Dipotso tse di Tswang go Babadi
◼ A tota-tota batho ba ba lwalang le ba ba digole ba ne ba fodisiwa mo metsing a a neng a kgoberega a Betheseda, jaaka Yohane 5:2-7 e akantsha? Mme fa e le gore go ne go ntse jalo, dikgakgamatso tseo di ne di diragala ka nonofo ya ga mang?
Tota, polelo e e go Yohane 5:2-9 ga e tlhalose gare a diphodiso di le dintsinyana di ne tsa diragala mo mogobeng o o kwa Jerusalema wa bogologolo. Kgakgamatso e nngwe fela eo re ka tlhomamisang gare e ne ya diragala koo e ne e le e e neng e dirilwe ke Jesu Keresete fa a ne a fodisa monna yoo a neng a feditse dingwaga tse 38 a ntse a lwala. Re ka dumela kgakgamatso eno, ka go bo go begwa go mo Di kwalong tse di tlhotlheleditsweng. (2 Timotheo 3:16) Mme batho ba le bantsi mo Jerusalema ka nako eo ba ne ba dumela gore dikgakgamatso tse dingwe di ne di diragetse mo letelong leo, le eleng fela jaaka batho ba le bantsi gompieno ba dumela gore diphodiso tsa dikgakgamatso di a diragala kwa medingwaneng.
Tlhokomela se Bibela e se bolelang, le se tota e sa se bueng: “Mme jaana go na le lekadiba mo Jerusalema, fa kgarong ya dinku, je le bidiwang Betheseda mo puong ya Sehebera, le na le diobo di le tlhano. Mme mo diobong tse ga bo go le bontsi jwa balwetsi, le dihohu, le batlhotsi,le ba ba omeletseng. ——— Mme ga bo go le monna mongwe gona eo o tshwerweng ke seemera ka dingwaga di le masome a le mararo le botera e mebedi. E rile Jesu a mmona a namaletse fa fatshe, mme a itse fa a sa bolo go nna popegong e e ntseng jalo, a mo raya, a re, A o rata go fola? Molwetsi a mo fetola, a re, Morena, ga ke na motho ope yo ya reng metsi a kgoberwa a ntsenye mo lekadibeng: mme ya tle e re ke sa ntse ke tla, mongwe a fologele pele ga me. Jesu a mo raya, a re, Namologa. O tseye bolao jwa gago, o tsamaye. Mme monna yo a fola fela ka bonako, a tsaya bolao jwa gagwe, a tsamaya.”—Yohane 5:2-9, NW
Lekadiba le go neng go buiwa ka lone le ne le le gauti le ‘kgaro ya dinku: eo ka phepatalo e neng e le kata bokone-botlhaba jwa Jerusalema gaufi le thota ya tempele. (Nehemia 3:1; 12:39) Diphatololo tsa bosheng jaana di ne tsa senola bosupi jwa gore go ne go na le makadiba a le mabedi a bogologolo, le masalela a dipilara le bodilo jo bo supang gare go ne go na le kago foo e e neng e na le diobo mo metlheng ya ga Herode, jaaka fa Yohane 5:2 e bolela. Mme ke eng se batho ka nako eo ba neng ba gopola gare se ka nna sa diragala fano?
Elatlhoko thaladi e e mo tsopolong e e fa godimo ya Yohane 5:2-9. Dibibela dingwe tse di ntseng jaaka Bibela ya Setswana, di oketsa ka temana e nngwe e e kwadilweng Yohane 5:4. Koketso eo e balega ka tsela e e ntseng jaana: “Gonne moengele o na a tle a hologèle mo lekadibeñ motlha moñwe, me a kgobere metse; ke gōna eo e leñ oa ntlha go tsèna, metse a sena go kgoberwa, a hōle, leha e ka ne e le pobolō ehe e e mo chwereñ.”
Lefa go ntse jalo, Dibibela tsa motlha wa segompieno di le dintsinyana go akareletsa le New World Translation of the Holy Scriptures, di tlogela temana eo. Ka ntlhayang? Ka go bo e ne e seyo gotlhelele mo Etangeleng ya Johane. Mokwalo o o kwa tlase mo go The Jerusalem Bible o tlhalosa go re “bosupi jo bo nonotileng” bo tlola temana eno. “Bosupi jo bo nonotileng” go tewa mekwalo ya bogologolo ya Segerika, jaaka Codex Sinaiticus le Vaticañ 1209 (tsoopedi e le tsa lekgolo la dingwaga la bo-4 C.E.), le dithanolelo tsa pele tsa Syriac le Selatini. Morago ga go umaka ‘go sa nne gone ga temana 4 go tswa mo mekwalong e e tshwanetseng sentle.’ The Expositor’s Bible Commentary e oketsa jaana: “Gantsi e tsewa jaaka tlhaloso ya boteretere e e neng ya tsenngwa go tlhalosa kgoberego ya metsi ya nako le nako, eo batho ba neng ba e tsaya gare e ka nna motswedi o o fodisang.”
Jalo Bibela tota-tota ga e re moengele yo o tswang kwa Modimong o ne a dira dikgakgamatso mo lekadibeng la Betheseda. A mme gone diphodiso di ile tsa diragala fa metsi a ne a kgoberwa? Ga go na ope yo gompieno a ka bolelang jalo ka go tlhomamisa. Gongwe ka tsela nngwe go ne ga nna le tumelo ya gare batho ba ba lwalang le ba ba digole ba ne ba fodisiwa koo. Fa go sena go nna le magatwe a gare bathe bangwe ba ne ba fodisiwa, batho bangwe ba ba tlaletsweng ba ba neng ba batla go fodisiwa, ba ka nna ba bo ba ile ba kokoanela koo. Re itse gare sena se ile sa diragala mo matelong a a tarologaneng mo motlheng wa rona, le eleng fa go sena bosupi bope jo bo kwadilweng jwa gore ke diphodiso tsa bomodimo.
Lefa go le jalo, ga re a tshwanela go belaela phodiso eo Morwa Modimo a neng a e dira mo lekadibeng la Betheseda. Ebu, le eleng kwantle ga go tsena mo metsing, moñ na o ne a fodisiwa ka ponyo ya leitlho ke Ngaka e Kgolo. Kgono ya gagwe e e kwadilweng ya go dira se no e tshwanetse go re fa lebaka la gare re lebelele diphodiso tse a tla di dirang mo pusong ya Dingwaga tse di Sekete e e atamelang. O tla fodisa a bo a thusa batho ba ba ikanyegang gore ba boe gape ba itekanele.—Tshenolō 21:4, 5; 22:1, 2.
[Motswedi wa Setshwantsho mo go tsebe 31]
Pictorial Archive (Near Eastern History) Est.