Tobukubuku tendana la anto wele bu l’ɛtɛmwɛlɔ wa Akristo
Connaîtrons-nous un jour un monde sans guerre?
Wonya wasambishayɛ ose Juda, wɛ mbeyaka mbuta ɔnɛ:
“Efula l’atei aso tamongaka la lonyangu laya lam’avushaso onto ɔmɔtshi lokaso ngandji. Oko le yɛ, ngande wayalaso lam’avɔso na?” Tshikande akadimole. Oma lâsɔ, ko wɛ kotola yambalo yande lo kiombo yele l’ɔtɛ a dui ɔnɛ: “Alembetshiya nyɔi la anima na?” lo lɛkɛ 22 la biukubuku. Adia odingɔ 17 lo lɛkɛ 23 lɔtɛkɛtshiwɔ dikambo dia eolwelo. Ta dia owandji wa nkumbo Jɔbɔ aki la elongamelo ka eolwelo. Shande biukubuku, ndo toyalɔngɔsɔlɛ dia nyomoyowenda dia nyu ndjɔkɛtshanya avɛsa woshilami lo ekomelo k’odingɔ 17.—km 10/99 lɛkɛ 8.
‘Enda! Dimi leetɛ
diangɔ tshɛ eyoyo’
Wɛ mbeyaka mbutɛ osombe w’onto wele ose Buda ɔnɛ:
“Ondo ndo wɛ mbayakiyanya oko dimi lo kɛnɛ kendana la tokanyi ta kɔlɔ tambekɔnɛ le anaso ndo etombelo wa kɔlɔ wele la tokanyi takɔ. Bonde kamboleka ɛlɔngɔlɔngɔ l’esekaseka ndjakimɔ l’akambo wa mindo na? [Tshikande akadimole.] Onde wɛ mbeyaka dia dui sɔ diambotamaka lo dibuku dimɔtshi diakamɛ fundama la ntondo ka ndo ɔtɛmwɛlɔ a waa Mizilima, w’Akristo ndo wa waa Hindu tɔngɔ? [Adia 2 Timote 3:1-3.] Awui asɔ wekɔ lo tatetemala kânga mbatatetemala anto monga la diewo dia kalasa. [Adia divɛsa 7.] Okanda ɔnɛ akakimanyiya dia dimi shihodia akambo wa mɛtɛ wele anto efula wateyaka ndoko lushi. Onde wɛ nangaka mbowadja?”—km 8/99 lɛkɛ 8.
La direction venant de Dieu : le chemin qui mène au Paradis
Etena kasawolayɛ la ose Mizilima, wɛ mbeyaka mbuta ɔnɛ:
“Lekɔ lo ntsha tshɛ dia tɛkɛta l’ase Mizilima. Lakoke dia ase Mizilima mbetawɔka Nzambi ɔtɔi ka mɛtɛ ndo aprɔfɛta tshɛ. Onde dikambo sɔ diekɔ mɛtɛ? [Tshikande akadimole.] Dimi nangaka sawola la yɛ dikambo dia prɔfɛsiya kɛmɔtshi k’edjedja kata ɔnɛ nkɛtɛ kayokadimɔ paradiso. Onde dimi kokaka kadiɛ kɛnɛ kakafunde ɔprɔfɛta ɔmɔtshi? [Tshikande akadimole. Oma lâsɔ, adia Isaya 11:6-9.] Divɛsa nɛ mboholakami divɛsa dimɔtshi diofundami lo Kɔra diele lo biukubuku nyɛ.” Fola biukubuku lo lɛkɛ 9, ndo adia awui wofundami l’alɛta w’edima efula. Naka nde ambɛnya nsaki, tetemala sawola la nde ndo nyɔkɛtshanya odingɔ 7 polo 9 lo wedi okina wa dikatshi.—km 11/99 lɛkɛ 8.
La paix et le bonheur sans fin : comment les trouver? (lo Angɛlɛ)
Etena kasambishayɛ ombeki w’ose Chine, wɛ mbeyaka mbuta ɔnɛ:
“Dimi mɛnaka dia ambeki tshɛ ndjakiyanyaka lo dikambo diamɛ, mbuta ate oyangelo wa wɔladi ndo ɔngɛnɔngɛnɔ. Onde wɛ fɔnyaka dia dikambo sɔ diekɔ ohomba? [Tshikande akadimole.] Onde honga dikambo dia diambo efula dia mɛna ekotshamelo ka ɛtɛkɛta ɛnɛ w’edjedja?” Adia Osambu 37:11, ndo shande biukubuku.—km 3/98 lɛkɛ 5.
Nos problèmes — Qui nous aidera à les résoudre ?
Naka le ɔlɔngɔlɔngɔ w’ose Hindu, kete wɛ mbeyaka mbuta ɔnɛ:
“Aha la tâmu, wɛ mbetawɔka ɔnɛ Nzambi ekɔ. Oko le yɛ, Nzambi asangoyande lo dikambo diaso? [Tshikande akadimole. Oma lâsɔ, ko wɛ ndjadia Etatelu 1:28.] L’ahole efula, anto wekɔ lo mɔtana lɔmɔtana ndo wekɔ l’ekakatanu woho w’anyanya. Onde wɛ fɔnyaka dia Otungi ayetawɔ tokimanyiya dia sho kandola ekakatanu aso?” Tshikande akadimole. Oma lâsɔ, ko wɛ ndjowosha biukubuku.—km 9/99 lɛkɛ 8.
Pourquoi adorer Dieu en amour et en vérité ?
Mbɔtwɛlɔ kɛnɛ mbeyaka ngɛnyangɛnya ose Hindu lele la nkumbo:
“Dimi lekɔ lo tasawola l’anto wayakiyanya dikambo dia lɔsɛnɔ la nkumbo lo wedja efula ɛlɔ kɛnɛ. Oko le yɛ, kakɔna kakoka kimanyiya ase nkumbo dia vɔ monga kâmɛ? [Tshikande akadimole.] Anto amɔtshi mbeyaka kɛnɛ kata efundelo wa waa Hindu lo dikambo dia nkumbo, koko ndoko lushi lambowokondja diaaso dia mbɛdika dikambo sɔ la kɛnɛ kata Bible. Dimi nangaka sho kɛtshanya kanyi nyɛ. [Adia Kolosai 3:12-14.] Biukubuku nyɛ tɛkɛtaka dia efundelo w’ekila w’ase Inde ndo wa Bible.” Shande biukubuku, ndo tɔtɔmiya awui wa lo lɛkɛ 8-9 ndo 20-21.—km 9/99 lɛkɛ 8.