Ekongelo Ka Losanganya L’olimu

Lomingu la Ngɔndɔ ka Nɛi 8

Osambu 39

Min. 13: Waewoyelo. Waewoyelo w’oma l’Olimu Aso wa Diolelo. Kamba l’alako wa lo lɛkɛ 8, ndo lɔngɔsɔla bɛnyɛlɔ dihende. Kɛmɔtshi dia mɛnya woho wa mbisha onto Tshoto y’Etangelo ya Ngɔndɔ ka Nɛi 15 ndo kekina dia mɛnya woho wa mbisha onto Réveillez-vous ! wa Ngɔndɔ ka Nɛi 22. Lo ɛnyɛlɔ tshɛ, ɛnya yoho yotshikitanyi ya mbekola wekamu naka onto ambota ate: “Dimi lekɔ l’ɔtɛmwɛlɔ ami hita.”​—⁠Enda lo biukubuku Woho wa Tatɛ ndo Tetemala la Sawola l’Anto lo Bible, lɛkɛ 10-11.

Min. 12: Ehomba wa l’Etshumanelo.

Min. 20: “Tutshelaki Antu Tshe Ololo.”a L’ɔkɔngɔ wa wembola l’ekadimwelo, kɔnya opandjudi ɔtɔi kana ahende dia vɔ mbuta woho wakawafudja olimu awɔ.

Osambo 157 ndo dɔmbɛlɔ dia ndjihelo.

Lomingu la Ngɔndɔ ka Nɛi 15

Osambo 101

Min. 10: Waewoyelo. Alapɔlɔ wa falanga.

Min. 15: Ambatshi Mboka Tetemalaka la Kimanyiya Anto Akina. Omendji w’olimu ayɔkɛtshanya nde l’omendji wa Wekelo wa Dibuku wa l’Etshumanelo, l’ombatshi mboka ɔmɔtshi, ndo l’opandjudi ɔmɔtshi. Omendji w’olimu ayovusola awui wa l’ekongelo kata ɔnɛ Ambatshi Mboka Kimanyiyaka Anto Akina kele l’Olimu Aso wa Diolelo wa Ngɔndɔ ka Dikumi 1998, lɛkɛ 4. Oma lâsɔ ko nde kɛtshanya l’ɔmɔmɔ la l’olui ɔsɔ lo kɛnɛ kendana l’ɔkɛndɛ ande l’ekongelo kɛsɔ ndo woho wakotsha ekongelo kakɔ oyango atɔ. Kakɔna kakasalema dia tondoya dikambo sɔ? Omendji w’olimu alɔmbɛ apandjudi tshɛ dia vɔ mbêwoya dia kana vɔ wekɔ l’ohomba wa kondja ekimanyielo l’olimu w’esambishelo. Wanɛ wakakimanyiyama lo nshi yakete koka mbidjama nto l’ɔnɔngɔ woho wa vɔ nongola ekimanyielo kekina nto lo toho t’esambishelo tokina.

Min. 20: “Ɛngɛnɔngɛnɔ w’Olimu wa lo Tena Tshɛ.”b Keketsha ɛlɔngɔlɔngɔ l’esekaseka dia vɔ ndodja adɛmandɛ w’olimu w’ombatshi mboka wa tshanda lo nshi ya vakashi.

Osambo 199 ndo dɔmbɛlɔ dia ndjihelo.

Lomingu la Ngɔndɔ ka Nɛi 22

Osambo 90

Min. 10: Waewoyelo. Kamba l’alako wa lo lɛkɛ 8 ndo lɔmba okambi ɔmɔtshi w’olimu dia nde mɛnya woho wa mbisha anto Tshoto y’Etangelo ya Ngɔndɔ ka Tanu 1 ndo kadiyɛso kɛmɔtshi dia nde mɛnya woho wa mbisha anto Réveillez-vous ! wa Ngɔndɔ ka Tanu 8. L’ɔkɔngɔ w’ɛnyɛlɔ tshɛ, nyomota nto ɔnɔngɔ ɔtɔi kana ehende wa mbɔtwɛlɔ wakakambi la wɔ dia memula nsaki k’onto latɛkɛta la wɔ.

Min. 15: Tokomake la Wonya! Dako. Elimu wendana l’ɔtɛmwɛlɔ ndo l’olimu aso wekɔ ohomba efula, ndo nɔmbamaka dia salema lo “etena kato.” (Und. 3:⁠1) Sho nangaka kondja wahɔ tshɛ waya oma lo tɛdikɔ tendana l’olimu wakambɛso Nzambi. Nsanganya ya l’etshumanelo ndo y’otsha l’olimu w’esambishelo pombaka tatɛ l’etena kakashikikɛma. Jehowa hongaka pondjo l’ɔkɔngɔ lo kɛnɛ kendana la woho wakotshande elimu ande. (Hab. 2:⁠3) Onde ekɔ ohomba sho ndjalowanya lo dikambo sɔ? Mbala efula, anto komaka l’ɔkɔngɔ aha la lolango lawɔ. Koko, naka sho monga l’ekongelo k’ɔlɔlɔ, kete hatotonga la mbekelo ka komaka l’ɔkɔngɔ, mbut’ate ndjokomaka l’ɔkɔngɔ w’osambo ndo wa dɔmbɛlɔ dia mbɔtwɛlɔ dia losanganya lɔmɔtshi kana l’ɔkɔngɔ wa vɔ shila la kahanya anto otsha l’esambishelo. Ɛnya toho t’eshika ta monga la mbekelo y’ɔlɔlɔ yayotokimanyiya dia mongaka wonya tshɛ suke dikambo di’elimu tshɛ wa lo nyuma.​—⁠Enda lo Tshoto y’Etangelo ya Ngɔndɔ ka Samalo 15, 1990, lɛkɛ 29.

Min. 20: “Onde Wɛ Ekɔ lo Mbeka Woho wa Mbadia la Funda?”c Ayoshama oma l’ekumanyi kɛmɔtshi. L’ɔkɔngɔ wa wembola l’ekadimwelo, kɔnya opandjudi ɔtɔi kana ahende wakakimanyiyama dia mbeya mbadia la funda oma lo kalasa ka wanɛ waheye mbadia la funda dia vɔ mbuta ɔngɛnɔngɛnɔ ndo lowando lele lawɔ l’ɔlɔngɔswɛlɔ ɔsɔ. Ɔnangɛso lalɔmbɔla etenyi kɛnɛ ayokamba l’awui amɔtshi w’oma lo mukanda wa Ngɔndɔ ka Hende 1, 2002 wakawatomɛ elui wa dikumanyi. Ewoya tɛdikɔ takɔsama l’etshumanelo lo dikambo dia kalasa ka wanɛ waheye mbadia la funda. Naka ohomba wa kalasa kɛsɔ bu l’etshumanelo kanyu, kete ɛnya ohomba wa mbeya ɔtɛkɛta wakamba lanyu lo nsanganya dimɛna woho wa kondja wahɔ oma lo wetshelo lo mbadia ekanda watanema.​—⁠1Tim.4:13. Enda lo sg lɛkɛ 29.

Osambo 191 ndo dɔmbɛlɔ dia ndjihelo.

Lomingu la Ngɔndɔ ka Nɛi 29

Osambo 162

Min. 10: Waewoyelo. Ohola apandjudi dia kimɔ alapɔlɔ w’olimu wa Ngɔndɔ ka Nɛi.

Min. 15: “Esambishelo ka Diolelo Kimanyiyaka dia Shimbɛ Nsɛnɔ!”d Lɔmba ampokami dia nembetshiya woho wɔtɔnɛ avɛsa woshilami lo sawo nɛ.

Min. 20: Woho wa Sala Eyangelo l’Ekimanyielo ka Dibuku Comment raisonner. Ɔkɛtshanyelo l’ampokami. Mbala efula vɔ tokaka wembola wendana l’akambo wele bu lo “Table des matières” (lo lɛkɛ 5) la dibuku Comment raisonner. “Ɛndɛksɛ” (lɛkɛ 439-345) kimanyiyaka efula dia tana tokanyi t’oma lo Bible tasukɛ dietawɔ diaso. Lɔmba ampokami dia nyanga ekadimwelo lo wembola wayela ɛnɛ, lo mboka sso l’ɛndɛksɛ wendana l’awui wofundami l’alɛta wa lolasha anɛ: Kanyi yakɔna yele l’Akristo lo dikambo dia drapo ndo nkembo ya wedja? Lande na ketawɔ Nzambi dia mpokoso komɛ anto? Ngande wakokayɛ nembetshiya kanyi ya Bible lo kɛnɛ kendana l’odiakelo wa diwala? Lande na ndo etena kakɔna kele mbala mɔtshi akadiyɛso wekɔ l’ohomba wa komba ɛtɛ? Oma lende akatɔngɔ fɛtɛ k’ambutshi? Ngande weyaso ɔnɛ anto 144000 wekɔ lofulo la mɛtɛ mɛtɛ lo Bible? Kakɔna kalembetshiya wɛla wa kanga ɔngɔnyi la Lazaro? Keketsha onto tshɛ dia kamba la dibuku Comment raisonner, l’esambishelo.

Osambo 28 ndo dɔmbɛlɔ dia ndjihelo.

Lomingu la Ngɔndɔ ka Tanu 6

Osambo 141

Min. 10: Waewoyelo. Nyɔkɛtshanya sawo diele l’ɔtɛ a dui ɔnɛ: “Totetemale Kondja Wahɔ oma lo Tshoto y’Etangelo la Réveillez-vous !”

Min. 10: Tokongɛ Akambo Wayotosala lo Nshi ya Vakashi la Ntondo. Dako ndo ɔkɛtshanyelo l’ampokami. Ɛnya elimu wasalema mbala efula lo nshi ya vakashi, ɛnyɛlɔ: mbɔtɔ lo nshi yakɔ tshɛ ya losanganya la distrikɛ, kamba oko ombatshi mboka wa tshanda ngɔndɔ ɔtɔi kana ndekana, nɔngɔsɔla ngelo, ndo ondo tshɔ dihole dimɔtshi kana ndjasha yema lo tɔkɛnyɔ tɔmɔtshi. Lɔmba anto amɔtshi angana dia vɔ kɔndɔla eyango awɔ ndo woho wayowoyashikikɛ dia vɔ hawotonya yimba lo wekelo awɔ wa lo nkumbo, lo nsanganya ya l’etshumanelo ndo l’olimu w’esambishelo oyadi dihole tshɛ diayowotshɔ. Naka etshumanelo kekɔ la mbilo kahataleke kindjakindjama, kete ewoya tɛdikɔ tambɔsama dia kikindjakindja tshɛ. Ohola anto tshɛ dia sala woho w’omendji awɔ wa Wekelo wa Dibuku wa l’Etshumanelo nongolaka alapɔlɔ awɔ w’olimu, oyadi wekɔ la ngelo kana wakɛngɔla.

Min. 25: “Ngande Wakokaso Monga la Nkumbo Yele Nge lo Nyuma?”e L’ɔkɔngɔ wa nyu kɛtshanya sawo nɛ, kɔndɔla awui amɔtshi w’eshika w’oma lo Tshoto y’Etangelo ya Ngɔndɔ ka Sato 1, 1999, lɛkɛ 3-4.

Osambo 17 ndo dɔmbɛlɔ dia ndjihelo.

[Nɔte ka l’ɛse ka dikatshi]