Sanganya Y’olimu Ya Lotena Eduwa
DIEWOYELO: Olimu Aso wa Diolelo ayongaka l’ekongelo ka losanganya l’olimu lo lomingu tshɛ la ngɔndɔ yasalema losanganya la distrikɛ. Tshumanelo kawotshikitanya ekongelo kakɔ lo woho wahombama lam’eyawɔ ɔnɛ wayɔtɔ lo losanganya la distrikɛ “Akɛndji wa Wɔladi a Nzambi” ndo wayosala ovuswelo w’atshina w’akambo wakatama lɔkɔ l’edja ka taahe 30, lo losanganya l’olimu layosalema lomingu layela. Ovuswelo ɔsɔ wa lushi la lushi ayoshama k’ɔmɔ le anangɛso ahende kana asato wahokɔ akambo efula ko vɔ sɔtɔla tokanyi toleki ohomba. Ovuswelo akɔ wakalɔngɔswama dimɛna, ayokimanyiya ase etshumanelo dia vɔ mbohɔ tokanyi t’ohomba, woho wa vɔ ndjaɔtɔnganyiya latɔ ndo kamba latɔ l’esambishelo. Kɔmatɛrɛ y’ampokami ndo akambo wakasalema kawotami lo hiembola ndo eshika.
Lomingu la Lotena Eduwa 1
Osambu 181
Taahe 10: Waewoyelo ndo Waewoyelo w’endana l’Olimu Aso wa Diolelo. Sha kɔmatɛrɛ lo alapɔlɔ w’olimu wakakambe etshumanelo.
Taahe 15: “Tôkoya Mbetawɔ Kawɔ.” La wembola ndo ekadimwelo. Sɛdingola weoho wakoka onto mɛnya mbetawɔ kande wofundami lo kiombo ya lo lɛkɛ 13 la Tshoto y’Etangelo ya Lovula 15, 1991 (lo Falase). Kɔnya opandjudi ɔtɔi kana ahende ndo mbolawɔ kɛnɛ kâkimanyiya dia tetemalaka l’olimu wa Teokrasi ngɔndɔ tshɛ ɛnɔnyi k’ɛnɔnyi.
Taahe 20: “Tobukubuku: Dihomɔ di’Amɛna Efula l’Olimu.” Ɔkɛtshanyelo lo wɛnyanyelo wolakanyemi. Sha tokanyi lo awui amɔtshi wa lânde wele lo tobukubuku. Diɛnyɛlɔ dihende kana sato dia tomondo diɛnya woho wa tilɛkɛ anto.
Osambu 143 ndo dɔmbɛlɔ dia ndjihelo.
Lomingu la Lotena Eduwa 8
Taahe 10: Waewoyelo. Alapɔlɔ wa wɛdikelo a falanga.
Taahe 15: Tolakanya ana lam’eso la wɔ l’esambishelo. Dako oma le ekumanyi. Oma ko tɔkɛndakɛnda tawɔ, anaso pombaka salangana l’ɔnɔngɔ aso l’olimu. Vɔ wayolowanyema ndo wayeya akambo efula dia vɔ monga l’etshina ka wolo lo mbetawɔ kawɔ ndo l’ohetoheto l’ɛnɔnyi wayaye. Ekɔ ɔlɔlɔ vɔ mbeya ohomba wa mbɔsa olimu oko ɛngɔ kɛmɔtshi ka nɛmɔ ndo monga la lɔkɛwɔ lasungana. Ana hawokoke nembɔlembɔ kana mbuda ekoko; l’esambishelo kema etena ka kɛnya. Ndeka dimɛna epalanga monga l’ɔnɔngɔ awɔ. Vɔ wayokoka mbâkimanyiya dia vɔ sambisha lo ndjela akoka awɔ. (Enda Tshoto y’Etangelo ya Loseketanya 1, 1988 (lo Falase), lɛkɛ 15, od. 20.) Ambutshi wekɔ l’ɔkɛndɛ wa nama anawɔ; vɔ hawohombe mbâtoma lo nsanganya ya ntshɔ l’esambishelo aha l’opalanga wokoki mbâkokɛ. Nyandolake ana etena kasalawɔ dikambo dimɔtshi di’ɔlɔlɔ.
Taahe 20: “Woho wa Mbetɛ Anto Ambeki l’Ekimanyielo ka Dibuku Ewo.” Ɛtɛkɛta wa mbɔtwɛlɔ lo tshena pe wɔsami l’odingɔ 1-2. Nyɔsɛdingole odingɔ 3-11 la wembola ndo ekadimwelo. Ta ɔnɛ edingɔ ekina wa dikatshi di’okotsha wayɔsɛdingolama lo nsanganya y’olimu ya ngɔndɔ yayaye. Keketsha onto tshɛ dia diômba.
Osambu 92 ndo dɔmbɛlɔ dia ndjihelo.
Lomingu la Lotena Eduwa 15
Osambu 157
Taahe 10: Waewoyelo. Ohola tɛdikɔ takɔsama lo dikambo di’esambishelo lo wikɛndɛ ndo keketsha etshumanelo dia vɔ tisukɛ. Nyosale ɛnyɛlɔ kɛmɔtshi ka mondo lo wɛnyanyelo wa periodikɛ yeke ka tomba.
Taahe 15: “Asawo wa lo Lɔngɛnyi Wakoka Munanda Otema.” La wembola ndo ekadimwelo. Tɛ opandjudi ɔtɔi kana ahende dia vɔ kɔndɔla awui washa ekeketshelo wɛnya ɔnɛ vɔ wakakondja etombelo w’ɔlɔlɔ lam’akawasambisha lo lɔngɛnyi.
Taahe 20: “Tolomialomia Saki lam’Asalaso Waendelo w’Eyoyo.” Ɔnangɛso loshawɔ etenyi ka losanganya kɛnɛ ayɔkɛtshanya l’apandjudi asato l’ohomba wa nyomenda wanɛ tshɛ wakɛnya saki kana nongola ekanda. Vɔ wayɔsɛdingola wɛnyanyelo wolakanyemi ndo mbeka woho wa kamba la wɔ.
Osambu 211 ndo dɔmbɛlɔ dia ndjihelo.
Lomingu la Lotena Eduwa 22
Taahe 10: Waewoyelo. Ohola tɛdikɔ takɔsama lo dikambo di’esambishelo lo wikɛndɛ ndo keketsha etshumanelo dia vɔ tisukɛ.
Taahe 15: “Ambutshi Wangɛnangɛna!” Ɔkɛtshanyelo oma le ekumanyi. Lembetshiya awui amɔtshi l’ekimanyielo ka Tshoto y’Etangelo ya Loseketanya 15, 1987 (lo Falase), lɛkɛ 13 polo 15, odingɔ 14 polo 23.
Taahe 20: “Tâkimanyiya dia Vɔ Kamba Nto.” Dako ndo ɔkɛtshanyelo oma le ekumanyi. Lɔmbawɔ dia vɔ kamba la sawo diata ɔnɛ “Nyokalole oya le mi, ko dimi layokalola oya le nyu” diakatombe lo Tshoto y’Etangelo ya Loseketanya 1, 1992 (lo Falase), l’oweso wa keketsha Akristo wahasalangana. Ta awui amɔtshi woleki ohomba.
Osambu 71 ndo dɔmbɛlɔ dia ndjihelo.
Lomingu la Lotena Eduwa 29
Taahe 15: Waewoyelo. Ohola tɛdikɔ takɔsama lo dikambo di’esambishelo lo wikɛndɛ. Nyosale diɛnyɛlɔ dihende dia tomondo lo wɛnyanyelo wa periodikɛ lo luudu la luudu. Keketsha etshumanelo k’otondo dia vɔ sukɛ esambishelo ka lo luudu la luudu.
Taahe 15: Ehomba wa l’etshumanelo. (Kana dako oma lo sawo diata ɔnɛ “Tolembetshiya Dui dia Mɛtɛ l’Ɔlɔlɔ Tshɛ,” diakatombe lo Tshoto y’Etangelo ya Tshango 1, 1996 (lo Falase), lɛkɛ 29-31).
Taahe 15: Ekumanyi l’okambi w’olimu wakɛtshanya lo sawo diata ɔnɛ “Nkumbo Yamamema Nzambi Yaki lo Nshi ya Ntondo: Ɛnyɛlɔ lo Nshi Nyɛ” diatanema lo lɛkɛ 20-23 la Tshoto y’Etangelo ya Lovula 15, 1995 (lo Falase). Wekɔ lo mbɔtɔnganyiya tokanyi ta dako diakɔ l’ehomba wa lo nkumbo ya l’etshumanelo.
Osambu 179 ndo dɔmbɛlɔ dia ndjihelo.