LƆSƐNƆ L’OKRISTO

Woho wa monga ombeki w’Afundelo wele l’etete

Onde wɛ nangaka monga la kɔlamelo la ntondo k’ehemba oko waki Danyɛlɛ? Danyɛlɛ akekaka Ɔtɛkɛta wa Nzambi l’etete tshɛ mbidja ndo prɔfɛsiya ya lotshimola. (Dan 9:2) Wekelo wa Bible wa l’etete koka kokimanyiya dia wɛ ntshikala la kɔlamelo. Lo ngande? Vɔ koka mfudia mbetawɔ kayɛ k’ɔnɛ alaka wa Jehowa wayokotshama. (Jas 23:14) Vɔ koka kokimanyiya nto dia mpamia ngandji kayɛ le Nzambi, ndo kɛsɔ kayokotshutshuya dia nsala kɛnɛ kele ɔlɔlɔ. (Os 97:10) Ko lende akokayɛ ntatɛ? Sɛdingola alako wayela anɛ.

Kakɔna kahombami mbeka? Mbekelo ka dimɛna ka wekelo nɔmbaka ndo ɔlɔngɔswɛlɔ wa nsanganya ya l’etshumanelo. Wadielo wa Bible wa lomingu la lomingu wayoleka monga la wahɔ naka wɛ mbɔsa etena ka nsala eyangelo lo awui wahayashihodia. Ndo nto, anto amɔtshi wakasɔnɛ dia mbeka awui efula wendana la prɔfɛsiya ya lo Bible, waonga wotshikitanyi wa olowa wa nyuma ka Nzambi, nkɛndɔ ya misiɔnɛrɛ y’ɔpɔstɔlɔ Pɔɔlɔ, ndo kaanga etongelo kɛnama ka Jehowa. Naka wɛ nkanyiya dimbola dimɔtshi dia lo Bible la yanyi, kete wɛ koka difunda ndo diɔ diayonga ɔtɛ a dui wa wekelo ayɛ wa mbala kekina.
Lende akokami ntana awui amɔtshi w’ohomba? Dia wɛ mbeya akambo amɔtshi, enda vidɛo yele l’ɔtɛ a dui ɔnɛ: Dihomɔ di’eyangelo dia mbishola akambo w’ohomba wa lo nyuma. Dia mbeya kana wɛ mbeyaka nkamba la dihomɔ di’eyangelo dia wekelo, sala eyangelo dia wɛ mbeya waa na wele mandji yolɛ andja w’otondo yele didjidji dia nyama yɔtɛkɛtami lo Danyɛlɛ 7.
Wenya engana wahombami ndjasha lo wekelo? Wekelo wa mbala la mbala ekɔ ohomba dia monga la demba dia dimɛna dia lo nyuma. Wɛ koka ntatɛ wekelo lo mbɔsaka tena dia tomondo ndo naka kokaka wɛ koka tadiyaka yema yema wenya wa wekelo. Wekelo w’Ɔtɛkɛta wa Nzambi ekɔ oko onto latatshime diangɔ di’oshinga wolo dioshɛmi, mbuta ate etena tshɛ kayoyotadisholaka mbayoyotalekaka nanga dia nyomotshima! (Tok 2:3-6) Nsaki kayɛ k’Ɔtɛkɛta wa Nzambi kayohama ndo wekelo wa Bible wa mbala la mbala wayotetemala monga dui dimɔtshi dia lo ekongelo kayɛ ka lushi la lushi —1Pe 2:2.

Dia wɛ nkondja alako lo kɛnɛ kendana la woho wa mbetɛ wekelo dui di’ɔngɛnɔngɛnɔ, enda Emɔ! ka Ngɔndɔ ka hende 2012, lk. 18-20, lo Falase.

NYAMA YƆTƐKƐTAMI LO DANYƐLƐ TSHAPITA 7 YEKƆ DIDJIDJI DIA NA?

DIMBOLA DIKINA:

Ngande wakakotshama Danyɛlɛ 7:8, 24?

Loseke la tshitshɛ lele la washo ndo la onyɔ lambotomba l’atei wa nseke dikumi ndo lɔ pakema l’atei wa nseke shato

MBALA KEKINA:

Nyama yɔtɛkɛtami lo Ɛnyɛlɔ tshapita 13 yekɔ didjidji dia na?