Dipokano go re Thusa go Dira Barutwa

BEKE E E SIMOLOLANG KA APRIL 1

Pina 191

15 mets: Dikitsiso tsa lefelo la lona le Dikitsiso tse di tlhophilweng go tswa go Tirelo ya Rona ya Bogosi di tshwarwe ke molebedi wa tirelo. Tlotla ka dintlhakgolo tsa Segopotso, palo ya ba basha bao ba leng gone, le seo se ka dirwang mo bekeng eno go kgothatsa ba bangwe gore ba nne gone mo puong e e kgethegileng, “Go Nna Gone ga ga Mesia le Puso ya Gagwe,” ka April 7. Boeletsa dithulaganyo tsa tirelo ya tshimo tsa letsatsi le le kgethegileng la dimakasine ka April 6. Fa e le gore phuthego ya lona e na le kopano ya potologo kana letsatsi la kopano e e kgethegileng ka April 6, go tshwanetswe ga dirwa dithulaganyo tsa letsatsi le le kgethegileng la dimakasine gore e nne ka April 13. Itsise phuthego ka palo ya babulatsela ba ba thusang ka April. Kgothaletsa bao ba sa buleng tsela gore ba eme babulatsela ba ba thusang nokeng. Boeletsa le phuthego ka bokhutshwane ditaelo tse di leng malebana le Ka Moo go Ka Tladiwang Dipeeletso ka Tshwanelo ka Gone (S-11).

15 mets: “Go Diragatsa Bodihedi jwa Rona jwa Bogosi mo Phuthegong.” Puo eo e tla latelwang ke pontsho e e baakanyeditsweng sentle le motshwari wa thuto ya buka a tlhalosetsa banyalani ka moo Index e ka dirisiwang ka gone go bona tshedimosetso e e malebana le gore ke ka ntlha yang bokgaitsadi ba ipipa tlhogo le gore ba ka ipipa leng tlhogo. Fa e le gore Index ga e gone, bontsha dintlha tseno ka go dirisa tatelano ya ditlhogo tseo di tlhagang ngwaga le ngwaga mo ditokololong tsa December 15 le 8 tsa Tora ya Tebelo le Tsogang!

15 mets: Setlhogo se sesha sa Motlotlo. Tlotla ka Setlhogo se sesha le bareetsi. Gape, sekaseka dintlha di le mmalwa tse di ikuelang tse di tswang mo tokololong ya bosheng ya Tora ya Tebelo. Dira gore mmoledi yo o ipaakanyeditseng sentle a dire neelano e e latelang. “Dumela. Leina la me ke ________. Ke go etetse ka nakonyana e khutshwanyane ka gonne ke rata go go botsa potso nngwe. A o akanya gore kagiso eo e tla nnelang ruri e tla tla re santse re tshela? [Mo letle gore a arabe.] Fa re lebelela seo se diragetseng mo nakong e e fetileng, ga re na go le kalo mo go ka re dirang gore re nne le tsholofelo. Mme a o ke o tlhokomele seo se neng sa bolelelwa pele ka nako ya rona mo go Luke 21. [Bala ditemana 10, 11, 26.] Maemo ano a ntse a le gone fa e sale ka Ntwa ya Lefatshe I. Lefa go ntse jalo, ga re a tlogelwa re sena tsholofelo. One maemo ao a tshwenyang setho ano a bontsha gore Bogosi jwa Modimo bo tla tloga bo phepafatsa lefatshe mme bo lere kagiso e e nnetseng ruri. Jesu o tswelela a bolela jaana mo ditemaneng 28 le 31. [Bala ditemana tseno.] Ka jalo maemo ano a a utlwisang botlhoko le ao a kgobang marapo tota a bontsha gore phetogo e kgolo e tla tloga e diragala. A seno ga se dikgang tse di molemo? [Mo letle gore a arabe.] Setlhogo seno se se leng go Tora ya Tebelo [tlhopha serapa se se tshwanelang kana setshwantsho] se bontsha dingwe tsa diphetogo tseo di tla tlogang di nna gone le ka moo wena le lelapa la gago lo ka nnang lwa di ipelela ka gone.” Mo itsise ka peeletso ya moneelo wa R16,00. Fa a sa amogele peeletso, mo neele dimakasine tse pedi ka moneelo wa R1,40. Gape, mmoledi a ka nna a umaka ka palo ya dipuo tseo dimakasine di tsamaisiwang ka yone le ka moo tiro ya rona e tsamaisiwang ka gone mo lefatsheng lotlhe. Konela karolo eno ka go kgothaletsa botlhe gore ba dirise Setlhogo se sesha sa Motlotlo.

Pina 60 le thapelo e e konelang.

BEKE E E SIMOLOLANG KA APRIL 8

Pina 43

5 mets: Dikitsiso tsa lefelo la lona le Dikgang tsa Bolegodimo.

15 mets: “Go Neela Mafoko A A Molemo—Ka Botswerere Ka Mo go Oketsegileng ka go Reetsa.” Se tlotliwa ka dipotso le dikarabo. Fa lo sekaseka serapa 4, bontsha ka moo mmoledi a sekileng a dirisa ditshono tse di molemo ka gone tsa gore a ka nna le motlotlo o o molemo ka ntlha ya go se lemoge dikakgelo tsa mong wa ntlo malebana le dilo tse di mo amang ka namana. Botsa bareetsi ka moo e ka bong e ile ya tshwarwa ka gone. Morago ga moo, dira gore mmoledi yono a boeletse pontsho eno, mme mo lebakeng leno a bontshe ka moo e tshwanetseng ya dirwa ka gone ka tsela e e tshwanetseng ka go nna le motlotlo o o molemo le mong wa ntlo.

25 mets: “Go Roba go ya ka Selekanyo sa Boiteko Joo Re bo Dirang ka Namana.” Puo le motlotlo o o theilweng mo setlhogong se se leng mo tsenyeletsong. E tshwarwe ke mogolwane. Bontsha ka moo dintlha tseno di dirang ka gone mo lefelong la lona. Dirapa le dikwalo tse di tlhagisitsweng di ka nna tsa balwa fa nako e letla.

Pina 128 le thapelo e e konelang.

BEKE E E SIMOLOLANG KA APRIL 15

Pina 28

10 mets: Dikitsiso tsa lefelo la lona le pego ya madi. Kopanyeletsa le gore Mokgatlho o bontsha gore o anaanela tshegetso ya madi eo e dirwang mo tirong ya lefatshe lotlhe. Akgola bakaulengwe ka ntlha ya kemonokeng ya bone eo ba e dirang ka bopelotshweu mo dilong tseo phuthego ya lona e di tlhokang. Kgothaletsa botlhe gore ba nne le seabe ka botlalo mo ditirong tse di kgethegileng tsa April. Re ikaeletse go feta palo ya baboledi ba ba 50 000.

15 mets: “Kgothaletsa Ba Bangwe Gore ba Bale Tora ya Tebelo.” Puo eo e neelwang ka matlhagatlhaga eo e tla latelwang ke dipolelo di le pedi kana di le tharo tse dikhutshwane tse di baakanyeditsweng sentle tseo di tswang mo baboleding ba bolela lebaka la go bo ba anaanela Tora ya Tebelo le ka moo ba ileng ba solegelwa molemo ka gone ke go e bala ka metlha.

20 mets: “Simololang Dipokano ka Nako Lo Bo Lo Di Konele ka Nako.” Se tlotliwa ka dipotso le dikarabo. Balang dirapa tsotlhe.

Pina 8 le thapelo e e konelang.

BEKE E E SIMOLOLANG KA APRIL 22

Pina 118

10 mets: Dikitsiso tsa lefelo la lona. Boeletsa dithulaganyo tsa go phepafatsa Holo ya Bogosi. Thusa bakaulengwe gore ba lemoge ka moo go tlhokafalang ka gone gore go dirisanngwe mmogo mo go bolokeng lefelo leo Jehofa a obamelwang mo go lone le le phepa.—Go bona tshedimosetso e e oketsegileng bona setlhogo se se reng “A O Tlotla Holo ya Lona ya Bogosi?” se se leng go tsebe 7 ya Tirelo ya Rona ya Bogosi ya August 1989.

15 mets: “Dirisa Dikgatiso tsa Rona ka Tsela E E Molemo.” Se tlotliwa ka dipotso le dikarabo. Dira gore go nne le pontsho e le nngwe kana di le pedi tse dikhutshwane tseo di bontshang ka moo mmoledi a bonang seo se tlhokwang ke mong wa ntlo pele ga a mo neela buka e e tshwanelang.

10 mets: Tiro ya Balebeledi. Botsolotsa mokaulengwe yo o etelelang pele go balebeledi. Tlotla ka ditiro tsa bone le ka moo phuthego e ka dirisanang mmogo le balebeledi ka gone. (Bona Re Rulaganyeditswe go Swetsa Bodihedi jwa Rona, ditsebe 63-4, le Tirelo ya Rona ya Bogosi, December 1989, tsebe 3.) Umaka gore ka dinako tse dingwe balebeledi ba ka nna ba tlhokomedisa batsadi ka moo go tlhokafalang ka gone gore ba boloke modumo o o bakwang ke bana ba bone o le kwa tlase. Balebeledi gape ba tlhokomela gore go nne le go kgotsofala le thulaganyo mo dipokanong tsa rona, ba bala bao ba leng gone, ba thusa batho ba ba godileng le bao ba sa kgoneng gore ba bone ditulo, le tse dingwe.

10 mets: Go Dirisa Dipamphitshana mo Bodiheding. Bontsha bakaulengwe dipampitshana di le mmalwa tse di leng gone, mme lo sekaseke ditsela di le mmalwa tseo di ka dirisiwang ka tsone. Dira gore bareetsi ba akgele ka moo ba dirisang dipampitshana ka gone mme gongwe lo bo lo ka bolela maitemogelo mangwe ao ba nnileng le one. Ka January re ne ra tlotla ka moo dipampitshana di ka dirisiwang ka gone go simolola dithuto. Dira gore go bolelwe maitemogelo malebana le ditlamorago tseo di nnileng gone ka ntlha ya go dira jalo. Bona gape Index setlhogo se se reng “Tracts” go lebelela maitemogelo a mangwe fa o di dirisa.

Pina 181 le thapelo e e konelang.

BEKE E E SIMOLOLANG KA APRIL 29

Pina 221

5 mets: Dikitsiso tsa lefelo la lona. Kgothaletsa botlhe gore ba tlise dipego tsa bone tsa tirelo ya tshimo le tsa dithuto tsa Bibela ka nako.

15 mets: Tsela Eo O Ka Dirisang Nako ya go Ikhutsa ka Tekatekano ka Gone. Botsolotsa basha ba se kae malebana le nako ya go ikhutsa. Dirisa dintlha tse di leng mo bukeng ya Dipotso Tse Basha Ba Di Botsang, dikgaolo 35 go ya go 37. Mokaulengwe yo o tshwereng potsolotso eno a ka nna a botsa jaana: Ke ka ntlha yang fa o tshwanetse wa tlhopha seo o se balang? O ka tlhopha jang dilo tse di tshwanetseng tse o tla di balang? Ditlamorago dingwe tse di tla senyang tseo di leng gone ka go lebelela thelebishene ke dife, mme e ka laolwa jang? Ke ka ntlha yang fa o sa latlhegelwe ke sepe fa o sa latele seo se dirwang ke basha ba bangwe ba lefatshe? Ke ka ntlha yang fa go ba etsa go ka nna ga nna kotsi? Ke ditsela dingwe dife tseo o di boneng tsa go ipelela boitapoloso jo bo phepa? Ke ka ntlha yang fa o tshwanetse wa nna le tekatekano mo karolong eno?

15 mets: Rera ka Ntlo le Ntlo. Puo eo e neelwang ka matlhagatlhaga le eo e kgothatsang e e leng go Re Rulaganyeditswe go Swetsa Bodihedi jwa Rona, ditsebe 84-7. Bontsha kafa e dirang ka gone mo lefelong la lona, o bontsha dithulaganyo tseo phuthego e di dirileng tsa go neela bosupi ka setlhopha ka ntlo le ntlo. Bontsha kafa go leng botlhokwa ka gone gore go thapisiwe baboledi ba basha gore ba nne le bokgoni mo bodiheding jwa ka ntlo le ntlo.

10 mets: Dilo tse di tlhokafalang mo lefelong la lona kana puo e e go “Puso E E Lolameng E Tsile!” e e go ditsebe tsa 25-9 tsa January 8, ya Tsogang!

Pina 12 le thapelo e e konelang.