Ekadimwelo Lo Ambola Anyu

◼ Etena kakɔna kahombaso memadia wekelo wa Bible la ombeki?

Naka ombeki hayohama lo nyuma, kete wɛ kokaka memadia wekelo wa Bible la nde la yewo. (Mat. 10:11) Sɛdingola awui anɛ: Onde nde nɛnyaka wenya wakanyokana dia mbekaka? Onde nde nɔngɔsɔlaka wekelo la ntondo? Onde nde amboyaka lo nsanganya mɔtshi ya l’etshumanelo? Onde nde mbutɛka anto akina akambo wekande? Onde nde ekɔ lo nsala etshikitanu lo yoho yɔtɔnɛ l’atɔndɔ wa Bible? Lo mɛtɛ, dja yimba lo ɛnɔnyi wele lande ndo akoka ande, lo mbohɔka dia onto l’onto pamaka lo yoho yotshitanyi. Ndo nto, naka wɛ ambemadia wekelo wa Bible, wɛ koka mbotɛ ɔnɛ tayoyotatɛ nto la wekelo naka wɛ aya suke.—1 Tim. 2:4.