Ewandji wa pɔlitikɛ wa kɔlɔ​—Kɛnɛ kayosala Diolelo dia Nzambi

Anto wekɔ l’ohomba wa lowandji lakokawɔ mbɛkɛɛ otema; vɔ wambohekɔ nɔmbɔma oma le ewandji wa pɔlitikɛ wa kɔlɔ. Lo ɔkɔnya ɔmɔtshi wakasalema l’andja w’otondo lo 2023, anto wakate dia ewandji mbele anto wahayoyaɛkɛ anto lɛwɔ.a

Bible tɛkɛtaka dia lowandji lele Owandji alɔ ayonga onto la mbɛkɛ otema lende, onto lele la losembwe ndo lahatosala ndooko dui dia kɔlɔ. Lowandji lɔsɔ ele Diolelo dia Nzambi ndo Owandji alɔ ko Yeso Kristo.​​—Isaya 9:7.

Yeso akɛnya oma l’etsha ande dia nde ndjakiyanyaka dikambo di’anto. (Mateo 9:35, 36) Oko Nkumekanga ka Diolelo dia Nzambi, ndooko edja nde ayela losembwe ndo wɔladi le wanɛ tshɛ wetawɔ ɛlɔmbwɛlɔ kande.​​—Osambo 72:12-14.