Dipokano go Re Thusa go Dira Barutwa

BEKE E E SIMOLOLANG KA FEBRUARY 5

Pina 180

12 mets: Dikitsiso tsa lefelo la lona. Dira dithulaganyo gone jaanong jaana tsa gore o nne mmulatsela yo o thusang ka April. Otora dimakasine tse di oketsegileng tse o tla di tlhokang ka April le May. Itsise phuthego gore mpho ya kgwedi eno ke efe.

18 mets: “Dibuka Tse Di Sa Tswang Go Gololwa Di Re Thusa Gore Re Ithapise ka Poifo-Modimo.” Puo e e neelwang ka matlhagatlhaga e e kgothaletsang botlhe gore ba tlwaelane ka botlalo le dibuka tse di sa tswang go gololwa. O ka nna wa kopanyeletsa kakgelo e le nngwe kana di le pedi tse di bontshang kanaanelo tse di tswang mo bakaulengweng ba ba badileng dikgatiso tseno e bile ba di dirisitse.

15 mets: “Opelang go Tswa Pelong.” Dipotso le dikarabo. Kgothaletsa botlhe gore ba ithute dipina sentle, e le gore re ke re bake Jehofa go tswa pelong ka tsela eo re opelang ka yone.

Pina 190 le thapelo e e konelang.

BEKE E E SIMOLOLANG KA FEBRUARY 12

Pina 85

10 mets: Dikitsiso tsa lefelo la lona le Dikitsiso tse di tlhophilweng go tswa go Tirelo ya Rona ya Bogosi. Kgothaletsa botlhe gore ba tswele tirelong ya tshimo mo mafelo-bekeng ano. Boeletsa ditlhogo tseo di leng mo dimakasineng tsa bosheng tseo di ka dirisiwang ka katlego mo tshimong ya lefelo la lona. Pego ya madi. Bala dikitsiso tseo di dirilweng ke Mokgatlho tsa meneelo eo o e amogetseng ka January. Akgolela bakaulengwe go bo ba tshegetsa phuthego ya lefelo la lona ka meneelo.

15 mets: “Dimakasine Tse Di Tlhomologileng Tse Di Buelelwang.” Puo le motlotlo ka dintlha tseno ka dipotso di se kae. Kopanyeletsa maitemogelo a se kae a lefelo la lona a baboledi bao ba tsamaisang dimakasine mo tirong ya mmila, mo bosuping jo bo sa ikaelelwang, kana mo dimakasineng tse di isediwang batho ba ba rileng ka metlha.

20 mets: Dikakantsho Tse Di Mosola tsa Kafa Dimakasine Di Ka Tsamaisiwang ka Gone. Tlotla ka dikakantsho tse di latelang mme o bo o nna le baboledi bangwe ba akgela malebana le katlego eo ba nnileng le yone fa ba ne ba di dirisa: (1) Bala dimakasine mme o itse ditlhogo tsa tsone sentle. (2) Tlhopha ditlhogo tseo di tla kgatlhisang batho ba lefelo la lona ka mo go kgethegileng. (3) Leka go supa ka dimakasine mantsiboa. (4) Buelela setlhogo se le sengwe fela, o bo o buelele makasine o le mongwe fela, o mongwe o o tsamaise jaaka o o patang oo. (5) Bua ka bonya le ka tsela e o utlwalang sentle gore o a reng o dira jalo ka lentswe le le botsalano. Kgothaletsa botlhe gore ba leke dikakantsho tseno tse di mosola fa ba ntse ba leka go tsamaisa dimakasine mo tshimong ya lefelo la lona. Pina 6 le thapelo e e konelang.

BEKE E E SIMOLOLANG KA FEBRUARY 19

Pina 207

8 mets: Dikitsiso tsa lefelo la lona, go kopanyeletsa le dithulaganyo tsa ka mafelo-beke tsa tirelo ya tshimo.

7 mets: Melemo ya Thuto ya ka Metlha ya Legae ya Bibela. Puo. Phuthego ya ga Jehofa e na le masomesome a dingwaga e ntse e kgothaletsa ditlhogo tsa malapa gore di tshware thuto ya ka metlha ya Bibela le maloko a lelapa. Koo seno se ileng sa dirwa gone, go ile ga nna le melemo e le mentsi. Thuto e e ntseng jalo e ile ya tlatseletsa mo moyeng wa lorato le wa kagiso mo sedikong sa lelapa. Bana ba ile ba gatela pele go fitlhela ba fetoga batlhanka ba ba ineetseng ba ga Jehofa, ba ile ba nna le tlhotlheletso e e molemo mo phuthegong ya lefelo la bone, e bile gantsi ba ile ba tsenela tirelo ya nako e e tletseng. Seno se ile sa tlisetsa batsadi ba Bakeresete mmogo le ba bangwe bao ba ileng ba ba bona ba dira kgatelopele boipelo jo bogolo.

17 mets: Go Fitlhelela Dipelo tsa Basha. Mogolwane o tlotla ka bokhutshwane ka dintlha tse di tswang mo dikgatisong tseo di kwaletsweng go thusa basha segolo-bogolo. Mo godimo ga thuto ya ka metlha ya lelapa, maloko a lelapa a solegelwa molemo ke metlotlo ya semoya ka nako eo ba nang le sebaka sa go nna le yone ka yone. Dira pontsho ya motlotlo wa lelapa koo rre wa gone a nang le kamano e e molemo thata le bana gone. Motlotlo wa bone ke wa dikakgelo fela tseo di dirwang di ne di sa rulaganyediwa pele, ga se thulaganyo ya dipotso le dikarabo. Ngwana yo mongwe mo lelapeng o ne a kopile gore a a ka ya go tshameka le bana ba baagelani ba bone. Bona dintlha go tswa mo ditsebeng 64-7 tsa buka ya Dipotso Tse Basha Ba Di Botsang. Motsadi o botsa dipotso tseo di batlang gore go ntshiwe maikutlo gore a lemoge gore a bana ba tlhaloganya melao-metheo ya Dikwalo e e kopanyelediwang mo go seo le gore a ba dumalana nayo. Otlelela gore ditsala tse motho a atamalaneng le tsone ga go tlhokafale gore ka metlha e bo e le ba a lekanang nabo ka dingwaga. Tlhopha basha bao ba badileng dikarolo tsa buka eno, mme o utlwe dikakgelo tsa bone. Ba dire gore ba tlhalose gore ke ka ntlhayang fa dintlha tsa yone di le mosola. Kgothaletsa basha gore ba bale buka eno, o bo o otlelele kafa go tlhokafalang ka gone gore batsadi ba tlwaelane le diteng tsa yone e le gore ba ke ba kopanyeletse dintlha tsa yone tse di tshwanetseng mo metlotlong ya lelapa.

13 mets: Mogolwane o botsolotsa batsadi bao ba ileng ba nna le katlego mo go godisetseng bana mo boammaaruring kana bao ba nang le katlego mo go seno. Otlelela boipelo joo ba nnileng le jone le seo ba ileng ba se fitlhela se thusa mo go nneng le thuto ya lelapa le metlotlo ya ka metlha, e e nang le bokao. Ikuele go tswa pelong mo batsading gore ba nne le thuto ya lelapa ya ka metlha le gore basha ba tshwarisane le bone mo go seo. Maemo ga e kitla e nna a o a ratang ka metlha. Botlhe mo lelapeng ba tshwanetse ba tshwarisana mmogo. Fa ba dira jalo, ba ka thusana gore ba nne ba le mo tseleng ya botshelo.—1 Tim. 4:16.

Pina 123 le thapelo e e konelang.

BEKE E E SIMOLOLANG KA FEBRUARY 26

Pina 172

5 mets: Dikitsiso tsa lefelo la lona. Kgothaletsa botlhe gore ba iponele palo e e lekaneng ya buka ya Lefoko la Modimo le gore ba nne le seabe ka botlalo mo go tsamaiseng buka eno e ntšha mo tirelong ya tshimo ka mafelo-beke ano.

22 mets: “Go Neela Mafoko A A Molemo—Ka buka ya Lefoko la Modimo.” Dipotso le dikarabo. Mo serapeng sa 4, nna le mmoledi mongwe yo o nang le maitemogelo a dira pontsho ya kafa e ka neelwang ka gone mo tirong ya ka ntlo le ntlo. Otlelela ka moo go ka neelwang mong wa ntlo mabaka ka gone, o dirisa dirapa 2 le 4 tse di mo kgaolong 1. Fa lo sekaseka serapa 5 sa setlhogo seno, nna le mmulatsela a dira pontsho ya kafa go ka dirisiwang serapa sa tsenyeletso se se mo tsebeng 5 ka gone go tsamaisa buka eno mo tshimong ya kgwebo kana mo tirong ya mmila.

18 mets: “Go Bontsha Kafa Re Ikanyang Jehofa ka Gone ka go Bula Tsela.” Se tlotliwa ka botsalano, ka matlhagatlhaga ka dipotso le dikarabo ke molebedi wa tirelo. Botsolotsa mmulatsela a le mongwe kana ba le babedi, o bontsha dilo tse di ipedisang tse ba ileng ba nna le tsone fa ba ne ba fenya mathata mangwe. Bolela gore ke eng seo se dirwang mo lefelong la lona go neela babulatsela thuso ka tsela e e mosola.

Pina 14 le thapelo e e konelang.