Ekakatanu wendana la nkɛtɛ​—Kɛnɛ kayosala Diolelo diaki Nzambi

“Ekakatanu wendana la djungudungu wekɔ la shɛngiya y’efula le anto, le wedja ndo le diangɔ dikina diasɛna. Mpɛpɛ ya welo yoonga l’ɔtɛ wotshikitanelo wa djungudungu, yekɔ lo ndanya mvudu ndo diangɔ diakoka anto nkamba la diɔ dia nsɛna l’andja w’otondo. Ahole wasɛna diangɔ dia l’etei ka ndjela wekɔ lo taleke monga lo waale ndo etombelo wele la dikambo sɔ ele, diangɔ efula hadiotonga la akoka wa mbika.”​—Inger Andersen, Secrétaire général adjoint des Nations Unies et Directeur exécutif du Programme des Nations Unies pour l’environnement, Ngɔndɔ k’esambele 25, 2023.

Onde wa nguvɛrnɛma yekɔ l’akoka wa monga kaamɛ dia nkandola ekakatanu wendana la nkɛtɛ k’otondo? Onde yekɔ la akoka mɛtɛ wa nkandola ekakatanu ɛsɔ?

Bible tɛkɛtaka dia nguvɛrnɛma kɛmɔtshi kayokandola ekakatanu wendana la nkɛtɛ k’otondo. Tɔ mbutaka dia “Nzambi ka l’olongo ayotondja Diolelo,” mbuta ate nguvernema kayolɛ la nkɛtɛ ndo kayokandola ekakatanu atɔ. (Danyɛlɛ 2:44) L’ɛse kɛlɔmbwɛlɔ ka nguvɛrnɛma kɛsɔ, anto “hawotosala ndooko kɔlɔ kana ndanya” nkɛtɛ ndo hawotosalanɛ kɔlɔ lam’asawɔ.​—Isaya 11:9.