Dipokano Tsa Tirelo ka December

ELANG TLHOKO: Tirelo ya Rona ya Bogosi e tlile go nna le thulaganyo ya Pokano ya Tirelo ya beke nngwe le nngwe ka December le January. Diphuthego di ka nna tsa dira diphetogo tse di tla di nayang sebaka sa go nna gone kwa Kopanong ya Kgaolo ya “Thuto ya Bomodimo” mme morago ga moo di nne le poeletso ya dintlhakgolo tsa thulaganyo eo ka metsotso e le 30 mo Pokanong ya Tirelo mo bekeng e e latelang. Poeletso ya letsatsi lengwe le lengwe e abelwe bakaulengwe ba le babedi kana ba le bararo ba ba tshwanelegang go sale gale ba ba tla kgonang go tlhoma mogopolo mo dintlheng tsa konokono. Poeletso eno e e baakanyeditsweng sentle e tla thusa phuthego go gakologelwa dintlha tsa konokono tse ba tla di dirisang ka namana le mo tshimong. Dikakgelo tsa bareetsi le maitemogelo a a amanang le seo di tshwanetse tsa khutshwafadiwa e bile di opa kgomo lonaka.

Beke E E Simololang ka December 6

Pina 205

10 mets: Dikitsiso tsa phuthego ya lona le Dikitsiso tse di tlhophilweng go Tirelo ya Rona ya Bogosi.

20 mets: “Go Bontsha Lorato Kwa Kopanong ya ‘Thuto ya Bomodimo.’” Puisano ya dipotso le dikarabo mme dintlha tsa yone di golaganngwa le lefelo la lona. Gakolola mongwe le mongwe gore a ithekele betšhe le gore a nne a e tsentse ka dinako tsotlhe, le e leng fa a le mo loetong lwa go ya kwa kopanong le fa a boa.

15 mets: “Dikgakololo tse di Tlileng ka Nako.” Puisano e e tla tshwarwang ke mokwaledi. O dirise gape le tshedimosetso e e mo lekwalong le le neng le kwaletswe diphuthego tsotlhe la October 18, 1993. Kopa mongwe le mongwe gore a latele dikgakololo tseno ka kelotlhoko gore a tle a tlhomamise gore o tla ntsha pego e e molemo ka December.

Pina 169 le thapelo e e konelang.

Beke E E Simololang ka December 13

Pina 146

10 mets: Dikitsiso tsa phuthego ya lona, pego ya tsa madi, le dikitsiso tsa gore meneelo e amogetswe. Akgolela phuthego go bo e tshegetsa dilo tse di tlhokegang mo lefelong la lona, Letlole la Mokgatlho la Diholo tsa Bogosi, le tiro ya Mokgatlho ya lefatshe ka bophara ka bopelotshweu. Akantsha ntlha e le nngwe kana di le pedi tse motho a ka di dirisang fa a simolola go bua mo tirelong ya tshimo mo mafelobekeng ano.

20 mets: “Thusa Ba Bangwe Gore Ba Ithute Kaga Jesu Keresete, Morwa Modimo.” Se akarediwe ka dipotso le dikarabo. Dira pontsho ya dintlha tsa motlotlo tse di mo serapeng sa 2 (e dirwe ke mmoledi yo o nang le maitemogelo) le serapa 4 (ka mmoledi yo mmotlana). Kgothatsa mongwe le mongwe gore a tsamaise buka ya Monna yo Mogolo ka ntlo le ntlo le fa a neela bosupi jo e seng jwa ka tlwaelo.

15 mets: “Go Simolola Dithuto tsa Bibela ka December.” Puisano le bareetsi. Fa lo sekaseka serapa 4, dira pontsho ya kafa o ka simololang thuto ya Bibela ka gone fa o dira loeto lwa go boela. Kgothatsa mongwe le mongwe gore fa go kgonega kgwedi nngwe le nngwe a nne le thuto ya Bibela e a e tshwarang.

Pina 165 le thapelo e e konelang.

Beke E E Simololang ka December 20

Pina 189

5 mets: Dikitsiso tsa phuthego ya lona. Umaka dithulaganyo tsa phuthego ya lona tsa go neela bosupi jo bo kgethegileng ka December 25.

15 mets: “Ama Pelo ya Motho yo o Ithutang Bibela le Ene.” Dipotso le dikarabo, mmogo le pontsho. Gatelela ntlha ya gore mongwe le mongwe mo phuthegong o tshwanetse go leka thata gore a tokafatse botswerere jwa gagwe jwa go ruta. Morago ga go sekaseka serapa sa 3, mmoledi o dira pontsho ya kafa motho a ka akantshanang ka gone le motho yo a ithutang Bibela le ene ka go dirisa dipotso le ditemana tse di mo dirapeng 13 le 14 mo kgaolong ya 1 ya buka ya Tshelela Ruri.

15 mets: “Iphe Nako ya go Tsamaisa Dimakasine.” Puo, mmogo le puisano le bareetsi. Fa lo sekaseka serapa sa 3, bontsha kafa ditlhogo tse di farologaneng tse di mo dimakasineng tsa bosheng di ka tlhalosediwang batho ba mefuta e e farologaneng ba motho a ka kopanang le bone mo tshimong ya lona.

10 mets: “Jala Ka Bogolo Gore O Robe Ka Bogolo.” Motlotlo wa dipotso le dikarabo. Dira gore setlhogo seno se tshwanele lefelo la lona. Begela phuthego ka dithulaganyo tse di dirilweng go ba thusa go nna le seabe mo tirong ya dimakasine beke nngwe le nngwe. Bolela palo ya dithuto tsa Bibela tse di tshwarwang mo lefelong la lona le gore ke batho ba le kae ba ba dirilweng barutwa mo ngwageng o o fetileng wa tirelo. Kgothatsa batho botlhe gore ba leke ka natla go nna le seabe ka botlalo mo tirong ya go anamisa dimakasine le go tshwara dithuto tsa Bibela.

Pina 61 le thapelo e e konelang.

Beke E E Simololang ka December 27

Pina 37

15 mets: Dikitsiso tsa phuthego ya lona. Dikgang Tsa Puso ya Modimo. Bolela dithulaganyo tse di kgethegileng tsa tiro ya go neela bosupi ka January 1. Dira pontsho ya kafa motho a ka dirisang ka gone buka e e tla bong e tsamaisiwa mo lefelong la lona ka January.

15 mets: “Dira ka Moya Otlhe mo Tirelong ya Gago.” Puo ka mogolwane. Fa lo tlotla ka serapa 2, akgela ka dintlha tse di tswang go Tora ya Tebelo e e supilweng. Fa o konela, bala Malaki 3:10 mme o bo o tlhalosa ka tsela e e lo amang ka teng.

15 mets: “Yearbook—Letlotlo la Kgothatso.” Puo e e neelwang ka matlhagatlhaga e e tlhalosang ka fa ditemana tse di umakilweng di re amang ka teng. Rulaganya gore go nne le baboledi ba ba ipaakanyeditseng sentle gore ba anele maitemogelo a a mo setlhogong seno le maitemogelo a a leng mo go tsebe 32 ya tokololo ya Tora ya Tebelo ya January 1, 1990, January 1, 1987, le January 1, 1986 ka tsela e e amang pelo.

Pina 120 le thapelo e e konelang.