LƆSƐNƆ L’OKRISTO

Ewɔ tɔsɛngiya ta l’andja ɔnɛ etena kalɔngɔsɔlayɛ fɛtɛ ka diwala

Ɔnangɛso la kadiyɛso kalanga tshukana walɔngɔsɔla diwala mongaka la tɛdikɔ efula ta mbɔsa. Vɔ koka tshutshuyama dia mbokoya fɛtɛ yele l’awui wa tshambandeko wasalema l’ahole wewɔ. Angɛnyi ndo ase nkumbo yawɔ mbeyaka monga la tokanyi tawɔ hita lo woho wayosalema fɛtɛ ka diwala. Naa atɔndɔ amɔtshi wa lo Bible wakoka nkimanyiya wanɛ walanga tshukana dia nɔngɔsɔla fɛtɛ kawɔ ka diwala lo yoho ya vɔ ntshikala la nkum’otema ka pudipudi ndo aha la lonyangu?

ƐNYA VIDƐO YELE L’ƆTƐ A DUI ƆNƐ: FƐTƐ Y’AWALA YATOMBOLA JEHOWA NDO OMA LAASƆ, NYOKADIMOLE LO AMBOLA WAYELA ANƐ:

Ngande wakakimanyiya atɔndɔ wa lo Bible wayela anɛ Nick nde la Juliana?
Lande na kele Akristo walanga tshukana pombaka nsɔna Okristo wambotshunda lo nyuma dia monga “ɔnɔmbɔdi wa fɛtɛ”?—Jni 2:9, 10.
Ɛkɔkɔ akɔna wakatshutshuya Nick nde la Juliana dia nsɔna onto lakahombe monga ɔnɔmbɔdi wa fɛtɛ kawɔ ka diwala?
Onto akɔna ahomba mbɔsa yɛdikɔ y’ekomelo lo kɛnɛ kendana la sɛlɛmɔnyi ndo fɛtɛ ka diwala?—w06 11/1 19 od. 10.

Foto ka tenyi efula: Awui w’oma lo vidɛo yele l’ɔtɛ a dui ɔnɛ: ‘Fɛtɛ y’awala yatombola Jehowa.’ Nick nde la Julianna, atshukanyi w’Akristo, wekɔ lo nɔngɔsɔla fɛtɛ kawɔ ka diwala ndo wekɔ la tɛdikɔ efula ta mbɔsa. 1. Vɔ wekɔ lo nɔmba onto l’onto. 2. Wekɔ la tablɛtɛ ndo l’akatshi wɛnya eyangelo wambowosala. 3. Vɔ wakɛtshanya dia fɛtɛ kɛsɔ vɔ l’ase nkumbo. 4. Atshukanyi walɔngɔsɔla akatshi wa leeta vɔ l’ase nkumbo ndo l’angɛnyi awɔ