wɔma;+
Nyu nyayolawɔ etena kayonyotsha anto 5 wɔma
Polo lam’ayonga kɛnɛ katshikala le nyu oko ɛkɔhɔ ka lo shɔdi ya dikona,
Oko ekundji ka djembetelo lo kionakona.+
18 Koko Jehowa ekɔ lo nkonga la solo dia lotutsha* dia nyosalɛ ɔlɔlɔ,+
Ndo nde ayemala dia nyoka kɛtshi.+
Nɛ dia Jehowa ekɔ Nzambi ka losembwe.+
Ɔngɛnɔngɛnɔ le wanɛ tshɛ watetemala nongamɛ* le nde.+
19 Etena kayodjasɛ anto la Siɔna, la Jɛrusalɛma,+ ndooko onyake wɛ ayolela.+ Nde ayokooka kɛtshi etena kayondokooka wɛ alela dia nyanga ekimayielo; nde ayokokadimola kam’ayondoka.+ 20 Kaanga mbele Jehowa ayokosha mbo ya ndɛ yele oko asui ndo ashi wele oko shɔkɔ,+ Ombetsha ayɛ wa Woke,+ hatoyashɛ nto, ndo wɛ ayɛna Ombetsha ayɛ wa Woke la washo ayɛ hita. 21 Ndo atoyi ayɛ wayoka dui oma l’ɔkɔngɔ ayɛ diata ɔnɛ: “Mboka tɔ kɛnɛ.+ Nyɔkɛndɛkɛndɛ lɔkɔ,” naka nyolanga ntshɔ lo l’omi kana lo lɔmɔsɔ.+
22 Nyu nyayodja mindo lo dikishi dianyu diakakitama mfɛsa ndo lo mpingu yanyu ya la mbolo yakawamate paonyi.+ Nyu nyayoyikasha oko dihɔndɔ dia womoto lɛna dikila ndo nyayoditɛ nyate: “Nyomɔ mɛ!”*+ 23 Ndo nde ayɔlɔsha mvula dikambo dia ntɔngɔ yonɛyɛ lo nkɛtɛ+ ndo mbo ya ndɛ yatondja nkɛtɛ yayonga efula ndo amɛna.*+ Lushi lɔsɔ dongalonga diayɛ diayɔlɛ adiyo lo dihole dia woke.+ 24 Ngɔmbɛ la mponda yakamba nkɛtɛ yayɔlɛ adiyo wɔsɔhanyemi la yaale yakahembɔma la lopawo ndo la lɔsɔmɔ. 25 Lo dikona tshɛ di’otale ndo lo kionakona tshɛ y’otale, ɛkɛdi wayonga ndo ashi wayɔkɛlaka,+ lo lushi l’odiakelo wa woke etena kayonyukɔ totshoto. 26 Osase wa ngɔndɔ kaya emuma wayonga oko osase wa wonya; ndo osase wa wonya wayonga wolo mbala 7+ oko osase wa nshi 7, lushi layɔmba Jehowa mpota* y’anto ande+ ndo layondɔkɔnɔya mpota ka woke kakandaahomuya.+
27 Eenda, lokombo laki Jehowa lekɔ lo ndjaye oma lo etale,
La nkɛlɛ kande kadɔdɔ ndo la wange wa wotsho.
Ɛlɔmɔ ande ndola tɔɔ la yɛnyi,
Ndo lolemi lande lekɔ oko dja yatshumba.+
28 Nyuma* kande kekɔ oko elola kakoma polo lo nkingo,
Dia nyonga wedja lo djongɔ y’elanyelo;*
Ndo anto wayonga la ɛkɔdi lo manga yawɔ+ wayowanganyiya.
29 Koko osambo ayɛ wayonga oko onto leemba l’otsho
Etena kayalɔngɔsɔlayɛ* dikambo dia fɛtɛ,+
Ndo otema ayɛ wayɔngɛnangɛna oko onto
Latakɛndakɛnda la* mpolo
Lo mboka kande otsha lo dikona dia Jehowa, otsha le Dive dia Isariyɛlɛ.+
30 Jehowa ayokiya dui diande dia diambo+
Ndo ayoshola lonya lande+ etena kayoloholɔ la nkɛlɛ kadɔdɔ,+
La loombe la dja yatshumba,+
La mvula ngembe,+ la mvula ka ndjadi ndo la mbɔkɔ ya mvula.+
32 Lofimbɔ tshɛ la dilanya
Layɔkɔmɔlaka Jehowa Asuriya
Layoyelana la ngɔmɔ ndo la nsɛsɛ+
Etena kawediande lonya lande dia mbalɔsha.+
Nde akalɔngɔsɔla nkunyi ya weke ndo y’etale,
La dja y’efula ndo nkunyi.
Loowe la Jehowa, oko ɔkɛdi wa mbɔkɔ ya dja,
Layodja dja lɔkɔ.
31 Mananu le wanɛ waholɔ otsha l’Edjibito dia toyanga ekimanyielo,+
Wanɛ wɛkama le mfalasa,+
Wanɛ wayaɛkɛ le pusupusu ya ta nɛ dia yɔ yekɔ efula,
Ndo le mfalasa* ya ta nɛ dia yɔ yekɔ la wolo.
Koko vɔ hawendɛ le l’Ekila la Isariyɛlɛ,
Ndo vɔ hawoyange Jehowa.
2 Koko nde ekɔ nto la lomba ndo ayela mpokoso,
Ndo nde ayokotsha ɛtɛkɛta ande.
Nde ayonɛɛ dia ndɔsha luudu l’atshi wa kɔlɔ
Ndo dia ndɔsha wanɛ wakimanyiya atshi wa kɔlɔ.+
3 Ase Edjibito wekɔ tsho anto k’anto koko aha Nzambi;
Mfalasa yawɔ yekɔ emunyi koko aha nyuma.+
Lam’ayosembola Jehowa lonya lande,
Onto tshɛ lasha ekimanyielo ayotakana
Ndo onto tshɛ lakimanyiyama ayɔkɔ;
Vɔ tshɛ wayolanyema etena kakɔ ɔtɔi.
4 Nɛ dia Jehowa akambutɛ ate:
“Oko watodikitaka ntambwɛ, ɔsɔngɔ wa ntambwɛ wele la wolo* otsha le nyama kalangatɔ minda,
Etena kakihamwɛ olui w’otondo w’alami w’ɛkɔkɔ kaamɛ,
Ko tɔ hatoke wɔma wa dui diawɔ
Ndo hatotshike l’ɔtɛ wa lohango lawɔ,
Ngasɔ mbayoholɔ Jehowa kanga lolembelembe dia ndjɔlɔsha
La diko dia Dikona dia Siɔna ndo la diko dia kionakona yayɔ.
5 Oko tofudu tatafumbɔ, ngasɔ mbayamɛ Jehowa kanga lolembelembe Jɛrusalɛma.+
Nde ayoyamɛ ndo ayoyishimbɛ.
Nde ayoyomba ndo ayoyitsha.”
6 “Ase Isariyɛlɛ le,+ nyokalole le Ɔnɛ lakanyatɔmbɔkwɛ lo yoho ya kɔlɔ. 7 Nɛ dia lushi lɔsɔ, onto l’onto ayokasha tozambizambi tande t’anyanya ta mfɛsa ndo tozambizambi tande tele bu la nɛmɔ ta paonyi takasale anya anyu pɛkato dia tisala.
8 Ose Asuriya ayodiakema la lokuwa la ta, aha l’onto;
Ndo lokuwa la ta laha laki onto layowatshatsha.+
Nde ayolawɔ l’ɔtɛ wa lokuwa la ta,
Ndo ɛlɔngɔ ande w’apami wayɔsama dia mbakandjaka olimu la wolo.
9 Dive diande diayoshishɔ l’ɔtɛ wa wɔma wa mɛtɛ,
Ndo ewandji ande wayotshama wɔma l’ɔtɛ wa ekundji ka djembetelo,” mbata Jehowa,
Ɔnɛ lele osase* ande wekɔ la Siɔna ndo nkuka kande ka dja kekɔ la Jɛrusalɛma.
2 Ndo onto l’onto ayonga oko dihole di’eshamelo* oma lo lɔpɛpɛ,
Ndo oko dihole di’ekokelo* oma lo mvula ngembe,
Oko ɛkɛdi w’ashi lo nkɛtɛ y’ofumbo,+
Oko dɛdi dia dive dia woke lo nkɛtɛ ya shɛnga,
3 Ko washo wa wanɛ wɛna hawotodihama nto,
Ndo atoyi wa wanɛ woka wayodja yimba.
4 Otema wa wanɛ wahadje yimba wayokana yimba lo ewo,
Ndo lolemi la kanga dikokoma layɔtɛkɛta dimɛna ndo lo yoho yokɛma hwe.+
5 Kanga enginya hatelamɛ nto ɔnɛ kanga lokaho,
Ndo onto lɔnyɔla atɔndɔ hatelamɛ nto ɔnɛ ɔlɔhɛ;
6 Nɛ dia kanga enginya ayɔtɛkɛta ɔtɛkɛtatɛkɛta,
Ndo otema ande wayokongɛ akambo wa kɔlɔ,+
Dia ntondja wetshelo w’ɛtɔlɔki* ndo ɛtɛkɛta wa kɔlɔ walɔshana la Jehowa,
Dia ntshika onto lele la ndjala* dia nde ntshɔ aha la ndɛ
Ndo dia dima onto lele la mposa k’ashi ɛngɔ ka nnɔ.
7 Alako w’onto lahayele atɔndɔ wekɔ kɔlɔ;+
Nde sukɛka lɔkɛwɔ la nsɔnyi
Dia ndanya ɔmɛnyi mfɔnu la kashi,+
Kaanga etena katɛkɛta ose wola dikambo di’ɔlɔlɔ.
8 Koko, kanga lokaho ekɔ la tokanyi ta lokaho,
Ndo nde tetemalaka mbidja wolo lo lokaho.*
9 “Nyu wamato wadjasɛ wodjasɛdjasɛ, nyemale ndo nyohokame dui diami!
Nyu ana wa wamato wahadje dui yimba,+ nyodje yimba lo kɛnɛ katami!
10 L’ɔkɔngɔ w’ɔnɔnyi ɔtɔi la yema, nyu wanɛ wahadje dikambo yimba, nyayodidima,
Nɛ dia ndooko olowa wayotshumanyema etena kayokomɛ dinela di’elowa.+
11 Nyu wamato wadjasɛ wodjasɛdjasɛ, nyosake lokomba!
Nyu wanɛ wahadje dikambo yimba, nyodidime!
Nyokolole ahɔndɔ anyu,
Ndo nyɔlɔtɛ akoto lo nkende yanyu.+
12 Nyoyakɔmɔlɛ lo ntolo la delo
L’ɔtɛ wa dikambɔ di’amɛna ndo w’ɛkɔdi wa vinyɔ watɔ elowa efula.
13 Nɛ dia nkɛtɛ y’anto ami yayolola la atɛndɛ ndo la adungu;
Vɔ wayolola lo mvudu tshɛ y’ɔngɛnɔngɛnɔ,
Ɛɛ, osomba w’ɔngɛnɔngɛnɔ.+
14 Nɛ dia tshoto yodingami la mpele yambɔsɛkama;
Osomba wa londjo wambotshikala vɔamɛ.+
Ɔfɛlɛ+ la tshoto y’etangelo aya tɔngɔ dia pondjo,
Ɔngɛnɔngɛnɔ dikambo dia mponda ya l’okonda,
Dihole dialɛ nyama adiyo,+
15 Polo ndo nyuma kambotshulɔ le so oma la diko,+
Ndo oswe wa shɛnga waya ekambɔ k’elowa,
Ndo ekambɔ k’elowa kɔsama oko okonda.+
16 Oma laasɔ, sambo k’ɔlɔlɔ kayodjasɛka l’oswe wa shɛnga,
Ndo losembwe layodjasɛka lo ekambɔ k’elowa.+
17 Wɔladi+ mbayonga etombelo w’oma lo losembwe la mɛtɛ,
Ndo ki la lotui tshitshi+ la pondjo mbayonga elowa w’oma lo losembwe la mɛtɛ.
18 Anto ami wayodjasɛ lo dihole dia wɔladi w’efula,
Lo didjaselo dia lotui tshitshi ndo lo ahole wa diomuyelo wa ki.+
19 Koko mbɔkɔ ya mvula yayolanya okonda,
Ndo osomba wayokitshakitshama tshɛ lo tshɛ.
33 Mananu le yɛ, wɛ ondanyishi lahatalanyema;+
Ofunganyi lahatafungama!
Lam’ayoyoshidiya ndanya, wɛ ayolanyema.+
Lam’ayoyoshidiya mfunga, wɛ ayofungama.
2 Jehowa le, otoke kɛtshi.+
Elongamelo kaso kekɔ le yɛ.
3 Lo londjo la lofunguso l’anto watalawɔ.
Etena kemalayɛ, wedja pandjɔka.+
4 Oko watɔmɔtanaka akata w’ɛndjɔ, ngasɔ mbayɔmɔtana diangɔ diayɛ dia dimbo;
Anto wayolawɔ otsha lɔkɔ oko leemba la akata w’ɛndjɔ.
5 Jehowa ayodiyama,
Nɛ dia nde mbidjasɛ lo ahole wa la diko.
Nde ayolodia Siɔna la sambo k’ɔlɔlɔ ndo losembwe.
6 Nde ekɔ eshikimalelo ka tena dianyu;
Efula ka panda,+ lomba, ewo ndo wɔma wa Jehowa,+
Ɔsɔ kele ɛngɔ kande ka nɛmɔ.
7 Eenda, ahoka awɔ wekɔ lo mbida ekoko lo shinga;
Akɛndji wa wɔladi wekɔ lo ndela la wolo.
8 Mboka ya weke yaya hwe;
Ndooko onto leteta lo ɛsɛsɛ.
9 Wodja wekɔ la otanda* ndo wambɔlɛngɛ.
Lɛbanɔna amboshama nsɔnyi;+ ambɔhɔnda.
Sharɔna yaya oko shɛnga,
Ndo Bashana la Karamɛlɛ wambɔlɔla akatshi awɔ.+
10 “Kakianɛ, dimi layanga monɛɛ,” mbata Jehowa,
“Kakianɛ, dimi layanga ndjadiya;+
Kakianɛ, dimi layanga ndjatombola.
11 Nyu tshɔka waemi w’adiyo wamboma ndo mbotaka nsɔdu.
Yimba yanyu yayonyotshumba oko dja.+
12 Ndo anto wayotshumbama, wayonga otoko oto.
Oko atɛndɛ wambohembɔma, vɔ wayolongola la dja.+
13 Nyu wanɛ wele etale, nyohokame kɛnɛ kayangami nsala!
Ndo nyu wanɛ wele suke, nyetawɔ wolo ami!
14 Atshi wa pɛkato wa la Siɔna wekɔ la wɔma;+
Lokomba lambonda ɛtɔlɔki:
‘Akɔna l’atei aso akoka mbidjasɛ lɛnɛ ele dja yatshumba?+
Akɔna l’atei aso akoka mbidjasɛ l’atei wa nyombe ya dja yahadimala?’
15 Ɔnɛ latetemala nkɛndakɛnda lo losembwe,+
Latɛkɛta kɛnɛ kosembwe,+
Latona lokeso ndo diangɔ di’oma lo okadi,
Lele anya ande tonaka etshimba lo dihole dia mbɔsa,+
Ɔnɛ ladiha toyi diande lo sawo di’ɔkɛdiɛlɔ wa dikila,
Ndo ladiha washo ande diaha mɛna kɛnɛ kele kɔlɔ.
16 Nde ayodjasɛ lo ahole wa la diko;
Eshamelo kande k’oshika kayonga lo ngele y’ave,
Nde ayolongolaka mbo ya ndɛ yande,
Ndo ashi hawotoshila.”+
17 Washo ayɛ wayɛna nkumekanga lo lɔnɛnɛ lande;
Vɔ wayɛna wodja oma l’etale.
18 Lo otema ayɛ, wɛ ayohɔ* wɔma:
“Lende ele ofundji?
Lende ele ɔnɛ lakɛdika wotsho w’olambo?+
Lende ele ɔnɛ lakadia totshoto?”
19 Wɛ hatɛna akanga w’etako nto,
Anto wele ɛtɛkɛta awɔ wekɔ wolo* nshihodia,
Wanɛ wele lolemi lawɔ la dikokoma wɛ hakoke mboka.+
20 Enda Siɔna osomba w’afɛstɔ aso!+
Washo ayɛ wayɛna Jɛrusalɛma oko dihole di’edjaselo dia ki,
Luudu la dipɛma lahatɔsɛkɔma.+
Wekɔ alɔ hawokɔmaki pondjo,
Ndo ndooko ɔkɔdi awɔ wayohembɔ.
21 Koko Jehowa Kanga Lɔnɛnɛ,
Ayonga le so ɛtshi ka nkɛtɛ k’ɛkɛdi, mboka y’ashi ya weke,
Lɛnɛ ele ndooko waato wayotshɔ lɛkɔ
Ndo ndooko masuwa wa woke wayeta laawɔ.
22 Nɛ dia Jehowa kele Shushi yaso,+
Jehowa kele Ombidji aso w’ɛlɛmbɛ,+
Jehowa kele Nkumekanga kaso;+
Nde kele Ɔnɛ layotoshimbɛ.+
23 Ɛkɔdi ayɛ wayɔtɛwɔ;
Vɔ hawotokoka nkimɛ dikundji dia masuwa kana nsandjola dipɛma.
L’etena kɛsɔ, diangɔ dia dimbo efula diayokahanyema;
Oyadi kanga etshumbe ayɔsa diangɔ dia dimbo efula.+
24 Ndooko onto lodjashi lɛkɔ layota ate: “Dimi lekɔ la hemɔ.”+
Anto wodjashi lo wodja wayodimanyiyama munga yawɔ.+
34 Nyu wedja nyosukane dia ndjohokamɛ,
Ndo nyu anto nyodje yimba.
Nkɛtɛ ndo kɛnɛ tshɛ koludi lɔkɔ kahokame,
Nkɛtɛ la kɛnɛ katondjatɔ.
Nde ayowalanya;
Nde ayowakimɔ dia vɔ ndjakema.+
4 Alembe tshɛ wa l’olongo wayɔhɔnda,
Ndo olongo wayɔmbama oko wɔɔmbɔ.
Alembe awɔ tshɛ wayoma,
Oko watɔkɔka dikatshi diamboma oma l’ɔkɔdi wa vinyɔ
Ndo oko watɔlɔlɔka olowa wa fingo wamboma oma l’osongo wa fingo.
5 “Nɛ dia l’olongo lokuwa lami la ta layɔlɔyama.+
Lɔ layoholɔ le Ɛdɔmɛ lo kilombo,+
Le anto wakanyokimɔ dia ndanyema.
6 Jehowa ekɔ la lokuwa la ta; lɔ layokombama la dikila.
Nɛ dia Jehowa ekɔ la olambo la Bozɛra,
Odiakelo wa woke lo wodja wa Ɛdɔmɛ.+
7 Ndjate yayoholɔ kaamɛ la yɔ,
Ɛsɔngɔ wa ngɔmbɛ kaamɛ l’akanga wa wolo.
Wodja awɔ wayɔlɔyama la dikila,
Ndo ditshu diawɔ diayokombama la wata.”
8 Nɛ dia Jehowa ekɔ la lushi la nsɔmbɔya,+
Ɔnɔnyi wa nsɔmbɔya l’ɔtɛ wa kilombo kele lo dikambo dia Siɔna.+
9 Ɛkɛdi atɔ* wayokadimɔ tshɔ,
Ndo ditshu diatɔ mbɔkɔ ya dja,
Ndo nkɛtɛ yatɔ yayonga oko tshɔ yalongola.
10 L’otsho kana la yanyi yɔ hayotodimala;
Edinga ayɔ wayodɛka pondjo pondjo.
Lo lɔlɔnga la lɔlɔnga, tɔ kayotshikala tɔngɔ to;
Ndooko onto layeta laawɔ pondjo pondjo.+
11 Diata la eko wayongaka lɛkɔ,
Ndo sukula di’atui etale ndo angwangwa wayodjasɛ lɛkɔ.
Nde ayosembola ɔkɔdi wa yɛdikɔ wa hwe lɛkɔ
Ndo ɔkɔdi wa wɛdikelo* w’elanyelo.
12 Ndooko ɔlɔhɛ atɔ wayelamɛ otsha lo lowandji,
Ndo ewandji atɔ tshɛ wayoyala anyanya.
13 Atɛndɛ wayodɔ lo totshoto ta lɛkɔ todingami la mpele,
Adungu ndo ɛkɔdi w’atɛndɛ lo ngele ya lɛkɔ.
Tɔ kayonga edjaselo ka waa mbolo,+
Ndo lokombo l’ateke.
14 Ditongami dia l’oswe wa shɛnga diayosangana la nyama yawana,
Ndo mbudi k’okonda* kayelɛ osekatɔ.
Eelo, opututɛ wayodjasɛ ndo wayotana dihole dia momuya lɛkɔ.
15 Oloyi wele oko lohito wayosala kefu kawɔ lɛkɔ ndo wayomba ekele,
Vɔ wayowadama ndo wayowasanganya lo dɛdi diawɔ.
Eelo, lɛkɔ mbayosangana tofudu ta eke, fudu la fudu la olonganyi ayɔ.
16 Nyoyange lo dibuku dia Jehowa ndo nyodiadia la dui dia wolo:
Ndooko ɔtɔi wa l’atei ayɔ wayoshishɔ;
Ndooko la l’atei ayɔ layohomba olonganyi,
Nɛ dia onyɔ wa Jehowa mbakadjanga didjango sɔ,
Ndo nyuma kande mbakatitshumanya.
17 Nde kele Ɔnɛ lakoke owale dikambo diayɔ,
Ndo anya ande hita wakɛdika dihole diakawawasha.*
Diɔ diayongaka diawɔ pondjo pondjo;
Yɔ yayodjasɛka lɔkɔ lo nɔnga tshɛ.
35 Oswe wa shɛnga ndo nkɛtɛ y’ofumbo yayɔngɛnangɛna,+
Ndo laandja l’oswe layonga l’ɔlɔ ndo layɔmɔnga oko dɛmbɔlɛmbɔ dia safra.+
2 Ndooko onyake lɔ layɔmɔnga;+
Lɔ layɔngɛnangɛna ndo layoda ekoko w’ɔngɛnɔngɛnɔ.
Vɔ wayɛna lotombo la Jehowa, lɔnɛnɛ la Nzambi kaso.
3 Nyokeketsha anya wa wɔdu;
Ndo nyoshikikadia adwe wayɛkayɛka.+
4 Nyote wanɛ wele la lonyangu l’otema nyate:
“Nyokeketale. Tanyokake wɔma.
Nyende, Nzambi kanyu hita ayoya la shɔmbɔya,
Nzambi ayoya dia ndjɔsɔmbɔya.+
Nde ayoya ko ayonyoshimbɛ.”+
6 L’etena kɛsɔ kanga etshumbe ayolembɔlembɔ oko mpele,+
Ndo lolemi la kanga lomi layoda ekoko w’ɔngɛnɔngɛnɔ.+
Nɛ dia ashi wayofukɔfukɔ l’oswe wa shɛnga,
Ndo tɔkɔkɔ t’ashi tayɔkɛlaka lo laandja l’oswe.
7 Nkɛtɛ ya dja yayokadimɔ oduwa wele la asɔpɔ,
Ndo nkɛtɛ yele la mposa k’ashi, tɛkɔ di’ashi.+
Didjaselo diakomuyaka waa mbolo,+
Adiyo w’ashi wa djɛsɛ wayonga ndo asɔpɔ la papirusɛ.
8 Ndo mboka ka woke kayoyala lɛkɔ,+
Eelo, mboka kelamɛ ɔnɛ Mboka k’Ekila.
Kanga mindo hatɔkɛndakɛnda lɔkɔ.+
Tɔ kekɔ dikambo dia onto lakɛndakɛnda lo mboka;
Ndooko kanga enginya layekɔ otsha lɛkɔ.
9 Ndooko ntambwɛ kayonga lɛkɔ,
Ndooko nyama ka ngala ka l’okonda kayoya lɛkɔ.
10 Wanɛ wakatshungɔma oma le Jehowa wayokalola+ ndo wayoya la Siɔna la ekoko w’ɔngɛnɔngɛnɔ.+
Ɔngɛnɔngɛnɔ wa pondjo wayonga lo ɛtɛ awɔ.+
Vɔ wayonga l’ɔlɔ ndo la ɔngɛnɔngɛnɔ,
Ndo lɔkɔnyɔ la ekiyanu wayolawɔ.+
36 L’ɔnɔnyi wa 14 w’ɛlɔmbwɛlɔ ka nkumekanga Hɛzɛkiya, Sɛnakɛribɛ nkumekanga k’Asuriya+ akaye ndjɔlɔsha esomba tshɛ w’ase Juda wakadingama la mpele ndo akawaɔshi.+ 2 Oma laasɔ, nkumekanga k’Asuriya akatome Rabishakɛ*+ kaamɛ la olui wa woke w’asɔlayi w’oma la Lakishi+ otsha le nkumekanga Hɛzɛkiya la Jɛrusalɛma. Vɔ wakatemala suke la ɔlɔnda watɔla ashi otsha lo difuku di’ashi dia la diko+ diele lo mboka ka woke k’otsha lo ekambɔ k’osodi w’ahɔndɔ.+ 3 Ko Eliyakima+ ɔna Hilikiya laki owandji w’ase luudu* la nkumekanga, Shebina+ laki ofundji ndo Joa ɔna Asafu laki ɔkɔndɔdi wakatombe oya le nde.
4 Ko Rabishakɛ akawatɛ ate: “Lam’alanganyu, nyote Hɛzɛkiya nyate: ‘Nkumekanga ka woke, nkumekanga k’Asuriya kata ate: “Lende ohikami wɛkamu ayɛ?+ 5 Wɛ ekɔ lo mbuta wate: ‘Lekɔ la diewo ndo la wolo wa ndɔ ta,’ koko ɔsɔ ekɔ ɛtɛkɛta w’anyanya. Le na amboyoyaɛkɛ katoyosombɔ tɔmbɔkwɛmi?+ 6 Eenda, wɛ ekɔ lo ndjaɛkɛ lo osukɔ w’Edjibito, lɔkɔmbɛ lambɔtɛtshatɛtshama lele naka onto liɛkama, kete layowɔtɔ lo diwambo ndo layowotondola. Ngasɔ mbele Farawɔ nkumekanga k’Edjibito le wanɛ tshɛ wayaɛkɛ le nde.+ 7 Ndo naka nyu mbutɛmi nyate: ‘Tekɔ lo ndjaɛkɛ le Jehowa Nzambi kaso,’ shi nde kakanga ahole wa la diko ndo dilambwelo diambonya Hɛzɛkiya+ etena katɛnde Juda la Jɛrusalɛma ate: ‘Nyu pombaka nkusama la ntondo ka elambwelo kɛnɛ’?”’+ 8 Ɔnkɔnɛ lam’alangayɛ, nyɔkɔhɛ wɛ la nkumɛmi nkumekanga k’Asuriya nganɛ:+ Dimi layokosha mfalasa nunu pende (2 000) naka wɛ kokaka ntana ambahemi ayɔ. 9 Ko ngande wayoyokoka mbitshanya kaanga nguvɛrnɛrɛ 1 koleki tshitshɛ l’atei w’ekambi wa nkumɛmi lo ndjaɛkɛ le Edjibito dia kosha pusupusu ndo ambahemi wa mfalasa? 10 Shi la lotshungɔ l’oma le Jehowa kamomoya ndjɔlɔsha wodja ɔnɛ dia mbolanya? Jehowa ndamɛ akambutɛ ate: ‘Tshɔka tɔlɔsha wodja ɔnɛ kele towolanya.’”
11 Ko Eliyakima nde la Shebina+ ndo Joa wakatɛ Rabishakɛ vate:+ “Lam’alangayɛ, tɛkɛta la ekambi ayɛ lo Arameyɛ*+ dikambo sho mbokaka ɔtɛkɛta akɔ. Tɔtɛkɛtake la so l’ɔtɛkɛta w’ase Juda diaha anto wele lo ehele mboka.”+ 12 Koko Rabishakɛ akate ate: “Onde paka le yɛ wɛ la nkumɛyɛ oto mbakantome nkumɛmi dia ndjota ɛtɛkɛta ɛsɔ? Shi ndo le apami wodjashi lo ehele, wanɛ wayɔlɛ tumi tawɔ hita ndo wayɔnɔ wanyi awɔ hita kaamɛ la nyu?”
13 Oma laasɔ, Rabishakɛ akemala ndo akawelɛ l’ɔtɛkɛta w’ase Juda+ ate: “Nyohokame dui dia nkumekanga ka woke, nkumekanga k’Asuriya.+ 14 Nkumekanga kata ate: ‘Tanyetawɔke dia Hɛzɛkiya nyokesa, nɛ dia nde bu la akoka wa nyotshungola.+ 15 Ndo tanyetawɔke dia Hɛzɛkiya nyokonya dia nyu ndjaɛkɛ le Jehowa+ lo mbuta ɔnɛ: “Ndooko onyake Jehowa ayototsha ndo osomba ɔnɛ hawotokimɔma lo anya wa nkumekanga k’Asuriya.” 16 Tanyohokamɛke Hɛzɛkiya, nɛ dia nkumekanga k’Asuriya kata ate: “Nyodje ki la mi ndo nyoyakimɔ* ko onto l’onto ayɔlɛka diangɔ di’oma lo ɔkɔdi ande wa vinyɔ, di’oma l’osongo ande wa fingo ndo ayɔnɔka ashi w’oma lo ɛtɛkɔ kande hita, 17 polo lam’ayomoya ko ndjonyɔsa dia nyɔtɔla otsha lo wodja wele oko wodja anyu hita,+ wodja wele la ntɔngɔ ndo la wanu w’eyoyo, wodja wele la mbo ya ndɛ ndo la dikambɔ dia vinyɔ. 18 Tanyetawɔke dia Hɛzɛkiya nyokesa lo nyotɛ ate: ‘Jehowa ayototshungola.’ Onde ekɔ jambizambi mɔtshi y’ase wedja yambotshungolaka wodja ayɔ oma lo anya wa nkumekanga k’Asuriya?+ 19 Lende ele tozambizambi ta Hamatɛ ndo ta Arapadɛ?+ Lende ele tozambizambi ta Sefaravayima?+ Onde tɔ takatshungola Samariya oma lo anya ami?+ 20 Akɔna l’atei wa tozambizambi tshɛ ta wedja ɛsɔ akatshungola wodja awɔ oma lo anya ami, dia Jehowa ndjotshungola Jɛrusalɛma oma lo anya ami?”’”+
21 Koko vɔ wakɔlama ki ndo vɔ kombokadimola ndooko dui, nɛ dia nkumekanga akate ate: “Tanyookadimolake.”+ 22 Koko Eliyakima ɔna Hilikiya laki owandji w’ase luudu* la nkumekanga, Shebina+ laki ofundji ndo Joa ɔna Asafu laki ɔkɔndɔdi, wakaye le Hɛzɛkiya la ahɔndɔ awɔ wa batatɛ ko wakawotɛ ɛtɛkɛta wa Rabishakɛ.
37 Kam’akoke nkumekanga Hɛzɛkiya dui sɔ, nde akaatshatsha ahɔndɔ ande, akalɔtɛ akoto, ko akatshu otsha lo luudu la Jehowa.+ 2 Oma laasɔ, nde akatome Eliyakima laki owandji w’ase luudu* la nkumekanga, Shebina laki ofundji ndo dikumanyi dia ɛlɔmbɛdi, wɔlɔtshi akoto otsha le omvutshi Isaya+ ɔna Amɔza. 3 Vɔ wakawotɛ vate: “Hɛzɛkiya kata ate: ‘Ɛlɔ ekɔ lushi la lɔkɔnyɔ, la lohango* ndo la diɔnyɔ, nɛ dia ana wekɔ suke la mbotɔ,* koko wolo wa mbota bu.+ 4 Ondo Jehowa Nzambi kayɛ ayoka ɛtɛkɛta waki Rabishakɛ wakootome nkumɛnde nkumekanga k’Asuriya dia ndjodja Nzambi+ kasɛna tɔfwɛfwɛ ndo nde ayokoya la nde l’ɔtɛ w’ɛtɛkɛta wamboka Jehowa Nzambi kayɛ. Ɔnkɔnɛ, sala dɔmbɛlɔ+ lo wahɔ w’atshikadi weke la lɔsɛnɔ.’”+
5 Ɔnkɔnɛ ekambi waki nkumekanga Hɛzɛkiya wakatshu le Isaya,+ 6 ko Isaya akawatɛ ate: “Nyotote nkumɛnyu nyate: ‘Jehowa kata ate: “Tokake wɔma+ l’ɔtɛ w’ɛtɛkɛta wamboyoka, ɛtɛkɛta wambɔntɛnga ekambi waki nkumekanga k’Asuriya.+ 7 Dimi layanga mbidja kanyi lo yimba yande,* ko nde ayoka losango lɔmɔtshi ndo ayokalola otsha lo wodja ande,+ ndo dimi layosala dia nde tovɔ la lokuwa la ta lo wodja ande hita.”’”+
8 L’ɔkɔngɔ wa Rabishakɛ mboka dia nkumekanga k’Asuriya ambokalola oma la Lakishi, nde akakalola le nde, ko akatootana alɔsha Libina.+ 9 Ko nkumekanga akoke wata lo dikambo dia Tirihaka nkumekanga k’Etiyɔpiya ɔnɛ: “Nde amboya ndjokɔlɔsha.” Ɔnkɔnɛ etena kakandoke dui sɔ, nde akatome akɛndji nto le Hɛzɛkiya+ ate: 10 “Nyotote Hɛzɛkiya nkumekanga ka Juda nyate: ‘Tetawɔke dia Nzambi kayaɛkɛyɛ le nde kokesa ate: “Jɛrusalɛma hatokimɔma lo anya wa nkumekanga k’Asuriya.”+ 11 Eenda, wɛ ambokaka kɛnɛ kakasalɛ nkumi ya dikanga y’Asuriya wedja tshɛ lo mbalanya.+ Onde paka wɛmɛ oto kayohanda? 12 Onde tozambizambi t’ase wedja wele watshɛmi wakaalanya takaatshungola?+ Lende ele Ngɔzana, Harana,+ Rezɛfu ndo ase Ɛdɛna waki la Tɛlɛ-Asara? 13 Lende ele nkumekanga ka Hamatɛ, nkumekanga ka Arapadɛ kaamɛ la nkumekanga k’osomba wa Sefaravayima,+ wa Hɛna ndo wa Iva?’”
14 Hɛzɛkiya akɔshi mikanda oma lo anya w’akɛndji ko akadia. Oma laasɔ, Hɛzɛkiya akatshu lo luudu la Jehowa ko akahandjola mikanda akɔ* la ntondo ka Jehowa.+ 15 Ko Hɛzɛkiya akatatɛ nɔmba la ntondo ka Jehowa+ ndo akate ate: 16 “Jehowa kanga lolembelembe,+ Nzambi k’Isariyɛlɛ le, wɛ lodjashi lo kiti ka lowandji laadiko* dia akɛruba, wɛmɛ oto kele Nzambi ka mɛtɛ lo waolelo tshɛ wa la nkɛtɛ. Wɛ kakasale olongo la nkɛtɛ. 17 Jehowa le, ohokɛ lotui ndo ooke!+ Jehowa le, odihole washo ayɛ kele ɛnyi!+ Ohokame ɛtɛkɛta tshɛ wa Sɛnakɛribɛ wadjande Nzambi kasɛna tɔfwɛfwɛ.+ 18 Jehowa le, ekɔ mɛtɛ dia nkumi ya dikanga y’Asuriya wambohandjola wedja tshɛ,+ mbidja ndo wodja awɔ hita. 19 Ndo vɔ wambodja tozambizambi tawɔ lo dja,+ nɛ dia tɔ komonga nzambi, koko olimu w’anya w’anto,+ esongo ndo ave. Diakɔ diakawakoke mbalanya. 20 Koko wonya ɔnɛ, Jehowa Nzambi kaso le, otoshimbee oma lo anya ande, kele waolelo tshɛ wa la nkɛtɛ weye dia wɛ Jehowa, wɛ oto kele Nzambi.”+
21 Oma laasɔ, Isaya ɔna Amɔza akatomɛ Hɛzɛkiya dikɛndji ate: “Jehowa Nzambi k’Isariyɛlɛ kata ate: ‘Lam’ele wɛ akanɔmbɛ lo dikambo dia Sɛnakɛribɛ nkumekanga k’Asuriya,+ 22 Jehowa kata lo dikambo diande ate:
“Ɔna womoto l’emuma la Siɔna ambokɔnyɔla, nde ambokɔsɔka.
Ɔna womoto la Jɛrusalɛma ambonyinginya ɔtɛ lo dikambo diayɛ.
23 Akɔna amboyodja tɔfwɛfwɛ+ ndo amboyɔtɛnga?
Akɔna ahangwɛyɛ+
Ndo ahangolɛyɛ washo la lotamanya?
Le l’Ekila la Isariyɛlɛ!+
24 Lo tshimbo y’ekambi ayɛ, wɛ akadje Jehowa+ tɔfwɛfwɛ ndo akate wate:
‘La lokema la pusupusu yami ya ta
Dimi layodɛ lo tɔsɔdi t’akona,+
Lo ahole woleki etale wa la Lɛbanɔna.
Dimi layɔkɔta elondo w’etale wa lɛkɔ, esongo wa dihake woleki amɛna wa lɛkɔ.
Dimi layɔtɔ lo ahole wa woshamu woleki la diko, lo ekonda awɔ wa ngamba.
25 Dimi layotshima afuku w’ashi ndo layɔnɔ ashi;
Dimi layoonya tɔkɔkɔ* ta l’Edjibito la dikaka diami.’
26 Onde wɛ atoke? Dui sɔ diakashikikɛma* oma ko edjedja.
Dimi lakadilɔngɔsɔla*+ oma ko nshi yambetaka.
Kakianɛ dimi layanga dikotsha.+
Wɛ ayetɛ esomba wodingami la mpele atota w’elanyelo.+
27 Anto wa lɔkɔ hawotonga l’ekimanyielo;
Vɔ wayondama la wɔma ndo wayoshama nsɔnyi.
Vɔ wayonga oko adiyo wa l’oswe ndo oko adiyo w’ashi wa djɛsɛ,
Oko adiyo wa lo nsambe wamboma la lɔpɛpɛ l’oma lo ɛstɛ.
28 Koko dimi mbeyaka dimɛna wonya wadjasɛyɛ, wonya watombayɛ ndo wonya wɔtɔyɛ,+
Ndo wonya wambudunganɛyɛ la nkɛlɛ,+
Ɔnkɔnɛ dimi layɔkɔhɛ yɔdi yami lo ɛhɛmbɛ ayɛ ndo shingo diami+ lam’asa ɛlɔmɔ ayɛ,
Ko dimi layokokaloya lo mboka koyeyɛ.”
30 “‘Ndo djembetelo nyɛ mbayɛnama lo dikambo diayɛ:* Ɔnɔnyi ɔnɛ, wɛ ayɔlɛ kɛnɛ kayotomba tɔamɛ, ndo ɔnɔnyi wa 2 wɛ ayɔlɛ ntɔngɔ yayotomba yɔamɛ. Koko ɔnɔnyi wa 3, wɛ ayonɛ ntɔngɔ ko wɛ ayona, ndo wɛ ayokamba dikambɔ dia vinyɔ ko wɛ ayɔlɛ elowa w’oma lɔkɔ.+ 31 Ase luudu la Juda wayohandɔ, wanɛ wayotshikala+ wayɔsɔnga edio ndo wayɔtɔ elowa la diko. 32 Nɛ dia atshikadi wayotomba oma la Jɛrusalɛma ndo ehandɔ oma lo Dikona dia Siɔna.+ Ohetoheto wa Jehowa kanga lolembelembe mbayosala dui sɔ.+
33 “‘Ɔnkɔnɛ Jehowa kata lo dikambo dia nkumekanga k’Asuriya ate:+
“Nde hatoya l’osomba ɔnɛ+
Kana mboka lohito lɔkɔ
Kana mbɔlɔsha la engawo
Kana mbika lokombo dia mbodinga.”’+
34 ‘Lo mboka kakandaye kayondokalola;
Nde hatoya l’osomba ɔnɛ,’ mbata Jehowa.
36 Ko ondjelo wa Jehowa akatombe, ko akadiake apami nunu lokama l’akumi enanɛi la tanu (185 000) lo mpango k’ase Asuriya. Lam’aketɔ anto la pindju ka pɛɛ, wɛnyi ko anto tshɛ edo eto.+ 37 Ko Sɛnakɛribɛ nkumekanga k’Asuriya akonɛɛ ndo akakalola otsha la Niniva,+ ko akatotshikala lɛkɔ.+ 38 Lam’akandakusama lo luudu* la Nisirɔkɛ jambizambi yande, anande Adaramɛlɛkɛ nde la Sharɛzɛrɛ wakoodiake la lokuwa la ta,+ ko wakalawɔ otsha l’ɛtshi ka nkɛtɛ ka Ararata.+ Ko ɔnande Esarɛ-Hadɔna+ akayala nkumekanga lo dihole diande.
38 Lo nshi shɔ, Hɛzɛkiya akandama la hemɔ ndo aki suke la mvɔ.+ Omvutshi Isaya+ ɔna Amɔza akaye, ko akayowotɛ ate: “Jehowa kata ate: ‘Tɛ ase luudu layɛ kɛnɛ kahombawɔ nsala, nɛ dia wɛ ayovɔ, wɛ hatɔkɔnɔ.’”+ 2 Ko Hɛzɛkiya akakadimola elungi otsha lo ehele ndo akatatɛ nɔmba Jehowa ate: 3 “Jehowa le, lam’alangayɛ, lambokɔsɛngasɛnga dia wɛ mbohɔ+ woho wakamakɛndakɛndaka la ntondo kayɛ la kɔlamelo ndo la otema ɔtɔi,+ ndo dimi lakasale kɛnɛ kaki ɔlɔlɔ lo washo ayɛ.” Ko Hɛzɛkiya akatatɛ ndela wolo.
4 Ko ɔtɛkɛta wa Jehowa wakaye le Isaya ɔnɛ: 5 “Kalola tote Hɛzɛkiya wate:+ ‘Jehowa Nzambi ka Davidɛ tshɛyɛ kata ate: “Dimi lamboka dɔmbɛlɔ diayɛ.+ Dimi lambɛna asɔyi ayɛ.+ Dimi lambokokotshiyɛ ɛnɔnyi 15 lo lɔsɛnɔ* layɛ,+ 6 ndo dimi layokotshungola wɛ la osomba ɔnɛ oma l’anya wa nkumekanga k’Asuriya ndo dimi layokokɛ osomba ɔnɛ.+ 7 Djembetelo y’oma le Jehowa dia kɛnya ɔnɛ Jehowa ayokotsha kɛnɛ kakandate yɔ nyɛ:+ 8 Dimi layanga nkaloya dɛdi dia wonya ɛkɔngɔkɔngɔ atako 10 lo kibandola*+ kaki Ahaza.”’” Ko wonya wakakalola ɛkɔngɔkɔngɔ atako 10 lo kibandola kakawashile mpolɔ.
9 Efundelo wa Hɛzɛkiya nkumekanga ka Juda etena kakandonge la hemɔ ndo kakandakɔnɔ oma lo hemɔ kande.
10 Dimi lakate nte: “L’atei atei wa lɔsɛnɔ lami
Dimi pombaka ntshɔ otsha lo asoko wa Diombo.*
Dimi layodimama ɛnɔnyi ami wambotshikala.”
11 Dimi lakate nte: “Dimi hantɛna Jah,* Jah lo wodja wa wasɛna.+
Dimi hantendɛ nto le ana w’anto
Etena kemi kaamɛ la wanɛ wadjasɛ lo dihole diele ɛngɔ tshɛ kamboshila.
12 Edjaselo kami hita kambɔsama ndo kambonyɛma oma le mi+
Oko luudu la dipɛma la olami w’ɛkɔkɔ.
Dimi lambɔmba lɔsɛnɔ lami oko osadi w’adiba;
Nde ambompembola oko eshinga w’oma lo dihɔndɔ.
Oma ko yanyi polo l’otsho, wɛ tetemalaka konyami ewo.+
13 Dimi lambokikɛ polo la pindju.
Oko ntambwɛ, nde tetemalaka mbɔkɔla weka ami tshɛ;
Oma ko yanyi polo l’otsho wɛ tetemalaka konyami ewo.+
Dimi lambelɔ washo la mendɛ l’olongo lata nte:+
‘Jehowa le, dimi lekɔ la sui dia wolo;
Onga osukɔ ami!’+
15 Akokami mbuta?
Nde akatɛkɛta la mi ndo akasale dui dimɔtshi.
16 ‘Jehowa le, oma lo akambo anɛ* mbele onto tshɛ la lɔsɛnɔ,
Ndo lɔkɔ mbele lɔsɛnɔ la lomu lami.
Wɛ ayonyomombisha demba dia dimɛna ndo ayontshika la lɔsɛnɔ.+
17 Eenda, lo dihole dia wɔladi dimi lekɔ la sui dia wolo;
Koko oma lo ngandji kambokayɛ,*
Wɛ akankokɛ oma lo difuku di’elanyelo.+
Wɛ akakasha pɛkato yami tshɛ l’ɔkɔngɔ ayɛ.*+
Wanɛ waholɔ otsha lo difuku hawokoke nongamɛ kɔlamelo yayɛ.+
19 Wanɛ wasɛna, ɛɛ, wanɛ wasɛna mbakoka kotombola,
Oko wakokami kotombola ɛlɔ.
Papa koka mbisha anande ewo kendana la kɔlamelo yayɛ.+
20 Jehowa le, onshimbee,
Ndo sho tayohomaka esambo ami la dihomahoma di’eshinga+
Nshi tshɛ ya lɔsɛnɔ laso lo luudu la Jehowa.’”+
21 Oma laasɔ, Isaya akate ate: “Nyela okate wa fingo yamboma ya lokama kele woomame lo tshutshu dia nde nkɔnɔ.”+ 22 Hɛzɛkiya akambola ate: “Djembetelo yakɔna yɛnya dia dimi layotshɔ lo luudu la Jehowa?”+
39 L’etena kɛsɔ, Berɔdaka-Balada ɔna Balada, nkumekanga ka Babilɔna akatomɛ Hɛzɛkiya+ mikanda la woshasha, nɛ dia nde akoke dia Hɛzɛkiya laki la hemɔ akakɔnɔ.+ 2 Hɛzɛkiya akaalongola l’ɔngɛnɔngɛnɔ* ndo akawaɛnya luudu lande la waombelo,+ mbuta ate mfɛsa, paonyi, esɔ ka balasama ndo esɔ kekina k’oshinga wolo, dihomɔ diande dia ta tshɛ ndo diangɔ tshɛ diaki lo waombelo ande. Ndooko ɛngɔ kaki Hɛzɛkiya kombaɛnya lo luudu* lande ndo lo diolelo diande di’otondo.
3 L’ɔkɔngɔ wa laasɔ, omvutshi Isaya akaye le nkumekanga Hɛzɛkiya ko akawombola ate: “Apami anɛ akawatshi ndo vɔ oma lende?” Ko Hɛzɛkiya akate ate: “Vɔ wakaye oma lo wodja w’etale, oma la Babilɔna.”+ 4 Oma laasɔ nde akambola ate: “Akawɛnyi lo luudu* layɛ?” Hɛzɛkiya akakadimola ate: “Vɔ wakɛnyi ɛngɔ tshɛ kele lo luudu* lami. Ndooko ɛngɔ ka lo waombelo ami kahamawaɛnyisha.”
5 Ko Isaya akatɛ Hɛzɛkiya ate: “Hokamɛ ɔtɛkɛta wa Jehowa kanga lolembelembe: 6 ‘Eenda, nshi yayoya yele kɛnɛ tshɛ kele lo luudu* layɛ ndo kɛnɛ tshɛ kakombe watshɛyɛ polo ndo ɛlɔ kayɔtɔlama la Babilɔna. Ndooko ɛngɔ kayotshikala,’+ mbata Jehowa.+ 7 ‘Ndo anayɛ amɔtshi wayoyota wayɔsama ndo wayonga ɛnɛnɛ wa lo luudu l’owandji laki nkumekanga ka Babilɔna.’”+
8 L’ɔkɔngɔ wa laasɔ, Hɛzɛkiya akatɛ Isaya ate: “Ɔtɛkɛta wa Jehowa wotshiyɛ wekɔ dimɛna.” Oma laasɔ, nde akakotsha ate: “Nɛ dia wɔladi ndo lotui tshitshi* layonga etena kekemi la lɔsɛnɔ.”*+
40 “Nyosambe, nyosambe anto ami,” mbata Nzambi kanyu.+
2 “Nyɔtɛkɛtɛ lo otema wa* Jɛrusalɛma,
Ndo nyoyiewoya dia olimu w’ɔsɔlayi wambokotshama,
Dia onongo ayɔ wambofutama.+
Oma lo lonya la Jehowa mbakayalongola oshinga tshɛ* wa pɛkato yayɔ tshɛ.”+
3 Onto ɔmɔtshi ekɔ lo mbida ombeka l’oswe ɔnɛ:
Nyosembole ɔsɛsɛ+ l’oswe dikambo dia Nzambi kaso.+
4 Ekidi tshɛ wadiyame,
Ndo akona tshɛ la tokonakona wakitshakitshame.
Nkɛtɛ y’ebondo ebondo yonge ebamubamu,
Ndo nkɛtɛ y’afuku afuku okidi w’ebamubamu.+
6 Nyohokame, onto ɔmɔtshi ekɔ lo mbuta ate: “Welɛ!”
Okina ekɔ lo mimbola ate: “Ahombami mbelɛ?”
“Anto* tshɛ wekɔ adiyo w’ashi wa djɛsɛ.
Ngandji ka kɔlamelo kawɔ tshɛ kekɔ oko dɛmbɔlɛmbɔ dia l’oswe.+
Lo mɛtɛ, anto wekɔ tsho adiyo w’ashi wa djɛsɛ.
8 Diyo di’ashi wa djɛsɛ diatomaka,
Dɛmbɔlɛmbɔ diatɔlɛngɛka,
Koko, ɔtɛkɛta wa Nzambi kaso tshikalaka pondjo.”+
9 Dɛ otsha lo dikona di’otale,
Wɛ womoto lɛmba lokumu l’ɔlɔlɔ la Siɔna.+
Diya dui diayɛ la wolo,
Wɛ womoto lɛmba lokumu l’ɔlɔlɔ la Jɛrusalɛma.
Diyadiɔ, tokake wɔma.
Ewoya esomba wa la Juda wate: “Nzambi kanyu nde ɔnɛ.”+
10 Nyende, Nkum’olongo Nkumadiɔndjɔ Jehowa ayoya la wolo,
Ndo lonya lande layolɛ lo dikambo diande.+
Nyende, nde ekɔ la difuto diande,
Ndo difuto diafutande diekɔ la ntondo kande.+
11 Oko olami w’ɛkɔkɔ, nde ayolama ɛkɔkɔ ande,+
La lonya lande, nde ayotshumanya ana w’ɛkɔkɔ,
Ndo nde ayowaɛmba lo ntolo kande.
Ndo la ngandji tshɛ, nde ayɔlɔmbɔla wɛnɛ walɔnya anawɔ.+
12 Akɔna akɛdika ashi lo diwambo dia lonya lande+
Ndo mbɛdika woke w’olongo la nana dia lonya lande?*
14 Akɔna akandambola dia nkondja yimba,
Kana akɔna awetsha mboka ka losembwe,
Kana mbeetsha ewo,
Kana mbɛnya mboka ka yimba ya mɛtɛ?+
15 Eenda, wedja wekɔ oko dipɔpɔ di’ashi lo mbaka,
Ndo vɔ mbɔsamaka oko lɔsɛkɛ la ditshu lo kilɔ.+
Eenda, nde monyiyaka asɛnga oko lɔsɛkɛ la ditshu.
16 Kaanga esongo wa la Lɛbanɔna hawokoke dia nama dja yahɛta,*
Ndo nyama ya lɛkɔ hayokoke dikambo di’olambo wa lotshumba.
17 Wedja tshɛ wekɔ oko ɛngɔ kahongaka la ntondo kande;+
Nde mbaɔsaka oko ndooko ɛngɔ, oko kɛnɛ kele bu mɛtɛ.+
18 La na akokanyu mbɛdika Nzambi?+
La na akokanyu mbɔfɔnya?+
19 Otshudi salaka ekishi ka lowolo la lɔlɛlɔla,
Otshudi wa mbolo kikitaka paonyi,+
Ndo nde tshulaka mɔlɔla wa mfɛsa.
20 Nde sɔnaka osongo dikambo dia woshasha ande,+
Osongo wahatɔhɔnda.
Nde nyangaka otshudi wa manamana
Dia nɔngɔsɔla ekishi kahatosukasuka.+
21 Onde nyu hanyeye?
Onde nyu nyatoke?
Onde vɔ konyotɛdiɔ oma ko etatelo?
Onde nyu komboka oma ko etatelo ka nkɛtɛ?+
Nde mɔmbɔlaka olongo oko dihɔndɔ dia shadisadi,
Ndo nde mbosandjolaka oko luudu la dipɛma la mbidjasɛ lɔkɔ.+
23 Nde mbetɛka ewandji wa weke anyanya
Ndo mbetɛka toshushi* ta la nkɛtɛ kɛnɛ kele bu mɛtɛ.
24 Vɔ monɛmaka l’okakatanu,
Vɔ mbokamaka l’okakatanu,
Ehekele kawɔ tondjaka edio l’okakatanu la nkɛtɛ,
Ndo vɔ fufamaka loowe ndo momaka,
Ndo lɔpɛpɛ mbaɛmbaka oko lɔsɔdu.+
25 “La na akokanyu fɔnyami dia mbɛdinyami la nde?” mbata Ɔnɛ lele Ekila.
26 “Nyedia washo l’olongo kele nyende.
Akɔna akatonge diangɔ nɛ tshɛ?+
Ele Ɔnɛ latondja alembe adiɔ lo lofulo;
Ladielɛ diɔ tshɛ lo nkombo yadiɔ.+
L’ɔtɛ wa lokema la wolo ande ndo nkudu kande ka diambo efula,+
Ndooko ɔtɔi l’atei adiɔ lashishɔ.
27 Jakɔbɔ le, lande na katayɛ, ndo Isariyɛlɛ le, lande na kasanyayɛ wate:
‘Mboka kami kamboshɛma oma le Jehowa,
Ndo dimi handolongola ndooko losembwe oma le Nzambi’?+
28 Onde wɛ heye? Onde wɛ atokaka?
Jehowa, Otungi wa tokoma ta nkɛtɛ ekɔ Nzambi ka pondjo pondjo.+
Nde halɛmbaka ndo hakɔmɔka pondjo.+
Yimba yande hayomanema mfundo.*+
29 Nde mbishaka wolo le ɔnɛ lambɔlɛmba
Ndo nkudu k’efula le wanɛ wele bu la lokalo.+
30 Ana w’apami wayɔlɛmba ndo wayɔkɔmɔ,
Ndo ɛlɔngɔ w’apami wayotakana ndo wayɔkɔ,
31 Koko wanɛ walongamɛ le Jehowa wayonyomokondja wolo.
Vɔ wayofumbɔ la ahafu oko mpongo.+
Vɔ wayolawɔ ko hawotɔlɛmba;
Vɔ wayɔkɛndakɛnda ko hawotohekɔ.”+
41 “Nyɔlɛmbɔhale, nyompokame* nyu asɛnga;
Wedja wakondja wolo awɔ nto.
Vɔ wasukane; oma laasɔ vɔ watɛkɛtɛ.+
Nyoye tosukane kaamɛ lo kilombo.
2 Akɔna akonyiya onto ɔmɔtshi oma lo ehotwelo ka wonya,*+
Lo mbeelɛ la losembwe oya lo ekolo Ande,*
Dia nkimɔ wedja le nde
Ndo dia mbokimanyiya dia nde nɛndja nkumi ya dikanga?+
Awaetɛ otoko oto la ntondo ka lokuwa lande la ta,
Oko watɛmbamaka lɔsɔdu la lɔpɛpɛ la ntondo k’ota ande?
3 Nde mbayelaka, mbetaka aha la wekamu
Lo mboka yahatetaka ekolo ande.
4 Akɔna akatshe ndo akasale dui nɛ,
Lo mbelɛ nɔnga oma ko etatelo?
5 Asɛnga wambodiɛna ndo wamboka wɔma.
Tokoma ta nkɛtɛ tambotatɛ didima.
Tɔ tambosukana ndo tamboya oya la ntondo.
6 Onto l’onto kimanyiyaka osekande
Ndo mbutɛka ɔnango ate: “Keketala.”
7 Ɔnkɔnɛ, Otshudi w’abaya keketshaka otshudi wa mbolo;+
Ɔnɛ latshula yaandjo la maditɔ
Keketshaka ɔnɛ latshula la nyondo
Nde mbutaka dikambo di’ɔsɔngɛlɔ ate: “Ekɔ dimɛna.”
Oma laasɔ, vɔ kakatanyemaka la nsɛti diaha vɔ nsukasuka.
8 “Koko Isariyɛlɛ le, wɛ ekɔ okambi ami,+
Jakɔbɔ le, wɛ kakamasɔnɛ,+
9 Wɛ lakamɔshi oma lo tokoma ta nkɛtɛ,+
Ndo wɛ lakamelɛ oma lo ahole atɔ woleki etale.
10 Tokake wɔma, nɛ dia dimi lekɔ kaamɛ la yɛ.+
Toyakiyanyake, nɛ dia dimi kele Nzambi kayɛ.+
Dimi layokokeketsha, eelo, dimi layokokimanyiya,+
Lo mɛtɛ dimi layokokimɛ la lonya lami l’omi la losembwe.’
11 Eenda, wanɛ tshɛ woka nkɛlɛ wayoshama nsɔnyi ndo wayɔnywama.+
Wanɛ walɔ la yɛ wayolanyema ndo wayoshishɔ.+
12 Wɛ ayoyanga anto walɔ la yɛ koko wɛ hatowatana;
Anto walɔ la yɛ wayonga oko ɛngɔ kahongaka, oko ndooko ɛngɔ.+
13 Nɛ dia dimi Jehowa Nzambi kayɛ kokimɛka lo lonya layɛ l’omi,
Dimi kotɛka nte: ‘Tokake wɔma. Dimi layokokimanyiya.’+
14 Tokake wɔma, wɛ ɔsɔhɔ* Jakɔbɔ,+
Apami w’Isariyɛlɛ le, dimi layonyokimanyiya,” mbata Jehowa, Otshungodi+ anyu, l’Ekila la Isariyɛlɛ.
15 “Eenda, dimi lamboketɛ ɔhɛlɔ w’esuswelo,+
Ehomɔ k’oyoyo k’esuswelo kele la ehembo 2 wa wanyu.
Wɛ ayɔhɔtshahɔtsha akona ndo ayowaminola
Ndo ayetɛ tokonakona oko fufudi.
16 Wɛ ayotifufola,
Ko lɔpɛpɛ layotiɛmba;
Lɔpɛpɛ la wolo layotihandjola.
17 “Amɛnyi mfɔnu ndo ase wola wekɔ lo nyanga ashi, koko ndooko kaanga piɔpɔ.
Wodi awɔ wamboma la mposa k’ashi.+
Dimi Jehowa layowakadimola.+
Dimi Nzambi ka Isariyɛlɛ hantowasɛka.+
Dimi layokadimola oswe wa shɛnga difuku di’ashi diele la asɔpɔ
Ndo nkɛtɛ ya womu tɛkɔ di’ashi.+
19 Lo oswe wa shɛnga, dimi layonɛ osongo w’olondo,
Osongo wa akasia ndo mirtɛ ndo osongo wa pinɛ.+
Lo laandja l’oswe, dimi layonɛ osongo wa dihake,
Kaamɛ la osongo wa frɛnɛ* ndo osenge,+
20 Kele anto tshɛ kawɛnyi ndo kaweye
Ndo kawodje yimba ndo kawoshihodia
Dia lonya la Jehowa mbosadi dui diakɔ,
L’Ekila la Isariyɛlɛ mbakaditonge.”+
21 “Nyote akambo anyu,” mbata Jehowa.
“Nyotondja tokanyi tanyu,” mbata nkumekanga ka Jakɔbɔ.
22 “Nyotondja djembetelo ndo nyotote akambo wayotomba.
Kana nyotote akambo wayaye.+
23 Nyotote kɛnɛ kayosalema lo nshi yayaye,
Kele teye dia nyekɔ tozambizambi.+
Eelo, nyosale dui dimɔtshi di’ɔlɔlɔ kana dia kɔlɔ,
Dia sho mamba lam’ayotodiɛna.+
24 Nyende, nyu nyekɔ ɛngɔ kahongaka,
Ndo kɛnɛ kasalanyu kekɔ anyanya.+
Onto tshɛ lanyɔsɔna ekɔ wɔnɔnyi.+
25 Dimi lakonyiya onto ɔmɔtshi oma lo nɔrdɛ ndo nde ayokoma,+
Ɔmɔtshi oma lo ehotwelo ka wonya,*+ ɔnɛ layelɛ* lokombo lami.
Nde ayɔhɔtshahɔtsha emboledi wate kana diwomba,+
Oko okengi wa mpoke kahɔtshahɔtsha diwomba.
26 Akɔna akate akambo anɛ oma ko etatelo dia sho mbeya,
Kana oma lo tena diakete dia sho mbuta shate: ‘Nde kasɔ’?+
Lo mɛtɛ, ndooko onto lakadiewoya!
Ndooko onto lakadite!
Ndooko onto lakoke dui dimɔtshi oma le nyu!”+
27 Dimi kaki onto la ntondo la mbutɛ Siɔna nte: “Eenda, vɔ anɛ!”+
Ndo dimi layotomɛ Jɛrusalɛma ɔmɛmbi wa lokumu l’ɔlɔlɔ.+
28 Koko dimi lakatetemala menda, koko ndooko onto lakikɔ;
Komonga ndooko ɔtɔi l’atei awɔ dia mbisha dako.
Ndo dimi lakatetemalaka mbalɔmba dia nkadimola.
29 Eenda, vɔ tshɛ wekɔ ɛngɔ kele bu mɛtɛ.*
Elimu awɔ wekɔ anyanya.
Dikishi diawɔ dia la mbolo diekɔ lɔpɛpɛ ndo kɛnɛ kele bu mɛtɛ.+
42 “Eenda, okambi ami+ wasukɛmi!
2 Nde hatoda ekoko ndo hatodiya dui diande,
Ndo nde hatokiya dui diande lo ɛsɛsɛ.+
3 Nde hatohembola sɔpɔ diakawaminola,
Ndo nde hatodima oshinga wa tala wotadimala.+
La kɔlamelo nde ayela losembwe.+
4 Nde hatɔlɛmba kana tɛtshatɛtshama polo etena kayondoshikikɛ losembwe la nkɛtɛ;+
Ndo asɛnga tetemalaka kongɛɛ ɛlɛmbɛ* ande.
5 Jehowa Nzambi ka mɛtɛ,
Otungi w’olongo ndo Ɔnɛ lele woke, Ɔnɛ lawasembola,+
Ɔnɛ lakadianganya nkɛtɛ ndo kɛnɛ tshɛ katondjayɔ,+
Ɔnɛ lasha anto wa lɔkɔ loowe+
Ndo wanɛ wakɛndakɛnda lɔkɔ lomu kata ate:+
6 “Dimi Jehowa lakakelɛ lo losembwe;
Dimi lakakimɛ lonya layɛ.
Dimi layokokokɛ ndo layokokimɔ oko sheke le anto+
Ndo oko osase wa wedja,+
7 Dia wɛ ndjihola totshungu washo,+
Dia ntondja ase lokanu oma lo lokanu
Ndo wanɛ wodjashi lo wodjima oma lo lokanu.+
8 Dimi kele Jehowa. Ɔsɔ kele lokombo lami;
Dimi halasha ndooko onto lotombo lami,*
Kana mbisha lotombo lami le dikishi.+
9 Eenda, akambo wa ntondo wambeta;
Kakianɛ dimi lota akambo w’eyoyo.
La ntondo ka vɔ ntatɛ mɛnama, dimi lambonyotɛwɔ.”+
10 Nyembee Jehowa osambo w’oyoyo,+
Lotombo lande oma lo tokoma ta nkɛtɛ,+
Nyu wanɛ waholɔ otsha lo ndjale ndo kɛnɛ tshɛ koludi lɔkɔ,
Nyu asɛnga ndo wanɛ wadjasɛ lɔkɔ.+
Wanɛ wadjasɛ lo dive wade ekoko w’ɔngɛnɔngɛnɔ;
Wade ekoko oma lo tɔsɔdi t’akona.
12 Washa Jehowa lotombo
Ndo wewoya lotombo lande lo asɛnga.+
13 Jehowa ayotomba oko pami ka wolo.+
Nde ayemula ohetoheto ande oko ɔndɔshi wa ta.+
Nde ayoda kioko, ɛɛ, nde ayoda kioko ya ta;
Nde ayɛnya dia nde ndeka atunyi ande wolo.+
14 “Dimi lakɔlama lo etena k’otale.
Dimi lakatshikala ki ndo lakayakimɛ.
Oko womoto latata lɔɔnɔ,
Dimi layokuma akumu, layokitshakitsha lomu ndo layosekuma mbala kakɔ ɔtɔi.
15 Dimi layohandjola akona ndo tokonakona
Ndo layoonya tombatomba diawɔ tshɛ.
Dimi layokadimola ɛkɛdi w’ashi asɛnga
Ndo layoonya afuku w’ashi wele la asɔpɔ.+
16 Dimi layɔlɔmbɔla akanga wa totshungu lo mboka kahaweye+
Ndo layosala dia vɔ mbeta lo mboka yahawatetaka.+
Kɛsɔ mbayomowasalɛ ndo dimi hantowaoka ɔkɔngɔ.”
17 Vɔ wayokadimɔ ɛkɔngɔkɔngɔ ndo wayoshama nsɔnyi tshɛ lo tshɛ,
Wanɛ wayaɛkɛ le dikishi,
Wanɛ watɛ dikishi dia la mbolo ɔnɛ: “Nyu mbele nzambi yaso.”+
18 Nyohokame, nyu akanga wa mpoke;
Nyende ndo nyɛnyi, nyu akanga wa totshungu.+
19 Akɔna ele tshungu naka aha okambi ami,
Ehoke k’efula oko ɔkɛndji wamomotoma?
Akɔna ele tshungu y’efula oko ɔnɛ lambofutama,
Tshungu y’efula oko okambi wa Jehowa?+
20 Wɛ ekɔ lo mɛna diangɔ efula, koko wɛ hasungukala.
Wɛ ekɔ lo ndjihola atoyi ayɛ, koko wɛ hahokamɛ.+
21 L’ɔtɛ wa losembwe lande,
Jehowa ambɔngɛnangɛna mbetɛ ɛlɛmbɛ* weke ndo diambo.
22 Koko wanɛ wekɔ anto wakawambe ndo wakawɔshi diangɔ diawɔ;+
Vɔ tshɛ wambondama lo tolonga ndo wamboshɛma lo nkanu.+
Vɔ wambomba diangɔ diawɔ aha la onto lawatsha,+
Ndo wambɔsa diangɔ diawɔ ko ndooko onto lata ɔnɛ: “Nyodikaloya!”
23 Akɔna l’atei anyu ayoka dui nɛ?
Akɔna ayodja yimba ndo mpokamɛ etena kayaye?
24 Akɔna akakimɔ Jakɔbɔ dikambo dia dimbo
Ndo Isariyɛlɛ le amumbi?
Shi Jehowa, Ɔnɛ lakandasalɛ pɛkato?
25 Diakɔ diakandatetemala mbatshulwɛ odudu ande,
Nkɛlɛ kande, yɛnyi ya ta.+
Tɔ kakatshumbe ɛngɔ tshɛ kele suke lande, koko nde kombidja yimba.+
Tɔ kakɔhɛtɛ, koko nde kombidja dikambo sɔ l’otema.+
43 Nganɛ mbata Jehowa,
Otungi ayɛ, wɛ Jakɔbɔ, Ɔnɛ lakakokenge, wɛ Isariyɛlɛ:+
“Tokake wɔma, nɛ dia dimi kakakotshungola.+
Dimi lakakelɛ lo lokombo layɛ.
Wɛ ekɔ lakimi.
Etena kakɛndakɛndayɛ lo dja, wɛ hatolongola,
Ndo loombe la dja halotokotshumba.
3 Nɛ dia dimi kele Jehowa Nzambi kayɛ,
L’Ekila la Isariyɛlɛ, Oshimbedi ayɛ.
Lakakimɔ Edjibito oko oshinga w’etshungwelo kayɛ.
Etiyɔpiya la Sɛba lo dihole diayɛ.
Diakɔ diele layokimɔ anto lo dihole diayɛ
Ndo wedja lo dihole dia lɔsɛnɔ* layɛ.
5 Tokake wɔma, nɛ dia dimi lekɔ kaamɛ la yɛ.+
6 Dimi layotɛ nɔrdɛ nte: ‘Kimɔwɔ!’+
Ndo sidɛ nte: ‘Towakimɛke.
Ombela anami w’apami oma l’etale, ndo anami wa wamato oma lo tokoma ta nkɛtɛ,+
7 Onto tshɛ lelamɛ lo lokombo lami+
Ndo lakamatonge dikambo dia lotombo lami hita,
Lakamakenge ndo lakamasale.’+
8 Tondja anto wele akanga wa totshungu, kaanga mbewɔ la washo,
Ndo wanɛ wele akanga wa mpoke, kaanga mbewɔ la atoyi.+
9 Wedja tshɛ watshumane lo dihole ɔtɔi,
Ndo anto wasangane kaamɛ.+
Akɔna l’atei awɔ akoka mbuta dui sɔ?
Kana onde vɔ koka tokiya akambo wa ntondo?*+
Vɔ wela ɛmɛnyi awɔ dia mɛnya dia wekɔ la shadiya,
Kana vɔ woke ndo wate vate: ‘Ekɔ mɛtɛ!’”+
10 “Nyu nyekɔ ɛmɛnyi ami,”+ mbata Jehowa,
“Eelo, okambi ami wakamasɔnɛ,+
Dia nyu mbeyami ndo monga la mbetawɔ le mi,*
Ndo nshihodia dia dimi haatshikitana.+
Ndooko Nzambi kakasalema la ntondo kami,
Ndo ndooko kɛnɛ kamboyala l’ɔkɔngɔ ami.+
11 Dimi, dimi kele Jehowa,+ ndo ndooko Oshimbedi+ okina laadiko diami.”
12 “Dimi kele Ɔnɛ lakewoya ndo lakashimbɛ ndo lakeyanya
Etena kaki ndooko jambizambi y’ase wedja l’atei anyu.+
Ɔnkɔnɛ, nyu nyekɔ ɛmɛnyi ami,” mbata Jehowa “ndo dimi kele Nzambi.+
Etena kasalami dikambo, akɔna akoka shimbami?”+
14 Jehowa, Otshungodi anyu,+ l’Ekila la Isariyɛlɛ+ kata ate:
“Lo wahɔ anyu mbayomaatoma otsha la Babilɔna ndo mbayomohembola tokengete tshɛ ta lo asoko,+
Ndo ase Kaladiya wayolela l’ɔtɛ w’asui lo masuwa awɔ.+
15 Dimi kele Jehowa, lakinyu l’Ekila,+ Otungi wa Isariyɛlɛ,+ Nkumekanga kanyu.”+
16 Nganɛ mbata Jehowa,
Ɔnɛ laata mboka l’atei wa ndjale
Ndo ɔsɛsɛ kaanga l’atei w’ashi wambɔmbɔ,+
17 Ɔnɛ lakotola pusupusu ka ta ndo mfalasa,+
Asɔlayi kaamɛ la andɔshi wa ta wa wolo:
“Vɔ wayetama ko hawotetɔ.+
Vɔ wayodimala, ɛɛ, wayodimala oko oshinga wa tala wahɛta.”
18 “Tanyohɔke akambo wakete,
Ndo tanyodjake yimba lo kɛnɛ kakete.
19 Nyende, dimi layanga nsala dikambo dimɔtshi di’oyoyo;+
Kaanga wonya ɔnɛ diɔ diayanga ntomba.
Onde nyu hanyodieye?
20 Nyama ya l’okonda yayɔnɛmiya,
Mbolo ndo teke,
Nɛ dia dimi lambotondja ashi lo oswe,
Ɛkɛdi lo oswe wa shɛnga,+
Dia anto ami, ɛsɔnami ami nnɔ,+
21 Anto wakamasale lo dikambo diami dimɛ
Dia vɔ mbewoya lotombo lami.+
23 Wɛ kombelami ɛkɔkɔ dikambo dia elambo ayɛ wa lotshumba w’etondo
Kana tombolami la elambo ayɛ.
Dimi kokotshutshuya dia mbelami woshasha,
Ndo dimi kokohekoya lo kɔlɔmba tshɔ ya wɛma.+
Koko wɛ ambɔmɛndja wotsho la pɛkato yayɛ
Ndo wɛ ambɔnɛndja la munga yayɛ.+
26 Ombohole, ɛsɔ tofundane;
Tɛ ase wedi ayɛ dui sɔ dia mɛnya dia wɛ kasɔ.
28 Ɔnkɔnɛ, dimi layɔnyɔla ewandji wa lo dihole di’ekila,
Ndo dimi layokimɔ Jakɔbɔ lo elanyelo
Ndo layokimɔ Isariyɛlɛ lo ɛtɛkɛta wa lɔtɛngɔ.+
44 “Kakianɛ ohokame, wɛ Jakɔbɔ okambi ami,
Ndo wɛ Isariyɛlɛ, lakamasɔnɛ.+
Dimi layohongola nyuma kami le anayɛ+
Ndo ɛtshɔkɔ ami le tokanula tayɛ.
4 Ko vɔ wayotomba oko l’atei w’adiyo w’ashi wa djɛsɛ,+
Oko eduwola l’omamu w’ɛkɛdi w’ashi.
5 Ɔmɔtshi ayota ate: “Dimi lekɔ laki Jehowa.”+
Okina ayoyaelɛ lo lokombo la Jakɔbɔ,
Ndo okina nto ayofunda lo lonya lande ɔnɛ: “Laki Jehowa.”
Ndo nde ayɔsa lokombo la Isariyɛlɛ.’
‘Dimi kele la ntondo ndo la ekomelo.+
Ndooko Nzambi kekina laadiko diami.+
7 Akɔna ele oko dimi?+
Nde awele ndo ate dui sɔ ndo amɛnyadiɔ!+
Oma ko etena kakamashikikɛ anto wa lo nshi y’edjedja,
Vɔ wate akambo wayaye
Ndo kɛnɛ kahatasalema.
8 Tanyondamake la sase,
Ndo tanyodidimake la wɔma+
Shi dimi lakatɛ ɔmɔmɔ la l’atei anyu la ntondo ndo lakanyewoyadiɔ?
Nyu nyekɔ ɛmɛnyi ami.+
Onde ekɔ Nzambi kekina laadiko diami?
Keema, ndooko Dive dikina;+ dimi handeye ndooko ɔtɔi.’”
9 Wanɛ tshɛ wasala dikishi wekɔ anyanya,
Ndo diangɔ diawɔ diɔsawɔ la nɛmɔ hadiotonga ndooko la wahɔ.+
Oko wele ɛmɛnyi adiɔ, diɔ* hadiɛnyi ndooko ɛngɔ ndo hadieye ndooko dui,+
Ɔnkɔnɛ, wanɛ wadisala wayoshama nsɔnyi.+
10 Akɔna atosalaka jambizambi kana ekishi ka lowolo
Kahakoke monga ndooko la wahɔ?+
11 Nyende, wanɛ tshɛ wekesanɛ la nde wayoshama nsɔnyi!+
Etshudi wekɔ tsho anto k’anto.
Vɔ tshɛ wasangane ndo wemale.
Vɔ wayotshama wɔma ndo wayoshama nsɔnyi kaamɛ.
12 Otshudi wa yaandjo mbidjaka lowolo lo akalanga ndo litshulaka la ehomɔ kande.
Nde lilɔngɔsɔlaka la maditɔ,
Litshulaka la lonya lande la wolo.+
Oma laasɔ, nde mbokaka ndjala ndo wolo ande shilaka;
Nde hanɔ ashi ko nɛmbaka.
13 Otshudi w’abaya sembolaka ɔkɔdi wa yɛdikɔ, sangaka sango la mpɛmbɛ ka beela.
Nde kitshulaka la ɔhɛlɔ w’abaya ndo kisangaka la ehomɔ kadjawɔ tolembetelo lo abaya.
14 Onto ɔmɔtshi ekɔ lele olimu ande ele wa nkɔta elondo.
Nde sɔnaka woho ɔmɔtshi w’osongo, ɔakɛ,
Ndo nde mbotshikaka dia vɔ mbola l’atei w’esongo wa l’okonda.+
Nde monɛka osongo wa kalafulu ndo mvula mbotondjaka.
15 Oma laasɔ, vɔ mongaka nkunyi y’onto mɔnganya dja.
Nde mbɔsaka etenyi kawɔ dia nde mboka dja;
Nde mɔnganyaka dja ndo katɛka diangɔ.
Koko nde salaka ndo jambizambi ko ndjitɛmɔlaka.
Nde mbosalaka ekishi ko nde kusamaka la ntondo katɔ.+
16 Nde mongaka etenyi kɛmɔtshi lo dja;
La etenyi kakɔ mbafumbande nyama yalɛnde ko nde ndota.
Ndo nto, nde mbokaka dja ndo mbutaka ate:
“Aah! Lamboka dja, lambosalanganya demba.”
17 Koko etenyi kekina nde kisalaka jambizambi, ekishi kande.
Nde kikusamɛka ndo kitɛmɔlaka.
Nde kilɔmbaka ndo mbutaka ate:
“Onshimbee, nɛ dia wɛ kele nzambi kami.”+
18 Vɔ haweye ndooko dui, vɔ hawoke ndooko dui,+
Nɛ dia washo awɔ ndjihama ku ndo hawokoke mɛna,
Ndo etema awɔ bu la yimba.
19 Ndooko onto lakanyiya l’otema ande
Kana lele la ewo kana yimba lata ate:
“Dimi lakatshumbe etenyi kawɔ kɛmɔtshi lo dja,
Ndo l’akalanga awɔ mbakamakatɛ diangɔ ndo mbakamafumbe onatshi dia ndɛ.
Onde dimi pombaka nsala ɛngɔ ka wɔnɔnyi la etenyi kotshikadi?+
Onde dimi pombaka ntɛmɔla etenyi k’osongo?”
20 Nde ndɛka otoko.
Otema ande hita wa lokeso wambowonganyiya.
Nde hakoke ndjashimbɛ,* ndo nde hate ate:
“Shi kashi kekɔ lo lonya lami l’omi?”
21 “Ohɔ akambo asɔ, wɛ Jakɔbɔ ndo wɛ Isariyɛlɛ,
Nɛ dia wɛ ekɔ okambi ami.
Dimi lakakokenge ndo wɛ ekɔ okambi ami.+
Isariyɛlɛ le, dimi hantokohɛ.+
22 Dimi layokomba kɔlɔ yayɛ oko la dinge+
Ndo pɛkato yayɛ oko la dinge di’odima.
Kalola le mi, nɛ dia dimi layokotshungola.+
23 Nyode ekoko w’ɔngɛnɔngɛnɔ, nyu olongo,
Nɛ dia Jehowa ambosala dikambo!
Nyode ekoko w’otshumba, nyu ɛhɔngɔ wa nkɛtɛ!
Nyode ekoko w’ɔngɛnɔngɛnɔ nyu akona,+
Nyu ekonda ndo esongo anyu tshɛ!
Nɛ dia Jehowa ambotshungola Jakɔbɔ,
Ndo nde ambɛnya lɔnɛnɛ lande lo Isariyɛlɛ.”+
24 Nganɛ mbata Jehowa, Otshungodi ayɛ,+
Lakakokenge ntatɛ lam’akiyɛ l’otema:
“Dimi kele Jehowa lakasale ɛngɔ tshɛ.
Akɔna aki kaamɛ la mi?
25 Dimi fukutanyaka tolembetelo ta atɛkɛtshi w’anyanya,*
Ndo dimi kasala dia wanɛ wasala diendja nsala akambo oko dinginya;+
Ɔnɛ ladja akanga wa lomba l’okandokando
Ndo lakadimola ewo kawɔ awui w’enginya;+
26 Ɔnɛ lasala dia ɔtɛkɛta wa okambi ande kotshama
Ndo lakotsha tshɛ lo tshɛ kɛnɛ kakate akɛndji ande;+
Ɔnɛ lata dikambo dia Jɛrusalɛma ate: ‘Anto wayodjasɛ lɔkɔ nto,’+
Ndo dia esomba wa la Juda ate: ‘Vɔ wayohikama nto,+
Ndo dimi layɔlɔngɔsɔla ahole ayɔ wakalana;’+
27 Ɔnɛ latɛ ashi wa dingunda ate: ‘Oma,
Ndo dimi layoonya ɛkɛdi ayɛ tshɛ;’+
28 Ɔnɛ latɛ Kurɔ+ ate: ‘Nde ekɔ olami ami w’ɛkɔkɔ,
Ndo nde ayokotsha lolango lami tshɛ lo tshɛ;’+
Ɔnɛ lata dikambo dia Jɛrusalɛma ate: ‘Yɔ yayohikama nto,’
Ndo dikambo dia tɛmpɛlɔ ate: ‘Etshina kayɛ kayosalema.’”+
45 Nganɛ mbatɛ Jehowa okitami ande, Kurɔ,+
Ɔnɛ lele dimi kimɛ lonya lande l’omi+
Dia nɛndja wedja la ntondo kande,+
Dia nkɔsɔla* nkumi ya dikanga dihomɔ dia ta,
Dia ndjihola la ntondo kande asoko wele la nkuke 2,
Diaha asoko ndjihama:
2 “Dimi layotatshɔka la ntondo kayɛ,+
Ndo dimi layokitshakitsha tokonakona.
Dimi layatshatsha nkuke ya nkonga,
Ndo dimi layohembola tokengete ta mbolo.+
3 Dimi layokosha diangɔ dia nɛmɔ lo wodjima
Ndo diangɔ dia nɛmɔ dioshɛmi lo ahole wa woshamu,+
Dia wɛ mbeya dia dimi kele Jehowa,
Nzambi ka Isariyɛlɛ lakelɛ lo lokombo layɛ.+
4 L’ɔtɛ wa okambi ami Jakɔbɔ ndo wa Isariyɛlɛ ɔsɔnami ami,
Dimi lekɔ lo kelɛ lo lokombo layɛ.
Dimi lambokosha lokombo la kɛnɛmɔ, kaanga mbele wɛ kombeyami.
5 Dimi kele Jehowa ndo ndooko okina.
Ndooko Nzambi kekina laadiko diami.+
Dimi layokokeketsha,* kaanga mbele wɛ kombeyami,
6 Dia anto mbeya
Oma lo ehotwelo ka wonya polo lo edjelo kawɔ*
Dia ndooko okina laadiko diami.+
Dimi kele Jehowa ndo ndooko okina.+
7 Dimi salaka osase+ ndo tongaka wodjima,+
Dimi mbidjaka wɔladi+ ndo tongaka mpokoso;+
Dimi Jehowa salaka diangɔ sɔ tshɛ.
8 Olongo le, lɔsha mvula oma la diko;+
Wange wahongole losembwe.
Nkɛtɛ yadihɔ ndo yalolane la panda,
Ndo yɔ yasale dia losembwe ntomba l’etena kakɔ kaamɛ.+
Dimi Jehowa mbakalitonge.”
9 Mananu le ɔnɛ lalɔshana* la Otungi* ande,
Nɛ dia nde ekɔ tsho ɛtshi ka diwomba
L’atei wa bɛtshi dikina dia awomba diokalemi la nkɛtɛ!
Onde diwomba diayotɛ Okengi* ɔnɛ: “Akengayɛ?”+
Kana onde olimu ayɛ wayota ɔnɛ: “Nde bu la anya”?*
10 Mananu le ɔnɛ latɛ ombutshi wa pami ɔnɛ: “Kakɔna kamboyoota?”
Ndo latɛ womoto ɔnɛ: “Kakɔna kotayɛ?”*
11 Nganɛ mbata Jehowa, l’Ekila la Isariyɛlɛ,+ Ɔnɛ lakookenge:
“Onde nyu nyayomimbola awui wa lo nshi yayaye
Ndo mbidjangɛmi awui wendana la anami+ ndo elimu w’anya ami?
12 Dimi lakasale nkɛtɛ+ ndo lakatonge onto lɔkɔ.+
13 “Dimi lakonyiya onto ɔmɔtshi lo losembwe,+
Ndo layetɛ mboka yande tshɛ esembɔki.
Nde kele ɔnɛ layohika osomba ami+
Ndo layotshungola mfumbe yami+ aha la oshinga kana etshimba,”+ mbata Jehowa kanga lolembelembe.
14 Jehowa kata ate:
“Wahɔ* wa Edjibito ndo diangɔ dia nsondja* dia Etiyɔpiya la ase Sabea, anto w’etale,
Wayoya le yɛ ndo wayonga anto ayɛ.
Vɔ wayɔkɛndakɛnda l’ɔkɔngɔ ayɛ wokelekami mɔlɔla.
Vɔ wayoya ndo wayokokusamɛ.+
Vɔ wayokotɛ lo dɔmbɛlɔ ɔnɛ: ‘Lo mɛtɛ Nzambi ekɔ kaamɛ la yɛ,+
Ndo ndooko okina nto; ndooko Nzambi kekina.’”
15 Lo mɛtɛ, wɛ ekɔ Nzambi kayashɛ,
Wɛ Nzambi ka Isariyɛlɛ, Oshimbedi.+
16 Vɔ tshɛ wayoshama nsɔnyi ndo wayɔnyɔma;
Asadi wa dikishi wayotshɔ wele la nsɔnyi.+
17 Koko Isariyɛlɛ ayoshimbamɛ oma le Jehowa la panda ka pondjo.+
Wɛ hatoshama nsɔnyi kana mɔnyɔma lo pondjo.+
18 Nɛ dia nganɛ mbata Jehowa,
Otungi w’olongo,+ Nzambi ka mɛtɛ,
Ɔnɛ lakasale nkɛtɛ, Otungi ayɔ lakayishikikɛ nge,+
Laki kondjitonga otongatonga,* koko akayikenge dia anto mbidjasɛka lɔkɔ:+
“Dimi kele Jehowa, ndo ndooko okina.
19 Dimi kɔtɛkɛta lo dihole dia woshamu,+ lo nkɛtɛ ya wodjima;
Dimi kombutɛ ana* wa Jakɔbɔ nte:
‘Nyonyange oyangayanga.’*
Dimi kele Jehowa, ɔnɛ latɛkɛta kɛnɛ kele ɔlɔlɔ ndo lata kɛnɛ kosembwe.+
20 Nyotshumane kaamɛ ndo nyoye.
Nyoye kaamɛ, nyu ehandɔ w’oma lo wedja.+
Vɔ haweye ndooko dui, wanɛ wɛmba dikishi
Ndo walɔmba jambizambi yahakoke mbashimbɛ.+
21 Nyokimɔ alapɔlɔ anyu, nyote dikambo dianyu.
Vɔ wɔtɔ sheke kaamɛ.
Akatatshi dikambo nɛ oma ko edjedja
Ndo akadiewoya oma ko tena diakete?
Shi dimi Jehowa?
22 Nyokalole le mi kele nyoshimbame,+ nyu tokoma tshɛ ta nkɛtɛ,
Nɛ dia dimi kele Nzambi ndo ndooko okina.+
Adwe tshɛ wayokusamɛ,
Nemi tshɛ yayotshika dɔkɔlɔkɔ dia kɔlamelo+
24 Wata ɔnɛ: ‘Lo mɛtɛ, le Jehowa mbele losembwe la mɛtɛ ndo wolo.
Wanɛ tshɛ wayakongɛ dia mbɔlɔsha wayoya la ntondo kande la nsɔnyi.
46 Bɛlɛ ambokotama,+ Nɛbɔ ambonyama.
Dikishi diawɔ diambahenyama laadiko dia nyama, ɛɛ, nyama yɛmba wetsho,+
Oko otshumu wele wotsho le nyama yambɔlɛmba.
2 Diɔ diambonyama ndo diambokotama kaamɛ;
Diɔ hadiokoke minya eshikɔ,*
Ndo vɔ vɔamɛ* wambotshɔ otsha lo lɔhɔmbɔ.
3 “Nyompokame, nyu ase luudu la Jakɔbɔ ndo nyu wanɛ tshɛ wotshikadi lo luudu la Isariyɛlɛ,+
Nyu wanɛ wakamasukɛ oma ko eotwelo ndo wakamɛmbɛ oma ko dikundju.+
4 Polo lam’ayonyotshunda esombe, dimi hatotshikitana;+
Polo lam’ayonyotomba ndjwe dimi layotetemala nyɛmba.
Oko wakamasale, dimi layonyosukɛ, layonyɛmba ndo layonyohandola.+
6 Ekɔ wanɛ watotondjaka paonyi oma lo atapa awɔ;
Vɔ mbɛdikaka mfɛsa lo kilɔ.
Vɔ futaka otshudi wa mbolo ko nde sala jambizambi la yɔ.+
Oma laasɔ, vɔ kusamaka, ɛɛ, vɔ ndjitɛmɔlaka.*+
7 Vɔ ndjidiyaka lo ahɛka awɔ;+
Vɔ ndjiɛmbaka ko toyikitsha lo dihole diayɔ ko yɔ memalaka tsho la wɔ.
Yɔ hayomɔ oma lo dihole diayɔ.+
Vɔ ndjidɛka ekoko koko yɔ hayokadimola;
Yɔ hayokoke mbitsha ndooko onto oma lo asui.+
8 Nyohɔ dikambo nɛ, kele nyonge la dihonga.
Nyodiombe lo otema, nyu atshi wa kɔlɔ.
9 Nyohɔ akambo wa ntondo w’edjedja,
Dia dimi kele Nzambi,* ndooko okina.
Dimi kele Nzambi ndo ndooko lele oko dimi.+
10 Oma ko etatelo, dimi lakatatshi akambo wakahombe ndjosalema.
Ndo oma ko nshi y’edjedja akambo wahatasalema.+
Dimi lakatɛkɛta ndo dimi layodikotsha.
Dimi lakadisangoya ndo dimi layodishidiya.+
12 Nyompokame, nyu akanga w’etema wolo,
Nyu wanɛ wanganyi etale la losembwe.
Dimi layosha Siɔna panda, ndo Isariyɛlɛ lɔnɛnɛ lami.”+
47 Holɔ ndo djasɛ lo ditshu,
Wɛ ɔna womoto l’emuma la Babilɔna.+
Djasɛ lo nkɛtɛ lɛnɛ ele ndooko kiti ka lowandji,+
Wɛ ɔna womoto l’ase Kaladiya,
Nɛ dia anto hawotokelɛ nto ɔnɛ kɔmba ndo pudipudi.
2 Ɔsa dive di’ɔhɛlɔ dia l’anya kele hɛla ofushi.
Nya dihɔndɔ dia l’ɔtɛ ayɛ.
Kolola kifunga kayɛ, kombola ekolo ayɛ.
Tehɔ ɛkɛdi.
3 Otakataka ayɛ wayokombɔma.
Nsɔnyi kayɛ kayotomba sɛkɛ.
Dimi layɔsɔmbɔya+ ndo ndooko onto layemala lo mboka kami.*
5 Djasɛ ki lango ndo tshɔka lo wodjima,
Wɛ ɔna womoto l’ase Kaladiya;+
6 Dimi lakomalɛ anto ami.+
Koko wɛ kombaoka kɛtshi.+
Oyadi esombe, wɛ akawaɛndja osembe wa wotsho.+
7 Wɛ akate wate: “Dimi layongaka Owandji wa womoto* pondjo pondjo.”+
Wɛ kombidja akambo asɔ lo otema;
Wɛ kokanyiya woho wayokomɛ dikambo sɔ.
8 Kakianɛ hokamɛ dui nɛ, wɛ onangi w’ɔngɛnɔngɛnɔ,+
Ladjasɛ lo lotui tshitshi, lata lo otema ayɛ wate:
“Dimi kele ɔtɔi akɔ, ndooko okina.+
Dimi hantonga wadi aki odo.
Dimi hamvushaki ɔna pondjo.”+
9 Koko akambo anɛ 2 wayokokomɛ la shashimoya, lushi 1:+
Ovushelo w’ana ndo ovushelo w’omi.
Mpokoso shɔ yayokokomɛ lo yɛdikɔ y’efula+
L’ɔtɛ* w’awui ayɛ w’alɔka w’efula ndo osengelo ayɛ tshɛ wa wolo.+
10 Wɛ akayaɛkɛ lo kɔlɔ yayɛ.
Wɛ akate wate: “Ndooko lamɛna.”
Lomba layɛ ndo ewo kayɛ mbakakonganyiya,
Ndo wɛ mbutaka lo otema ayɛ wate: “Dimi kele ɔtɔi akɔ, ndooko okina.”
11 Koko mpokoso kayoya le yɛ,
Ndo ndooko ekanga ayɛ wayoshimba dui sɔ.*
Okakatanu wayokokomɛ; wɛ hatonga la akoka wa mbonya.
Olanyelo wa la shashimoya wayoya le yɛ woho wahayateyaka.+
12 Ɔnkɔnɛ, tetemala la esengelo ayɛ ndo la efula k’awui ayɛ w’alɔka,+
Wakayadiɛnɛ la wɔ oma ko dikɛnda diayɛ.
Ondo wɛ ayokoka nkondja wahɔ;
Ondo wɛ ayokoka nsala di’anto mindama la wɔma.
13 Wɛ ambɔlɛmba la lokema la andaki ayɛ.
Vɔ wemale kakianɛ ndo wakoshimbee,
Wanɛ watɛmɔla olongo,* wenda tɔɔtɔ,+
Wanɛ washola ewo lo towalelo ta ngɔndɔ
Lo kɛnɛ kendana la awui wayokokomɛ.
14 Eenda, vɔ wekɔ oko nsɔdu.
Dja yayowatshumba.
Vɔ hawokoke ndjashimbɛ* oma lo wolo wa loombe la dja.
Ɔnɛ bu akalanga w’anto mboka dja,
Ndo ɔnɛ bu dja ya mbidjasɛ la ntondo kayɔ.
15 Ngasɔ mbayonga asaki ayɛ w’ekanga le yɛ,
Wanɛ wakadiɛnɛ la olimu kaamɛ la yɛ oma ko dikɛnda diayɛ.
Vɔ wayekekɔ onto l’onto otsha lo dihole diande.*
Ndooko onto layonga dia koshimbɛ.+
48 Ase luudu la Jakɔbɔ le, nyohokame dui nɛ,
Nyu wanɛ wayaelɛ lo lokombo la Isariyɛlɛ+
Ndo wamboya oma lo ashi wa* Juda,
Nyu wanɛ watshiba lo lokombo la Jehowa+
Ndo wanɛ weelɛ* Nzambi ka Isariyɛlɛ,
Kaanga mbele aha lo mɛtɛ ndo lo losembwe.+
2 Nɛ dia vɔ ndjaelɛka lo lokombo la osomba w’ekila+
Ndo nyangaka osukɔ wa Nzambi ka Isariyɛlɛ,+
Ɔnɛ lele lokombo lande Jehowa kanga lolembelembe.
3 “Akambo wa ntondo* wakamakotɛ oma ko edjedja.
Oma lo onyɔ ami hita mbakawatombe,
Ndo dimi lakawaeyanya.+
Dimi lakɔshi yɛdikɔ la shashimoya ko vɔ wakasalema.+
4 Nɛ dia dimi lakeye woho weyɛ ɔtɛ wolo,
Dia nkingo kayɛ kekɔ oshisha wa lowolo ndo okoko ayɛ wekɔ nkonga,+
5 Dimi lakakotɛ oma ko edjedja.
La ntondo ka diɔ salema, dimi lakasale dia wɛ dioka,
Diaha wɛ mbuta wate: ‘Ekishi kami kakasale dui nɛ;
Lohingu lami ndo ekishi kami ka la mbolo mbakadjanga dui nɛ.’
6 Wɛ akoke ndo akɛnyi awui asɔ tshɛ.
Onde wɛ hatowata?+
Oma ko kakianɛ dimi layanga kewoya akambo w’eyoyo,+
Wakoombama sheke, wakiyɛ kombeya.
7 Paka kakianɛ mbambowotongama koko aha oma ko edjedja,
Akambo weyɛ atokaka la ntondo ka lushi l’ɛlɔ,
Diaha wɛ ndjota wate: ‘Eenda, dimi lamboshilaka mbaeya.’
8 Keema, wɛ atokaka+ ndo wɛ ateye,
Ndo lo nshi yakete, atoyi ayɛ kondjihɔ.
9 Koko l’ɔtɛ wa lokombo lami, dimi layoshimba nkɛlɛ kami;+
L’ɔtɛ wa lotombo lami hita dimi layonga la ndjakimɛ otsha le yɛ,
Ndo dimi hantokolanya.+
10 Eenda, dimi lakakɛdia, koko aha oko mfɛsa.+
Dimi lakakohembe* lo nkuka kalɛlɔla k’asui.+
Dimi haakimɔ lotombo lami le onto okina.*
12 Ompokame, wɛ Jakɔbɔ ndo wɛ Isariyɛlɛ lakamelɛ.
Dimi haatshikitana.+ Dimi kele la ntondo; ndo dimi kele l’ekomelo.+
Etena kawaelɛmi, vɔ memalaka kaamɛ.
14 Nyosangane kaamɛ nyu tshɛ kele nyohokame.
Akɔna l’atei awɔ akewoya akambo asɔ?
Jehowa akoolange.+
15 Dimi dimɛ kakate ndo dimi lakawelɛ.+
Dimi lakawela ndo mboka kande kayolowana.+
16 Nyosukane le mi kele nyohokame dui nɛ.
Oma ko etatelo dimi kɔtɛkɛta lo woshɛshɛ.+
Oma ko etena kakadiasalema dimi laki laawɔ.”
Ndo kakianɛ Nkum’Olongo Nkumadiɔndjɔ Jehowa ambontoma, ndo* nyuma kande.
17 Jehowa, Otshungodi ayɛ, l’Ekila la Isariyɛlɛ kata ate:+
“Dimi Jehowa kele Nzambi kayɛ,
Ɔnɛ latoketshaka dikambo dia wahɔ ayɛ,*+
Ɔnɛ lakɔlɔmbɔla lo mboka kahombayɛ nkɛndakɛnda.+
18 Otoyodja yimba lo ɛlɛmbɛ ami lee!+
Lokombo lawɔ totolonyɛma pondjo ndo totoloshishɔ oma la ntondo kami.”
20 Nyotombe oma lo Babilɔna!+
Nyolawɔ oma le ase Kaladiya!
Nyewoya dui sɔ la ekoko w’ɔngɛnɔngɛnɔ! Nyodiewoya!+
Nyodieyanya lo tokoma ta nkɛtɛ.+
Nyote nyate: “Jehowa ambotshungola okambi ande Jakɔbɔ.+
21 Vɔ komboka mposa k’ashi etena kakandaalɔmbɔla l’ahole wa shɛnga.+
Nde akasale dia ashi nkɛla oma lo dive dikambo diawɔ;
Nde akaate dive ndo akasale dia ashi nkɛla.”+
22 “Wɔladi keema le akanga wa kɔlɔ,”+ mbata Jehowa.
49 Nyompokame nyu asɛnga,
Nyodje yimba nyu wedja w’etale.+
Jehowa akambelɛ la ntondo ka dimi mbotɔ.*+
Oma ko etena kakimi lo dikundju dia mama nde akatɛkɛta dia lokombo lami.
2 Nde akasale onyɔ ami oko lokuwa la mpɛmɔ;
Nde akambishɛ lo dɛdi dia lonya lande.+
Nde akansale lohito l’ɔsɔdi;
Nde akambishɛ lo mpata kande.
3 Nde akambutɛ ate: “Isariyɛlɛ le,+ wɛ kele okambi ami,
Ɔnɛ lele oma lo tshimbo yande mbayomɛnya lɔnɛnɛ lami.”+
4 Koko dimi lakate nte: “Dimi lakɛnyi paa wɛnɛna.
Dimi lakakambaka la wolo ami okambakamba lo dui diele bu mɛtɛ.
5 Kakianɛ Jehowa, Ɔnɛ lakankenge oma ko dikundju oko okambi ande,
Akambutɛ dia nkaloya Jakɔbɔ le nde,
Dia Isariyɛlɛ sanganyema le nde.+
Dimi layotombɔma lo washo wa Jehowa,
Ndo Nzambi kami ayonga wolo ami.
6 Nde akate ate: “Atakoke lo woho weyɛ okambi ami
Dia mbidiya waoho wa Jakɔbɔ
Ndo dia nkaloya ase Isariyɛlɛ wakalamema.
7 Nganɛ mbatɛ Jehowa, Otshungodi wa Isariyɛlɛ, l’Ekila+ lakinde, ɔnɛ lɔnyɔma,*+ ɔnɛ lahetshama oma le wedja, okambi wa emboledi ate:
“Nkumi ya dikanga wayɛna ko wayonɛɛ,
Ndo ewandji wayokusama
L’ɔtɛ wa Jehowa, ɔnɛ lele la kɔlamelo,+
L’Ekila la Isariyɛlɛ, ɔnɛ lambokɔsɔna.”+
8 Jehowa kata ate:
“Lo etena k’ɔlɔlɔ dimi lakakokadimola,+
Ndo lo lushi la panda, dimi lakakokimanyiya;+
Dimi lakatetemala kokokɛ dia kokimɔ oko sheke le anto,+
Dia nɔngɔsɔla wodja,
Dia nsala dia vɔ mbɔsa tenyi diawɔ di’okitɔ diakalana,+
9 Dia mbutɛ ase lokanu ɔnɛ: ‘Nyotombe!’+
Ndo wanɛ wele lo wodjima ɔnɛ:+ ‘Nyoyaɛnya!’
Koko l’omamu wa mboka mbayowɔlɛ,
L’omamu wa mboka tshɛ yambolana kayonga ahole awɔ wa ndesha dongalonga.
11 Dimi layetɛ akona ami tshɛ mboka,
Ndo ɛsɛsɛ ami wa weke wayodiyama.+
12 Eenda, wanɛ wekɔ lo ndjaye oma lo etale,+
Ndo eenda, wanɛ w’oma lo nɔrdɛ ndo w’oma lo owɛstɛ,
Ndo wanɛ w’oma lo wodja wa Sinimɛ.”+
13 Da ekoko w’ɔngɛnɔngɛnɔ, wɛ olongo ndo ngɛnangɛna wɛ nkɛtɛ.+
Akona wangɛnɛngɛnɛ la ekoko w’ɔngɛnɔngɛnɔ.+
14 Koko Siɔna akatetemala mbuta ate:
“Jehowa ambɔnsɛka+ ndo Jehowa ambombohɛ.”+
15 Onde womoto koka mbohɛ ɔnande lalɔnyande
Kana onde nde hatoka ɔna l’oma lo dikundju diande kɛtshi?
Oyadi kaanga wamato asɔ wayohɛ, dimi hakohɛki pondjo.+
16 Eenda, dimi lakakofunde la otshimɔ lo awambo ami.
Mpele diayɛ diekɔ nshi tshɛ la ntondo kami.
17 Anayɛ wambokalola la lowango.
Wanɛ wakakonyukola ndo wakakohandjola wayomɔ oma le yɛ.
18 Edia washo ayɛ kele enda lo bɛkɛ tshɛ.
Vɔ tshɛ wekɔ lo ntshumana kaamɛ.+
Vɔ wekɔ lo ndjaye le yɛ.
Jehowa kata ate: “Lo mɛtɛ oko wemi la lɔsɛnɔ,
Wɛ ayoyalɔtsha la wɔ vɔ tshɛ oko dɛngalɛnga,
Ndo wɛ ayoyakelekawɔ oko watosalaka womoto layanga ntshukama.
19 Kaanga mbele ahole ayɛ wakahandjɔma ndo wakalanyema ndo wodja ayɛ wakalanyema,+
Kakianɛ vɔ wayanga monga mpika efula le wanɛ wadjasɛ lɛkɔ,+
20 Ana wakotɔ lam’akiyɛ la otanda wayokotɛ vate:
‘Dihole nɛ diamboleka mpika le mi.
Onyange dihole kele mbidjasɛ lanɛ.’+
21 Ko wɛ ayota l’otema ayɛ wate:
‘Akɔna akambotɛ ana anɛ,
Lam’ele dimi lekɔ womoto lele lo otanda w’anande ndo lele ekomba,
Mfumbe ndo ose lokanu?
Akɔna akodia ana anɛ?+
22 Nkum’Olongo Nkumadiɔndjɔ Jehowa kata ate:
23 Nkumi ya dikanga wayonga alami ayɛ,+
Ndo ana wa wamato wa nkumekanga wayonga ɛndɛdi ayɛ.
Vɔ wayokokusamɛ dungi polo la nkɛtɛ+
Ndo wayɔlɔmbɔla ditshu dia l’ekolo ayɛ,+
Ko wɛ ayohomba mbeya dia dimi kele Jehowa;
Wanɛ walongamɛ le mi hawotoshama nsɔnyi.”+
24 Onde wanɛ wakashile mindama oma le pami ka wolo koka tshungɔma,
Kana onde mfumbe ya kanga hiadi koka tshungɔma?
25 Koko Jehowa kata ate:
Dimi layɔlɔsha wanɛ wakɔlɔsha,+
Ndo dimi layoshimbɛ anayɛ.
26 Dimi layosala dia wanɛ wakɔhɛnyahɛnya ndɛ emunyi awɔ hita,
Ndo oko wanu wa mpɛ, vɔ wayodjɔ la dikila diawɔ hita.
Ko anto* tshɛ wayohomba mbeya dia dimi kele Jehowa,+
Oshimbedi ayɛ+ ndo Otshungodi ayɛ,+
Kanga Wolo laki Jakɔbɔ.+
50 Jehowa kata ate:
“Lende ele mukanda w’odiakelo+ wa diwala waki nyangɛnyu lakamakɛndja?
Kana l’atei w’anto wonkole abasa, le na akamanyosondja?
Nyende, l’ɔtɛ wa munga yanyu+ hita mbakanyasondjama,
Ndo l’ɔtɛ wa kɔlɔ yanyu hita mbakawakɛndja nyangɛnyu.+
2 Ko lande na kaki ndooko onto lam’akamaye?
Lande na kele ndooko onto lakankadimola lam’akamelɛ?+
Onde lonya lami lekɔ mondo dia ntshungola,
Kana onde dimi bu la wolo wa mbitsha?+
Nse ya lɔkɔ pɔndaka nɛ dia ashi bu,
Ndo yɔ mvɔka l’ɔtɛ wa mposa k’ashi.
3 Dimi ndɔtshaka olongo la wodjima wa tshududu,+
Ndo dimi mbetɛka dikoto olangitshi awɔ.”
4 Nkum’Olongo Nkumadiɔndjɔ Jehowa akambisha lolemi la anto wetshama,*+
Dia dimi mbeya woho wa nkadimola* ɔnɛ lambɔlɛmba la tshɛkɛta ya dimɛna.*+
Nde memulakami pindju tshɛ;
Nde memulaka toyi diami dia mpokamɛ oko anto wetshama.+
5 Nkum’Olongo Nkumadiɔndjɔ Jehowa akadihola toyi diami,
Ndo dimi komonga ɔtɔmbɔki.+
Dimi kokadimɔ lo lɛkɛ lokina.+
6 Dimi lakasha wanɛ wankɔmɔla ɔkɔngɔ ami
Ndo atama ami le wanɛ wakola ndɛdu.
Dimi kombishɛ elungi kami oma lo akambo washa nsɔnyi ndo oma lo nsɔyi.+
7 Koko Nkum’Olongo Nkumadiɔndjɔ Jehowa ayonkimanyiya.+
Diakɔ diahamatoka nsɔnyi.
Diakɔ diamomoshikikɛ elungi kami oko dive dia silɛksɛ,+
Ndo dimi mbeyaka dia hatoshama nsɔnyi.
8 Ɔnɛ lanyindja ekɔ suke.
Nyɛsɔ temale kaamɛ.*
Akɔna ele la dikambo dia fundami?
Nde asukane lalemi.
9 Eenda, Nkum’Olongo Nkumadiɔndjɔ Jehowa ayonkimanyiya.
Akɔna ayota dia dimi lekɔ la onongo?
Eenda, vɔ tshɛ wayokasɔ oko dihɔndɔ.
Wɛdiya wayowalɛ.
10 Akɔna l’atei anyu ooka Jehowa wɔma
Ndo ahokamɛ dui dia okambi ande?+
Akɔna akakɛndakɛnda lo wodjima wa tshududu aha la yema ya osase?
Nde ayaɛkɛ lo lokombo la Jehowa ndo ayasuke le* Nzambi kande.
11 “Nyende, nyu wanɛ tshɛ wahɛtsha dja,
Wafumboya tosase ta dja,
Nyɔkɛndɛkɛndɛ lo osase wa dja yanyu,
L’atei wa tosase ta dja tambonyɔhɛtsha.
Kɛnɛ kayonyolongola oma lo lonya lami tɔ kɛnɛ:
Nyu nyayetama l’atei w’asui.
51 “Nyompokame, nyu wanɛ watawese losembwe,
Nyu wanɛ watayange Jehowa.
Nyende dive di’oma lɛnɛ akanyasɛlama
Ndo wooko w’oma lɛnɛ akanyatshimama.
3 Nɛ dia Jehowa ayosamba Siɔna.+
Nde ayela esambelo lo ahole ayɔ tshɛ wakalanyema,+
Ndo nde ayetɛ eswe ayɔ oko Ɛdɛna+
Ndo laandja layɔ l’oswe oko ekambɔ ka Jehowa.+
Ɔlɔ w’efula ndo ɔngɛnɔngɛnɔ wayonga lɛkɔ,
Eokelo ka losaka ndo esambo wa ngɛngu.+
4 Nyodje yimba le mi, nyu anto ami,
Ndo nyombisha lotui, nyu wodja ami.+
5 Losembwe lami laya suke.+
6 Nyedia washo anyu otsha l’olongo,
Ndo nyende nkɛtɛ l’ɛse.
Nɛ dia olongo wayohandjɔ yema yema oko edinga;
Nkɛtɛ yayokasɔ oko dihɔndɔ,
Ndo anto wodjashi lɔkɔ wayovɔ oko ntshingo.
Tanyokake wɔma wa ntɛngɔ ya anto wokovɔ,
Ndo tanyodidimake l’ɔtɛ wa ntɛngɔ yawɔ.
8 Nɛ dia wɛdiya wayowalɛ oko dihɔndɔ;
Loombo lalɛ ahɔndɔ* layowalɛ oko dihɔndɔ dia la wɛɔsa wa nyama.+
Koko losembwe lami layotshikalaka pondjo,
Ndo panda kami lo nɔnga tshɛ.”+
9 Emɔ! Emɔ! Yalɔtsha la wolo,
Wɛ lonya laki Jehowa!+
Emɔ oko lo nshi y’edjedja, oko lo nɔnga yakete.
10 Shi wɛ kakonya ndjale, ashi wa angunda wa weke?+
Ɔnɛ lakaate mboka lo angunda wa ndjale dia atshungɔmi ande ntehɔ?+
11 Atshungɔmi wa Jehowa wayokalola.+
Ɔlɔ w’efula ndo ɔngɛnɔngɛnɔ wayonga le wɔ,
Lɔkɔnyɔ ndo akumu wayolawɔ etale.+
12 “Dimi dimɛ kele Ɔnɛ lanyosamba.+
Lande na katonyonga la wɔma wa onto okovɔ layovɔ+
Ndo wa ɔna onto layɔlɛngɛ oko diyo di’ashi wa djɛsɛ?
Lushi l’otondo wɛ aki wonya tshɛ la wɔma wa nkɛlɛ ka osoyanyi,*
Wate kana oko nde aki la kiongamu ya kolanya.
Ko wonya ɔnɛ lende ele nkɛlɛ ka osoyanyi?
14 Ɔnɛ lakakotama okelekami mɔlɔla ayanga ntshungɔ keema edja;+
Nde hatovɔ ndo hatotshɔ lo difuku,
Ndo nde hatohomba ɛngɔ ka ndɛ.
15 Koko dimi kele Jehowa Nzambi kayɛ,
Ɔnɛ lasutshasutsha ndjale ndo lasala dia asuku atɔ mimbɔmbɔ,+
Jehowa kanga lolembelembe kele lokombo lande.+
16 Dimi layodja ɛtɛkɛta ami lo onyɔ ayɛ,
Dimi layokokomba la dɛdi dia lonya lami,+
Dia monɛ olongo ndo dia nsala etshina ka nkɛtɛ+
Ndo dia mbutɛ Siɔna nte: ‘Nyu mbele anto ami’+
17 Emɔ! Emɔ! Onɛɛ, wɛ Jɛrusalɛma,+
Wɛ lakanɔ dikɔhɔ dia nkɛlɛ di’oma lo lonya la Jehowa.
Wɛ akanɔ dikɔhɔ dia woke
Wɛ akamane kɛnɛ kaki lo dikɔhɔ diasha yimba ntshimba.+
18 Ndooko ɔna ɔtɔi l’atei wa ana tshɛ wakandote lele laawɔ dia mbɔlɔmbɔla,
Ndo ndooko ɔna ɔtɔi l’atei wa ana wakandodia lakakimɛ lonya lande.
19 Akambo anɛ 2 wambokokomɛ.
Akɔna ayokooka kɛtshi?
Olanyelo la ehandjwelo, ndjala la lokuwa la ta!+
Akɔna ayokosamba?+
20 Anayɛ wambɔkɔ hohakayi.+
Vɔ mbishamaka lo asanga* wa toshinga tshɛ
Oko mangana kambondama l’ɔtɛyi.
Vɔ wambolodiama la nkɛlɛ ka Jehowa, lohango la Nzambi kayɛ.”
21 Diakɔ diele, lam’alangayɛ hokamɛ dui nɛ,
Wɛ womoto lasoyama ndo latodjɔka, koko aha la wanu.
22 Nkumadiɔndjɔ kayɛ Jehowa Nzambi kayɛ katɔtɛkɛtɛka anto ande kata ate:
“Eenda, dimi layonya dikɔhɔ diasha yimba ntshimba oma lo lonya layɛ,+
Dikɔhɔ dia woke, dikɔhɔ diami dia nkɛlɛ;
Wɛ hatodinɔ nto pondjo.+
23 Dimi layodidja lo lonya la wanɛ wakosoya,+
Wanɛ wakakotɛka* vate: ‘Kusama kele tɔkɛndɛkɛndɛ laadiko diayɛ!’
Ko wɛ aketɛ ɔkɔngɔ ayɛ oko nkɛtɛ,
Ɛɛ, oko shinga ya vɔ nkɛndakɛnda lɔkɔ.”
52 Emɔ! Emɔ! Yalɔtsha la wolo,+ wɛ Siɔna!+
Lɔta ahɔndɔ ayɛ w’amɛna,+ wɛ Jɛrusalɛma, osomba w’ekila!
Nɛ dia onto laki kominya mpota ndo onto la mindo hatɔtɔ le yɛ nto.+
2 Homɛ ditshu, onɛɛ ndo djasɛ lo nkɔsa, wɛ Jɛrusalɛma.
Kelekola ɛkɔdi wa lo nkingo kayɛ, wɛ ɔna womoto la Siɔna+ lele mfumbe.
3 Nɛ dia Jehowa kata ate:
4 Nɛ dia Nkum’Olongo Nkumadiɔndjɔ Jehowa kata ate:
“Ntondo anto ami wakaholɔ lo Edjibito dia todjasɛ lɛkɔ oko angɛndangɛnda;+
Oma laasɔ, Asuriya akaahɛnyahɛnya aha la ɔkɔkɔ.”
5 “Ko ahombami nsala lanɛ?” mbata Jehowa.
“Nɛ dia anto ami wakɔsama wɔsamɔsama.
Wanɛ wawaolɛ wekɔ lo mbida ekoko w’otshumba,”+ mbata Jehowa,
“Ndo tena tshɛ, lushi l’otondo lokombo lami lekɔ lo mɔnyɔma.+
6 L’ɔtɛ wa ɔkɔkɔ ɔsɔ, anto ami wayeya lokombo lami;+
L’ɔtɛ wa ɔkɔkɔ ɔsɔ, vɔ wayeya lushi lɔsɔ dia dimi kele Ɔnɛ latɛkɛta.
Dimi ɔsɔ!”
7 Ande amɛna wele ekolo wa ɔnɛ lɛmba lokumu l’ɔlɔlɔ+ lo akona lee!
Ɔnɛ lewoya wɔladi,+
Ɔnɛ lɛmba lokumu l’ɔlɔlɔ la dui dimɔtshi dia dimɛna efula,
Ɔnɛ lewoya panda,
Ɔnɛ latɛ Siɔna ate: “Nzambi kayɛ aya Nkumekanga!”+
8 Hokamɛ! Todjamu tayɛ wambodiya awui awɔ.
Vɔ wamboda ekoko w’ɔngɛnɔngɛnɔ kaamɛ,
Nɛ dia vɔ wayɛna hwe* lam’ayokaloya Jehowa Siɔna.
9 Nyoke ɔlɔ, nyode ekoko w’ɔngɛnɔngɛnɔ kaamɛ, nyu ahole wakalana la Jɛrusalɛma,+
Nɛ dia Jehowa ambosamba anto ande;+ nde ambotshungola Jɛrusalɛma.+
10 Jehowa ambonya dihɔndɔ oma lo lonya lande l’ekila lo washo wa wedja tshɛ;+
Tokoma tshɛ ta nkɛtɛ wayɛna etsha wa panda* wa Nzambi kaso.+
11 Nyangane, nyangane, nyomɔ oma lango,+ tanyonandake ɛngɔ ka mindo!+
12 Nɛ dia nyu hanyototshɔ la wɔma,
Ndo hanyotolawɔ lolawɔ,
Nɛ dia Jehowa ayeta la ntondo kanyu,+
Ndo Nzambi ka Isariyɛlɛ ayonga olami anyu oma l’ɔkɔngɔ.+
13 Eenda, okambi ami+ ayosala akambo la shɛnɔdi.
Nde ayokitshama la diko,
Nde ayediama ndo ayodiyama efula.+
14 Oko waki anto efula la diambo lam’akawawendaka,
Nɛ dia ɛnamelo kande kakatshikitana efula la ka onto okina tshɛ
Ndo diema diande ndeka diaki anto,
15 Ngasɔ mbayondambiya wedja efula.+
Nkumi ya dikanga wayodiha enyɔ awɔ* la ntondo kande,+
Nɛ dia vɔ wayɛna kɛnɛ kewɔ watawatɛka
Ndo wayodja yimba lo kɛnɛ kewɔ watokaka.+
53 Akɔna akonge la mbetawɔ lo kɛnɛ kakawoke oma le so?*+
Ndo le na akɛnama+ lonya la Jehowa?+
2 Nde ayola oko dimɔnga+ la ntondo kande,* oko odio oma lo nkɛtɛ ya womu.
Aki oko elungi kande kakashɛma oma le so.*
Nde akɔnyɔma ndo takawɔshi oko onto l’anyanya.+
Koko sho takawɔshi oko onto lambosoyama, lambɔkɔmama oma le Nzambi ndo ɔmɛnyi mfɔnu.
6 Sho tshɛ takanganɛ oko ɛkɔkɔ,+
Onto l’onto akatshu lo mboka kande hita,
Ko Jehowa akasale dia munga yaso sho tshɛ mpomana la nde.+
Nde akatɔlama oko ɔkɔkɔ otsha lo ediakelo,+
Oko ɔkɔkɔ wɔlama ki la ntondo ka ɔnɛ lohembola wɛɔsa,
Ndo nde kombifola onyɔ ande.+
8 L’ɔtɛ wa ɔsɔkishelo ndo wa kilombo mbakandatɔlama;
Ndo akɔna ayoyakiyanya lo kiambokambo tshɛ yendana la lɔlɔnga lande?*
9 Wakawosha diombo* kaamɛ la akanga wa kɔlɔ,+
Ndo kaamɛ la kanga ɔngɔnyi lo nyɔi kande,+
Kaanga mbakinde kosala ndooko kɔlɔ*
Ndo lokeso kotanema lo onyɔ ande.+
10 Koko Jehowa kakalange* dia mbominola ndo nde aketawɔ dia nde ntata hemɔ.
11 L’ɔtɛ wa paa* kande, nde ayɛna ko ayɔngɛnangɛna.
Lo tshimbo ya ewo kande, onto ɔlɔlɔ, okambi ami,+
Ayosala dia anto efula monga anto w’ɛlɔlɔ,+
Ndo nde ayɛmba munga yawɔ.+
12 L’ɔtɛ wa ɔkɔkɔ ɔsɔ dimi layowosha yema l’atei wa anto efula,
Ndo nde ayokahana diangɔ dia dimbo la akanga wa wolo,
Nɛ dia nde akakimɔ lɔsɛnɔ* lande polo lo nyɔi+
Ndo akadiema l’atei wa atshi wa kɔlɔ;+
Nde akɛmbɛ pɛkato ka anto efula,+
Ndo akalɔmbɛ lo wahɔ wa atshi wa kɔlɔ.+
54 “Da ekoko w’ɔngɛnɔngɛnɔ, wɛ womoto l’ekomba laki kombota!+
Onga la ɔlɔ w’efula ndo da ekoko w’ɔngɛnɔngɛnɔ,+ wɛ laki kotata lɔɔnɔ,+
Nɛ dia ana wa womoto lele okalema waya efula
2 “Nunya dihole dia luudu layɛ la dipɛma.+
Sandjola apɛma wa tabɛrnaklɛ kayɛ ka diambo.
Tohekɔke, taloya ɛkɔdi ayɛ wa apɛma,
Ndo keketsha wekɔ ayɛ wolo.+
3 Nɛ dia wɛ ayosandjola otsha lo lonya l’omi ndo otsha lo lɔmɔsɔ.
Anayɛ wayɔsa wedja,
Ndo vɔ wayodjasɛ lo esomba wakahandjɔ.+
Nɛ dia wɛ ayohɛ nsɔnyi ka lo nshi yayɛ ya dikɛnda,
Ndo wɛ hatohɔ nto diɔnyɔ dia woho weyɛ wadi aki odo.”
5 “Nɛ dia Otungi ayɛ wa Woke+ ekɔ oko omɛyɛ,*+
Jehowa kanga lolembelembe kele lokombo lande,
Ndo l’Ekila la Isariyɛlɛ kele Otshungodi ayɛ.+
Nde ayelamɛ Nzambi ka nkɛtɛ k’otondo.+
6 Nɛ dia Jehowa akakelɛ wate kana oko wɛ aki wadi lakawasɛkɛ ndo lambondama la lɔkɔnyɔ,*+
Oko womoto lakatshukama eke dikɛnda ko wambɔɔsɛka,” mbata Nzambi kayɛ.
7 “Dimi lakakɔsɛkɛ lo tshanda ya tshitshɛ,
Koko la kɛtshi k’efula dimi layokokaloya.+
8 Lo elola ka nkɛlɛ, dimi lakashɛ elungi kami oma le yɛ lo tshanda mɔtshi,+
Koko la ngandji ka kɔlamelo ka pondjo dimi layokooka kɛtshi,”+ mbata Jehowa Otshungodi ayɛ.+
9 “Le mi ekɔ oko lo nshi ya Nɔa.+
Oko wakamatshibe dia ashi wa Nɔa hawotokukumɛ nkɛtɛ+ nto,
Woho akɔ waamɛ mbamomotshiba dia dimi hantonga la nkɛlɛ nto otsha le yɛ kana kohangwɛ.+
10 Nɛ dia akona mbeyaka sɛkɔma
Ndo tokonakona mbeyaka sutshasutshama,
Koko ngandji kami ka kɔlamelo hatomɔ oma le yɛ,+
Ndo sheke yami ya wɔladi hayotosutshasutshama,”+ mbata Jehowa, Ɔnɛ lakooka kɛtshi.+
11 “Wɛ womoto+ lasoyama, lambɔkɔmama lɔpɛpɛ la wolo, lahasambema,+
Dimi layanga mbidja ave ayɛ la nkɛtɛ ya lɔsɔha ya wolo
Ndo etshina kayɛ la ave wa safirɛ.+
12 Dimi layosala totshoto tayɛ la ave wa rubi,
Ndo asoko ayɛ la ave wa ngaingai,*
Ndo elelo ayɛ tshɛ la ave w’oshinga wolo.
14 Wɛ ayoshikikɛma nge lo losembwe.+
Wɛ ayonyɛma etale oma lo asui,+
Wɛ hatoka ndooko ɛngɔ wɔma ndo ndooko ɛngɔ kayokosha sase,
Nɛ dia tɔ hatoya suke la yɛ.+
15 Naka onto ɔmɔtshi ayolanga kɔlɔsha,
Dui sɔ hadiotonga lo ndjela didjango diami.
Onto tshɛ layokɔlɔsha ayɔkɔ l’ɔtɛ ayɛ.”+
16 “Eenda, dimi dimɛ kakatonge otshudi,
Ɔnɛ latowola akalanga wa dja,
Ko olimu ande tondjaka ehomɔ ka ta.
Ndo nto dimi dimɛ kakatonge onto lalanya dia ndanyaka.+
17 Ndooko ehomɔ ka ta kambowotshula dia kɔlɔsha kayolowana,+
Ndo wɛ ayanya lolemi tshɛ layemala dia kɔlɔsha lo kilombo.
Ɔsɔ kele etenyi k’okitɔ ka ekambi wa Jehowa,
Ndo losembwe lawɔ ndja oma le mi,” mbata Jehowa.+
55 Nyoye, nyu wanɛ tshɛ wele la mposa k’ashi,+ nyoye nyoyɔnɔ ashi!+
Nyu wanɛ wele bu la falanga, nyoye nyoyosombe ndo nyole!
Ɛɛ, nyoye nyoyosombe wanu ndo abɛlɛ+ aha la falanga ndo aha la oshinga.+
2 Lande na katetemalanyu mfuta falanga l’ɔtɛ wa kɛnɛ kele bu ɛngɔ ka ndɛ,
Ndo lande na kamananyu ekondjelo* kanyu l’ɔtɛ wa kɛnɛ kahela ndooko ɔngɛnɔngɛnɔ?
Nyompokame dimɛna kele nyole kɛnɛ kele ɔlɔlɔ,+
Ndo nyu* nyayonga la ɔngɛnɔngɛnɔ w’efula lo kɛnɛ kele mɛtɛ ɔngɔnyi.*+
3 Nyohokɛ toyi dianyu ndo nyoye le mi.+
Nyohokame, ko nyu* nyayotshikala la lɔsɛnɔ,
Ko dimi layonga suke dia mbidja la nyu sheke ya pondjo+
Lo yoho yɔtɔnɛ la wɛnyɛlɔ wa ngandji ka kɔlamelo le Davidɛ, wele la kɔlamelo.*+
5 Eenda, wɛ ayelɛ wodja wahayeye,
Ndo ase wodja wahakeye wayolawɔ oya le yɛ
L’ɔtɛ wa Jehowa Nzambi kayɛ,+ l’Ekila la Isariyɛlɛ,
Nɛ dia nde ayokotombola.+
6 Nyoyange Jehowa etena kaakandakoke tanema.+
Nyowete etena kekende suke.+
7 Kanga kɔlɔ atshike mboka kande+
Ndo onto a kɔlɔ atshike tokanyi tande;
Akalole le Jehowa, ko nde ayowoka kɛtshi,+
Ɛɛ, le Nzambi kaso, nɛ dia nde ayowodimanyiya tshɛ lo tshɛ.*+
8 “Nɛ dia tokanyi tanyu keema tokanyi tami,+
Ndo mboka yanyu keema mboka yami,” mbata Jehowa.
9 “Nɛ dia oko wanganyi olongo la nkɛtɛ etale efula,
Ngasɔ mbanganyi mboka yami etale efula la mboka yanyu
Ndo tokanyi tami la tokanyi tanyu.+
10 Oko watɔlɔka mvula la loonge l’ekama oma l’olongo
Ko hakalola lɛkɔ edja ndo tɔ kambɔlɔya nkɛtɛ ndo kambotondja diangɔ dia lɔkɔ,
Dia mbisha woho le omboki a woho ndo mbo ya ndɛ le ondeshi,
11 Ngasɔ mbayonga ɔtɛkɛta watomba oma lo onyɔ ami.+
Vɔ hawotokalola le mi okalolakalola,+
Koko ndooko onyake vɔ wayokotsha kɛnɛ tshɛ kalangami,*+
Ndo wayoshidiya mɛtɛ kɛnɛ kakamotome dia tosala.
Akona ndo tokonakona wayɔngɛnangɛna la ntondo kanyu la ekoko w’ɔngɛnɔngɛnɔ,+
Ndo osongo wa lo okonda tshɛ wayoda nsaka la anya awɔ.+
13 Lo dihole dia akombokombo w’atɛndɛ, osongo wa dihake wayotomba,+
Lo dihole dia adungu, osongo wa mirtɛ wayotomba.
56 Jehowa kata ate:
“Nyosuke sambo k’ɔlɔlɔ ndo nyosale kɛnɛ kosembwe,
Nɛ dia panda kami+ kayanga ndja keema edja
Ndo losembwe lami layanga mbishɔma.+
2 Ɔngɛnɔngɛnɔ le onto lasala dui sɔ
Ndo ɔna aki onto lakukutɛ dui sɔ,
Ɔnɛ lalama Sabato ndo lahakiɔnyɔla+
Ndo lakaloya lonya lande oma lo weho tshɛ wa kɔlɔ.
3 Ɔngɛndangɛnda lamboya le Jehowa+ hahombe mbuta ate:
‘Ndooko onyake Jehowa ayokakitola la anto ande.’
Ndo kanga ɔlɛnga hahombe mbuta ate: ‘Eenda, dimi lekɔ osongo wamboma.’”
4 Nɛ dia nganɛ mbatɛ Jehowa ɛlɛnga walama sabato yami ndo wasɔna kɛnɛ kalangami ndo wakukutɛ sheke yami:
5 “Dimi layowasha mɔnima ndo lokombo lo luudu lami ndo l’etei ka mpele diami,
Ɛngɔ koleki ana w’apami la ana wa wamato dimɛna.
Lokombo la pondjo kayomowasha,
Lahalanaki.
6 Lo kɛnɛ kendana la angɛndangɛnda waya le Jehowa dia mbokambɛ,
Dia nanga lokombo la Jehowa+
Ndo dia monga ekambi ande,
Wanɛ tshɛ walɛnya Sabato ndo wahakiɔnyɔla
Ndo wakukutɛ sheke yami,
7 Dimi lawɔ layowatɔla otsha lo dikona+ diami di’ekila
Ndo layowangɛnyangɛnya l’etei ka luudu lami la dɔmbɛlɔ.
Elambo awɔ wa lotshumba w’etondo ndo weshasha awɔ wayetawɔma lo elambwelo kami.
Nɛ dia luudu lami layelamɛ luudu la dɔmbɛlɔ dikambo dia anto tshɛ.”+
8 Nkum’Olongo Nkumadiɔndjɔ Jehowa, Ɔnɛ lasanganya ase Isariyɛlɛ+ wakahandjɔnɛ kata ate:
“Dimi layosanganya anto akina suke la nde laadiko dia wanɛ wamboshilaka sanganyema.”+
9 Nyu nyama tshɛ ya l’oswe, nyoye nyoyole,
Nyu nyama tshɛ ya l’okonda.+
10 Todjamu tande tekɔ totshungu,+ ndooko ɔtɔi l’atei awɔ lakadje yimba.+
Vɔ tshɛ wekɔ mfɔ ya lomi, yahakoke mpangɔ.+
Vɔ wekɔ la doowe ndo vɔ mbetama; vɔ nangaka nyingɔnyingɔ djɔ.
11 Vɔ wekɔ mfɔ yele la ndjala k’efula;*
Vɔ hawolotaka pondjo.
Vɔ wekɔ alami w’ɛkɔkɔ wele bu la yimba.+
Vɔ tshɛ wambotshɔ otsha lo mboka yawɔ hita;
Onto tshɛ lakomɛ l’atei awɔ nyangaka wahɔ ande hita wa lokeso, ata ate:
12 “Nyoye, dimi layanga mbɔsa yema ya wanu,
Kele tɔnɔ wanu aso wadjoya efula.+
Loyi ayonga oko ɛlɔ, koko loyi ayoleka dimɛna!”
57 Onto ɔlɔlɔ ambolanyema,
Koko ndooko onto ladja dui sɔ lo otema.
Anto wele la kɔlamelo wambonyɛma,*+
Koko ndooko onto lashihodia dia onto ɔlɔlɔ ambonyɛma
L’ɔtɛ wa* mpokoso.
2 Nde mbɔtɔka lo wɔladi.
Vɔ momuyaka lo mbeto* yawɔ, wanɛ tshɛ wakɛndakɛnda la losembwe.
3 “Koko nyu, nyosukane,
Nyu ana wa womoto kanga dɔka,
Nyu ana wa kanga loseka ndo waki numba:
4 Onto akɔna asɔkanyu?
Akɔna asɛɛnyu enyɔ anyu ndo atondjɛnyu lolemi?
Shi ana waki kɔlɔ mbenyu,
Ana waki lokeso,+
5 Wanɛ woludi tɔɔ la nsaki ka wolo l’atei wa esongo wa weke,+
L’ɛse ka osongo+ tshɛ wele la akatshi efula,
Wanɛ wadiaka ana lo ekidi,+
L’ɛse ka weoko wa ave?
6 Yema yayɛ yekɔ kaamɛ la ave w’ɔsɛlɔ wa lo okidi.
Ɛɛ, ɔsɔ mbele etenyi kayɛ.+
Kaanga le wɔ, wɛ mbitsholaka elambo wa lotɛ ndo kimɔka weshasha.+
Onde dimi layɔngɛnangɛna* la diangɔ sɔ?
7 Wɛ akalɔngɔsɔla mbeto kayɛ lo dikona di’otale ndo dia la diko,+
Ndo wɛ akadɛ lɛkɔ dia tolambola olambo.+
8 Wɛ akakitsha eohwelo kayɛ l’ɔkɔngɔ wa lokuke ndo wa dikundji dia soko.
Wɛ akantshike ndo wɛ akayakombola;
Wɛ akadɛ ndo akatonunya mbeto kayɛ.
Ndo wɛ akadje sheke kaamɛ la wɔ.
9 Wɛ akaholɔ le Melɛkɛ* kaamɛ la esɔ
Ndo la lokema la malashi.
Wɛ akatome akɛndji ayɛ etale,
Ko wɛ akaholɔ lo Diombo.*
10 Wɛ akadiɛnɛ la ndjela mboka yayɛ y’efula,
Koko wɛ kombuta wate: ‘Elongamelo kaya bu!’
Wɛ akakondja wolo w’oyoyo.
Diakɔ diahayahekɔ.*
11 Akɔna akayalawɔ ndo akayoke wɔma
Dia wɛ ntatɛ mbuta kashi?+
Wɛ kombohɔmi.+
Wɛ kombidja ndooko dui lo otema.+
Onde dimi kɔmbɔlama ndo kondjakimɛ?*+
Koko wɛ kombokami wɔma.
13 Etena kayoyolela dia nyanga ekimanyielo,
Olui wa dikishi diayɛ hawotokotsha.+
Lɔpɛpɛ layodiɛmba diɔ tshɛ,
Loowe l’anyanya layodinya diɔ tshɛ,
Koko ɔnɛ layanga eshamelo le mi ayokita nkɛtɛ
Ndo ayɔsa dikona diami di’ekila.+
14 Ayotama ɔnɛ: ‘Nyaate, nyaate mboka! Nyɔlɔngɔsɔlɛ ɔsɛsɛ!+
Nyonya wekamu tshɛ oma lo mboka ka anto ami.’”
15 Nɛ dia Ɔnɛ lele la diko ndo Lodiyami,
Lasɛna* pondjo pondjo+ ndo lele lokombo lande ekila+ kata ate:
“Dimi mbidjasɛ lo dihole dia la diko ndo di’ekila,+
Koko ndo kaamɛ la wanɛ wambominɔma ndo wele la yimba y’okitshakitsha,
Dia mbolola lomu la mbolambola
Ndo dia mbolola otema wa wanɛ wambominɔma.+
16 Nɛ dia dimi hatowalɔsha lo pondjo
Ndo hantowaomalɛka+ nshi tshɛ;
Nɛ dia anto wayɔlɛmba l’ɔtɛ ami,+
Kaanga ditongami diahɛnga diakamasale.
17 Dimi lakomala l’ɔtɛ w’oweso ande wa kɔlɔ wa nkondja diangɔ dia lokeso,+
Diakɔ diakamɔkɔmɔla, diakamashɛ elungi kami ndo diakamomala.
Koko nde akatetemala nkɛndakɛnda oko ɔtɔlɔki,+ lo ndjela mboka k’otema ande.
18 Dimi lakɛnyi mboka yande,
Koko dimi layowɔkɔnɔla+ ndo layowɔlɔmbɔla+
Ndo layokaloya esambelo kami le nde+ ndo le anto ande walela.”+
19 “Dimi layanga ntonga elowa wa ɛlɔmɔ.
Wɔladi wahashile wayoshama le ɔnɛ lele etale ndo le ɔnɛ lele suke,”+ mbata Jehowa
“Ndo dimi layowɔkɔnɔla.”
20 “Koko akanga wa kɔlɔ wekɔ oko ndjale kele la asuku kahakoke mbɔlama,
Ashi wa lɔkɔ tetemalaka ntondja ditshi ndo lɔtɛkɛ.
21 Wɔladi keema le akanga wa kɔlɔ,”+ mbata Nzambi kami.
58 “Welɛ la wolo ayɛ tshɛ; tokitshakitshake dui!
Diya dui diayɛ oko dimama.
Ewoya anto ami ɔtɔmbɔkwɛlɔ awɔ,+
Luudu la Jakɔbɔ pɛkato yawɔ.
2 Vɔ nyangakami lushi la lushi,
Ndo vɔ mɛnyaka ɔngɛnɔngɛnɔ awɔ dia mbeya mboka yami,
Wate kana oko wodja wakasale akambo la losembwe
Ndo waki kotshika losembwe la Nzambi kawɔ.+
Vɔ nɔmbakami dombwelo dia losembwe,
Wangɛnangɛna dia ndjasukanya la Nzambi vate:+
3 ‘Lande na kahayɛnyi etena kakilaso mbo ya ndɛ?+
Ndo lande na kahayɛnyi etena kayasoyaso?’*+
4 Okilelo anyu wa mbo ya ndɛ komɛka la ewanu ndo la ata,
Ndo nyu kɔmɔlaka la dikɔfi dia kɔlɔ.
Hanyokoke nkila mbo ya ndɛ oko wamonyosala ɛlɔ ndo wambokɛma awui anyu l’olongo.
5 Onde okilelo wa mbo ya ndɛ wamomɔsɔna pombaka monga oko wɔsɔ,
Oko lushi la onto ndjasoya,*
Dia onto nkɔlɛ ɔtɛ ande oko kolɔ,
Dia nsala mbeto kande lo dikoto ndo lo otoko?
Onde ɔsɔ kelɛyɛ nkila mbo ya ndɛ ndo lushi langɛnyangɛnya Jehowa?
6 Keema, okilelo wa mbo ya ndɛ wamomɔsɔna vɔ ɔnɛ:
Dia minya mɔlɔla wa awui wa kɔlɔ,+
Dia nkelekola ɛkɔdi wa osembe wa lɔhɔmbɔ,+
Ndo dia mpembola osembe tshɛ wa lɔhɔmbɔ l’ahende;
7 Dia nkahana mbo ya ndɛ yayɛ la ɔnɛ lele la ndjala,+
Dia mbidja ase wola ndo wanɛ wele bu la luudu lo luudu layɛ,
Dia ndɔtsha onto lele la otaka etena kawɛnayɛ,+
Ndo diaha mboka emunyi ayɛ hita ɔkɔngɔ.
8 Ko osase ayɛ wayɔhɛta oko la pindju,+
Ndo ɛkɔnwɛlɔ kayɛ kayosalema esadi esadi.
Losembwe layɛ layotatshɔka la ntondo kayɛ,
Ndo lotombo la Jehowa layonga olami ayɛ w’oma l’ɔkɔngɔ.+
9 Oma laasɔ wɛ ayelɛ, ko Jehowa ayokadimola;
Wɛ ayolela dia nyanga ekimanyielo, ko nde ayota ate: ‘Dimi ɔnɛ!’
Naka wɛ minya osembe wa lɔhɔmbɔ oma l’atei ayɛ
Ndo ntshika ntshuma lohita layɛ ndo ntɛkɛta yoho ya kɔlɔ,+
10 Naka wɛ mbisha ɔnɛ lele la ndjala kɛnɛ kakombolayɛ wɛmɛ*+
Ndo ndotsha amɛnyi mfɔnu,*
Kete osase ayɛ wayɔhɛta kaanga lo wodjima,
Ndo wodjima ayɛ wa tshududu wayonga oko yanyi ya midi.+
11 Jehowa ayokɔlɔmbɔlaka tena tshɛ
Ndo ayokolotsha* kaanga lo nkɛtɛ ya womu;+
Nde ayokeketsha weka ayɛ,
Ndo wɛ ayonga oko ekambɔ katɛwɔ ashi dimɛna,+
Oko ɛtɛkɔ kele ashi atɔ hawomaka.
12 Vɔ wayohika nto ahole w’edjedja wakalana lo dikambo diayɛ,+
Ndo wɛ ayokaloya atshina wa nɔnga yakete.+
13 Naka l’ɔtɛ wa Sabato wɛ ntshika* mbesa wahɔ* ayɛ hita lushi lami l’ekila+
Ndo wɛ ambelɛ Sabato ɔnɛ ɔngɛnɔngɛnɔ w’efula, lushi l’ekila le Jehowa, lushi la tombɔma,+
Ko wɛ litombola lo dihole dia mbesa wahɔ ayɛ hita ndo ntɛkɛta ɛtɛkɛta w’anyanya,
14 Kete wɛ ayokondja ɔngɛnɔngɛnɔ ayɛ w’efula le Jehowa,
Ndo dimi layokɔtɔla lo ahole wa la diko wa la nkɛtɛ.+
Dimi layosala dia wɛ ndɛ oma lo* etenyi k’okitɔ ka tshɛyɛ+ Jakɔbɔ,
Nɛ dia onyɔ wa Jehowa kambɔtɛkɛta.”
2 Keema. Munga yanyu hita mbambonyokakitola la Nzambi kanyu.+
Pɛkato yanyu mbambookonya dia nde mbishɛ elungi kande oma le nyu,
Ko nde hayolanga nyohokamɛ.+
3 Nɛ dia anya anyu wambɔtɔ mindo la dikila+
Ndo mpita yanyu la munga.
Ɛlɔmɔ anyu mbutaka kashi+ ndo nemi yanyu tɛkɛtaka awui wa kɔlɔ.
4 Ndooko onto lawelɛ l’ɔtɛ wa losembwe,+
Ndo ndooko onto latshɔ lo kilombo lo mɛtɛ.
Vɔ ndjaɛkɛka lo kɛnɛ kele bu mɛtɛ*+ ndo tɛkɛtaka kɛnɛ kele anyanya.
Vɔ tshɔka paa diemi ndo mbotaka kɛnɛ kele kɔlɔ.+
5 Vɔ mpoholaka ekele wa oloyi wa lɔlɛngɔ,
Ndo vɔ wakɛlɛ ɔtɛyi wa dihoha.+
Onto tshɛ lalɛ ekele awɔ ayovɔ,
Ndo okele wambohohɔma tondjaka tshuha.
6 Ɔtɛyi awɔ wa dihoha hawotonga oko dihɔndɔ,
Ndo vɔ hawotoyakomba la kɛnɛ kasalawɔ.+
Elimu awɔ wekɔ kɔlɔ,
Ndo etsha wa ngala wekɔ lo anya awɔ.+
7 Ekolo awɔ ndawɔka dia tosala kɔlɔ,
Ndo vɔ samanyaka dia tɔkɛdia dikila diaha la onongo.+
Tokanyi tawɔ tekɔ tokanyi ta kɔlɔ;
Elanyelo ndo mfɔnu kekɔ lo mboka yawɔ.+
8 Vɔ haweye mboka ka wɔladi,
Ndo losembwe bu lo ɛsɛsɛ awɔ.+
Vɔ mbetɛka mboka yawɔ akɔtɛ akɔtɛ;
Ndooko onto lakɛndakɛnda lɔkɔ layeya wɔladi.+
9 Diakɔ diele sambo k’ɔlɔlɔ mangana etale la so,
Ndo losembwe halotonde.
Tekɔ lo ntetemala nongamɛ osase, ko ohenda, ekɔ paka wodjima oto;
Ndo wɛnɛkɛdi, koko tekɔ lo ntetemala nkɛndakɛnda lo wodjima wa tshududu.+
10 Tekɔ lo mamamba lo ehele oko akanga wa totshungu;
Oko wanɛ wele bu la washo mbatetemalaso mamamba.+
Sho takanaka la yanyi ya midi wate kana oko lo wodjima wa la dikɔlɔ di’otsho;
L’atei wa akanga wa wolo, sho tekɔ oko edo.
11 Sho tshɛ mbawanaka oko ndjaondo
Ndo kiyanaka la delo oko benga.
Sho nongamɛka losembwe, koko lɔ bu;
Ndo panda, koko tɔ mangana etale la so.
Nɛ dia ɛtɔmbɔkwɛlɔ aso wekɔ kaamɛ la so;
Sho mbeyaka dimɛna munga yaso.+
13 Sho takasale kɔlɔ ndo takanguna Jehowa;
Sho takoke Nzambi kaso ɔkɔngɔ.
Sho takatɛkɛta dia ɔhɛnyɔhɛnyɔ ndo dia ɔtɔmbɔkwɛlɔ;+
Sho takatshu kashi diemi ndo takangunanguna ɛtɛkɛta wa kashi oma lo otema.+
14 Sambo k’ɔlɔlɔ kambokaloyama,+
Ndo losembwe lambemala etale;+
Nɛ dia mɛtɛ* kambotakana lo asanga,
Ndo kɛnɛ kele osembɔki keema la akoka wa mbɔtɔ.
16 Nde akɛnyi dia komonga ndooko onto,
Ndo nde akaambe dia mɛna dia ndooko onto lakatɛkɛtɛ anto akina,
Ko lonya lande hita lakela panda,*
Ndo losembwe lande hita lakosukɛ.
18 Nde ayowafuta l’ɔtɛ wa kɛnɛ kambowosala:+
Nkɛlɛ le andɔshi ande ndo shɔmbɔya le atunyi ande.+
Nde ayofuta asɛnga kɛnɛ kahombawɔ nongola.
19 Oma ko ɛɔtwɛlɔ ka wonya, vɔ wayoka lokombo la Jehowa wɔma
Ndo oma ko ehotwelo ka wonya, lotombo lande,
Nɛ dia nde ayɔtɔ oko ɔkɛdi wambɔmbɔ,
Wele nyuma ka Jehowa kekɔ lo mbosokoya.
21 “Le mi, ɔsɔ kele sheke yamomodja la wɔ,”+ mbata Jehowa. “Nyuma kami kele le yɛ ndo ɛtɛkɛta ami wamomodja lo onyɔ ayɛ hawotonyɛma oma lo onyɔ ayɛ, oma lo onyɔ wa anayɛ,* kana oma lo onyɔ wa ekana ayɛ,”* mbata Jehowa, “oma ko kakianɛ ndo pondjo pondjo.”
60 “Onɛɛ, wɛ womoto,+ ngamula osase, nɛ dia osase ayɛ wamboya.
Lotombo la Jehowa lambokɔhɛtɛ.+
2 Nɛ dia eenda, wodjima wayokomba nkɛtɛ
Ndo wodjima wa tshududu wayokomba wedja;
Koko le yɛ mbayɔhɛta Jehowa,
Ndo le yɛ mbayɛnama lotombo lande.
4 Edia washo ayɛ kele enda lo otshimbedi ayɛ tshɛ!
Vɔ tshɛ wambosangana; vɔ wekɔ lo ndjaye le yɛ.
5 L’etena kɛsɔ, wɛ ayɛna ndo ayonga l’ɔlɔ,+
Ndo otema ayɛ wayodidima ndo wayofukɔfukɔ,
Nɛ dia ɔngɔnyi wa ndjale wayɛlɛ oya le yɛ;
Ekundji wa wedja wayoya le yɛ.+
6 Nyemba ya kamɛlɔ yayolola lo ɛtshi kayɛ ka nkɛtɛ,*
Ɛsɔngɔ wa kamɛlɔ wa waomi wa Midiyana ndo wa Efa.+
Wanɛ tshɛ w’oma la Shɛba wayoya;
Vɔ wayɛmba paonyi la tshɔ ya wɛma.
Vɔ wayewoya lotombo la Jehowa.+
7 Dongalonga tshɛ dia la Kɛdara+ diayosanganyema le yɛ.
Ɛkɔkɔ wa waomi wa la Nebayɔta+ wayokokambɛ.
8 Waa na ango wayafumbɔ oko wange,
Oko tokudumba oya lo lokoto la tokudumba?*
9 Nɛ dia le mi mbayolongamɛ+ asɛnga;
Masuwa wa Tarashishi mbele la ntondo,*
Dia mbela anayɛ oma lo etale,+
Kaamɛ la mfɛsa yawɔ ndo paonyi yawɔ,
Oya le lokombo la Jehowa Nzambi kayɛ ndo le l’Ekila la Isariyɛlɛ,
10 Angɛndangɛnda wayoka mpele diayɛ,
Ndo nkumi ya dikanga wayokokambɛ,+
Nɛ dia lo nkɛlɛ kami, dimi lakakɔkɔmɔla,
11 Asoko ayɛ wayotshikalaka hwe tena tshɛ;+
Vɔ hawotodihama la yanyi kana l’otsho,
Dia kela ekundji wa wedja,
Ndo nkumi ya dikanga yawɔ wayeta la ntondo.+
12 Nɛ dia wodja tshɛ ndo diolelo tshɛ diahatokokambɛ diayolana,
Ndo wedja wayolanyema tshɛ lo tshɛ.+
13 Le yɛ kayoya lotombo la Lɛbanɔna,+
Osongo wa dihake, osongo wa frɛnɛ* ndo osenge kaamɛ,+
Dia mbetɛ tɛmpɛlɔ kami k’ekila olangala;
Dimi layotombola dihole diakitshami ekolo ami.+
14 Ana wa wanɛ wakosoya wayoya ndo wayokusama la ntondo kayɛ;
Wanɛ tshɛ wahakosalɛ akambo la dilɛmiɛlɔ la dia nkusama l’ekolo ayɛ,
Ndo vɔ wayohomba kelɛ ɔnɛ osomba wa Jehowa,
Siɔna ya l’Ekila la Isariyɛlɛ.+
15 Lo dihole dia wɛ sɛkama ndo petshama, aha la onto mbeta laleyɛ,+
Dimi layoketɛ kiɔkɔ ya ofunu wa pondjo,
Ɔkɔkɔ wa ngɛnangɛnaka lo nɔnga tshɛ.+
16 Lo mɛtɛ wɛ ayɔnɔ abɛlɛ wa wedja,+
Ndo wɛ ayɔlɔma lo awɛlɛ wa nkumi ya dikanga;+
Ndo wɛ ayeya mɛtɛ dia dimi Jehowa kele Oshimbedi ayɛ,
Ndo Kanga Wolo laki Jakɔbɔ kele Otshungodi ayɛ.+
17 Dimi layela paonyi lo dihole dia nkonga,
Dimi layela mfɛsa lo dihole dia lowolo,
Nkonga lo dihole dia abaya,
Mbolo lo dihole dia ave;
Ndo dimi layɔsɔna wɔladi oko emendji ayɛ
Ndo losembwe oko akahanyishi w’elimu.+
18 Awui wa ngala hawotokɛma nto lo wodja ayɛ
Kana elanyelo ndo ohandjwelo l’etei ka elelo ayɛ.+
Ndo wɛ ayelɛ mpele diayɛ ɔnɛ Panda+ ndo asoko ayɛ ɔnɛ Lotombo.
19 Le yɛ wonya hatonga osase la yanyi nto,
Ndo esase wa ngɔndɔ hawotokosha osase,
Nɛ dia le yɛ Jehowa ayongaka osase wa pondjo,+
Ndo Nzambi kayɛ kayonga olangala ayɛ.+
20 Wonya ayɛ hawotodja nto,
Ndo ngɔndɔ kayɛ hatoshishɔ nto,
Nɛ dia le yɛ Jehowa ayonga osase+ wa pondjo,+
Ndo nshi ya delo diayɛ yayokomɛ.
21 Ndo anto ayɛ tshɛ wayonga anto w’ɛlɔlɔ;
Vɔ wayonga akanga wa wodja pondjo pondjo.
22 Ɔnɛ lele tshitshɛ ayonga kinunu (1 000)
Ndo ɔnɛ lele shekaseka wodja wa wolo.
Dimi Jehowa dimɛ layosala dia dui sɔ salema esadi esadi lo etena kadiɔ.”
61 Nyuma ka Nkum’olongo Nkumadiɔndjɔ Jehowa kekɔ le mi,+
Nɛ dia Jehowa akankite esɔ dia mbewoya lokumu l’ɔlɔlɔ le akanga wa memakana.+
Nde akantome dia mɔmba mpota ya wanɛ wele la etema wambatɛ,
Dia mbewoya lotshungɔ le mfumbe
Ndo odihwelo wa washo hwe le ase lokanu,+
2 Dia mbewoya ɔnɔnyi w’ɔlɔlɔ w’otema* wa Jehowa
Ndo lushi la nsɔmbɔya laki Nzambi kaso,+
Dia nsamba wanɛ tshɛ walela,+
3 Dia nkotsha ehomba wa wanɛ walela l’ɔtɛ wa Siɔna,
Dia mbasha kitambala lo dihole dia otoko,
Esɔ k’ɔngɛnɔngɛnɔ lo dihole dia delo,
Dihɔndɔ dia lotombo lo dihole dia yimba y’okananu.
4 Vɔ wayohika nto ahole w’edjedja wakalana;
Vɔ wayodiya ahole wakalanyema w’edjedja,+
Ndo vɔ wayɔlɔngɔsɔla esomba wakahandjɔ,+
Ahole wakatshikalaka tɔngɔ to lo lɔlɔnga la lɔlɔnga.+
5 “Angɛndangɛnda wayemala ndo wayolama ɛkɔkɔ anyu,
Ndo ase wedja ekina+ wayonga ekambi anyu wa dikambɔ dia mbo ya ndɛ ndo wa dikambɔ dia vinyɔ.+
6 Koko nyu, wayonyelɛ ɛlɔmbɛdi wa Jehowa;+
Vɔ wayonyelɛ ekambi wa Nzambi kaso.
7 Lo dihole dia nsɔnyi, nyu nyayokondja ɛtshɔkɔ ndodia lo 2,
Ndo lo dihole dia diɔnyɔ, vɔ wayoda ekoko w’ɔngɛnɔngɛnɔ l’ɔtɛ wa yema yawɔ.
Eelo, vɔ wayolongola ɛtshɔkɔ ndodia lo 2 lo wodja awɔ.+
Vɔ wayonga la ɔngɛnɔngɛnɔ wa pondjo.+
La kɔlamelo tshɛ dimi layowasha difuto diawɔ,
Ndo dimi layodja la wɔ sheke ya pondjo.+
10 Dimi layɔngɛnangɛna efula le Jehowa.
Tshondo yami tshɛ* yayonga l’ɔlɔ le Nzambi kami.+
Nɛ dia nde akandɔtsha ahɔndɔ wa panda;+
Nde akamɔmbɛ la okutu* wa losembwe,
Wate kana oko otshuki a wadi kalɔta dihɔndɔ diadingawɔ l’ɔtɛ oko dia ɔlɔmbɛdi,+
Ndo oko otshukami kayalɛnga la dɛngalɛnga diande.
11 Nɛ dia oko watotondjaka nkɛtɛ tombatomba
Ndo oko watosalaka ekambɔ dia kɛnɛ konɛmi lɔkɔ ntomba,
Ngasɔ mbayosala Nkum’Olongo Nkumadiɔndjɔ Jehowa
62 L’ɔtɛ wa Siɔna, dimi hantɔlama,+
Ndo l’ɔtɛ wa Jɛrusalɛma, dimi hantotshikala ki
Edja ndo losembwe lande lambɔhɛta oko osase wa wolo+
Ndo panda kande kambɔhɛta oko owa.+
Ndo nyu nyayelamɛ lokombo l’oyoyo,+
Layonyɔlɛ onyɔ wa Jehowa ndamɛ.
3 Wɛ ayonga dɛmbɔ dia nkoso di’olangala lo lonya la Jehowa,
Dihɔndɔ diadingawɔ l’ɔtɛ dia aseka owandji lo lonya la Nzambi kayɛ.
Koko wɛ ayelamɛ ɔnɛ Ɔngɛnɔngɛnɔ ami wekɔ le nde,+
Ndo wodja ayɛ wayelamɛ ɔnɛ Otshukami.
Nɛ dia Jehowa ayokɔngɛnangɛna,
Ndo wodja ayɛ wayonga oko womoto lotshukami.
5 Oko watotshukaka ɔlɔngɔ a pami osekaseka w’emuma,
Anayɛ wa apami wayokotshuka.
La ɔngɛnɔngɛnɔ wa otshuki a wadi l’ɔtɛ wa otshukami,
Nzambi kayɛ ayɔngɛnangɛna l’ɔtɛ ayɛ.+
6 Jɛrusalɛma le, dimi lakakitsha todjamu la diko dia mpele diayɛ.
Tena tshɛ, yanyi y’otondo ndo otsho w’otondo, vɔ hawohombe ntshikala ki.
Nyu wanɛ watɛkɛta dikambo dia Jehowa,
Tanyomuyake,
7 Ndo tanyowoshake kaanga yema ya momuya edja ndo nde amboshikikadia Jɛrusalɛma nge,
Eelo, edja ndo nde amboyetɛ lotombo la nkɛtɛ.”+
8 Jehowa akatshibe la lonya lande l’omi, la lonya lande la wolo ate:
“Dimi handjokimɔ ntɔngɔ yanyu nto oko mbo ya ndɛ le atunyi anyu,
Ndo angɛndangɛnda hawoyɔnɔ wanu anyu w’eyoyo nto, wakanyadiɛnɛ la nkamba.+
9 Koko ndo wanɛ wana wayodilɛ ndo wayotombola Jehowa;
Ndo wanɛ wanyula wanu wayowanɔ lo asɛkɛ ami w’ekila.”+
10 Nyete, nyete lo asoko.
Nyɔlɔngɔsɔlɛ anto mboka.+
Nyaate, nyaate ɔsɛsɛ wa woke.
Nyongitole ave+ wa lɔkɔ.
Nyemɛ djembetelo* dikambo dia anto.+
11 Nyende, Jehowa ambewoya lo tokoma ta nkɛtɛ ɔnɛ:
“Nyote ɔna womoto la Siɔna nyate:
‘Eenda, panda kayɛ koyaye.+
Eenda, nde ekɔ la difuto diande,
Ndo difuto diafutande diekɔ la ntondo kande.’”+
12 Vɔ wayelamɛ anto w’ekila, wanɛ wakatshungɔma oma le Jehowa,+
Ndo wɛ ayelamɛ Onyangemi, Osomba wahasɛkami.+
63 Akɔna ongo ayaye oma la Ɛdɔmɛ,+
Oma la Bɔzara+ la ahɔndɔ wele la dangi dia ngaingai,*
Ɔnɛ lele la ahɔndɔ wa lɔnɛnɛ,
Layakɛndakɛnda lo wolo ande w’efula?
“Ele dimi, Ɔnɛ latɛkɛta la losembwe,
Ɔnɛ lele la wolo w’efula wa nshimbɛ.”
2 Lande na kele ahɔndɔ ayɛ beela,
Ndo lande na kele ahɔndɔ ayɛ oko wa ɔnɛ lahɔtshahɔtsha diamula?+
3 “Dimi lakamula wanu dimɛ.
Ndooko onto laki kaamɛ la mi.
Dimi lakatetemala mbahɔtshahɔtsha lo nkɛlɛ kami,
Ndo lakatetemala mbakamɛ lo odudu ami.+
Ahɔndɔ ami wakatamɛ dikila diawɔ,
Ndo dimi lakadje ahɔndɔ ami tshɛ mindo.
4 Nɛ dia lushi la nsɔmbɔya lekɔ lo otema ami,+
Ndo ɔnɔnyi wa atshungɔmi ami wambokoka.
5 Dimi lakende, koko ndooko onto lakikɔ dia kimanyiyami;
Dimi lakaambe dia ndooko onto lakikɔ dia sukɛmi.
6 Dimi lakahɔtshahɔtsha anto la nkɛlɛ kami,
Dimi lakawadjoya la odudu ami+
Ndo lakatshola dikila diawɔ lo nkɛtɛ.”
7 Dimi layɔtɛkɛta dikambo dia etsha wa ngandji ka kɔlamelo ka Jehowa,
Etsha wasungana tombɔma wa Jehowa,
L’ɔtɛ wa kɛnɛ tshɛ kakatosalɛ Jehowa,+
Akambo efula w’amɛna wakandasalɛ luudu la Isariyɛlɛ,
Lo ndjela kɛtshi kande ndo ngandji kande ka kɔlamelo k’efula.
8 Nɛ dia nde akate ate: “Lo mɛtɛ vɔ wekɔ anto ami, ana wahatoshisha kɔlamelo.”*+
Ɔnkɔnɛ, nde akayala Oshimbedi awɔ.+
9 Lo asui awɔ tshɛ nde akasowaka.+
Ko ɔkɛndji* ande hita akaashimbɛ,+
Lo ngandji ndo kɛtshi kande nde akaatshungola,+
Ndo nde akawadiya ndo akawaɛmbɛ vɔ tshɛ lo nshi y’edjedja.+
10 Koko vɔ wakatɔmbɔkɔ+ ndo wakanyangiya nyuma kande k’ekila.+
11 Ko vɔ wakohɔ nshi y’edjedja,
Nshi ya Mɔsɛ okambi ande ɔnɛ:
“Lende ele Ɔnɛ lakaatondja oma lo ndjale+ kaamɛ la alami w’ɛkɔkɔ ande?+
Lende ele Ɔnɛ lakadje nyuma Kande k’ekila le nde,+
12 Ɔnɛ lakasale dia lonya lande la diambo ntshɔ kaamɛ la lonya l’omi la Mɔsɛ,+
Ɔnɛ lakaate ashi la ntondo kawɔ+
Dia ndjasalɛ lokombo la pondjo,+
13 Ɔnɛ lakaakɛndjakɛndja l’atei w’ashi wambɔmbɔ,*
Dia vɔ nkɛndakɛnda aha la ntakana,
Oko mfalasa lo oswe wa hwe?*
14 Oko etena kaholɔ dongalonga l’okidi,
Nyuma ka Jehowa kakasale dia vɔ momuya.”+
15 Enda oma l’olongo kele ɛnyi
Oma lo edjaselo kayɛ ka la diko k’ekila ndo ka lotombo.*
Vɔ wambomɔ oma le mi.
16 Nɛ dia wɛ kele Shɛso;+
Kaanga mbele ondo Abrahama hateye
Ndo ondo Isariyɛlɛ hateye,
Jehowa le, wɛ kele Shɛso.
Lokombo layɛ ele Otshungodi aso oma ko edjedja.+
17 Jehowa le, lande na ketawɔyɛ dia sho minganɛ* oma lo mboka yayɛ?
Lande na ketawɔyɛ* dia etema aso monga wolo, ko hatoyokooka wɔma?+
Okalole, l’ɔtɛ wa ekambi ayɛ,
Waoho wa etenyi kayɛ k’okitɔ.+
18 Wodja ayɛ w’ekila wakawɔshi lo tshanda ya tshitshɛ.
Andɔshi aso wakahɔtshahɔtsha tɛmpɛlɔ kayɛ k’ekila.+
19 Nɛ dia edja efula sho takayala oko wanɛ wele wɛ atongaka owandji awɔ,
Oko wanɛ wahatelɛka lokombo layɛ.
64 Otoyatola olongo ko mpolɔ,
Dia akona didima la ntondo kayɛ,
2 Oko etena katotshumbaka dja tokunyikunyi,
Ko dja nsala dia ashi mbidɔdɔ,
Tshike lokombo layɛ loteyama le andɔshi ayɛ,
Ndo wedja wotosaka lokomba la ntondo kayɛ!
3 Etena kakayasale akambo wa diambo efula wakiso kokoka nongamɛ,+
Wɛ akaholɔ ndo akona wakadidima la ntondo kayɛ.+
4 Oma ko edjedja ndooko onto lakoke kana lakahokɛ toyi,
Ndo ndooko sso diakɛnyi Nzambi onyake wɛ,
5 Wɛ akahomana la wanɛ wasala kɛnɛ kele ɔlɔlɔ la ɔngɛnɔngɛnɔ tshɛ,+
Wanɛ wakohɔ ndo wayela mboka yayɛ.
Eenda, wɛ akomala etena kakatatetemalaka nsala pɛkato,+
Takasale ngasɔ lo etena k’otale.
Ko onde wonya ɔnɛ tayoshimbamɛ?
6 Ndo sho tshɛ taya oko onto lele mindo,
Ndo etsha aso tshɛ w’ɛlɔlɔ waya oko dihɔndɔ dia womoto lɛna dikila.+
Sho tshɛ tayɔlɛngɛ oko dikatshi,
Ndo munga yaso yayotɛmba oko lɔpɛpɛ.
7 Ndooko onto lelɛ* lokombo layɛ,
Ndooko onto layaketembola dia kokimɛ,
Nɛ dia wɛ amboshɛ elungi kayɛ oma le so,+
8 Koko kakianɛ Jehowa le, wɛ kele Shɛso.+
9 Jehowa le,+ tomalake efula,
Ndo tohɔke munga kaso lo pondjo.
Lam’alangayɛ, otende, nɛ dia sho tshɛ tekɔ anto ayɛ.
10 Esomba ayɛ w’ekila waya oswe wa shɛnga.
Siɔna aya oswe wa shɛnga,
Jɛrusalɛma yaya tɔngɔ to.+
11 Luudu* laso l’ekila ndo la lotombo,*
Lɛnɛ akakotombolaka watshɛso,
Lambotshumbama la dja,+
Ndo diangɔ tshɛ diakatɔsaka la nɛmɔ diambolana.
12 L’ɔtɛ wa dikambo sɔ, Jehowa le, onde wɛ ayotetemala ndjakimɛ?
Onde wɛ ayotetemala ntshikala ki ko totshika dia sho sowaka efula nganɛ?+
65 “Dimi laketawɔ nyangema oma le wanɛ waki komimbolami;
Dimi laketawɔ tanema le wanɛ waki konyangami.+
Dimi lakatɛ wodja waki koombelɛ* lokombo lami nte: ‘Dimi ɔnɛ, dimi ɔnɛ!’+
2 Dimi lakasandjolaka anya ami lushi l’otondo otsha le anto w’ɛtɛ wolo,+
Le wanɛ wakɛndakɛnda lo mboka kele bu dimɛna,+
Wayela tokanyi tawɔ hita;+
3 Anto watɔntɛngaka lo washo ami tena tshɛ,+
Watolambolaka olambo lo dikambɔ+ ndo watotshumbaka olambo lo atafadi.
5 Vɔ mbutaka vate: ‘Tshikala lam’eyɛ; tosukanake le mi,
Nɛ dia dimi koleka ekila.’*
Vɔ wekɔ edinga lo ɛhɛmbɛ ami, dja yahɛta lushi l’otondo.
6 Eenda, akafundama la ntondo kami;
Dimi hantotshikala ki nto,
Koko dimi layowafuta,+
Dimi layowafuta lo yɛdikɔ y’efula*
7 L’ɔtɛ wa munga yawɔ ndo l’ɔtɛ wa munga ya watshɛwɔ,”+ mbata Jehowa.
“Nɛ dia vɔ wakatshumbe olambo lo akona
Ndo wakantɛngɛ lo tokonakona,+
Ntondo dimi layɛdika difuto diawɔ lo yɛdikɔ y’efula.”*
8 Jehowa kata ate:
“Oko etena katotanemaka wanu w’eyoyo lo esandji k’elowa
Ko onto ɔmɔtshi mbuta ate: ‘Towalanyake, nɛ dia yema ya dimɛna* yekɔ lɔkɔ,’
Ngasɔ kayomosala lo wahɔ w’ekambi ami;
Dimi hatowalanya vɔ tshɛ.+
9 Dimi layotondja ɔna* oma le Jakɔbɔ
Ndo oma le Juda ɔnɛ lahomba nkita akona ami;+
Ɛsɔnami ami wayɔsa wodja akɔ,
Ndo ekambi ami wayodjasɛ lɛkɔ.+
10 Sharɔna+ ayonga dihole dia ndeshaka ɛkɔkɔ
Ndo Okidi* wa Akɔra+ dihole dia ngɔmbɛ momuyaka,
Dikambo dia anto ami wanyanga.
11 Koko nyu nyekɔ l’atei wa wanɛ wasɛka Jehowa,+
Wanɛ wohɛ dikona diami di’ekila,+
Wanɛ watalɛka mɛsa dikambo dia jambizambi ya Mpawo,
Ndo wanɛ watolodiaka akɔhɔ wa wanu wa lɔsɔhanya dikambo dia jambizambi Yashikikɛ woho wayosalema akambo.
12 Diakɔ diele dimi layonyokimɔ lo lokuwa la ta,+
Ndo nyu tshɛ nyayɔkɔlama dia ndjakema,+
Nɛ dia dimi lakelɛ, koko nyu kombetawɔ,
Dimi lakatɛkɛta, koko nyu kompokamɛ;+
Nyu nyakatetemala nsala kɛnɛ kaki kɔlɔ lo washo ami,
Ndo nyakasɔnɛ kɛnɛ kaki kɔngɛnyangɛnyami.”+
13 Ɔnkɔnɛ Nkum’Olongo Nkumadiɔndjɔ Jehowa kata ate:
“Nyende, ekambi ami wayɔlɛ, koko nyu nyayodiɛnɛ la ndjala.+
Nyende, ekambi ami wayɔnɔ,+ koko nyu nyayodiɛnɛ la mposa k’ashi.
Nyende, ekambi ami wayɔngɛnangɛna,+ koko nyu nyayodiɛnɛ la nsɔnyi.+
14 Nyende, ekambi ami wayoda ekoko w’ɔngɛnɔngɛnɔ l’ɔtɛ wa eongelo k’ɔlɔlɔ k’otema,
Koko nyu nyayoda ekoko l’ɔtɛ wa kandji ka l’otema
Ndo nyayokuma akumu l’ɔtɛ wa yimba yambohandjɔ.
15 Nyu nyayotshika l’ɔkɔngɔ anyu lokombo layokamba la ɛsɔnami ami oko mananu,
Ndo Nkum’Olongo Nkumadiɔndjɔ Jehowa ayodiaka onto l’onto l’atei anyu,
Koko nde ayelɛ ekambi ande hita lo lokombo lokina;+
16 Ko onto tshɛ layayangɛ ɔtshɔkɔ la nkɛtɛ
Ayɔtshɔkwama oma le Nzambi k’akambo wa mɛtɛ,*
Ndo onto tshɛ latshiba la nkɛtɛ
17 Nɛ dia eenda, dimi layanga ntonga olongo w’oyoyo ndo nkɛtɛ k’oyoyo;+
Ndo akambo wa ntondo hawotohɔma* nto,
Ndo hawotoya lo otema nto.+
18 Ɔnkɔnɛ nyonge l’ɔlɔ ndo nyɔngɛnangɛnake pondjo l’ɔtɛ wa kɛnɛ kayangami ntonga.
Nɛ dia eenda, dimi layanga ntonga Jɛrusalɛma kiɔkɔ y’ɔngɛnɔngɛnɔ
Ndo anto ayɔ kiɔkɔ y’ɔlɔ w’efula.+
19 Ndo dimi layɔngɛnangɛna l’ɔtɛ wa Jɛrusalɛma ndo layonga l’ɔlɔ l’ɔtɛ wa anto ami;+
Londjo la alelo kana tokoko t’ɔkɛyi hatokɛma nto lɛkɔ.”+
20 “Ndooko ɔna layonga lɛkɔ layɔsɛna nshi yema tshitshɛ tsho,
Ndo ndooko osombe wayovɔ aha la nkotsha nshi yande.
Onto tshɛ layovɔ la ɛnɔnyi 100 ayɔsama oko ɔna dikɛnda,
Ndo otshi wa pɛkato ayodjama mananu oyadi kaanga nde aya la ɛnɔnyi 100.*
21 Vɔ wayoka mvudu ko wayodjasɛka lɔkɔ,+
Ndo vɔ wayokamba dikambɔ dia vinyɔ ko wayɔlɛka elowa w’oma lɔkɔ.+
22 Vɔ hawotoka mvudu dia onto okina ndjodjasɛ lɔkɔ,
Ndo hawotokamba dikambɔ dia anto akina ndjɔlɛ.
Nɛ dia nshi ya anto ami yayonga oko nshi ya esongo,+
Ndo ɛsɔnami ami wayɔngɛnangɛnaka lo yɛdikɔ y’efula la olimu wa anya awɔ.
Ndo vɔ hawotota ana dia vɔ ndjosowa,
Nɛ dia vɔ wekɔ ana* wa wanɛ wakatshɔkwama oma le Jehowa,+
Ndo tokanula tawɔ kaamɛ la wɔ.+
24 Kaanga la ntondo ka vɔ mbetami, dimi layokadimola;
Kaanga vɔ watatɛkɛta, dimi layoka.
Vɔ hawotosalanɛ ndooko kɔlɔ ndo hawotolanya ndooko ɛngɔ lo dikona diami di’ekila tshɛ,”+ mbata Jehowa.
66 Jehowa kata ate:
“Olongo wekɔ kiti kami ka lowandji ndo nkɛtɛ kekɔ kihona k’ekolo ami.+
2 “Lonya lami hita mbakasale diangɔ sɔ tshɛ,
Ndo ngasɔ mbakadiayala diɔ tshɛ,” mbata Jehowa.+
“Ɔnkɔnɛ otsha le onto ɔnɛ kayomenda,
Le ɔnɛ lele la okitshakitsha ndo lambɔtɛtɛ solo lasaka lokomba lam’okande* ɔtɛkɛta ami.+
3 Ɔnɛ ladiaka ngɔmbɛ ekɔ oko ɔnɛ ladiaka onto.+
Ɔnɛ lalambola ɔkɔkɔ ekɔ oko ɔnɛ lɔkɔla nkingo ka mfɔ.+
Ɔnɛ lakimɔ woshasha, oko dikila dia nsombo!+
Ɔnɛ lakimɔ olambo wa tshɔ ya wɛma wa eohwelo+ ekɔ oko ɔnɛ latshɔkɔla la ɛtɛkɛta wa maji.*+
Vɔ wambɔsɔna mboka yawɔ hita,
Ndo vɔ* ngɛnangɛnaka kɛnɛ kele nyɛtɛɛtɛ.
4 Ɔnkɔnɛ, dimi layɔsɔna toho ta mbasha dilanya,+
Ndo dimi layowaela paka akambo wokawɔ wɔma.
Nɛ dia lam’akamelɛ, ndooko onto laketawɔ;
Lam’akamatɛkɛta, ndooko onto lakahokamɛ.+
Vɔ wakatetemala nsala kɛnɛ kaki kɔlɔ lo washo ami,
Ndo vɔ wakasɔnɛ dia nsala kɛnɛ kahangɛnyangɛnya.”+
5 Nyohokame ɔtɛkɛta wa Jehowa, nyu wanɛ wasaka lokomba lam’okanyu* ɔtɛkɛta ande:
“Anangɛnyu wanyohetsha ndo wanyodiaka l’ɔtɛ wa lokombo lami wakate vate: ‘Jehowa atombɔme!’+
Koko nde ayɛnama ndo ayonyosha ɔngɛnɔngɛnɔ,
Vɔ mbayoshama nsɔnyi.”+
6 Londjo la lofunguso lekɔ lo ndja oma lo osomba, londjo l’oma lo tɛmpɛlɔ!
Ɔsɔ ekɔ londjo la woho wafuta Jehowa atunyi ande kɛnɛ kahombawɔ nongola.
7 La ntondo ka nde diɛnɛ, nde akote.+
La ntondo ka nde ntata lɔɔnɔ, nde akote ɔna pami.
8 Akɔna ambokaka dui dia ngasɔ?
Akɔna ambɛnaka akambo wa ngasɔ?
Onde wodja wayotɔ lushi ɔtɔi?
Kana onde wodja wayotɔ mbala kakɔ ɔtɔi?
Koko, kam’akatatɛ Siɔna ntata lɔɔnɔ, nde akote anande w’apami.
9 “Onde dimi layosala dia ɔna monga suke la mbotɔ ko oma laasɔ dimi ndjookaloya nto?” mbata Jehowa.
“Kana onde dimi layosala dia eotwelo monga ko oma laasɔ dimi ndjiha otema?” mbata Nzambi kayɛ.
10 Nyɔngɛnɛngɛnɛ kaamɛ la Jɛrusalɛma ndo nyonge l’ɔlɔ kaamɛ la yɔ,+ nyu wanɛ tshɛ wayioka ngandji.+
Nyonge la ɔlɔ w’efula kaamɛ la yɔ, nyu wanɛ tshɛ wayilela,
11 Nɛ dia nyu nyayɔlɔma ko nyayolota awɛlɛ ayɔ wa esambelo,
Ndo nyu nyayɔnɔ efula ndo nyayɔngɛnangɛna lo efula ka lotombo layɔ.
12 Nɛ dia Jehowa kata ate:
Nyu nyayɔlɔma ndo nyayɛmbama lo lokondo,
Nyu nyayetshetshama lo dihɛlɔ.
13 Oko watosambaka mama ɔnande,
Dimi layotetemala nyosamba;+
Ndo nyu nyayosambema+ l’ɔtɛ wa Jɛrusalɛma.
14 Nyu nyayɛna dui sɔ, ko etema anyu wayɔngɛnangɛna,
Weka anyu wayɔmɔnga oko adiyo w’eyoyo.
15 Nɛ dia Jehowa ayoya oko dja,+
Ndo pusupusu yande yekɔ oko lɔpɛpɛ la wolo,+
Dia nsɔmbɔya la odudu wa wolo,
Dia mpangwɛ la nyombe ya dja.+
16 Nɛ dia Jehowa ayela elanyelo la dja,
Ɛɛ, la lokuwa lande la ta dia ndanya anto* tshɛ;
Ndo wanɛ wayodiakema oma le Jehowa wayonga efula.
17 “Wanɛ wayakidia ndo wayaɛdia dia mbɔtɔ lo dikambɔ*+ watayele ɔnɛ lele l’atei atei, wanɛ walɛ emunyi wa nsombo+ ndo diangɔ dia wɔnɔnyi ndo dji,+ vɔ tshɛ wayokoma lo ekomelo kawɔ kaamɛ,” mbata Jehowa. 18 “Lam’ele dimi mbeyaka elimu awɔ ndo tokanyi tawɔ, dimi lekɔ lo ndjaye dia ndjotshumanya anto wa lo wedja tshɛ ndo ɛtɛkɛta tshɛ, ndo vɔ wayoya ko wayɛna lotombo lami.”
19 “Dimi layotoma djembetelo l’atei awɔ ndo layotoma amɔtshi l’atei wa wanɛ wakahandɔ otsha lo wedja, otsha la Tarashishi,+ Pulu ndo Luda,+ otsha le wanɛ woka ota, otsha la Tubala ndo Javana,+ ndo lo asɛnga w’etale. Dimi layowatoma le wanɛ waki komboka akambo wendana la mi ndo waki kɔmɛna lotombo lami; ko vɔ wayewoya lotombo lami l’atei wa wedja.+ 20 Vɔ wayɔtɔla ananyɔ tshɛ oma lo wedja tshɛ+ oko woshasha le Jehowa lo mfalasa, lo pusupusu, lo pusupusu yofame, lo mfalo ndo lo kamɛlɔ yalawɔ efula polo lo dikona diami di’ekila la Jɛrusalɛma,” mbata Jehowa, “oko etena kela ase Isariyɛlɛ woshasha awɔ lo ɛngɔ ka pudipudi oya lo luudu la Jehowa.”
21 “Ndo nto dimi layɔsa amɔtshi dikambo dia ɛlɔmbɛdi ndo dikambo dia ase Lɛwi,” mbata Jehowa.
22 “Nɛ dia oko wele olongo w’oyoyo ndo nkɛtɛ k’oyoyo+ kayangami nsala kayotshikala la ntondo kami,” mbata Jehowa, “ngasɔ mbayotshikala ananyu* ndo lokombo lanyu.”+
23 “Ndo lo valelo la valelo ya ngɔndɔ ndo lo sabato la sabato,
Anto* tshɛ wayoyaka dia ndjokusama la ntondo kami,”*+ mbata Jehowa.
24 “Vɔ wayotomba ndo wayenda edo w’anto wakantɔmbɔkwɛ;
Nɛ dia dikuso diele le wɔ hadiotovɔ,
Ndo dja yawɔ hayotodimala,+
Ndo vɔ wayonga ɛngɔ ka wɔnɔnyi le anto* tshɛ.”
Kitshimudi ate: “Panda ka Jehowa.”
Kana “heye nkumɛnde.”
Kana “hiombo.”
Kana “emboledi.”
Kana “wetshelo.”
Kana “Anima ami.”
Kana “ɔna laha la she.”
Kana “wanu w’eponga.”
Kana “ana waha la shɛwɔ.”
Ondo esongo la dikambɔ sɔ mendanaka la ɔtɛmwɛlɔ wa dikishi.
Kiɔdikɔdi yalongola esadi.
Kana “Lo nshi y’ekomelo.”
Kana “wetshelo.”
Kana “ayɔlɔngɔsɔla.”
Kana “wayokitshakitshama.”
Kana “kitshakitshama.”
Kana “Ɔnɛ lele loowe lande lekɔ lo wesho w’ɛhɛmbɛ ande.”
Kana “lahahɔ la akambo.”
Kana “ɔkɔnɔdi.”
Tshɛk., “lo washo wa lotombo lande.”
Kana “anima awɔ.”
Tshɛk., “wayɔlɛ elowa w’oma lo etsha awɔ.”
Tshɛk., “mvudu ya anima.”
Kana “ahɔndɔ wa l’ɛse.”
Mbuta ate nsɔnyi kamonga aha la omi ndo aha la ɔna.
Tshɛk., “ntumi.”
Kana “dieku.”
Kana “wonelo.”
Tshɛkɛta yokadimɔmi ɔnɛ akrɛ lanɛ mendanaka la ɛtshi ka nkɛtɛ kakoka ngɔmbɛ hiende bondola lo lushi.
Enda Ap. B14.
Enda Ap. B14.
Enda Ap. B14.
Kana “Sheɔlɛ,” mbuta ate odimu a pɛngando. Enda Elembetshielo.
Kana “anima adiɔ.”
Kana “ɛlɔhɛ ayɔ.”
Kana “losembwe.”
Kana “Yɛdikɔ; dako.”
Kana “wetshelo.”
Kana “ekundji ka djembetelo.”
Kana “suke dia mboka lohito.”
Kana “ɛsɔngɔ wa ntambwɛ wele l’alɛfulɛfu.”
Tshɛk., “Nde.”
Tshɛk., “dui dia ɔnɛ lakawelɛka.”
Tshɛk., “Dimi lambodihama onyɔ.”
Kana “ɔna.”
Kana ondo “vɔ.”
Kitshimudi ate: “Otshikadi oto kayokalola.”
Kana ondo “totoyiotsha wɔma.”
Kana “tondola wosho lo mpele diayɔ.” Tshɛk.,“mbata.”
Kana “Sheɔlɛ,” mbuta ate odimu a pɛngando. Enda Elembetshielo.
Kitshimudi ate: “Nzambi ekɔ la so.”
Mbuta ate Efaratɛ.
Tshɛk., “yoho y’ofundelo y’onto okovɔ.”
Ondo kitshimudi ate: “Diangɔ dia dimbo diasamanya, diaye esadi le onto lamba.”
Tshɛk., “lakatshu suke la.”
Shiloa aki ɔlɔnda w’ashi.
Mbuta ate Efaratɛ.
Enda Isa 7:14.
Kana “Nyɔlɔtɛ eya.”
Kana “wetshelo.”
Kana “layokongaka la asolo walomɔlomɔ.”
Tshɛk., “ehotwelo.”
Kana “ɛlɔmbwɛlɔ k’ɔna nkumekanga.”
Kana “ɛlɔmbwɛlɔ k’ɔna nkumekanga.”
Tshɛk., “oma l’ɔkɔngɔ.”
Kana ondo “waanga w’atoko la asɔpɔ.”
Kana “ana wele bu la washɛwɔ.”
Kana “ana wele bu la washɛwɔ.”
Kana “dilanya.”
Kana “lotombo.”
Tshɛk., “Dimi.”
Kana “oma lo anima polo l’emunyi.”
Kana “dilanya.”
Kana “shɔka.”
Kana “nyuma.”
Kana “ɔsɔngɔ wa ntambwɛ wele l’alɛfulɛfu.”
Kana ondo “ɔsɔngɔ wa ngɔmbɛ la ntambwɛ wayɔlɛ kaamɛ.”
Kana “ekundji ka djembetelo.”
Kana “Wedja wayowoyanga.”
Kana “Etiyɔpiya.”
Mbuta ate Babilɔna.
Kana “ekundji ka djembetelo.”
Tshɛk., “dihɛka.”
Kana “wayotaloya wolo awɔ le.”
Kana ondo “ayoonya.”
Tshɛk., “lolemi.”
Mbuta ate Efaratɛ.
Kana “nyuma.”
Kana ondo “ayokiatanya lo.”
“Jah” ekɔ lokombo Jehowa lo hiembola.
Kana “nyɔtɛndɛɛ.”
Kana “Nyohome mishiki.”
Tshɛk., “ose,” lo ntɛkɛta dikambo dia anto lo tshɛ kawɔ oko womoto ɔtɔi.
Kana “ekundji ka djembetelo.”
Tshɛk., “anto ami wakakidiama.”
Tshɛk., “ndo Kɛsilɛ yawɔ,” ondo lo ntɛkɛta dikambo dia Ɔriɔ la elui wa tɔɔtɔ wodingi.
Kana “ɔlɛngɛlɔ.”
Kana ondo “Ndo ɛdiɛngɛ wele oko mbudi.”
Kana “ayowasha diomuyelo.”
Kana “ewandji awɔ w’olimu.”
Kana “lɔtɛngɔ.”
Kana “owandji w’olimu.”
Kana “Sheɔlɛ,” mbuta ate odimu a pɛngando. Enda Elembetshielo.
Tshɛk., “weombe wa mbudi.”
Kana “Sheɔlɛ,” mbuta ate odimu a pɛngando. Enda Elembetshielo.
Kana “Sheɔlɛ,” mbuta ate odimu a pɛngando. Enda Elembetshielo.
Tshɛk., “luudu.”
Kana “lotahe.”
Tshɛk., “dako diambolakema.”
Kana “lele suke dia nkɔmɔla.”
Kana “oloyi wele la lɔlɛngɔ la wolo.”
Kana “Tɛmpɛlɔ.”
Kana “Anima ande.”
Kana ondo “Nɛ dia kioko ya ta yamboholɔ lo elowa ayɛ wa nshi y’ɔwɔ ndo dinela diayɛ.”
Kana “wayadiema dimɛna dimɛna oko watosalaka ose olimu,” mbuta ate lo ɛnɔnyi 3 kokele.
Tshɛk., “ana wa Isariyɛlɛ.”
Tshɛk., “wata w’emunyi ande.”
Kana “Okidi w’Ebamubamu.”
Enda Elembetshielo.
Kana “di’elangala.”
Kana “jambizambi y’ase wodja okina.”
Kana “Oko diyo diamboma dia shadisadi.”
Kana “ekundji ka djembetelo.”
Kana ondo “oma lo.”
Kana “la ɔkɛyi lo anima.”
Kana “Memifisi.”
Kana ondo “dianga dia toko kana sɔpɔ.”
Kana “kɔmanda.”
Kana “la ahɔndɔ wa la tshina ato.”
Kana “nsɔnyi.”
Kana “wakawakɔmiyaka dimɛna diawɔ.”
Ondo mendanaka la ɛtshi ka nkɛtɛ ka Babilɔna k’edjedja.
Tshɛk., “nkende yami ndola tɔɔ la kandji.”
Tshɛk., “ɔna pami.”
Kitshimudi ate: “Nɛmbɔhala.”
Kana “wayadiema dimɛna dimɛna oko watosalaka ose olimu,” mbuta ate lo ɔnɔnyi 1 kokele.
Ondo ɔsɔ Jɛrusalɛma.
Amboweta oko onto lo yoho ya lɔlɛnga ondo dia mɛnya kɛtshi ndo kandji.
Kana “ambahemi wa mfalasa.”
Kana “ambɔlɔngɔsɔla.”
Kana “Ekidi w’ebamubamu.”
Kana “ambahemi wa mfalasa.”
Kana “Ekokelo.”
Kana “luudu l’owandji.”
Tshɛk., “dia edjaselo.”
Kana “diolelo.”
Tshɛk., “wotsho.”
Tshɛk., “dimuma.”
Tshɛk., “nshi.”
Kana “nkɛtɛ.”
Kana “Nde ambosekesola elungi kawɔ.”
Kana ondo “wamboma.”
Kana “y’edjedja.”
Kana ondo “wamboma.”
Kana “owɛstɛ.”
Kana “lo ɛstɛ.”
Kana “Ɔlɛngɛlɔ.”
Tshɛk., “la ntondo ka dikumanyi diande.”
Kana “Alako.”
Kana “wanu wakawalame lo dikɔngɔ.”
Tshɛk., “ayɔmɛna.”
Tshɛk., “ayɔmɛna.”
Kana ondo “wanɛ wele tokanyi tawɔ hatosutshasutshama.”
“Jah” ekɔ lokombo Jehowa lo hiembola.
Kana “La anima aso sho.”
Mbuta ate dia Nzambi la lokombo lande mbohɔma, mbeyama.
Kana “la anima ami.”
Tshɛk., “Odo wakimi.”
Kana ondo “lɔpɔpɔ la adiyo.”
Kana “yayota wanɛ wele bu la wolo lo nyɔi.”
Kana “ɔsɔngɔdi.”
Enda Elembetshielo.
Ondo mendanaka la Isariyɛlɛ, lanɛ wambɔtɛkɛta diande oko womoto ndo wakawɛdiki la ekambɔ ka vinyɔ.
Enda Elembetshielo.
Mbuta ate Efaratɛ.
Enda Elembetshielo.
Kana ondo mendanaka la osomba wadjasɛ owandji, Samariya.
Kana “otako; lotamanya.”
Kana “otako; lotamanya.”
Kana “Ɔkɔdi wa yɛdikɔ laadiko dia ɔkɔdi wa yɛdikɔ, ɔkɔdi wa yɛdikɔ laadiko dia ɔkɔdi wa yɛdikɔ.”
Kana “Ɔkɔdi wa yɛdikɔ laadiko dia ɔkɔdi wa yɛdikɔ, ɔkɔdi wa yɛdikɔ laadiko dia ɔkɔdi wa yɛdikɔ.”
Kana ondo “takasanganya ɛnɛlɔ.”
Kana “Sheɔlɛ,” mbuta ate odimu a pɛngando. Enda Elembetshielo.
Kana “Sheɔlɛ,” mbuta ate odimu a pɛngando. Enda Elembetshielo.
Kana ondo “Lam’ayowoshihodia, vɔ wayondama la sase dia wɔma.”
Kana “okidi w’ebamubamu.”
Kana “nkɛtɛ k’otondo.”
Kana “mbohokolaka; mboshaka alanya.”
Kana “sangwelo.”
Kana “lele lomba lande l’oshika lekɔ woke.”
Ondo kitshimudi ate: “Elambwelo ka Nzambi,” ondo mendanaka la Jɛrusalɛma.
Tshɛk., “angɛndangɛnda.”
Kana “ko anima ande wekɔ hwe.”
Kana “ndo anima ande wamboma.”
Kana “dako.”
Mbuta ate la nsɔnyi ndo la ɔkɔmwɛlɔ.
Tshɛk., “mbitshola ɛngɔ k’ɔkɛlɛngɔ,” ondo lo ntɛkɛta dikambo dia diokanelo.
Kana “aha la mimbola onyɔ ami.”
Tshɛk., “lo longele la Farawɔ.”
Kana “oloyi wa lɔlɛngɔ la wolo.”
Kana “wetshelo.”
Tshɛk., “w’ɔsɛlɔ.”
Kana ondo “ɛtɛkɔ.”
Kana “ekɔ lo nongamɛ.”
Kana “wakongɛ la asolo walomɔlomɔ.”
Kana ondo “ndo nyayodielɛ ɔnɛ mindo.”
Tshɛk., “wata ndo la esɔ.”
Kana “ahole wakɔkɔ.”
Kana “loowe.”
Tshɛk., “lɛɛdi l’anyanya.”
Kana “kayakidiayɛ.”
Kana “la wondjo wa.”
Kana “le ambahemi wa mfalasa.”
Kana “ɔsɔngɔ wa ntambwɛ wele l’alɛfulɛfu.”
Kana “dja.”
Kana “hiombo.”
Kana “eshamelo.”
Kana “sala akambo lo yoho ya bu la dilɛmiyɛlɔ.”
Kana “anima wele la ndjala.”
Kana “ɔlɔlɔ.”
Kana “wakimɔ.”
Kana “wolo.”
Mendanaka la otunyi.
Kana ondo “wamboma.”
Kana “ayokana yimba lo.”
Tshɛk., “ɔhɔngɔ.”
Kana “wayofukɔfukɔ la.”
Ondo mendanaka la Bozɛra kapitalɛ ka Ɛdɔmɛ.
Tshɛk., “mbɔkɔ.” Ɔsɔ ekɔ ɔkɔdi wele la dive kana lowolo kana diwomba dialɛndalɛnda.
Kana ondo “ɔdiɛngɛ wele oko mbudi.”
Tshɛk., “diakawaakahanya la ɔkɔdi wa yɛdikɔ.”
Kana “kapita k’amangudi wa wanu.”
Kana “luudu l’owandji.”
Kana “Suriya.”
Tshɛk., “Nyosale ɔtshɔkɔ kaamɛ la mi ndo nyoye le mi.”
Kana “luudu l’owandji.”
Kana “luudu l’owandji.”
Kana “lɔtɛngɔ.”
Tshɛk., “waya ka soko dia dikundju.”
Tshɛk., “nyuma kɛmɔtshi le nde.”
Tshɛk., “akoohandjola.”
Kana ondo “l’atei.”
Kana “ɛkɛdi wa Nilɛ.”
Tshɛk., “diakasalema.”
Kana “lakadikongɛ.”
Mbuta ate Hɛzɛkiya.
Kana “tɛmpɛlɔ.”
Tshɛk., “nshi.”
Ondo wakakambaka la dibandola sɔ dia mbadia wenya lo nkamba la dɛdi.
Kana “Sheɔlɛ,” mbuta ate odimu a pɛngando. Enda Elembetshielo.
“Jah” ekɔ lokombo Jehowa lo hiembola.
Kana “lo yoho ya lo sɛkɛ.”
Kana “ololo w’anima ami.”
Mbuta ate ɛtɛkɛta ndo etsha wa Nzambi.
Kana “kokayɛ anima ami.”
Kana “akanya pɛkato yami tshɛ oma la ntondo kayɛ.”
Kana “Sheɔlɛ,” mbuta ate odimu a pɛngando. Enda Elembetshielo.
Tshɛk., “akangɛnangɛna lo dikambo diawɔ.”
Kana “luudu l’owandji.”
Kana “luudu l’owandji.”
Kana “luudu l’owandji.”
Kana “luudu l’owandji.”
Kana “mɛtɛ.”
Tshɛk., “lo nshi yami.”
Kana “Nyɔtɛkɛtɛ lo yoho yasamba.”
Kana “mbakayalongola ndodia lo ahende.”
Kana “Nyɔlɔngɔsɔlɛ.”
Tshɛk., “emunyi.”
Tshɛk., “Emunyi.”
Kana “nyuma.”
Otale wa lam’asa shɔdi ya lohita la woke la lohita la tshungungu etena kasandjola onto lonya. Enda Ap. B14.
Kana ondo “akashihodia.”
Kana “hawokoke ntondja nkunyi efula.”
Kana “obolonga.”
Kana “emboledi.”
Kana “hayokoke shihodiama.”
Kana “Nyɔlɛmbɔhale la ntondo kami.”
Kana “oma lo ɛstɛ.”
Mbuta ate dia mbokambɛ.
Tshɛk., “lɔtɔngɔ.”
Mbuta ate lele bu la ekokelo ndo lele l’ɛse.
Osongo wa woke wola polo mɛtrɛ 15. Vɔ wekɔ la akatshi w’ɛlɛsɛlɛsɛ ndo la ntahe y’ɛkɛsɛkɛsɛ oko otoko.
Tshɛk., “wa ntondo.”
Kana “mbidja etema aso.”
Kana “oma lo ɛstɛ.”
Kana “layɔtɛndɛ.”
Kana “ɛngɔ kahatongaka.”
Kana “wambetawɔ anima ami.”
Kana “wetshelo.”
Kana “Dimi handokahana lotombo lami la onto okina.”
Kana “wetshelo.”
Kana “wetshelo.”
Kana “anima.”
Tshɛk., “lɔtɔngɔ.”
Ondo mendanaka la akambo wa ntondo wahomba ndja lo nshi yayaye.
Kana “ndo ndjaɛkɛ le mi.”
Woho ɔmɔtshi wa sɔpɔ dia enyi.
Kana “etsha w’ɔtɔmbɔkwɛlɔ.”
Ondo mendanaka la embetsha w’Ɛlɛmbɛ.
Kana “oma ko eotwelo.”
Kitshimudi ate: “Onto losembwe,” titrɛ ka nɛmɔ kaki Isariyɛlɛ.
Kana “wodja wele.”
Mbuta ate dikishi.
Kana “shimbɛ anima ande.”
Kana “amvutshi wa kashi.”
Tshɛk., “nkolola eya lo nkende ya.”
Tshɛk., “layokɔlɔtsha wolo.”
Kana “Oma lo ɛstɛ polo lo owɛstɛ.”
Kana “lawana.”
Kana “la Ɔnɛ lakokenge.”
Kana “Ɔnɛ lakadikenge.”
Kana ondo “Kana onde diwomba diayota ɔnɛ: ‘Olimu ayɛ bu la eseka’?”
Kana “Akɔna atatayɛ lɔɔnɔ?”
Kana ondo “akambi w’olimu.”
Kana ondo “amundji w’okanda.”
Kana “dia yɔ tshikalaka hwe.”
Tshɛk., “lɔtɔngɔ.”
Kana “anyanya.”
Tshɛk., “lɔtɔngɔ.”
Mbuta ate dikishi diambowahɛ oko eshikɔ laadiko dia nyama.
Kana “anima awɔ.”
Tshɛk., “ndjikɔlamɛ.”
Kana “Kanga Lozambi.”
Kana “sangwelo; dako.”
Kana “ɛstɛ.”
Kana “sangwelo; dako.”
Kana ondo “ndo dimi hatohomana la onto lo yoho ya dimɛna.”
Kana “Wadi a nkumekanga.”
Kana “Wadi a nkumekanga.”
Kana ondo “Kaanga mbele.”
Kana “Ndo wɛ hateya woho wa kitshanya la ekanga ayɛ.”
Kana ondo “Wanɛ wakahanya olongo; Ambeyi w’akambo wa tɔɔtɔ.”
Kana “shimbɛ anima awɔ.”
Tshɛk., “otsha lo ɛtshi kande ka nkɛtɛ hita.”
Kana ondo “wanɛ waholɔ oma lo.”
Kana “watɛndɛ.”
Kana “w’edjedja.”
Kana “lakakɔsɛdingola.” Kana ondo “lakakɔsɔnɛ.”
Kana “Dimi halokahana lotombo lami la onto okina.”
Kana “kaamɛ la.”
Kana “dikambo dia ɔlɔlɔ ayɛ.”
Tshɛk., “lɔtɔngɔ.”
Tshɛk., “oma lo dikundju.”
Kana “Jehowa ayombisha losembwe.”
Kana “lɔnyɔma lo anima.”
Kana “ekundji ka djembetelo.”
Tshɛk., “ntolo.”
Tshɛk., “emunyi.”
Kana “lolemi lambekiyama dimɛna.”
Kana ondo “nkeketsha.”
Tshɛk., “dui.”
Kana “ndɔshana la mi.”
Kana “tɛlɛngane.”
Kana “ɛkame.”
Kana “lakanyote la kandji ka lɔɔnɔ.”
Kana “wolo.”
Kana “halɛngɛngaki.”
Kana “wetshelo.”
Kana ondo “Ɔsɔhɔ.”
Enda Elembetshielo.
Tshɛk., “ɔlɔ w’efula wayonga lo ɛtɛ awɔ.”
Kana “ɔnɛ lakakodjaka lo shasa.”
Tshɛk., “lo ɛtɛ wa ɛsɛsɛ tshɛ.”
Kana “wakatɛka anima ayɛ.”
Kana “sso lo sso.”
Kana “otshumba.”
Kana “wayonga lomi.”
Kana ondo “lo kɛnɛ kakatoke?”
“Kande” koka mendana la ɔsɛdingodi ɔmɔtshi kana la Nzambi.
Kana “bu la ɛnamelo ka laande kahombaso mbokombola.”
Kana “lakashihodia.”
Kana ondo “Nde aki oko onto lele anto wakanya dungi diawɔ oma le nde.”
Kana “yoho yande ya lɔsɛnɔ?”
Kana “akakɔmama polo lo nyɔi.”
Kana “Ndo onto ɔmɔtshi ayokimɔ diombo diande.”
Kana “awui wa ngala.”
Kana “Koko Jehowa akangɛnangɛna.”
Kana “anima.”
Tshɛk., “lɔtɔngɔ lande.”
Kana “lolango; kɛnɛ kangɛnangɛna.”
Kana “okiyanu wa anima ande.”
Kana “anima.”
Kana “nkumi.”
Kana “nkumɛyɛ.”
Tshɛk., “lambohomɔ lo yimba.”
Kana “ave wa dja.”
Kana “falanga yakanyakondja oma l’olimu wa wolo.”
Kana “anima anyu.”
Tshɛk., “lo wata.”
Kana “anima anyu.”
Kana “wasungana mbɛkɛ otema; wa mɛtɛ.”
Kana “ayowodimanyiya l’otema ɔtɔi.”
Kana “lolango lami.”
Kana “diayosala lokombo dikambo dia.”
Kana “la anima wa wolo.”
Mbuta ate lo nyɔi.
Kana ondo “Oma lo.”
Mbuta ate lo diombo.
Kana “Onde dimi layoyasamba.”
Ondo lo ntɛkɛta dikambo dia ɔtɛmwɛlɔ wa dikishi.
Kana ondo “nkumekanga.”
Kana “Sheɔlɛ,” mbuta ate odimu a pɛngando. Enda Elembetshielo.
Tshɛk., “diahayalɛmbɛ.”
Kana “kombishɛ akambo?”
Kana “Ladjasɛ.”
Kana “kasoyaso anima aso?”
Kana “ɔngɛnɔngɛnɔ.”
Kana “soya anima ande.”
Kana “kakombola anima ayɛ hita.”
Kana “anima wasowa.”
Kana “ayolotsha anima ayɛ.”
Tshɛk., “wesho.”
Tshɛk., “nkadimola lokolo layɛ oma lo.”
Kana “ɛngɛnɔngɛnɔ.”
Kana “ngɛnangɛna.”
Tshɛk., “bu wolo.”
Kana “kele anyanya.”
Kana “losembwe.”
Kana “losembwe.”
Tshɛk., “ndo diaki kɔlɔ lo washo ande.”
Kana “otshumba le nde.”
Kana “otshumba.”
Kana “okutu wele bu la anya.”
Tshɛk., “lɔtɔngɔ layɛ.”
Tshɛk., “lɔtɔngɔ la lɔtɔngɔ layɛ.”
Kana “otsha lo osase wa ehotwelo kayɛ.”
Tshɛk., “le yɛ.”
Kana “luudu la olangala.”
Kana “oya lo asoko wa luudu la tofudu?”
Kana “oko lo etatelo.”
Kana “ayoketɛ olangala.”
Kana “lolango.”
Osongo wa woke wola polo mɛtrɛ 15. Vɔ wekɔ la akatshi w’ɛlɛsɛlɛsɛ ndo la ntahe y’ɛkɛsɛkɛsɛ oko otoko.
Kana “kɛtshi.”
Kana “mbetɛ olangala.”
Kana “ɛngɔnyi.”
Tshɛk., “lɔtɔngɔ.”
Tshɛk., “lɔtɔngɔ.”
Kana “Anima ami.”
Kana “okutu wele bu la anya.”
Kana “ekundji ka djembetelo.”
Kana ondo “beela ka ngaingai.”
Kana “otshumba.”
Kana “wahatonga kashi.”
Kana “ondjelo wa lalende.”
Kana “ashi wa dingunda.”
Kana “oswe wa shɛnga?”
Kana “l’olangala.”
Kana “olangala.”
Tshɛk., “Osukusuku wa tenyi diayɛ dia l’etei.”
Kana “katonganyiyayɛ.”
Tshɛk., “kasalayɛ.”
Kana “wakongɛ la asolo walomɔlomɔ.”
Kana “latɛndɛ.”
Tshɛk., “ndɛlɔ.”
Tshɛk., “lo lonya la.”
Kana “Ɔnɛ latokenga.”
Kana “Tɛmpɛlɔ.”
Kana “olangala.”
Kana “kɔɔtɛndɛ.”
Kana ondo “tohombo ta alami.”
Kana “mindo.”
Kana ondo “Nɛ dia dimi layokosha ekila kami.”
Tshɛk., “lo ntolo yawɔ.”
Tshɛk., “lo ntolo yawɔ.”
Tshɛk., “ɔtshɔkɔ.”
Tshɛk., “lɔtɔngɔ.”
Kana “Okidi w’Ebamubamu.”
Kana “ka kɔlamelo.” Tshɛk., “Aamɛɛ.”
Kana “ka kɔlamelo.” Tshɛk., “Aamɛɛ.”
Kana “ekakatanu.”
Kana “hawotoya lo yimba.”
Kana ondo “Ndo ɔnɛ lahakotshisha ɛnɔnyi 100 ayɔsama oko ɔnɛ lakadjama mananu.”
Kana “hawotokamba olimu wa wolo.”
Kana “okambakamba.”
Tshɛk., “lɔtɔngɔ.”
Kana “layakiyanya dikambo dia.”
Kana ondo “ɔnɛ latombola ekishi.”
Kana “anima awɔ.”
Kana “wayakiyanya dikambo dia.”
Kana “wolo.”
Tshɛk., “emunyi.”
Mbuta ate dikambɔ dia laande diakawakambaka la diɔ lo ɔtɛmwɛlɔ wa dikishi.
Tshɛk., “lɔtɔngɔ lanyu.”
Tshɛk., “Emunyi.”
Kana “dia ndjɔntɛmɔla.”
Tshɛk., “emunyi.”