Anto efula wekɔ lo ndjaoka opoko​​—Kakɔna kakokayɛ nsala diaha ndjaoka opoko?

• “Suke la kahende ɔtɔi k’epalanga wa l’États-Unis mbutaka dia wekɔ lo ndjaoka opoko, koko lo yoho ya laande ɛlɔngɔlɔngɔ.”​​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “[Tshunda dia l’andja w’otondo diendana l’akambo wa yoonge] akewoya yoho y’oyoyo ya woho wa nsɛna l’anto ndo akɛnya dia ndjaoka opoko ekɔ waale lo yoonge y’anto, ndo keketshaka anto dia monga la diɔtɔnganelo l’anto akina ndo ntana toho toleki amɛna ta ndɔshana la nsaki ka ndjaoka opoko lo wedja tshɛ oyadi wedja akɔ wekɔ wola kana ɔngɔnyi.”​—Tshunda dia l’andja w’otondo diendana l’akambo wa yoonge, Ngɔndɔ ka dikumi l’ɔtɔi 15, 2023.

Bible mbishaka alako w’eshika wakoka tokimanyiya dia monga la diɔtɔnganelo l’anto akina.

Atɔndɔ wa lo Bible wakoka tokimanyiya

Kitshakitsha elimu wakoka kanganya l’anto akina. Awui asɔ mendanaka ndo l’okambelo wamboleka wa la rezo sɔsio. Lo dihole dia nsala ngasɔ, yanga waaso wa monga kaamɛ l’anto akina ndo ɔtɔ la wɔ ɔngɛnyi.

• Tɔndɔ dia lo Bible: “Ɔngɛnyi wa mɛtɛ mbokanaka ngandji tena tshɛ ndo ekɔ ɔnanyɔ lakokayɛ mendɛ le nde lo tena dia paa.”​—Tokedi 17:17.

Yanga waaso wa nkimanyiya anto akina. Salɛ anto akina ɔlɔlɔ hakeketsha tsho lɔngɛnyi koko tokimanyiyaka dia sho ndeka ndjaoka dimɛna.

• Tɔndɔ dia lo Bible: “Ɔngɛnɔngɛnɔ waya lo mbisha ndeka wa nongola.”​—Etsha 20:35.

Ɔtɔ lo sitɛ kaso k’ɛtɛrnɛtɛ dia mbeya awui efula w’oma lo Bible wendana la woho wa mbɔtɔ lɔngɛnyi l’anto.