Kayomota Na?

Lam’ahomanaso l’anto wɛnya nsaki lam’atatasambisha, sho kombolaka ndja ndjowaenda nto dia ndjasambisha efula. Koko, mbeyaka monga tena dimɔtshi ko hatoleke mbeya kɛnɛ kayotota dia tatɛ sawo. Ondo wɛ mbeyaka pemba yoho nyɛ: oka dimbola dimɔtshi diakotola yambalo, ko wɛ mbɛ̂nya okadimwelo w’oma l’Afundelo lo dibuku Comment raisonner. Tayɛna mɛtɛ dia ekɔ ohomba monga l’ɔnɔngɔ a wembola lo dikatshi, lɛnɛ okokiso sɔna nɛ diɛnaso ɔnɛ kokaka kotola yambalo y’onto lam’ayototowenda nto. Ɔnɔngɔ wa wembola wayela ɔnɛ wakɔsama oma lo dibuku Comment raisonner, tɛnyaka lɛkɛ la dikatshi lokokiso tana okadimwelo:

◼ Onde paka onto ntshɔ l’olongo ko nde monga l’ɔngɛnɔngɛnɔ wa mɛtɛ? (62)

◼ Onde ɛkɔkɔ ɛmɔtshi w’eshika wekɔ wahombaso mbetawɔ Nzambi? (106)

◼ Onde Nzambi ndjakiyanyaka mɛtɛ dia kɛnɛ kakatokomɛ? (107)

◼ Lande na ekɔ ohomba mbeya lokombo la Nzambi ndo kamba lalɔ? (200)

◼ Bonde kambolola akambo wa kɔlɔ nganɛ la nkɛtɛ? (237)

◼ Bonde katshundaso osombe ndo kavɔso? (253)

◼ Bonde kele ɛtɛmwɛlɔ efula nganɛ? (310)

◼ Ngande wokokiso mbeya ɔtɛmwɛlɔ wa mɛtɛ? (316)

◼ Diolelo dia Nzambi ayodiosala? (336)

◼ Onde Satana ekɔ la lowandji l’efula l’andja wa nshi nyɛ? (368)

◼ Lande na katshika Nzambi asui? (375)

◼ Naa oyango wa lɔsɛnɔ l’onto? (434)

Wɛ kokaka mbidja kiatshi ya wembola ɛsɔ lo Bible kayɛ kana lo dibuku diayɛ dia Comment raisonner dia wɛ dienda esadi esadi. Naka wɛ ayongaka la dikambo dimɔtshi dia shikaa lo yimba dia tota lam’akalolayɛ dia tenda anto, kete wɛ ayongaka la kɔlamelo lo mbesaka saki tshɛ kɛnya onto.