Dipokano go re Thusa go Dira Barutwa

BEKE E E SIMOLOLANG KA DECEMBER 31

Pina 18

12 mets: Dikitsiso tsa lefelo la lona le Dikitsiso tse di tlhophilweng go tswa go Tirelo ya Rona ya Bogosi. Otlelela letsatsi le le kgethegileng la dimakasine ka April 6. Tlotlomatsa mpho ya January. Sekaseka diketapele tseo di ka nnang tsa dirisiwa le Setlhogo sa bosheng sa Motlotlo.

18 mets: “Lo Se Ka Lwa Lapa.” Tlotla ka dintlha tsa konokono tse di leng mo setlhogong seno. Kopa dikakantsho tse di tswang mo bareetsing fa lo tlotla serapa 3. Dira gore mmoledi yo o tshwanelegang a bontshe ka moo a ka tsamaisang mpho ka gone, a dirisa dikakantsho tse di leng go serapa 5. Kgothaletsa phuthego gore e nne e tshwaregile mo bodiheding jwa tshimo le gore ba se ka ba lapa kana ba kgobega marapo ka ntlha ya go se kgatlhege kana kganetso eo ba rakanang nayo.

15 mets: Go Anaanela Tiro ya Molebedi wa Potologo. Tlotla le bareetsi dintlha tse di leng kafa tlase ga “Molebedi wa Potologo” tse di leng go tsebe 47-50 tsa buka ya Re Rulaganyeditswe go Swetsa Bodihedi jwa Rona. Modulasetulo o tshwanetse a otlelela kafa re ka solegelwang molemo ka gone ke go tshegetsa loeto ka botlalo. Re tshwanetse ra anaanela sekao sa poifomodimo seo re se tlhometsweng ke molebedi wa potologo le mosadi wa gagwe mo go diragatseng kabelo ya bone.

Pina 147 le thapelo e e konelang.

BEKE E E SIMOLOLANG KA JANUARY 7

Pina 30

8 mets: Dikitsiso tsa lefelo la lona. Tlotla ka bokhutshwane ka dintlha tseo di ikuelang go tswa mo dimakasineng tseo di ka nnang tsa dirisiwa mo go neeleng bosupi mo bekeng eno.

20 mets: “A Bana ba Gago Ba Ipaakanyeditse go Boela kwa Sekolong?” Se sekasekiwa le bareetsi ka dipotso le dikarabo. Bala dirapa le dikwalo. Fa e le gore go na le maitemogelo ape fela ao a bontshang dintlha tseo go tlotlilweng ka tsone, a ka nna a neelwa fa nako e letla.

17 mets: Re Ka Ipoloka Jang Re Nonofile? Metseletsele ya dipotsolotso tseo di tlotlomatsang kafa go tlhokafalang ka gone go ipoloka re nonofile mme re sa lape. (1) Botsolotsa ba le babedi kana ba le bararo bao ba ntseng ba direla ka dingwaga di le dintsi mme e le dikao tse di molemo. Ba ile ba nna le dikgatelelo dife tsa go ba emisa go rera mme ba bo ba di fenya? Ke eng seo se neng sa ba thusa gore ba tswelele ba ntse ba tswetse pele mme ba sa lape? (Ba ka nna ba umaka thapelo, go nna gone ka metlha mo dipokanong, thuto eo e leng ya bone ka namana, kgothatso eo e tswang mo go ba bangwe, le tse dingwe.) Ke eng seo ba neng ba se dira gore ba itise kgatlhanong le go iketla kana go tlogela? (Ba ka nna ba umaka kafa go leng botlhokwa ka gone go kopanela ka metlha mo dipokanong, go boloka thuto eo e leng ya rona ka namana e le ya maemo a a kwa godimo, go anaanela kamano eo re nang le yone le Jehofa, le tse dingwe.) Ba ile ba boloka tekatekano ya semoya jang? (Ba ka nna ba umaka thuso eo e tswang mo bagolwaneng kana ba bangwe, go baya dikgatlhego tsa semoya kwa pele mo botshelong, go rapela Jehofa, le tse dingwe.) (2) Botsolotsa bana bangwe bao eleng baboledi ba ka metlha ebile e le dikao tse di molemo. Ke eng seo se ba thusitseng gore ba nne gone ka metlha mo tirelong? Batsadi ba ba thusitse jang? A baboledi ba bangwe ba a ba kgothatsa le go ba thusa mo tirelong ya tshimo? Mekgele ya bone ke efe mo tirelong ya ga Jehofa? Konela ka go boeletsa ka bokhutshwanyane dintlha tseo di tlotlilweng mo dipotsolotsong tseno.

Pina 10 le thapelo e e konelang.

BEKE E E SIMOLOLANG KA JANUARY 14

Pina 121

10 mets: Dikitsiso tsa lefelo la lona. Pego ya madi le lekwalo leo le bontshang gore meneelo e amogetswe. Akgola phuthego ka tsela eo e tshegetsang ka gone tiro ya lefatshe ka bophara le go bo e tshegetsa Letlole la Mokgatlho la Diholo tsa Bogosi. Tlhokomedisa tshedimosetso e e go “Ipaakanyetse Tlhabano ya Peeletso ya Tora ya Tebelo,” mme o kgothaletse baboledi gore ba kope dimakasine tse di oketsegileng tseo ba di tlhokang. Baboledi ba ka nna ba rata go tla ka Watch Tower Publications Index 1986-1989 ya bone mo pokanong ya Tirelo mo bekeng e e tlang.

20 mets: “Medical Document” le “Identity Card.” Mokwaledi o aba dikarata tseno mme o tlotla ka dirapa 1, 2, 4-7, 9, le 10 tsa lekwalo la Mokgatlho la January 1, 1990, mo ntlheng eno. Akantshana le bareetsi malebana le lebaka la go bo ditaelo di tshwanetse tsa latelwa ka kelotlhoko e le go dira gore dikarata tseno di direle ka katlego gore di re sireletse. Bagolwane ba ka nna ba batlisisa morago ga pokano jaaka fa ba ne ba dira mo ngwageng o o fetileng. O se ka wa senya nako go tlatsa dikarata tseno mme o di saene ka tshwanelo.

15 mets: “Ke Ka Kgona Jang Kgatelelo ya Balekane?” Mogolwane yo o tshwanelegang o tlotla ka dintlha tse di leng go kgaolo 9 ya buka ya Dipotso Tse Basha Ba Di Botsang a di tlotla le basha ba le babedi bao ba tlhomang sekao. Bontsha ka bokhutshwane gore go eletsa go tuma le gore o amogelwe ke basha go gogolo thata. Tota le eleng bagolo ba ka nna ba angwa ke kgatelelo ya go nna jalo. A go ile ga nna bonolo mo basheng gore ba lebane le seno? Ba ile ba atlega jang mo go e ganetseng? Dirisa “Dipotso tsa Motlotlo” tseo di leng go tsebe 80 go dira gore basha ba ntshe maikutlo a bone mme o bontshe ka moo go kgonegang ka gone gore ba nne le maatla a go emelelana le kgatelelo ya balekane. Bontsha gore o anaanela sekao se se molemo seo basha mo phuthegong ba se tlhomang. Jehofa o itumedisiwa ke sekao sa bone se se molemo mme seno se dira gore a tlotliwe.—Dia. 27:11.

Pina 108 le thapelo e e konelang.

BEKE E E SIMOLOLANG KA JANUARY 21

Pina 111

10 mets: Dikitsiso tsa lefelo la lona. Dikgang tsa Bolegodimo. Kopanyeletsa le dithulaganyo tsa tirelo ya tshimo ya mafelobeke. Neela dikakantsho malebana le gore ke ditlhogo dife mo dimakasineng tsa bosheng tseo di ka nnang tsa ikuela mo bathong thata bao ba leng mo tshimong ya lona. Mongwe le mongwe o tshwanetse a tla le sekaelo sa pampitshana e e reng Botshelo mo Lefatsheng Le Lesha la Kagiso mo Pokanong ya Tirelo ya mo bekeng e e tlang.

15 mets: “Go Diragatsa Bodihedi Jwa Rona Jwa Bogosi Re Thusiwa ke Index.” Puo ka mogolwane mme bareetsi ba nna le seabe. Bontsha ka moo mogolwane le motlhanka wa bodihedi ba ka nnang ba dirisa Index ka gone fa ba baakanyetsa go dira loeto lwa bodisa. Tlotla ka moo go ka rutiwang baboledi ka gone gore ba dirise Index gore ba nonotshe mmalo wa Bibela wa beke le beke. Fa e le gore Index ya Seesemane ga e gone, bontsha ka moo go ka dirisiwang Tatelano ya Ditlhogo ya ngwaga le ngwaga e e leng go Tora ya Tebelo le Tsogang! ka gone.

10 mets: “Lapolosa Balosika lwa Gago ka Metsi a Boammaaruri.” Seo se theilweng mo setlhogong seo se leng go February 15, 1990, sa Tora ya Tebelo, ditsebe 25-7.

10 mets: Ditiro tsa Motlhanka wa Dibuka. Molebedi wa tirelo o botsolotsa motlhanka wa dibuka, a boeletsa maikarabelo ao a kopanyelediwang moo. Go tla bo go le molemo gore go tlotlomadiwe ditlhokafalo tsa lefelo la lona tseo di neng di ka thusa go tokafatsa go tsamaisiwa ga dibuka pele ga dipokano le morago ga tsone.

Pina 203 le thapelo e e konelang.

BEKE E E SIMOLOLANG KA JANUARY 28

Pina 192

8 mets: Dikitsiso tsa lefelo la lona.

22 mets: “Go Neela Mafoko A A Molemo—Ka Dipampitshana le Dipampitshana tsa Taletso.” Se tlotliwa ka dipotso le dikarabo. Bala dikwalo. Morago ga gore lo sekaseke serapa 7, dira gore mmulatsela kana mmoledi yo mongwe yo o nang le bokgoni ba bontshe ka moo a simololang thuto ka gone mo loetong lwa go boela a dirisa pampitshana ya Botshelo mo Lefatsheng Le Lesha la Kagiso. Kgothaletsa baboledi gore ba dirise tsela eno ya go simolola motlotlo mo maetong a go boela, segolobogolo fa go ne go le thata go fitlhela beng ba matlo mo gae morago ga loeto lwa ntlha. Kopa baboledi bao ba ipaakanyeditseng gore ba akgele kaga ka moo ba ileng ba atlega ka gone ka go simolola motlotlo ka tsela eno. Tlhomamisa gore phuthego e na le dipampitshana tse di lekaneng le dipampitshana tsa go laletsa.

15 mets: A O Ka Kgona go Nna Mmulatsela Yo O Thusang ka April? Motlotlo o o bothitho ka mokaulengwe yo o nang le boitemogelo jaaka mmulatsela wa ka metlha kana yo o thusang. Botsolotsa ba se kae bao ba neng ba tshotse bobulatsela jo bo thusang mo nakong e e fetileng. Ba ne ba dira diphetogo dife gore ba fitlhelele mekgele ya bone? Tlotlomatsa dithulaganyo tse di thusang tseo ba neng ba di dira. Ereka setlha sa Segopotso se atamela, kgothaletsa baboledi ba ba kgatlhegang gore ba tlotle ka dithulaganyo tsa bone le mogolwane. Fa re ka nna le boikutlo jo bo siameng jaanong, ba le bantsi ba tla ipelela tirelo eno. Mo go ba bangwe seno e ka nna ya nna kgato ya ntlha ya go tsenelela tirelo ya bobulatsela jwa ka metlha. (kmTN 2/90 ts. 3) Diforomo tsa kopo di ka nna tsa bonwa go tswa go molebedi yo o okamelang kana mokwaledi.

Pina 151 le thapelo e e konelang.