Kɛnɛ kayosala Diolelo dia Nzambi lo dikambo di’ata

L’andja w’otondo, ata wekɔ lo ntetemala ndanya diangɔ efula ndo mbela asui. Enda alapɔlɔ wayela ɛnɛ:

• “L’ɔnɔnyi w’etshi anto efula wakavu l’ɔtɛ w’ata, djekoleko l’Ethiopie la l’Ukraine oleki ɛnɔnyi ekina tshɛ ntatɛ lo 1994.”​—L’Institut de recherche sur la paix d’Oslo, Ngɔndɔ ka samalo 7, 2023.

• “Ta dia l’Ukraine diakaleke monga wolo lo 2022. L’andja w’otondo, awui wa ngala wakasalema l’ɔtɛ w’akambo wa pɔlitikɛ wakafule ɔnɔnyi wetshi ndodia l’anɛi ndo dui sɔ diakonge la shɛngiya le anto oko miliyara 1.7.”​—The Armed Conflict Location & Event Data Project (ACLED).” Ngɔndɔ ka hende 8, 2023.

Bible mbishaka elongamelo. Tɔ mbutaka ɔnɛ: “Nzambi ka l’olongo ayotondja Diolelo diahalanyemaki pondjo.” (Danyɛlɛ 2:44) L’ɛlɔmbwɛlɔ ka Diolelo kana lowandji laki Nzambi, nde ‘ayokomiya ata lo nkɛtɛ k’otondo.’​—Osambo 46:9.