Dipokano Tsa Tirelo Tsa November
Beke e e Simololang ka November 4
Pina 29
10 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Akgela ka pego ya tirelo ya tshimo ya August ya phuthego ya lona. Kgothaletsa ba ba iseng ba tlise dipego tsa bone tsa tirelo ya tshimo gore ba di tlise ka bonako.
15 mets: “A o Tshwara Lefoko la Modimo Sentle?” Dipotso le dikarabo. Akaretsa dikakgelo tse di go “Mabaka a go akanyetsa Bibela,” mo bukeng ya Go Fetolana, ditsebe 62-4.
20 mets: “Botshelo Jo bo Sa Khutleng ke Jo.” (Dirapa 1-5) Morago ga dikakgelo tse dikhutshwane tse di bulang tsa serapa 1, dira gore baboledi ba le babedi ba ba nang le bokgoni ba bontshe kafa ba ka buisanang le batho ka gone ka dirapa 2-5. Gatelela mokgele wa go simolola thuto ya Baebele.
Pina 128 le thapelo e e konelang.
Beke e e Simololang ka November 11
Pina 40
10 mets: Dikitsiso tsa phuthego ya lona. Pego ya diakhaonto.
20 mets: Ke ka Ntlha Yang fa o Tshwanetse go Naya Jehofa? Bagolwane ba babedi ba a tlotla, ba tlotlomatsa dintlhakgolo tse di mo setlhogong se se mo ditsebeng 28-31 tsa Tora ya Tebelo ya November 1, 1996. Kana tshedimosetso eno e ka neelwa ke mogolwane e le puo.
15 mets: “Botshelo Jo bo Sa Khutleng ke Jo.” (Dirapa 6-8) Tlotla ka melemo ya go dirisa mokgwa wa go simolola dithuto ka go e buelela ka tlhamalalo. Dira gore baboledi ba ba nang le boitemogelo ba bontshe kafa ba ka buisanang le batho ka gone mo dirapeng 6-7. Kopa bareetsi gore ba bolele ka makgetlho ao mo go one thuto e neng ya simololwa mo loetong lwa ntlha. Fa monna mongwe a ne a bodiwa gore a a ka rata go ithuta, o ne a araba jaana: “Ee. Tsenang. Nka rata go ithuta.” Go ne ga simololwa go ithuta le ene, lelapa lotlhe la gagwe la nna gone mo bekeng e e latelang, mme go ise go ye kae ke fa ba nna gone botlhe kwa dipokanong e bile ba nna le seabe mo tirong ya go neela bosupi. Kgothaletsa botlhe gore ba tle le dikhopi tsa bone tsa tsenyeletso ya Tirelo ya Rona ya Bogosi ya June 1996 mo Pokanong ya Tirelo ya beke e e tlang.
Pina 129 le thapelo e e konelang.
Beke e e Simololang ka November 18
Pina 140
10 mets: Dikitsiso tsa phuthego ya lona.
15 mets: “Re Romilwe.” Dipotso le dikarabo. Akgela ka bokhutshwane ka dirapa 13-16 tsa Tora ya Tebelo ya January 1, 1988, ditsebe 28-9.
20 mets: Go Tshwara Dithuto Tsa Baebele Tse di Gatelang Pele. Puo ka molebedi wa tirelo. Re na le sebaka se se batlang se dira ngwaga re ntse re dirisa buka ya Kitso mo dithutong tsa Baebele. Go ka direga gore diithuti dingwe di setse di e feditse, fa ba bangwe bone ba setse ba ela go e fetsa. Re ne ra kgothalediwa gore re tlhome mogopolo mo go tshwareng dithuto ka boikaelelo jwa go thusa batho ba basha gore ba ithute boammaaruri ka bonako, ba bo dirise mo matshelong a bone, mme ba nne karolo ya phuthego. Tsenyeletso ya Tirelo ya Rona ya Bogosi ya June 1996 e re neile dikakantsho tse di molemo tsa go re thusa gore re nne barutisi ba ba molemo. Ka bokhutshwane boeletsa dingwe tsa dilo tse re ka di dirang gore re rute diithuti ka botswerere, jaaka fa di tlhalositswe mo dirapeng 3-13 tsa tsenyeletso eo. Morago ga moo, gatelela dilo tse go tlhokegang gore di dirwe go ba thusa go tsaya kgato e e siameng, jaaka go tlhalositswe mo dirapeng 14-22. Bala dirapa 15, 17, 20-1. Boeletsa dipego dingwe tse di molemo tse di bontshang kafa baboledi ba phuthego ya lona ba ileng ba nna le matswela a a molemo ka gone. Kgothaletsa ba ba oketsegileng gore ba nne le seabe mo tirong ya go tshwara dithuto tsa Baebele.
Pina 85 le thapelo e e konelang.
Beke e e Simololang ka November 25
Pina 46
5 mets: Dikitsiso tsa lefelo la lona.
15 mets: “A o Anaanela New World Translation?” Puo e neelwa ke mogolwane. Kgothaletsa phuthego gore e dirise New World Translation of the Christian Greek Scriptures ka dipuo tse di dirisiwang mo lefelong la lona. Mokgatlho o rata go dira gore dikhopi tsotlhe tsa thanolo eno di fitlhe mo matsogong a batho pele ga go gololwa New World Translation e e feletseng.
10 mets: Lebokoso la Dipotso. Tlotla le bareetsi.
15 mets: Sekaseka Mpho ya Buka ya December. Tsamaisa New World Translation le buka ya Bibela—A Ke Lefoko la Modimo Kana Ke la Batho? O dirisa ditsebe 327-31 tsa buka ya “Lokwalo Longwe le Longwe,” bontsha kafa New World Translation e leng ya maemo a a kwa godimo ka teng. E tlotlomatsa le go godisa leina la Modimo (dirapa 1-2), mafoko a yone a bosheng a dira gore mmalo o tlhaloganyesege sentle (serapa 6), e bile ke sedirisiwa se se maatla se re ka se dirisang mo bodireding (dirapa 22-3). Bolela kafa go ka buisanwang le batho ka gone ka bokhutshwanyane o bo o bontshe gore seno se ka dirwa jang o dirisa dintlha tse di mo tsebeng ya 189 ya Bibela—A Ke Lefoko la Modimo Kana Ke la Batho? Fa New World Translation e seyo ka dipuo dingwe tse di dirisiwang mo lefelong la lona, baboledi ba tshwanetse ba tsamaisa thata buka ya Bibela—A Ke Lefoko la Modimo Kana Ke la Batho? Gongwe le gongwe kwa go bontshitsweng kgatlhego gone, go tshwanetse ga dirwa dithulaganyo tse di tlhomameng tsa go boela.
Pina 180 le thapelo e e konelang.